PUTEEK KHAT LEH GUTA IN THONGKIA A TAPA' LAI KIKHAKNA (Tangthu tomno khat)
Lokho mi khat hi napi-in thatang hatna munte ah sep ding a zo zo nawn lo puteek khatin thongkia a tapa kiangah hih bangin lai khak hi:
Ka it mahmah ka tapa aw,
Na dam ding lametna tawh sinkham lungkham kawmpipi in hong hopih ing. Nang lah thong sungah hong kikhumcipna sawt ta a, tu kum bei ma-in hong suakta nai lo ding hi. I allu
ciin' lo kalh ding ka tha in zo nawn lo ahih manin nang hong ngak hi. Tua ahih manin tu kum allu in i ciing thei kei ding hi. Thong kia loin inn om hi lecin mot om het loin i allu lo va kalin na hong huh nop ding lamtak ka thei hi.
Hong phawk,
Keimah na pa.
A tapa in zong a pa' laikhak a muh phetin hong pah saisai a, a sim khitin hih bangin thukkik pah samsam hi:
Pa aw,
Tu kum i allu lo kalh ding na lunghimawh sese dah in. Tu kum alllu kiciing thei lo ding hi, ci-in na lungkham leh lungsi deda kei ta peuh in. Mihau khat kiangah a meet tawh lohkik dingin na deih zahzah sum va leitawi lel in. I lo kuamah na kalhsak peuhmah kei maw? Bang hang hiam cih leh ka thongkiatna hang pen bank buluhin sum ka gukna hang hi cih na thei a, ka sum gukte i allu lo lai-ah lei thuk lo to-in kuamah muh loh dingin ka phum sim ahi hi. Kuamah na kalh sak peuhmah kei in.
Hong it,
Na tapa.
Thongcingte in thongkiapa' laikhak a pa a piak ma-in na sim hon' sakin na simsak pah uh a, za khan'na (promotion) ngah ding hita hang ei, cih kilametna leh lawp henhanna tawh thongcingte team khat tua allu lo lam delhin meital liangin tai pah henhan uh hi. Tua allu lo ciing a buppi-in hun tomno sungin a kalh khit pah hangun bangmah mu loin hehsa-in guak kik uh hi.
A zing ciangin thongkiapa in a pa lai khak kik a, "Pa aw, thong sung panin ka hong huh theihsun tua teng hi. I allu lo ah pha na sak hun ciangin nangma deih bangbangin allu na tuh/suan ta in," cih teng gelh hi.
Moral: Lamet bei leh cimawh kisa-in thong sungah na om laitak nangawnin ngaihsutna khuak zang thei peuh lecin na lianpi na sem thei veve hi. Khuak zat siamte in a piang thei lo dingin a kingaihsun khinsa nangawn olno takin hih thei ziau uh hi. I khuak pen sazuk in kiman'na ding a nei lo a ki a mot puak ngaungau bangin i luzaang ah i mot puak ngaungau lel dingin Pasian in hong bawlsak hilo ahih manin a zatna ding a kisapna munte i zat theih ding thupi hi.
Thang Khan Lian #ZUNs reports
Ka it mahmah ka tapa aw,
Na dam ding lametna tawh sinkham lungkham kawmpipi in hong hopih ing. Nang lah thong sungah hong kikhumcipna sawt ta a, tu kum bei ma-in hong suakta nai lo ding hi. I allu
ciin' lo kalh ding ka tha in zo nawn lo ahih manin nang hong ngak hi. Tua ahih manin tu kum allu in i ciing thei kei ding hi. Thong kia loin inn om hi lecin mot om het loin i allu lo va kalin na hong huh nop ding lamtak ka thei hi.Hong phawk,
Keimah na pa.
A tapa in zong a pa' laikhak a muh phetin hong pah saisai a, a sim khitin hih bangin thukkik pah samsam hi:
Pa aw,
Tu kum i allu lo kalh ding na lunghimawh sese dah in. Tu kum alllu kiciing thei lo ding hi, ci-in na lungkham leh lungsi deda kei ta peuh in. Mihau khat kiangah a meet tawh lohkik dingin na deih zahzah sum va leitawi lel in. I lo kuamah na kalhsak peuhmah kei maw? Bang hang hiam cih leh ka thongkiatna hang pen bank buluhin sum ka gukna hang hi cih na thei a, ka sum gukte i allu lo lai-ah lei thuk lo to-in kuamah muh loh dingin ka phum sim ahi hi. Kuamah na kalh sak peuhmah kei in.
Hong it,
Na tapa.
Thongcingte in thongkiapa' laikhak a pa a piak ma-in na sim hon' sakin na simsak pah uh a, za khan'na (promotion) ngah ding hita hang ei, cih kilametna leh lawp henhanna tawh thongcingte team khat tua allu lo lam delhin meital liangin tai pah henhan uh hi. Tua allu lo ciing a buppi-in hun tomno sungin a kalh khit pah hangun bangmah mu loin hehsa-in guak kik uh hi.
A zing ciangin thongkiapa in a pa lai khak kik a, "Pa aw, thong sung panin ka hong huh theihsun tua teng hi. I allu lo ah pha na sak hun ciangin nangma deih bangbangin allu na tuh/suan ta in," cih teng gelh hi.
Moral: Lamet bei leh cimawh kisa-in thong sungah na om laitak nangawnin ngaihsutna khuak zang thei peuh lecin na lianpi na sem thei veve hi. Khuak zat siamte in a piang thei lo dingin a kingaihsun khinsa nangawn olno takin hih thei ziau uh hi. I khuak pen sazuk in kiman'na ding a nei lo a ki a mot puak ngaungau bangin i luzaang ah i mot puak ngaungau lel dingin Pasian in hong bawlsak hilo ahih manin a zatna ding a kisapna munte i zat theih ding thupi hi.
Thang Khan Lian #ZUNs reports
No comments:
Post a Comment