SOUTH KOREA IN NORTH KOREA TAWH GALKAP TAWH MAITANG KITUAH IN KIHONA NEIH DING SAWM

July 17, 2017: South Korea in North Korea tawh gamgi ah kitelsiam lohna daihna ding leh 1950s Korean War hangin gam nih kikhen innkuante kipumkhat kikna ding geelna tawh maitang kituah in galkap kihona "military direct talks" July 21 ciangin galkapte gamgi kikhenna kizikna gi (demarcation line or DMZ) mun Tongilgak ah neih dingin North Korea tungah aw dam takin ngetna (request) kibawl hi ci-in South Korean vice defence minister Suh Choo-suk in tu ni-in media briefing a neihna ah gen hi. South Korea in hih bang a sawmna pen Trump' South Korean policy ahih loh hangin South Korean President Moon Jae-in in North Korea in a masa pen dingin tu kha bul in intercontinental ballistic missile (ICBM) sitna a neih hangin gam nih kikal ah kitanauna puahphat ding a hanciamna lahkhiatna hi.

Tongilgak i cih pen a beisa hun in inter-Korea talks a kineihna leh North Korea leh South Korea 1950s in a kido lai un a gualzo om loin kikaptuahna khawlsan in kilemna dingin thukimna neihna (truce or armistice agreement) Panmunjom khua-a om North Korea building hi. Gam nih kumpi ten government-level talks kici kihona a tawpna dingin December 2015 ah nei uh hi. Hih bangin South Korea in a sawmna pen a beisa nipi kal in President Moon in North Korea' nuclear leh missile programmes kham ding sangin kihona neih ding kisam zaw hi cih a gen khit nungin South ten hih bang geelna hong neih ahi hi.

South Korean vice defence minister in gam nih kikal-a galkap lamsang kigal neihna gamtatnate (hostile military activities) beisakna ding bang teng hiam cih a gen loh hangin gam nih ten kigal neihna pianna hang a ngaihsut zia uh tuam tuak hi. South Korea in North ten loudspeaker broadcasts zangin mi up theih ding thu tangkona (propaganda) leh kithangpaihsakna (provocations) tuamtuamte in kigal neihna piangsak ci a, North Korea in bel kigal neihna a bei theihna dingin US-South Korea galkapte kipawl in a hun sim in galdo kisinna (military drills) a neih uh a khawlsan ding uh deih hi.

President Moon in Moon galkap ten direct talks July 21 in nei le uh South-North Korean gamgi ah kigal neihna pen Korean War beina dingin 1953 kum in armistice agreement kici thukimna a kineih ni July 27 ciangin bei thei ding hi ci hi. South Korea' Red Cross in gam nih innkuan kikhente kigawm kik theihna dingin a tuam lieuliau in gamgi ah August 1 ciangin kihona neikhawm ding deih a, innkuan kikhensa kigawm kikna pen October kha-in Chuseal khawl ni (holiday) ciangin piang zo kha thei hi ci hi. South Korea' cialna leh ngetna vai North Korea' state media in dawng kik nai lo hi.

A beisa in bel North Korea in hih bang a kihona a om theihna dingin ko gam lehpei in South Korea' tungah nung kum-a kipiakhia restaurant a numei nasem (waitresses) 12te South Korea in hong apkhiat mateng hih bang piang thei lo ding hi ci-in na kalh tentan den hi. North Korea in South Korea ten waitresses 12te a pimang hi ci-in a ngawh hangin South Korea in amau thukimna leh thunuam a kipiakhiatna tawh ko gam adingin hong lengkhia uh hi ci hi.

Al Jazeera reporter Kathy Novak in gamgi hanga innkuan kikhenna pen a diakin South Korea adingin nawhna lianpi leh lungsim lawng mahmah mihing hoihna ding tawh kisai lamsang buaina (emotional humanitarian issue) hi a, gamgi hanga kikhenna thuak khate ham mahmah ta uh ahih manin innkuan kigawm kik theihna ding leh a kimuh kik theihna dingun hun lem a beina ding sawt nawn lo a, unification minister in zong a khat veina dingin hong suang pianna nu-le-pate kivuina hante (ancestral graves) a kihawhtuah theihna dingin geelna nei hi ci-in Seoul khuapi panin gen hi. Tua banga geelna a man in a pai theih leh Red Cross in kihona a om theihna ding hun tawm khat la in, tu kum sungin innkuan kigawm kik theihna ding tawh kisai kihona neihna ding geel ding hi ci-in gen beh hi.

