BANG HANGA US MILITARY BUDGET TAM DIAK SESE A, KUA HUN IN TAM KIZANG PEN HIAM?
Trump pumphat a pumgup ten bel amah bangin thukan lopi, upmawh leh zuau gen phamawh sa vet lo uh a, Khristian ngeina hilo a, thukan leh thuman gente ngeina tawh kilehngat den hi. President a let khit nungin Trump in August 1, 2018 records tanin ni 558 sungin zuau ahih kei leh upkhialh theih ding thuman lo (lies or misleading claims) 4,229 vei na gen a, Sep 13, 2018 tanin zuau ahih kei leh upkhialh theih ding thuman lo 5,000 vei gen ta hi ci-in The Washington Post in Fact Checkers' database source zangin suaksak hi. (Hih a nuai-a link nih kipiate panin sim theih hi.
Trump in 2018 in US defense budget dingin a zat US history adingin a tam pen a ci-in a gen thuman hi loin thuzuau hi. Inflation tawh adjustment a kibawl ciangin 2018 Trump' defense budget $700 billion, 2018 ading $716 billion zat dingin Bipartisan Budget Act of 2018 in two-year budget agreement tawh phalna na pia hi. Bipartisan Budget Act in defense budget dingin zat theih dinga phalna a piak khempeuh zat bei teitei cihna hilo lai hi (pawlpi khatpeuh leh kipawlna khatpeuh in fiscal budget i bawlte i zat bei teitei loh dan mah hi a, Bipartisan Budget Act in zat theih dingin a phal zah val kizang thei lo hi pah hi). Trump in defense budget dingin US GDP 4% - $700 billion kizang a, a tam pen hi ci-in July 4, 2018 in na gen hi. Hih thu zong man lo lai hi. Republicans congressional' guang think tank Thomas G. Mahnken makaih Commission on the National Defense Strategy for the United States in Trump' defense budget sangin 1976 panin et in a tam zaw li vei na kizang hi ci hi.
Obama' hun 2010 in $721 billion leh 2011 in $717 billion kizang ahih manin inflation tawh et in Trump' defense budget sangin nakpi takin tam zaw pek hi cihna hi. A diakin tu kum bang US dollar value sang mahmah hi. Defense budget tam zat manin US hat tuam a, galvan tam top zaw ding hi leh Obama dem zo vet lo suak pah hi cihna hi. The Statistic Portal in a ciamtehna ah bel US military spending leh 2000 panin 2017 (in billion US dollars) ah 2009 in $668.72bn, 2010 in $698.18, 2011 in $711.34bn kizang hi ci hi. Hih link panin kimu thei hi https://www.statista.com/…/us-military-spending-from-2000-…/
US defense expenditure ciamtehna source tuamtuam in a gen dan uh kibang kim lo ahih manin na etkak nop leh hihte mek lecin etkak theih hi. Military Spending History (US Military Budget, Its Components, Challenges, and Growth) panin defense budget records sim theihna link
https://www.thebalance.com/u-s-military-budget-components-c…
Inflation adjustment tawh kituakin US in defense budget in tam a zat pen Trump' genna bang hi loin a beisa hun-a Trump' administration sangin Galpi Nihna hun Democratic party Harry J. Truman (a president let hun 1945–1953) 1945 in defense budget in $950.1 billion (2019 dollars tawh inflation kituakin tuatna panin) na kizang a, tua ma 1943 leh 1944 in tam na kizang penpen lai a, Democratic President Obama hun in Iraq leh Afghan wars hangin 2008 leh 2012 kikal in zong tam na kizang zaw lai hi. Defense budget tam zat manin US military hat ding hi leh Republicans ten Democratic party dem zo lo cihna hi pah hi.
July 5, 2018 in Trump in upkhial theih ding zuau mah tawh US in NATO defense spending a zat president ka let khit a kipanin US GDP 4% val hi na ci a, July 11 in kam uang zaw mi' up theih ding zuau (rhetoric) gen kik a, "Germany in NATO defense spending adingin a GDP 1 percent bek piakhia a, US in a GDP 4.2 percent piakhia hi ci-in a val lua (exaggerated) in gen kik hi.
