KIDALNA MUANHUAI: RUSSIATE' ISKANDER MISSILE PEN KAPKHIAT THEIH LOH PHIAL HI CI
April 3, 2017: Russiate' Iskander ballistic missile system pen NATO ten Eastern Europe ah missile defense systems a koihte uh dalna dingin muanhuai mahmah a, kapkhiat theih loh phial (almost impossible to shot down) hi ci-in military analyst Aleksey Podberezkin in Radio Sputnikte kiangah ci hi. Hih Iskander mobile short-range ballistic missile system pen Kaliningrad kiim-ah kikoih a, Russia leh a gam kiimte vauna panin dalna dinga kikoih hi ci-in Gottemoeller in Russian newspaper Kommersant-te kiangah ci hi. "Kaliningrad kiim pen Russia leitang hi ci-in mi khempeuh in thei a, nialna ding nei lo napi un, Russia in Kalingrad kiim-ah Iskander missile systems pen Russia in a galkap thahatna a dalna ding leh Russia' airspace humbitna dingin a koih hi napi-in NATO member tampi in zadah in, ka bitna dingun lauhuaina piangsak hi ci uh hi," ci-in Kommersant ten a interview na-ah gen beh hi.
NATO in Russia ngimna dingin Baltics gamte (Estonia, Latvia, Lithuania) kiim-a om Black Sea ah missile dalna dingin "anti-missile shield" kici a koih thuk kikna dingin Russia in Iskander missile system pen Kaliningrad ah nung kum siksiau hun, phalbi tun ma deuh hun (autumn) in a koih ahi hi. US in nung kum May kha-in Aegis Ashore ballistic missile defense system Romania gamah koih in, zat theih dingin "activate" a, Aegis Ashore ballistic missile defense system a nihna koihna ding Poland gamah a bawl saan laitak ahi hi.
Moscow State Institute of International Relations (MGIMO) a Center for Military-Political Investigations ah director len Aleksey Podberezkin in Iskander ballistic missile system pen NATOte' zat missile dalna ding leh a kapsiatna dingin hoih mahmah a, Kalingrad leh Moscow khuapi kikal minute 2 bek leeng a, manlang lua ahih manin kap khiat man loh phial ding missile hi ci-in Radio Sputnik newste kiangah gen hi. "Iskander pen operational-tactical complex hi a, cruise missiles-te panin kilawnkhia thei ahih manin US in Romania leh Poland ah missile defense system a koihte kapna dingin Kalingrad kiim-a kikoih hi," ci-in gen a, "ahih hangin USte ngimna dinga kikoih masa hilo a, Russia kiim-ah missile defence hong kikoih ahih manin Russia in amau leitang sung mah ah Iskander a koih ahih manin USte ngimna ding hi kici thei lo hi," ci-in Podberezkin in gen beh hi.
Gentehna dingin Russia in Cuba gamah Iskander koih hi leh US a ngimna ding leh US tuipi pang teng adingin kihtakna a piangsak hi kici thei pan ding hi. Russia tua bangin gamta lo napi in US gamta masa zaw a, hih bangin a gamtat ding uh hilo hi ci-in Podberezkin in ci hi. Hih bangin US in Warsaw Pact kici (Soviet Union leh US thukimna) palsat in US gamta a, Russia kiim-ah US in a galvan hoihte hong koih a, tua bangin Russia kigamta lo hi. Russia in zong Warsaw Pact palsat in gamta in, US gamtatna thuk kik hi leh buaina lianpi piang lawh ding hi ci-in gen beh hi.
January kha-in Kremlin spokesman Dmitry Peskov in NATO in Eastern Europe gamte ah missile defense system koih ding a sawm beh lai leh Russia in a kapsiatna dingin Russia nitumna kiim-ah zong a dalna ding koih beh lai ding hi ci-in na pulak khin zo hi. NATO in Europe continent sungah missile defense system a koih pen a nawngkaihuaipi hi a, a koih lai teng Russia in Kalingrad kiim panin Iskandar la khia lo ding hi ci-in Peskov in BBC newste kiangah gen hi.
9K720 Iskander ballistic missile system pen NATO ten SS-26 Stone Engine ci uh a, Russian Ground Forces leh Armenian Armed Forces ten a zat uh ahi hi. A hatna pen aw sangin nakpi takin a manlang zaw (hypersonic) hi a, second khatin tai (miles) 2,100 leng zo hi. (i.e. Mach 6.2). (Aw sanga manlang zawte supersonic kici hi). Russia in Iskander E (range 280 km/173 miles) leh Iskander K (range 500 km/310 miles) nei hi.
Iskander ballistic missile system:
Engine: Single-stage solid propellant
Operational range: 50 km (31 mi)-400–500 km (250–310 mi) for Iskander-M
Speed : 2,100 m/s (Mach 6.2) cruising (hypersonic)
Guidance system: Inertial guidance, optical DSMAC (Iskander-M), TERCOM (Iskander-K), use of GPS / GLONASS in addition to the inertial guidance system Inertial, use of GPS / GLONASS and optical DSMAC terminal homing
Accuracy: 5–7 m (Iskander-M)
Launch platform: Mobile TEL
Engine: Single-stage solid propellant
Operational range: 50 km (31 mi)-400–500 km (250–310 mi) for Iskander-M
Speed : 2,100 m/s (Mach 6.2) cruising (hypersonic)
Guidance system: Inertial guidance, optical DSMAC (Iskander-M), TERCOM (Iskander-K), use of GPS / GLONASS in addition to the inertial guidance system Inertial, use of GPS / GLONASS and optical DSMAC terminal homing
Accuracy: 5–7 m (Iskander-M)
Launch platform: Mobile TEL
Source: Sputnik - Effective Deterrent: Russia's Iskander Missiles 'Almost Impossible to Down'
https://sputniknews.com/…/201704031052242829-russia-iskand…/
https://sputniknews.com/…/201704031052242829-russia-iskand…/
A tei: Thang Khan Lian