North Korea in nung kum a kipan bekin zong nuclear galvan nih vei sitna a neih khit ban ah a vang kim in missile sitna nei den hi. Tu kha bul in ICBM sitna a neih un nuclear galvan pua thei ding hi a cih hangin US leh South Korea in North Korea genna nial hi. North Korea sakol bangin kamkaih tawh uk theihna dingin (rein) US in North Korean tawh sum bawlna lamsang kizopna nei Chinese banks-te khalna (sanctions) nipi kal tam lo sungin kibawl khum ding hi ci-in US senior ulian nih in nung kal in ci hi.

Source: Al Jazeera and news agencies
@Thang Khan Lian #ZUNs

RUSSIA IN NUCLEAR TAWH KITHUAH LASER ICEBREAKER ARCTIC AH ZAT DING GEELNA NEI

July 18, 2017: A beisa kumte a kipanin Russia in Arctic ah thuneihna khempeuh (sovereign) leh security keekna dingin military infrastructure thak bawl in, nuntak theihna dingin a hatsatna kiim (inhospitable region) ah teembaw thak, galphual thak leh technologies thakte bawlna dingin suaikai khin zo hi. Arctic kiim ah Russia in hamphatna leh a lem lohna ah ama phattuamna ding (advantage) a bawl theihna pen leitung adingin nuclear power kizang teembaw leh diesel power kizang vukkhak suksiatna "icebreakers" kici a neih man leh a neihsate a keek liat behna hang hi.

Nung kum in St. Petersburg a Baltic Shipyard teembaw bawlna panin Arktika (the 'Arctic') kici teembaw Arctic ah zat ding new class of nuclear-powered icebreakers bawlkhia hi. Arktika teembaw kizang (commissioned) leh leitung adingin vukkhal suksiatna teembaw (icebreaking vessel) thahat pen leh golpen hi ding a, Russia in a neihsa 50 Let Pobedy icebreakers teembaw sangin golzaw hi. Arktika icebreakers pen 2019 ciangin zat theih dingin ki-ummawh a, tua loin teembaw bawl ten Arktika-class icebreakers dang nih - Sibir ('Siberia) leh Ural kici 2020 leh 2021 ciangin zo ding ahih manin manin hih icebreakers vessels ten Arctic ah Russia in teembaw a taisak theihna munkip ngahsak ding hi.

Tua lo new civilian icebreakers ban ah Russian engineers ten icebreakers concepts dang 'combat icebreaker' kici zong galdona a zat ding bawl sawm hi ci-in journalist leh Zvezda contributor Dmitri Yurov in ci a, gamdang experts ten bel hih zah lianga vukkhal lak-a teembaw thahat bawl ding pen piang zo lo ding hi ci uh hi. Russian engineers ten 'combat iccebreaker' a bawl sawmna pen a vot mahmah mun ah galdo (military operations) theihna ding a ngimna uh ahi hi.

2010s kum kim a kipanin Russian engineers ten Arctic a vuk feet nga sahna mun-a zat theih ding teembawte huh ding galvilna teembaw "patrol vessel'' dang bawl dingin design na bawl ta uh hi. Ahih hangin St. Petersburg pansan Almaz Central Marine Design Bureau in mun tampi a galvilna a zat theih dingin "versatile new multipurpose patrol ship: Project 23550 (Ivan Papanin-class Arctic patrol vessel zong kici) hong bawlkhia uh hi. Hih teembaw pen kum kik April ciangin
St. Petersburg Admiralty Shipyards ah kinga ding a, Russian Navy-te zat dingin 2020 ciangin ki-apkhia ding hi. A nihna dingin a bawl uh second Ivan Papanin-class vessel kici pen 2017 ahih kei leh 2018 kum bul pawl in St. Petersburg Admiralty Shipyards ah kinga ding hi.

