SIA G.S. PAU A PHAWKNA IN AMA ARTICLE GELH, "U.S. PRESIDENTTE" A CIH
- US President sungah hun sawt a sem pen President 32nd Franklin Delena Roosevelt (1882-1945) hi a, term li a kizomin sem hi. Amah in polio natna nei citciat ahih manin kum 13 sung vilvel khutsawn leeng (leg braces) tung panin US gam uk hi.
(Behlapna: FDR pen Democrats hi a, Great Depression in leitung bup economy a suksiat lai-in US economy zong siat cihtakin na sia ahih manin US economy hutkhiatna ding leh a tukna panin a din'kiksakna dingin 1933-1939 kikal sung a administration in a domestic program "New Deal" a kici a patkhiat tawh US economy a thahatsak kik pa hi ci-in American history ah kiciamteh hi. Tua loin Great Recession hun December 2007 panin June 2009 sung i.e. kha 18 sungin Global GDP 5.1% in kia zo a, Tua hun in US President a sem Barrack Obama in Great Recession panin US na hunkhia-in US conomy na thahatsak kik hi ci-in American tangthu sungah kiciamteh hi. Ahi zongin mivomte ahih manin thuman lopi-in ama administration hun June 25, 2016 in Supreme Court in Obergefel vs Hodges case vai a thukhenna ah US Constitution sunga 14th Amendment in "right to marriage" hamphatna na pia hi 5-4 votes tawh same-sex marriage phalna na pia a, US judiciary in phalna a piak hi napi-in US ah systems of checks and balances kici executive, legislative leh judiciarry pen independent bodies vive ahih lam a thei vet lo tengin tua hun in head of executive Obama ahih manin ama thuneihna tawh kipia hi ci pongin tu ni dong tang ngawh pong den lai uh a, thuman lo leh zuau thu vive tawh mindaisak sawm den uh hi)- US presidentte sung panin hun tom a sem pen US 9th President William Harrison (1773-1841) hi a, kha khat sung bek sem man hi. President dingin a kiciam ni panin a tuap na se citciat a, kha khat khit teh si hi.
- US Presidentte sungah a khangmoi pen in US 26th President Theodore Roosevelt (1858-1919) hi a, President a sepin kum 42 bek pha pan hi.
(Behlapna: Theodor Roosevelt pen Republicans hi a, Galpi Khatna kipat ma September 14, 1901 – March 4, 1909 sung US President term nih sung na len hi)- US Presidentte sungah a khan'tom pen in 25th President John F. Kennedy (1917-1963) hi a, kum 46 a phak lai takin kisuamlum (assassinated) hi.
- US Presidentte sungah a zi a nei kiuhkeuh lo khat om a, 15th President James Buchinan (1791-1868) ahi hi.
- US Presidentte sungah pata-in President a sem pata nih om hi. 2nd US President John Adams (1735-1826) leh 6th US President John Quincy Adams (1767-1848)-te pata, 41st US President George Herbert Bush (1924-2018) leh 43rd US President George W. Bush (1946- dam lai)-te pata ahi uh hi.
(Behlapna: John Adams pen pro-Administration (before 1795); Federalist (1795 – c. 1808) leh Democratic-Republican (c. 1808 – 1826) party hi. Quincy Adams pen John Adams' tapa upa pen hi a, a cil-in a pa mah bangin Federalist party ahih hangin a presidency pen Democratic-Republican Party member ahihna tawh a ngah hi a, mid-1830s in Whig Party tawh kizopna nei hi. Bush Sr. leh Jr.-te pata pen Republicans tuak ahi uh hi) - US Presidentte sungah 2nd US President John Adams (1735-1826) leh 3rd US President Thomas Jefferson (1743-1826)-te a sih ni uh kibang citciat a, July 4, 1826 ni-in si tuak uh hi.
- US Presidentte sungah Vice President term nih a sep khit teh President 37th Richard Mihous Nixon (1913-1994) bek mah om a, term cing nai lopi-in a tawp zong amah bek om hi.
(Behlapna: Nixon pen Republican party hi a, June 17, 1972 in Washington DC khuapi-a Democratic National Committee headquarter guta mi nga ten a buluhna uh Watergate scandal kici 1972-74 kikal sung a kidiah hun in Nixon in term nihna a tuhna Nixon' re-lection campaign a kigolhna kitheikhia ahih manin impeachment proceedings a tungah kibawl a, impeachment hearings a kipat ma-in kipaikhia zo ding hi cih thei-in na kitawp hiau hi).- US Presidentte sungah anbuk sungah va lut zelzel nih om uh hi. Khat in US 30h President (Republican) Calvin Coolidge (1872-1933) hi a, anhuante in bang teng gu sim uh hiam cih a encik hi. A khat pen US 33rd President (Democrats) Harry Truman (1884-1972) hi a, anhuante kiangah, "Siam lua uh teh," ci-in phatna kam va gen hi.