NATO, US Department of Defense leh White House Office of Management and Budget in United States in defense budget 4 percent of GDP nuai hi ci hi. US Department of Defense in budget a zat dingin fiscal year 2019 a ngetna defense outlays pen 3.0 percent of GDP (in fiscal 2017) hi a, fiscal years 2018 leh 2019 adingin 3.1 percent hi ci-in tuat hi. White House Office of Management and Budget a tuatna sang zaw deuh a, 2018 fiscal year ah 3.2 percent of GDP kizang hi ci-in tuat hi.
A nunung pen defense outlays in 4 percent ahih kei leh a tung lam defense budget dingin a kizat pen Obama' hun 2012 hi ci-in OMB leh Department of Defense in ci hi. 2012 in GDP 4.1 percent kizang hi ci-in Defense Department in tuat a, OMB in 4.2 percent kizang hi ci hi. Department’s budget document in Democrat president Truman' hun in defese budget dinga kizang pen 1944 in GDP panin 35.5 percent hi ci hi.
NATO in United States in 2018 in defense budget dingin a zat a sang zaw deuh in a tuat hangin GDP 4 percent tung zo tuan lo hi. July 10 reports ah NATO' tuatna ah US 2018 defense expenditure pen a GDP panin 3.5 percent hi a, Germany’ defense expenditure 1.24 percent of GDP hi ci-in tuat a, NATO member gam khempeuh in "agreed definition of defence expenditure” kici defense ading sum zat dingin a thukimna uh tawh defense spending or planned spending a zat ding ciat zang hi ci napi Trump in US in NATO defense budget sharing tam pua lo hi ci-in tawng thapai den hi (Gam khempeuh economy kibat loh manin amau economy hoihna tawh kituakin a GDP percent panun a sik ding ciat uh om a, 2% zat ding cih bel 2014 in thukimna na nei uh hi).
A man takin US in a defense spending dingin a GDP 4 percent zatna ding a geelna hangin a GDP 4% zang ding hi leh 2017 leh 2018 in $776 billion a zat loh phamawh ahih manin Trump in 4% GDP kizang hi a cih man loin zuau hi. 2017 in US GDP pen $19.4 trillion hi ci-in Bureau of Economic Analysis in ci ahih manin Trump in defense expenditure dingin 4% GDP zang takpi hi leh Trump in fiscal year 2018 in $700 billion kizang hi a cih zah bek hi loin $776 billion zat loh phamawh hi (GDP 4% a kizatna ding). US defense expenditure dingin fiscal year 2018 in kizang pen a taktakin Bipartisan Budget Act of 2018 in two-year budget agreement tawh phalna tawh kituakin $716 billion hi zaw hi. Ahih hangin Obama' hun a tam kizang pen 2011 in $717 billion zah pha zo nai tuan lo hi. Obama in defense budget ding in sum tawm zang semsem a, US military power thanemsak semsem hi cih pen upmawh thu leh zuau bulomtang hi zaw hi.
A link i piakna mek in en lecin a kicingin US in a defense budget zat khiat zah ciamtehna man (fact records) om a, laitui, laidal leh computer leh documents a kiciam khinsa ahih manin kilaih thei lo hi. 2003 khit nung Obama zah in defense budget dingin tam zang kuamah om nai lo cihna suak hi. Zuau leh upmawh thu gen hat manin thuman suak tuam lo a, defense budget pong tam zat manin military power hat pah henhanna ding cih om tuan lo hi. Defense budget tam manin a zat dan zong ngaihsut zel buang ding kisam hi.
Bang hanga gam dangte tawh teh in US defense budget 2003s khit nung tam diak se hiam?
2003: March 19 in Bush' administration hun in Iraq sim in Iraq War hong piangkhiatna hangin sum tam bei hi.
2004: Iraq gam-a US in terrorist dingin upmawh a matte a bawlsiatna (tortured) Abu Ghraib thonginn a human rights a palsatna uh WikiLeaks in hong pholakkhiat ciangin US leh a pawlte lehnan'na/lehdona (resistance) hong khauh luat manin Iraq War hong nasia semsem a, sum bei zah khang semsem hi.
2005: Bush' administration leh a pawl ten October 7, 2001 in Afghanistan sim uh a, Afghan War hong piang hi. 2005 in free election om theihna ding security leh humbitna a piak manun sum tampi beilawh hi.