Hih Ivan Papanin multipurpose vessel kici teembaw pen Navy-te adingin galdona teembaw, vukkhal putkhapna ding leh teembaw tawh kithuah teembaw neu tawh kithuahsawn (all-in one Navy warship, icebreaker and tugboat) hi a, a sauna pen 110 meters, 20 meters in zai in, wide, tui ah a laam theihna dingin a draught kicihna 6 meter hi. Vangik 8,500 metric tons pua zo a, a range pen 6,000 nautical miles hi a, cruising speed pen 16 knots hi. Ivan Papanin teembaw pen tui lakah khawl loin ni 60 tai zo a, a crew mi 60 leh a teembaw mi 50+ thawl zo hi. Tu kum bul in defense industry source in galvan lam thuthak news IHS Janes-te kiangah a teembaw ah galvan kithuah ding a, ahih hangin a teembaw tawh icebreaker Ak-176MA naval gun kithuah lo ding a, ahi zongin hih bang teembaw zang Navy-te bitna ding galdona galvan kithuah hi ci hi.

Ivan Papanin teembaw a galvan kithuahte gamdangte awlmawh bangin van puakna leh Russia tuipi lampi gamgi palsat teembawte kapsiatna ding galvan zong kithuah hi ci-in Yurov in ci hi. A teembaw ah radio-electronic vante leh heavy-duty hull a kithuah ban ah Kalibr-NK cruise missile system 8 leh helicopter bawhna ding zong kithuah hi ci hi. Galte teembaw suksiatna leh kapsiatna ding leh galte vuk lam-a omte theihna ding bek hilo in a teembaw puakkhiatsak (tow away) nadingin zong kizang ding hi ci hi. A teembaw in galte teembaw leh galdona mawtaw puakkhiatsakna dingin vangik domna sik (crane) nih nei a, ton 28 a gik tua crane in dom zoin a teembaw a guang lut thei a, tua loin hutkhiatna ding leh galdona dingin zong kizang ding hi.

Teembaw taina ding dal vukkhakte suksiatna dingin specially designed hull kici scientists ten bawl a, a beisa kum sawm in leitunga engineers ten zong a puakthei (explosives), special steam generators, artillery, special ice cutters cihte na bawl khin zo uih hi. Tua khit nungin vukkhal suksiatna dingin vuk a malhsak thei ding lasers thahatte na bawl kik uh hi ci-in Yurov in ci hi. Ahih hangin laser pen vuk 1.5-2 meters a sak zaw malhsak nadingin baih lo a, tu lai-a technology thakte in zong susia zo lo hi ci hi. Laser technology pen Russian leh American scientists ten sitna na nei khin zo uh a, US engineers ten YAL-1 airborne laser bawl in sitna nei uh a, Soviet Union leh Russia in 1K17 Szhatie self-propelled armored vehicle, 'Akvilon' ship-based system leh A-60 airborne laser nei hi ci hi.

Beriev A-60 Airborne Laser flying laboratory in 1980s in Soviet galkapte zat dingin laser technology na bawl uh a, ahih hangin hih pen gal ten panmun hong etsimna vante (surveillance equipment) nasem thei lo dingin bawlna bekin kizang a, vukkhal atna dingin dingin kizang lo hi ci-in Yurov in ci hi. Russian engineers ten lasers hoih mahmah zat theih bawlna ah kal na suan masa a, tu kum tawp ciangin Dixon diesel-powered icebreaker sunga tuang ten Arctic ah teembawte gamtatna a baihsakna ding ngimna tawh zat ding White Sea ah 30-kilowatt ship-based laser sitna nei ding uh hi.

Physicist Viktor Gromov in laser system thak pen bang hiam kapsiatna ding leh suksiatna ding hilo a, leitung leilu kiim ah teembaw a kitaisak theihna ding ngimna hi ci hi. Laser pen teembaw taina ding khempeuh vukkhalte atna ding hi loin teembaw maximum security kisapnate ah vukkhal atna ding bek leh teembaw tai theihna ding leh vukkhal in a dal manin lut theih lohna munte ah teembaw a tai lut theihna geelna hi ci-in Yurov in ci hi. Russian scientists ten 200-kilowatt ship-based laser system bawl ding ngimna nei uh a, ahih hangin laser system tha tam tua zah kisam lo ding a, nuclear icebreakers ah 200-kilowatt laser zong kizang thei lel hi ci hi.

Source: Sputnik
@Thang Khan Lian 

Thang Khan Lian