2025 CIANGIN PAKISTAN NUCLEAR GALVAN A HAU PEN 5 NA HI DING
Oct. 22, 2015: US think-tank ten report a piakna uah Pakistan in nuclear galvan 'warheads' kum 10 khit ciangin 250 kiim nei ding uh hi cin gen uh hi. Pakistan in 2011 in nuclear warheads 90-110 kikal bek nei a, tu lianin
110-130 kiim nei ding hi cin Bulletin of the Atomic Scientists in suaksak hi.
110-130 kiim nei ding hi cin Bulletin of the Atomic Scientists in suaksak hi.
Pakistan in nuclear galvan bawlna dingin a kizang plutonium bawlna reactors 4 leh uranium bawlna a neihte uh kum 10 sungin beh lap ding nakpi takin hanciam uh hi cin Bulletin of the Atomic Scientists in gen beh hi. Ahih hangin hih a beh lapna/khansakna ding un a kisam tam mahmah ahih manin baih lo ding hi ci leuleu hi.
Bulletin of the Atomic Scientists gelh Hans M. Kristensen leh Robert S. Norris in Pakistan in Indiate neih sangin a tam zaw neih ding hanciam a, India in zong bawl behbeh lai ding ahih manin India in a neih ding zah kithei zo lo hi cin gen hi. Ahih hangin Pakistan in tu bangin a hanciam leh 2025 ciangin nuclear warhead 220- 250 kiim nei zo kha ding hi cin gen uh a, ahih hangin India in bang zah nei dinga, gam dang ten bang zah nei ding hiam cih gen beh lo uh hi.
Pakistan in tu lianin a kizang thei ding nuclear galvan pua thei ballastic missile (operational nuclear-capable ballistic missiles) guk leh zawh nai loh under-development — short-range Shaheen-1A khat leh medium-range Shaheen-3 khat nei hi. Tua banah Pakistan in tu in cruise missiles thak nih - ground-launched Babur (Hatf—7) leh air-launched Ra’ad (Hatf—8) a bawl laitak uh ahi hi. Pakistan in tuinuai teembaw (submarines) a zat theih dingin nulear galvan pua thei ding cruise missile zong a bawl laitak uh ahi hi.
-The Hindu