- US Presidentte sungah 34th US President (Republicans) Dwight Eisenhower (1890-1969) zatep (cigaratte) a hai pen hi a, ni khatin zatep zial 80 bang gai den hi. Galkapmang khat ahih manin galkap dan mah zang a, amah leh amah, "Tu ban siah za tep nawn kei in," ci-in amah leh amah thu (order) kipia hi. Tua dan tawh zatep kideek zo hi.
- US Presidentte sungah 39h US President Jimmy Carter (1929 - nungta lai) in a tangvalno pan kipan hunlang Sunday School sia a septoh hi a, US President a sep sungin zong khawl tuan peuhmah lo a, Maranatha Baptist Church ah hunlang Sunday School sia se veve hi. Amah in, "Hih ka sepna in ka upna khosak hi," ci-in gen hi.
(Behlapna: Carter pen Democratic party president hi a, president zum a nusiatsan khit kum sawmli dektak khit nung nangawn Sunday School sia tu dong mah zom suak lai hi. Cancer natna a neih banah November kha-in a tukna ah a kawngbom leh a khe kituahna guh (pelvis) tat tan kha hi. Zato inn ah nipi kal nik dektak a lup khit zawh zato inn panin a tuahkhiat nungin ciangkhut khunsa-in Maranatha Baptist Church ah Sunday School class hilh dingin kuan tangtang veve hi. US Presidentte lakah biakna lamsang ah a hahkat pen pawl hi kha ding a, Democratic party pen Pasian um lo party hi ci-in mot gengn pen thukan lo, thu telcian loh man hi zaw hi. Kum 96 pha ta ahih manin US president lakah sawt a nungta pen pawl ahih banah US president a nunga lai teng panin a haam pen ahi hi).- 38th US President (Republican) Gerald Ford (1913-2016) i tanu Susan Ford (1957 kum-a piang) in nasep ngei-in naucin' (nanny) ahi hi. A pa US President a suah ciangin zong a naucin' nasep mah semsak suak uh a, a naucin'na ah President leh a innkuanpihte a cing Secret Agents ten zui kawikawi uh hi.
- 39th US President Jimmy Carter i tapa James Earl Carter (1950 kum-a piang) i nasep ngei-in lopa vat ahi hi. A pa US President a suah ciangin a nasep ngei lopa vat semsak suak lel hi.
- 17th US President (Democratic) Andrew Johnson (1808-1875) i tanu Mary Johnson Brown (1832-1883) i nasep ngei-in bawngpi' nawisuuk khawi ahi hi. A pa US President a suah ciangin zong a nasep ngei bawngpi nawisuuk khawi mah semsak suak lel hi.
- 42nd US President Bill Clinton (1946-) in tanu Chelsea Clinton (1980-) bek ta nei hi. A pa in US President a sep sungin amah kum 18 cing ta ahih manin a nu leh a pa kiangah sum ngen ngei lo a, sum thalawhin amah leh amah sangkahna ding sum beite kisik ngiat hi.
(Behlapna: Republican President Gerald Ford, Democrats President Jimmy Carter, Democrats President Jackson leh Clinton' hun lai tawh Trump' presidency kilamdang mahmah ta hi. Trump in a tanu sumbawlmi Ivanka Trump leh a makpa (son-in-law) investor, real estate developer leh newspaper publisher Jered Kushner in politics ah experienced bangmah nei lo napi-un a Senior Advisers dingin a nih un guang liapluap a, nepotism nasia mahmah hi).Hih article pen Sia G.S Pau in 2018 kum in a khet articles 50 a pha G.S. PAU' ARTICLE GELH TUAMTUAMTE VOLUME III" cih laimai 36 sung panin kong tei sawn ahi hi. A nuntak lai-in hong suaksak ding ka cih hi napi-in manlahna hangin kitei sawn man lo a, lamet hun lopi-in hong nusiat vatna hangin amah phawkna dingin kong suahsak ahi hi. A thu a kicing zaw leh kician zaw dingin tawmkhat hong behlap leh phuahphat ahi hi. Sia Pau' pumpi leh kha in hong nusiatsan hangin a khutma leh a lai nasepte laisim uk leh thu tuamtuamte a kan nuamte hong nusiatsan ngei lo ding hi.By: Thang Khan Lian #ZUNs reports
US President sungah hun sawt a sem pen President 32nd Franklin Delena Roosevelt (1882-1945) hi a, term li a kizomin sem hi. Amah in polio natna nei citciat ahih manin kum 13 sung vilvel khutsawn leeng (leg braces) tung panin US gam uk hi.
