CHINA IN RUSSIATE' SUPERSONIC MISSILE TAWH KIBANG PIANIN A BAWL MISSILE HANGIN PACIFIC A US-TE TEEMBAWTE PATAUSAK HI CI
Dec. 12, 2016: China in Russiate' aw sangin a mangzaw (supersonic speed) Yakhont missile tawh kibang pianin teembaw kapsiatna dingin CM-302 supersonic anti-ship cruise missile thak a bawl uh tu kha bul in China Aerospace Science and Industry Corp (CASC) ten Zhuhai air show ah pholak khia ta uh ahih hangin US in Pacific kiim ah thuneihna a koih nop manin a teembaw koihte kapna a zat khak ding patausak mahmah hi ci-in military expert Vasiliy Kashin in Sputnikte kiangah gen hi.
CASC in a genna ah hih CM-302 missile system galvan (warhead) 250kg a gik pua zo ding a, a hatna a range pen 290 km hi in, aw/na ging (sound) sangin manlang zaw a, a ngimna khak theihna ding lian (accuracy rate) pen 90 percent hi ci hi. Leitungah supersonic anti-ship cruise missiles pen market ah nih bek om a, tuate pen Russia's P-800 Onyx (Yakhont) leh Russian-Indian BrahMos supersonic missile hi a, tu lianin P-800 a kinak bawl mahmah lai tak ahi hi. Rusiate' Yakhont missile pen aw sangin 2.6 vei manlang zaw lai a, a range pen 300km hi a, galvan 200kg pua in lei, tuipi leh tuinuai teembaw (submarine) panin kikap thei a, a sangna lam altitude 5-15 meters sea level tungah a len' banah radar leh infrared detection nangawn in man/theithei loin a ngimna lianlian kap thei hi.
Chinese reporters ten Zhuhai air show khit in CM-302 missiles pen leitung adingin teembaw kapsiatna missile (anti-ship missile) hoih pen hi ci-in a gen hangun military expert Vasiliy Kashin in Chinate anti-ship cruise missiles in a kidempihte pha zo nai lo hi ci hi.
"China in supersonic anti-ship missiles a bawlna ah lawhcing mahmah a, ahih hangin a van bawlte uh niam lua lai ahih manin a kidempihte uh a pha dek (still playing catch-up) uh hi pan lai a, hih supersonic missiles pen CASC leh China Aerospace Science & Industry Corporation (CASIC) ten Russian anti-ship cruise missiles a puahphat uh hi," ci-in Kashin in ci hi. Ahih hangin China in a bawl pen a sia lua ka cihna hilo-in China in nitumna gamte, US kihel in, ten a bawl supersonic missile bawlna ah makhel ta hi. Ahi zongin Taiwan in zong amau khut suak Hsiung Feng III supersonic missile a bawl saan lai tak uh hi ci-in gen beh hi.
"China in supersonic anti-ship missiles a bawlna ah lawhcing mahmah a, ahih hangin a van bawlte uh niam lua lai ahih manin a kidempihte uh a pha dek (still playing catch-up) uh hi pan lai a, hih supersonic missiles pen CASC leh China Aerospace Science & Industry Corporation (CASIC) ten Russian anti-ship cruise missiles a puahphat uh hi," ci-in Kashin in ci hi. Ahih hangin China in a bawl pen a sia lua ka cihna hilo-in China in nitumna gamte, US kihel in, ten a bawl supersonic missile bawlna ah makhel ta hi. Ahi zongin Taiwan in zong amau khut suak Hsiung Feng III supersonic missile a bawl saan lai tak uh hi ci-in gen beh hi.
China in CM-302 missile pen zuak theih dingin Chinese navy ten a zat uh YJ-12 missile kici a puahphat uh hi a, YJ-12 pen Russiate' Kh-31 supersonic anti-ship cruise missile kici tactical aircraft panin a kikap thei tawh kibang pian dinga a bawl uh ahi hi. China in hih bangin missile a bawl hangin Chinate bawl sangin a hatzaw leh gik zw supersonic missiles-te pen Russia ten P-700 Granit nei uh a, tua in 750kg warhead pua zo a, tua loin P-1000 Vulkan in 1,000kg warhead pua zo hi. P-700 pen tons 7 in gik a, aw sangin 2.5 vei manlang zw a, a leng ciangin radio-electric station leh fired missiles exchange information nei a, mun tuamtuam kap thei hi. Russia in tu-in P-700 puahphapha lai a, tu lianin a neihte pen vanleng puakna teembawte kapna dingin kizang a, a hatna range pen 700km hi ci-in Kashin in ci hi. Tua loin Russia in anti-ship missiles bawl beh lai a, tuate lakah Tsirkon hypersonic cruise missile which kici aw sangin 5vei a manlang zaw leh a range 400km ahi hi.
Russian navy source in a genna ah atomic missile cruisers Admiral Nakhimov leh Pyotr Velikiykithuah ah galvan hoihzaw hong tung ding kum nih sungin kithuah lai ding hi ci hi. Russia in India tawh kipawl in a bawl supersonic missile Brahmos a leh nih i.e. 600km a hatzaw dingin a bawl khawm lai tak uh ahi hi. Vasiliy Kashin in China in anti-ship cruise missile a bawlna hangin South China Sea ah buaina nakpi takin kibehlap ding a, US in Pacific kiim-ah a thuneihna humbit nuam ding ding ahih manin military-political lamsang buaina Pacific ah kibehlap ding hi ci hi. US in zong China in hih bangin galvan bawl hi ci thei ahih manin galvan lamsang ah kitaitehna lianpi piang ding hi. Chinate' YJ-12 pen maximum range pua panin kikapkhia thei ding a, tua loin China in USte anti-aircraft missiles kapna dingin Standard SM-2 zong nei hi. Tua banah Chinate ten Standard SM-6 zong nei a, a man pen $4 million hi ci-in Kashin in ci hi.
Source : Sputnik
Photo 1: Chinese CM-302 supersonic anti-ship cruise missile
Photo 2: Chinese Yahont anti-ship cruise missile
Photo 3: India leh Russia in a bawl khop Brahmos hypersonic missile
Photo 2: Chinese Yahont anti-ship cruise missile
Photo 3: India leh Russia in a bawl khop Brahmos hypersonic missile
