US ELECTION RESULTS: AMERICA NAUSUAK KIM TA, TAPA SUAK HI

AMERICA NAUSUAK KIM TA, TAPA SUAK HI

Nov. 9, 2016: Trump in Electoral Vote ngah dinga kisam EC vote 276 ngah a, cing ta hi. Hillary in 218 bek ngah hi.

Trump' (Republicans) vote ngah :48% (vote 5,69,59,821)
Hillary' (Democrats) vote ngah : 47% (vote 5,59,48,537)
Gary Johnson (Libertarian) vote : 3% (vote 38,10,205)
Jill Stein (Green Party) : 0.7% (vote 7,34,555)

*Republicans in US Senate ah gualzawhna leh majority ngah hi.
Republican 51
Democrats 47(51 to win majority)

*Republicans in US House ah zong gualzawhna leh majority ngah hi.
Democrats 180
Republicans 235 (218 to win majority)

Lungdamhuai hi Republicans in Senate leh House ah zong majority ngah sawnsawn ahih manin Democratste term hun nih bang nawn loin amau deihna bangbang vaihawm thei ding uh cihna ahi hi. Trump in Hillary in ka lawhcinna hangin hong hopih in, lungdampihna thu hong ko hi ci. Trump in note huhna hangin lungdam ing, nong lamlahna ding uh leh nong huh zom zelna dingun kong ngen a, nasem khawm in mapang khawm in, i gam uh puahpha kik ni. Numei leh pasal kideinna om loin liangko kikim khatin ding ding hi hang ci-in kipumkhat ni ci-in genna a, US in ko gam ka masa sak ding uh a, ahih hangin thuman in no tungah kong gamta ding uh hi ci-in leitunga gamdangte zak dingin a thugenna nei lai hi.

:P :D Democrats gum pawlte hehnepna dingin hun ngah khempeuh in Obama leh Hillary niin bungah paai dingin niin pua mawtaw sunga guang dingin va kuan ngeingai un. :'( :'(

US KITEELNA AH SUMBEI LEH TUTMUN PANIN LUNGGEEL

US KITEELNA THU TUT MUN PANIN LUNGGEEL 

US PRESIDENT KITEELNA PANIN A PHAWKHUAI THU

Zuau bolom tang ten a otpih in, thusim tampi a sel den Hillary Cingtomte nupa leh Obama leh amau a gum nuam pawlte leh thuman lo tawh gualzawhna ngah sawmte tung panin zuau khekhap pen sawt kalsuan zo lo hi cih sintheihna ding lianpi om hi ci-in ngaihsun ing. Zuau leh sumhat thu tawh mi khemna zang khawmin gualzawhna pen kingah thei sam a, tawmvei kingah kha thei mah hi. Ahih hangin gualzawhna kingah den lo hi cih phawkhuai hi. Zuau leh ngian i siam mahmah hangin a tawntung in mi kihem den zo lo a, sawt kimang lo hi cih zong phawk huai hi. Tua banah gamvai (politics) makai leh ulian i suah nop leh thumanna leh cihtakna letcip den ding leh Pasian mah bulphuh kisam hi cih phawkhuai hi. 
Mediate gup man, mediate uk zawh manin gualzawhna kingah den lo hi cih zong phawkhuai mahmah hi. Tua bek hilo in ei leh ei kimuanna (self-confidence) pen hoih mah hi. Ahih hangin kipum muan luatna pen kiatna dum tun theihna lian pen hi cih zong mangngilh loh ding thupi hi.

I neumuh pente, i mawl bawl pente, i hai bawl pente, i kokote ngawnin ei i kipum muan pong hangin hong zo thei veve uh a, ei sangin gualzawhna lianzaw ngah thei veve uh hi cih zong mangngilh kei ni. Lametna a bei hun nangawnin Topa' zia pen kai ngei lo hi cih zong hong kitel mahmah hi. Tua banah democracy gam khat peuhpeuh-ah na om khak leh Freedom of Press leh Freedom of Expression om tek ahih manin polling forecast/prediction (a hatzaw leh hat lo zaw gen kholhna) pen man den lo a, party (tuamtuam) gum media ten a gupte mah uh hatsak den uh a, aw leh kam a kihum cipsak leh a kinengniam cipsakte leh dai takin a om khikhe mipite daihna pen hong kigawm khop ciangin ngaihzaw hamtang hi cih phawk khial kei in..   

2012 LEH 2016 KITEELNA-A SUM KIZANG LEH A NEIH ZAH UH

Hillary in hih kiteelna ah huhna sum $687.26 million ngah a, $609.11 million zang bei hi. Hillary in a khut sungah $78.15 million nei hi ci-in pulak hi. Trump in huhna sum $306.93 million ngah in, $285.57 hih kiteelna dingin beisak/zang hi. A khut sungah a sum neih pen $21.36 nei a, leibat $2.08 nei hi'ng ci-in pulak hi. 2012 kiteelna ah Obama in huhna sum $722.39 million ngah in, $721.4million zang bei hi. Obama in a khut sungahsum $3.39m nei in, leibat $5.67m nei hi na kici hi. A kituhpih Mitt Romney in huhna sum $449.89m ngah in, $449.51 beisak a, a khut sungah sum $0.383m nei a, leibat $0.82 nei hi ci-in pulak hi. Hih US President 45na ding kiteelna pen USte' khangthu adingin President kiteelna khempeuh lak panin sum tam a kizatna pen hi lai hi. 

Donald Trump in a kamciamna bangin kuamah deidantuam bawl loin, Pasian mah a thupisak masakna ding leh vaihawm siamna, mi huai siamna, thumanna leh cihtakna a bulphuhna dingin thungetsak ni. US Foreign Policy pen International Politics lawngkha lua a, US President pen vaihawm a siam mahmah uh leh a picin' mahmah uh kisam hi.