(Behlapna: FDR pen Democrats hi a, Great Depression in leitung bup economy a suksiat lai-in US economy zong siat cihtakin na sia ahih manin US economy hutkhiatna ding leh a tukna panin a din'kiksakna dingin 1933-1939 kikal sung a administration in a domestic program "New Deal" a kici a patkhiat tawh US economy a thahatsak kik pa hi ci-in American history ah kiciamteh hi. Tua loin Great Recession hun December 2007 panin June 2009 sung i.e. kha 18 sungin Global GDP 5.1% in kia zo a, Tua hun in US President a sem Barrack Obama in Great Recession panin US na hunkhia-in US conomy na thahatsak kik hi ci-in American tangthu sungah kiciamteh hi. Ahi zongin mivomte ahih manin thuman lopi-in ama administration hun June 25, 2016 in Supreme Court in Obergefel vs Hodges case vai a thukhenna ah US Constitution sunga 14th Amendment in "right to marriage" hamphatna na pia hi 5-4 votes tawh same-sex marriage phalna na pia a, US judiciary in phalna a piak hi napi-in US ah systems of checks and balances kici executive, legislative leh judiciarry pen independent bodies vive ahih lam a thei vet lo tengin tua hun in head of executive Obama ahih manin ama thuneihna tawh kipia hi ci pongin tu ni dong tang ngawh pong den lai uh a, thuman lo leh zuau thu vive tawh mindaisak sawm den uh hi)
US presidentte sung panin hun tom a sem pen US 9th President William Harrison (1773-1841) hi a, kha khat sung bek sem man hi. President dingin a kiciam ni panin a tuap na se citciat a, kha khat khit teh si hi.
US Presidentte sungah a khangmoi pen in US 26th President Theodore Roosevelt (1858-1919) hi a, President a sepin kum 42 bek pha pan hi.
(Behlapna: Theodor Roosevelt pen Republicans hi a, Galpi Khatna kipat ma September 14, 1901 – March 4, 1909 sung US President term nih sung na len hi)
US Presidentte sungah a khan'tom pen in 25th President John F. Kennedy (1917-1963) hi a, kum 46 a phak lai takin kisuamlum (assassinated) hi.
US Presidentte sungah a zi a nei kiuhkeuh lo khat om a, 15th President James Buchinan (1791-1868) ahi hi.
US Presidentte sungah pata-in President a sem pata nih om hi. 2nd US President John Adams (1735-1826) leh 6th US President John Quincy Adams (1767-1848)-te pata, 41st US President George Herbert Bush (1924-2018) leh 43rd US President George W. Bush (1946- dam lai)-te pata ahi uh hi.
(Behlapna: John Adams pen pro-Administration (before 1795); Federalist (1795 – c. 1808) leh Democratic-Republican (c. 1808 – 1826) party hi. Quincy Adams pen John Adams' tapa upa pen hi a, a cil-in a pa mah bangin Federalist party ahih hangin a presidency pen Democratic-Republican Party member ahihna tawh a ngah hi a, mid-1830s in Whig Party tawh kizopna nei hi. Bush Sr. leh Jr.-te pata pen Republicans tuak ahi uh hi)
US Presidentte sungah 2nd US President John Adams (1735-1826) leh 3rd US President Thomas Jefferson (1743-1826)-te a sih ni uh kibang citciat a, July 4, 1826 ni-in si tuak uh hi.
US Presidentte sungah Vice President term nih a sep khit teh President 37th Richard Mihous Nixon (1913-1994) bek mah om a, term cing nai lopi-in a tawp zong amah bek om hi.
(Behlapna: Nixon pen Republican party hi a, June 17, 1972 in Washington DC khuapi-a Democratic National Committee headquarter guta mi nga ten a buluhna uh Watergate scandal kici 1972-74 kikal sung a kidiah hun in Nixon in term nihna a tuhna Nixon' re-lection campaign a kigolhna kitheikhia ahih manin impeachment proceedings a tungah kibawl a, impeachment hearings a kipat ma-in kipaikhia zo ding hi cih thei-in na kitawp hiau hi).
