PRESIDENT BIDEN IN US ECONOMY A GENNA THUMAN HIAM CIH GULHIK CILGEHNA #FACKCHECKS (Updates)
July 20: Tu kum April kha-in lametna zah sangin US ah nasepna a kibehlap (jobs growth) zo loh hangin US President Joe Biden in US economy in tangthu sungah a ciamteh tham ding mainawtna piang hi, ci-in January 20 in president a let khit a kha thum cing khit nungin a genna thuman mah hiam ci-in May 11 in BBC in thuman a sittelna hih a nuai-a bang hi a, BBC in Biden' gennate leh latest economic numbers data ki-en hi, ci hi. a nuai-a bar graph sungte ah US ah jobs growth leh economic growth data kiciamtehna zong thuman et theih hi.
Joe Biden: ''Nasepna (jobs) 1.5 million val i behlap leh piangkhiasak uh hi. Ni 100 sung US president khatpeuh record om sungah a tam pen hi lai hi," ci-in gen hi. US gam-a nasepna kibehlap leh kiam zah a ciamteh US Bureau of Labour Statistics in January a kipanin US economy in 1,572,000 jobs kibehlapsak hi, ci hi.
Biden' genna leh US Bureau of Labor Statistic ciamtehna kituak ahih manin thuman mah hi a, nasepna a tam zawte Biden' presidency ni 100 sungin a tamzaw kibehlap ahih manin jobs record 1939 in a kiciamteh khit nungsang ni 100 sungin American presidents 46 sungah Biden' presidency sungin nasepna tam kibehlap pen lai suak hi cihna hi.
Ahi zongin pandemic in US gam nawk a kipat cil khit nung April 2020 in nasepna nei lo (unemployment) US gamah 1930s Great Depression khit nung Trump' presidency hunin unemployment rate na niam pen lai a, tua khit nung Biden presidency ni 100 sungin nasepna a kibehlap (jobs growth) kikna suak hi.
Trump' presidency hun sungin gamdangte bangin US ah total lockdown a kikoih loh hangin Covid-19 pandemic hangin kha nih sung bekin 22 million nasepna suplawh leh taanlawhna (jobs lost) na piang hi. Trump in US president Jan. 20, 2017 in a let a kipanin nasepna ngah a kibehlap hangin president a let ni a kipanin a hun bei ni Jan. 20, 2021 in nasepna nei lo 3 million kibehlapsak zawsop hi.
President Biden in a first 100 days cin' khitin a Twitter post ah a beisa kha thum sungin Trump' presidency kha thum sungin nasepna kibehlap zah tawh tehkakin nasepna kibehlapna thu na tangkopih hi. Republican president Bush' presidency bei kuanin US ah economic recession a pian' manin economy a tuk khinsa Obama in hong luah ahih manin Obama' first 100 days record hoih lo hi. Ahi zongin Obama term nih (kum giat) sung nasepna kibehlap zah a pongpi a gawm panin sehkim suahna (average) in etna ah Trump' term khat presidency sia zaw hi.
US presidency ngeina bangin Republican president in economy siatna a piangsak Biden in a ni khat ni panin hong luah a, pandemic hangin economy siatna hangin nasepna millions tampi in a suplawh khit nungun Biden' presidency hun panin nasepna ngah hong kibehlap kik hi.
Joe Biden in., "President ka let ma kha thum hun lai-in kha khat sungin nasepna i gam sungah 60,000 ta bang na kibehlap a, tu-in kha sim in a nasepna a pongpi a gawm panin sehkim suahna (average jobs per month) 5000,0000 i pian'sak beh uh hi," ci hi. April in US ah nasepna kibehlap dingin a kilaet leh genkholhna pha zo loin April latest job number ah 266,000 bek a kibehlap kik hangin a kha sim in a averge in ki-en hileh Biden' genna man hi.
November election khit nung US gamah pandemic a kidiah saan lai takin US economy in February 2021 in 530,000 jobs kibehlapsak a, March kha-in 770,000 jobs na kibehlap kik ahih manin Biden' presidency hunin economy in hoih lam manawh kik hi. Trump' presidency bei kuan kha tam lote (final few months) sungah kha sim in a average in 63,000 kiim na kibehlapsak hi.
Trump' president bei kuan a kha kua sungin (Covid kipat cil lai-in suplawhna a piangsak khit nungin) economy in nasepna millions a kibehlapsak a, nasepna tam a kibehlap hun pen June kha 2020 bekin 5 million jobs dektak na kibehlap hi. Ahih hangin US ah Covid-19 cases a kibehlap kik tawh kituakin Trump' presidency bei kuanin Covid restriction thukhun states pawl khatte ah kikoih kik manin nasepna suplawh millions a sim kibehlap hanhan kik hi.
