AFGHANISTAN WAR AH KUA TENGIN GUALZAWHNA NGAH UH A, KUA TENGIN MEET LAWHPIH UH HIAM?
Aug 19: Afghanistan war pen warmonger party leh innkuan Republican President George W. Bush pat hi a, Bush war zong na kici hi. Bush in term nih sung a presidency let sungin a mission pen Sept.11, 2001 in US a suamna ah a khuakpei (mastermind) leh 1980s Soviet-Afghan war hun lai-in US government training, galvan leh funding piak leh America van manpha al-Qaeda phuankhiapa Osama bin laden thah ahih kei leh hing mat ding ci ahi hi. Bush in a mission lawhsam a, a ngimna zo loin a hun bei hi. Tua ahih manin ama zalaih Democratic President Barrack Obama' lu tungah nga-in a minsiatna teng Obama in tuak hi.
Obama in ama hun a kipanin Bush war legacy a zop loh kiphamawh a, Bush' mission lawhsam Obama in hong zom a, ama commder-in-chief letna nuai-ah May 2, 2011 zingsang 1:00am kiim pawlin U.S. Naval Special Warfare Development Group panin Navy SEALS ten osama bin Laden' bukna Pakistan military base panin a kigamla lo-a om Abbottab ah a va buluhna uh-ah va that zo uh hi. Bin laden' kithahna hangin Afghanistan war ah US mission lianpen gualzawhna suak napi-in al-Qaeda leh amau bukna a pia Taliban' infrastructures suksiat ding tampi om lai hi.
Obama administration tua teng hong zom lai a, 21 May 2016 in Ahmad Wal, Balochistan, Pakistan ah US drone strike ah Taliban makaipi Mullah Akhtar Mansour kithahna gualzawhna lian khat suak napi-in a beina hilo hi. Mansour a sih khit nungin a zalaih dingin Taliban ten tu lai takin Taliban makaipipa Haibatullah Akhunzada teelcing uh hi.
Obama administration in Taliban leh al-Qaeda infrastructure suksiat zom hi. December 24, 2014 in Us makaih NATO in Afghanistan war ah mission kizo ta ahih manin galdo (combat operation) bei ta hi, ci-in a khawlsanna uh leh Talibante a zawhna thu tangko uh hi. Tua khit nungin US leh NATO in a galkapte uh dawhkhiat (withdraw) kipan uh hi.
Tua khit nungin Talibante hong thakhauh leh hatkik (resurgence) uh a, Afghan government lehdona insurgency movement leh gamkeek hong kipan uh tawh Obama' term nih hun a bei hong kituak kik hi. Obama' zalaih Republican President Donald Trump in 2016 campaigns panin America First leh Make America Great Again (MAGA) cih slogans zangin US in gamdang ah gal dona hangin siah piate sum trillions dollars tampi kizang a, meetna bangmah kingah loin kimanna om lo hi. Tua ahih manin a bei thei lo galdo kikhawlsan ta ding a, US galkapte America ah kiciah kik sak ding hi, gamdang ah US government kigolhna (interventions) kikhawlsanin, America kimasasak ding a, America kiliansak kikin kilamkik ding hi, cih hong tangkopih leh kamciamin vote hong zong hi.
Trump in tua bangin kamciamna a neih a bei thei lo gal dona ah American siah piate sum trillions dollars kizatna a cimtak Republican leh Democratic party gum tampi-in na ne thei uh a, 2016 elections ah popular votes ah a kidempih Hillary Clinton a lelh hangin lamet lohpi-in EVs tawh hong cing hi. Ahih hangin Trump in a America First policy pen gamdangte economy suksiatna dingin sanctions regimes hong lim zat luat banah US kipawlpih gamte nangawn a sanctions panin pengsak ahih manin US pawlte kidaangkoihna piangsak hi.
Tua loin a kamciamna peelin Afghanistan bek hi loin Iran' tungah "maximum pressure" policy a zatna hangin Middle East kiim-ah galkap a tam sem sawl beh a, US in a lawm ding sangin a gal ding hong hau semsem zawsop hi. Jan. 3, 2020 in Baghdad International airport ah US drone strike tawh IRGC commander Qasem Soleimani a kisuam lupna hangin galpi piang dektak hi.
July 22, 2019 in White House ah Trump in Pakistani PM Imran Khan tawh meeting a neihna ah, ni 10 sungin Afghanistan war ah gualzawhna ding geelna ka nei hi, ci hi. Talibante gamkeek leh afghan forces suam hong kisan kik khit nung uh Feb 6, 2019 in Trump in Congress ah State of Union ah a thugenna ah, “Gam thupi leh golte in a bei thei lo gal do lo uh hi (Great nations do not fight endless wars), ci-in US galkapte in ISIs zo khin ta uh a, Syria panin US galkapte inn ah ciak kik sak hun ta, ci hi. Tua loin group tuamtuamte, Taliban kihelin kihona nei a, Afghanistan gamvai buaina ven'sak (political settlement) a sawmna thu leh Afghanistan panin US galkapte sap kik ding thute a gen hangin Afghanistan ah US galkap tua hunin 14,000 omte sap kik ding hun gen kha lo hi.