2006: Iraq War a sum bei zah khan' beh lai hi.
2007: Iraq gam-a nautang ten US in a ukkhumna (occupation) a deih lohna hangun ngongtatna (violence) hong khang a, ngongtatna bei daihna dingin sum bei zah khan' beh lai hi (security adingin sum bei kibehlap hi).
2008: Middle East ah economy buaina; GDP khang loin trade leh industrial activity kiatsukna (recession) hangin ngongtatna hong khang manin a dona dingin sum tam beilawh semsem hi.
2009: Bush administration leh a kipawlpih gam ten 2001 in a sim uh Afghanistan gam ah US in i gam hong ukkhum hi cih mipi in a deih lohna uh thakhat thu-in hong khan' (surge) manin a betdaihna dingin sum zatna hong khang semsem hi.
2010: Obama administration in Iraq ah mipi in US galkap deih loin a langpan'na uh hong khang semsem manin Congress thukimna bangin US galkapte lakkhiat a khiamna (draw-down) dingin funds pia ahih manin sum zatna kibehlap hi.
2011: Iraq War a bei hangin hih gal ah US sum zatkhiat tam bei pen (costs reached all-time high) hi.
2012: Afghanistan War a galdo US galkap tampi kilakhia ahih manin sum zatna hong kiam hi.
2013: Legal zangin neihsa laksakna (sequestration) hangin defense budget kizang kiam hi.
2014: Afghanistan War daihlam manawh (wind-down) hi.
2015: Sequestration hangin defense spending kiam a, ahih hangin 2007 sangin sang zaw lai hi.
2016: ISIS ten hong khanglo kik in lehdona hong pan kik (resurgence) uh hi.
2017: Trump in VA leh FBI funding khangsak a, military spending a zat dingin Congress tungah $30 billion ngen hi.
2018: Trump in Congress defense budget a zat dingin sequestration phiat dingin a ngetna bangin kum nih (2018) dong kiphiat a, president ka cing leh kha khat sungin leitung panin ka phiatmang ding hi a cih ISIS dona dingin military spending a zat ding sum nget beh hi.
President Trump in August 13, 2018 in spending bill dingin a letmat thuh (signed) components kiselsim teng tawh gawm in $892 billion hi ci-in The Balance news in gen hi. Hih sumte pen October 1, 2018 panin September 30, 2019 kikal adingin zat ding geelna hi. Social Security adingin kizang a tam pen hi a, tua khit military spending a kizang tam bei pen ahih manin US nuai-a om defense budget tam zang gam kua teng defense zat zah zang hi.
Trump' administration defense spending ah a lom a khente (components) nam li om hi. (1) Department of Defense budget dingin $616.9 billion (2) Islamic State group (ISIS)-te gam dangah dona (overseas contingency operations) dingin $69 billion (3) US gam bumbitna dingin agencies tuamtuamte zat dingin $181.3 billion. Hih sumte lak panin Department of Veterans Affairs ($83.1 billion), State Department ($28.3 billion), Homeland Security ($46 billion), Department of Justice a FBI leh Cybersecurity ($8.8 billion) leh Department of Energy a National Nuclear Security Administration ($21.9 billion) cih bang hi (4) State Department and Homeland Security ten US gam sunga ISIS dona dingin OCO funds tawh
$18.7 billion zat ding cih geelna hi.
Hih sum zat ding spending bill sungah Trump in Fiscal Year 2019 a zat dingin $7 billion a nget beh kihel a, Sept. 30, 2018 ma-in Congress in thukimpih lo hi leh federal shutdown piang kik ding ahih manin Sept. 21 in Congress in vote 361-61 tawh na thukimpih ahih manin Sept. 28 in hih $7 billion sumte Minibus To Aid Corps Projects a zat dingin presidential thukimna bill letmat na thuh hi. Obama' administration hun in US military tam kizatna a hang pen Bush's Wars a kici liang Iraq War leh Afghan War hang hi a, tu dong kum 17 cing khin napi Afghan War pen US president thum gal dona gam leh military budget tampi mawk beina suak hi.
Source: The Balance; Washington Post; The Statistic Portal; Waterways Journal; Pitanquarry
@Thang Khan Lian #ZUNs