March kha-in Biden' Covid stimulus package a proposed Cogress in a thukimpihna hangin April kha-in nasepna kibehlap ding hi, ci-in economists ten a lametna uh leh tuatna uh na gen uh hi. Pandemic hangin Trump' presidency hun in kha nih sung bekin nasepna suplawh 22 millions kibehlap khit nungin millions a kibehlap beh zom manin Covid-19 pandemic in US gam a nawk ma-in nasepna ngah tawh teh dingin May kha in nasepna nei lo 8 million tawm zaw veve lai hi.
Joe Biden in, "First quarter hun in i economy uh 6.4% in khang ahih manin eurozone ah i lawmte economy khan'na tawh teh dingin ei aa khang zaw hi,'' ci-in gen hi. Trump' presidency bei kuam October panin December 2020 kikal in US economy khan'na 4.3% tung a, 2021 kum January panin March kikal sungin 6.4% in khan' beh vat hi.
Euro currency a sum dingun a zang eurozone sungah January-March 2021 kikal sungin a economy uh a khan'na (GDP) 0.6% bek tung zo ahih manin eurozone tawh teh dingin US GDP khan'na Biden in a genna man hi. Eurozone ah a GDP uh a kiat sukna pen tu kum bulin Covid-19 cases a kibehlap kik manin Covid restrictions a koih kikna hangun sumbawlna kisia ahih manin a economy un suplawhna tuak hi.
BBC' economics correspondent, Andrew Walker in, "Leitunga gam khangno khinsate (developed economies) tam zawte sangin US economy khan' beh kikna thahat zaw hi. Ahih hangin health crisis hangin sumbawlna in thuakgimna bei nai tuan lo hi. Pandemic kipat ma-in economuy khan'na a sang pen a tun' hun tawh teh dingin GDP sazian nunung pen i et ciangin 2019 bei kuanin sangin economy a khan'na (GDP) level 0.9% in niam zaw veve lai hi," ci hi.
June 30 ni-in C-Span poll in presidential rankings a piakna uh 142 American presidential historian ten Trump' ranking a ciamtehna uh-ah US President ni 31 sung bek len manin a sih manin US tangthu sungah president tom a len pen William Henry Harrison (Feb 9, 1773- April 4,1891) nuai-ah koih uh hi.
Tua banah, America ah sila in mivomte zatna (slavery systems) a deih manun American civil war a piangsak leh Union Government a lehdote laan (Confederate flag) tawh a luanghawm a kivui khawm John Tyler khit nungah Trump na ciamteh uh a, a ranking tawpna ah a kizom Presidents Pierce, Johnson leh Buchanan tung bekah Trump om zo hi. US presidential rankings a kicingin na et nop leh a nuai-a link mek lecin sim theih hi.
Thukhupna: Great Depression pian' hun laitak March 4, 1929 – March 4, 1933 kikal sung 31st US President (Republican) Herbert Hoover (August 10, 1874 – October 20, 1964) khit nung America gam tangthu sungah Trump' presidency hunin nasepna nei lo (unemployment rate) na niam/sia pen hi. 1936 khit nung US presidents ten kha thum sung (100 days in office) a let hun sungin Biden' presidency hunin nasepna kibehlap a tam pen hangin a term bei hun ciangin a economy leh job records lim takin US Labour Bureau of Statistics ciamtehna panin a hoih leh hoih lohna thuman hong tawh tawi kitehin hong kitel lel ding hi.
Tu ciang dong Biden' presidency hunin US economiy leh jobs growth records pen hoih lai mahmah bilbel hi. Leitung bup-ah van man khan'na (inflation) hangin US gam sung bekah crude oil man khang hi, ci-in Trump' presidency na pum phat hangin sum khekna tawh i tuat ciangin May 2018 in crude oil price America ah na tam pen lai hi zaw hi.
Thuman lim takin gulhik cilgeh lopi-in pum phat leh pum gup pong luat manin upmawh leh thuman lo gen hat thu tawh thuman suak zo tuan lo hi. Gam makai khempeuh a nasepna uh lim takin kiciamteh ahih manin thuman lo leh zuau bulomtangpi thuman a suak tuam ding hi beek lo hi. Tua ahih thuman deih leh gum; leh Khristian kici buang napi-in pum gup leh pum phat nop manin thuman lopi leh zuau bulomtang gengen ngam huai lo hi.
Source: BBC and Washington Post
@Thang Khan Lian #ZUNs reports