Talibante hong hat semsem uh ciangin 2017 kumin Afghan forces training ding US galkap 4,000 kiim a kisawl beh khit nungin Trump in December 2019 in Afghanistan ah galkap 9,000 kiim sawl beh a, cikmah hunin Afghan war ah a kizang ngei lo nuclear-capable B-52 bombers nangawn zangin Talibante bomb khiat zat US forces hong kisan kik uh hi.
Trump administration in galdo 'combat operation" policy zangin Taibante kihona sabuai tungah tut ding a nawh kawmin diplomacy zong zang khawm hi. Military thahatna tawh gal veng lo ding hi cih a theih ciangin diplomacy zangin Feb. 29, 2020 in Qatar gam-a Doha khuapi-ah US administrations lui tengin 'terrorist organisation" in a ciamteh Taliban tawh Trump administration in kilemna (Doha peace deal kici) suau kaihpih uh hi.
Hih thukimna nuai-ah suai kaih khit nung ni 135 sungin Afghanistan gam-a US galkap om 8,600 ciang khiam suk ding, Taliban leh Afghan government in peace talks a zop ding - tua tungtawnin Taliban thongkia 5,000te leh Afghan forces thongkia 1,000 kikhektuah (prisoner sawp) ding, May 1, 2021 ciangin US galkap khempeuh a kidawhkhiat ding, US in Taliban tungah sanctions a koih leh UN sanctions a kilakkhiatsak ding, US leh Taliban kido leh kikaptuah khawlsan (ceasefire) ding, Taliban ten amau ukna leitang sung US eh a pawlte suamna ding leh a bukna dingun a zatsak loh ding, cihte thukimna thukhun sungah kihel hi.
Hih Doha peace deal ah terrorist group leh Trump administration thukimna suaikaih khit nungin Afghan activist kum 28 mi Zahra Husseini in APF news kiangah, "Talibante ka muang kei a, 1996-2001 kikal sung Afghanistan gam a uk hun un numeite a nencipna leh bawlsiat ziate uh ka mangngilh nai kei hi. Tu ni-in thukimna suai a kaih uh ka na en a, tu ni pen khuamial ni (dark day) hi. Kilemna sangin thuneihna a ngahna uh a suaksak deal hi ding hi, cih ngaihsutna hoih lo (bad feeling) ka nei hi,'' ci hi. Zahra' genkholhna Aug. 15, 2021 in Kabul khuapi a tuk ni-in hong tangtung hi.
Trump in 2016 kum in president a tuh ma pekin US galkapte inn ciak kiksak ding leh a bei thei lo galdo khawlsan'na na gen leh a Twitter a tweets mun mahmah hi. 2011 in a Twitter posts 12 (dozen tweets) val ah Afghan war deih loin a gensiatna a postte lakah American nuntakna leh sum mawk beisakna hi, ci-in Obama in US galkapte a dawhkhiatna dingin a nawh leh nget hun om hi. 2012 in Trump in a tweet ah Afghanistan pen kimanna nei lo hi, ci-in inn ciah hun ta hi, (Afghanistan “a complete waste. Time to come home!) na ci hi.
Aug. 2011 in Trump in, "Bang hangin i galkapte uh a nunglam panin a kap Afghanis training piapia lai ihi hiam? Afghanistan kimanna nei lo hi. Inn ciah kik hun ta hi (Why are we continuing to train these Afghanis who then shoot our soldiers in the back? Afghanistan is a complete waste. Time to come home!), ci-in Afghan galkap sunga Taliban gumte in US galkapte a suam lum lupnate uh a zakdahna thu na tweet hi.
March 2013 a tweet khahna ah, "Tu mahmah in US in Afghanistan a nusiatsan ding hi. Nuntakna mawk beisak nawn lo ding. I va pai kik leh khauh tak leh kin takin. US lamkik masa ding, (U.S. “should leave Afghanistan immediately.” “No more wasted lives.'' “If we have to go back in, we go in hard & quick. Rebuild the US first.”) cih post hi.
TRUMP IN AFGHANISTAN GAL A GENSIATNA DINGIN A TWEETS PAWL KHATTE:
Trump: Afghanistan panin pai khia ni. Training i piak Afghanis ten i galkapte hong thahsak uha, billions a bawkna in kibeisak hi. Kimanna nei lo! US lamkik ding. (Let’s get out of Afghanistan. Our troops are being killed by the Afghanis we train and we waste billions there. Nonsense! Rebuild the USA.)
Trump: President Obama ka thukimpih hi. Manlang takin galkapte i dawhkhiat ding hi. Bang hangin i sum uh mawk beisak ding ihi hiam - US lamkik ding (I agree with Pres. Obama on Afghanistan. We should have a speedy withdrawal. Why should we keep wasting our money -- rebuild the U.S.!)
Trump: Afghanistan ah sisan leh hauhsa (sum leh paai) tampi tak kimawk beisak hi. A government in hong pakta kiuhkeuh lo hi. paikhiatsan ni. (We have wasted an enormous amount of blood and treasure in Afghanistan. Their government has zero appreciation. Let’s get out!)