US Presidentte sungah anbuk sungah va lut zelzel nih om uh hi. Khat in US 30h President (Republican) Calvin Coolidge (1872-1933) hi a, anhuante in bang teng gu sim uh hiam cih a encik hi. A khat pen US 33rd President (Democrats) Harry Truman (1884-1972) hi a, anhuante kiangah, "Siam lua uh teh," ci-in phatna kam va gen hi.
US Presidentte sungah 34th US President (Republicans) Dwight Eisenhower (1890-1969) zatep (cigaratte) a hai pen hi a, ni khatin zatep zial 80 bang gai den hi. Galkapmang khat ahih manin galkap dan mah zang a, amah leh amah, "Tu ban siah za tep nawn kei in," ci-in amah leh amah thu (order) kipia hi. Tua dan tawh zatep kideek zo hi.
US Presidentte sungah 39h US President Jimmy Carter (1929 - nungta lai) in a tangvalno pan kipan hunlang Sunday School sia a septoh hi a, US President a sep sungin zong khawl tuan peuhmah lo a, Maranatha Baptist Church ah hunlang Sunday School sia se veve hi. Amah in, "Hih ka sepna in ka upna khosak hi," ci-in gen hi.
(Behlapna: Carter pen Democratic party president hi a, president zum a nusiatsan khit kum sawmli dektak khit nung nangawn Sunday School sia tu dong mah zom suak lai hi. Cancer natna a neih banah November kha-in a tukna ah a kawngbom leh a khe kituahna guh (pelvis) tat tan kha hi. Zato inn ah nipi kal nik dektak a lup khit zawh zato inn panin a tuahkhiat nungin ciangkhut khunsa-in Maranatha Baptist Church ah Sunday School class hilh dingin kuan tangtang veve hi. US Presidentte lakah biakna lamsang ah a hahkat pen pawl hi kha ding a, Democratic party pen Pasian um lo party hi ci-in mot gengn pen thukan lo, thu telcian loh man hi zaw hi. Kum 96 pha ta ahih manin US president lakah sawt a nungta pen pawl ahih banah US president a nunga lai teng panin a haam pen ahi hi).
38th US President (Republican) Gerald Ford (1913-2016) i tanu Susan Ford (1957 kum-a piang) in nasep ngei-in naucin' (nanny) ahi hi. A pa US President a suah ciangin zong a naucin' nasep mah semsak suak uh a, a naucin'na ah President leh a innkuanpihte a cing Secret Agents ten zui kawikawi uh hi.
39th US President Jimmy Carter i tapa James Earl Carter (1950 kum-a piang) i nasep ngei-in lopa vat ahi hi. A pa US President a suah ciangin a nasep ngei lopa vat semsak suak lel hi.
17th US President (Democratic) Andrew Johnson (1808-1875) i tanu Mary Johnson Brown (1832-1883) i nasep ngei-in bawngpi' nawisuuk khawi ahi hi. A pa US President a suah ciangin zong a nasep ngei bawngpi nawisuuk khawi mah semsak suak lel hi.
42nd US President Bill Clinton (1946-) in tanu Chelsea Clinton (1980-) bek ta nei hi. A pa in US President a sep sungin amah kum 18 cing ta ahih manin a nu leh a pa kiangah sum ngen ngei lo a, sum thalawhin amah leh amah sangkahna ding sum beite kisik ngiat hi.
(Behlapna: Republican President Gerald Ford, Democrats President Jimmy Carter, Democrats President Jackson leh Clinton' hun lai tawh Trump' presidency kilamdang mahmah ta hi. Trump in a tanu sumbawlmi Ivanka Trump leh a makpa (son-in-law) investor, real estate developer leh newspaper publisher Jered Kushner in politics ah experienced bangmah nei lo napi-un a Senior Advisers dingin a nih un guang liapluap a, nepotism nasia mahmah hi).
Hih article pen Sia G.S Pau in 2018 kum in a khet articles 50 a pha G.S. PAU' ARTICLE GELH TUAMTUAMTE VOLUME III" cih laimai 36 sung panin kong tei sawn ahi hi. A nuntak lai-in hong suaksak ding ka cih hi napi-in manlahna hangin kitei sawn man lo a, lamet hun lopi-in hong nusiat vatna hangin amah phawkna dingin kong suahsak ahi hi. A thu a kicing zaw leh kician zaw dingin tawmkhat hong behlap leh phuahphat ahi hi. Sia Pau' pumpi leh kha in hong nusiatsan hangin a khutma leh a lai nasepte laisim uk leh thu tuamtuamte a kan nuamte hong nusiatsan ngei lo ding hi.
By: Thang Khan Lian #ZUNs reports