Trump: USA sik dingin 2024 dong Afghanistan ah hih mihai i makaite un i om suakna dingin thukimna suai a kaih dingun phal kei un. America Liansak Kik Ding (Do not allow our very stupid leaders to sign a deal that keeps us in Afghanistan through 2024-with all costs by U.S.A. MAKE AMERICA GREAT!) ci-in a president tuh ma pekin Afghan war a deih lohna leh US galkapte sap kik ding a deihna leh Congress ah thukham bawlte mihai hi cih nangawn in na zahko hi.
Ahih hangin Feb. 29, 2020 in Trump administration in Taliban tawh Doha peace deal ah a suaikaihna bangin ama zalaih Biden administration in US galkapte a dawhkhiatna thu nakpi takin mawhsak leuleu zawsop a, Biden a kitawpna dingin a ngawhna pen ama deihna leh thukimna suaikaih bangin policy a zom a pum mawhsak a nuihzakhuai a bat banah Afganistan First, Make Afghanistan Great Again ci-in a slogans laih bang ta hi.
Biden in zong a campaign a kipanin US galkapte dawhkhiat ding a genna mah ah ding kip a, April 21, 2021 in zong, ka administration in Afghanistan ah US galkap nusiat nei nawn lo ding hi, na ci hi. July 8, 2021 in zong Afghanistan maban ding kum 20 training a kipia Afghan mite in khensat ding uh hi, ci-in Pentagon in US galkapte 90% dawhkhiat kiman ta hi ci-in a genna thu na gen hi.
AFGHANISTAN WAR AH A MEETPIH KUATE HIAM?
9/11 thukkikna dingin President George W. Bush in Authorization for Use of Military Force a kici a thukimna suai a kaih kaih lai-in american defense contractors gol ngate - Boeing, Raytheon, Lockheed Martin, Northrop Grumman, leh General Dynamics panin stock $10,000 lei-in reinvest bawl hi lecin Afghan war sungin $97,295 tung ding hi. $10,000 investment panin $100,000 dektak tung to zen hi.
Hih defense contractors ngate total stock returns Dividend Channel’s DRIP calculator panin tuatna ah Sept. 18, 2001 panin Aug 15, 2021 kikal hih bang hi :
Boeing: 974.97 percent
Raytheon: 331.49 percent
Lockheed Martin: 1,235.6 percent
General Dynamics: 625.37 percent
Northrop Grumman: 1,196.14 percent
S&P 500
Total return: 516.67 percent
Annualized return: 9.56 percent
$10,000 2001 stock purchase today: $61,613.06
Basket of Top Five Contractor Stocks
Total return: 872.94 percent
$10,000 2001 stock purchase ($2,000 of each stock) today: $97,294.80
Boeing
Total return: 974.97 percent
Annualized return: 12.67 percent
$10,000 2001 stock purchase today: $107,588.47
Board includes: Edmund P. Giambastiani Jr. (former vice chair, Joint Chiefs of Staff), Stayce D. Harris (former inspector general, Air Force), John M. Richardson (former navy chief of Naval Operations)
Raytheon
Total return: 331.49 percent
Annualized return: 7.62 percent
$10,000 2001 stock purchase today: $43,166.92
Board includes: Ellen Pawlikowski (retired Air Force general), James Winnefeld Jr. (retired Navy admiral), Robert Work (former deputy secretary of defense)
Lockheed Martin
Total return: 1,235.60 percent
Annualized return: 13.90 percent
$10,000 2001 stock purchase today: $133,559.21
Board includes: Bruce Carlson (retired Air Force general), Joseph Dunford Jr. (retired Marine Corps general)
General Dynamics
Total return: 625.37 percent
Annualized return: 10.46 percent
$10,000 2001 stock purchase today: $72,515.58
Board includes: Rudy deLeon (former deputy secretary of defense), Cecil Haney (retired Navy admiral), James Mattis (former secretary of defense and former Marine Corps general), Peter Wall (retired British general)
Northrop Grumman
Total return: 1,196.14 percent
Annualized return: 13.73 percent
$10,000 2001 stock purchase today: $129,644.84
Board includes: Gary Roughead (retired Navy admiral), Mark Welsh III (retired Air Force general)
Kum 20 piikpeek sung a kidiah Afghanistan war ah stock market overall ah defense stocks 58 percent sum teng defense executives leh shareholders ip sungah na lut a, US in Afghanistan war $2trillion a investment ah a beisak siah piakte ip sung panin kisawk khiatsak hi. US galkap 2,500 dektak a sih banah 40,000 kiim a liam banah US administration nga guallelhna a bat bangin gualzawhna nhahsun pen American military-industrial complex bek hi. American military-industrial complex sumbawlna leh mihaute kimawlna hoih mahmah suak hi. Talibante bek meetna leh gualzawhna gal na hilo hi.
France 24, CNBC, Reuters, Los Angeles Times, BBC and The Intercept
@Thang Khan Lian #ZUNs reports 
Thang Khan Lian #ZUNs reports
