CHINA TEN US-TE TUINUAI DRONE MATSAK

CHINA TEN US-TE TUINUAI DRONE MATSAK

Dec. 17, 2016: China Navyte' galdona teembaw in leitung bup tuipi a kitan'na (international waters) South China Sea a om Subic Bay kiim-ah USte' American oceanographic vessel kici teembaw panin a kilengsak tuinuai tuithe vanleng (underwater drone) matsak uh ahih manin USte ciltang mek khaksak na bang keei uh a, US in lungphona lahna dingin "formal diplomatic protest" kici kibawl a, hong poiak ding uh kingen hi ci-in US defence ulian ten ci hi. Hih tuinuai drone "naval glider" kici pen tuinuai ah teembaw taisak theihna dingin tui a alna (water salinity) leh a lum leh a satna (temperatures) sitna dingin "mapping of underwater channels" bek in a kizang hi a, China Navy ten Subic Bay panin tai (miles) 50 gamla ah a om lai-in international waters ah na mat uh hi ci uh hi.

Chinese Navy ten ten hih USte "naval glider'' pen zanhal in tuipi ah ah a om lai-in US ten oceanographic survey teembaw dingin a zat uh USNS Bowditch in a lak ma-in a matsak uh hi ci-in US defence ulian ten ci hi. Al Jazeera reporter Kimberly Halkett in hih USte tuinuai tuithe vanleng pen China ten teembaw neu khat zangin a matsak uh hi a, USte teembaw in a lak kik ma deuh in a mat uh hi ci-in Washington DC panin gen hi. US ten tua drone pen China in a piak kikna dingin China uliante radio transmission panin hopih uh a, ahih hangin China in thudon lo hi ci-in gen beh hi. China in US in amau et simna dingin hih bangin US gamta den hi ci-in ngawh mun mahmah uh a, China in hih bangin USte teembaw a sim zuih pen a lamdang hilo a, tu-in US ulian ten gam khat khat gam khat kikal a palai nasemte (diplomats) zangin diplomatic channels tung tawnin tua drone lak kik sawm uh hi ci-in gen thuah lai hi.

Satellite maan panin a kizaihna limte mipi theih dingin Wednesday in a kipholak khia a, tua maante ah China in Spratly chain kici tuikulh neu sagih omna ah vanleng kap khiatna thau ''anti-aircraft guns'' kicite leh "close-in weapons systems" kicite koih hi cih kimu hi. South China Sea kiim pen Philippines, Brunei, Malaysia, China leh Vietnam in ko tuikulh hi ci in mun tuamtuam kituh ngeingai uh hi. US galkap ten hih banga buaina hun lem la-in tua munah kigolh in, a utna peuh uh-ah a gamtat theihna dingun "freedom of navigation" operations kici zangin China in ko aa hi a cihna tawh kinaih in teembaw taisak in, vanleng lengsak mun mahmah ahih manin China in a phinna bangin na ngaihsun hi.

#Behlapna: Obama in 2012 in Pivot to East Asia policy cih a pat khiat manin South China Sea ah teembaw leh vanleng tawh galdo ding kisinna US Navy ten nei mun mahmah uh a, tua hangin buaina hong nasia semsem hi. Tu-in Trump in Obama policy laih sawm leuleu a, China leh Tawiwan pen US in gam khat bangin a ngaihsutna "One China policy" pen zahtak sawm nawn loin China in a vanbawlte US ah kipualutte siah tamzaw sem lak ding tangkopih sawnsawn ahih manin China leh US pen hong kisim sik ngiatngiat semsem dingun lamet huai hi. USte tuinuai teembaw nangawn China in na matsak thei ta cileng ong muhnop toto ding hi.

Source: Al Jazeera and news agencies

RUSSIA IN A SANG LEN PEN LEH A HAT LEN' PEN HYPERSUPERSONIC MISSILE HATNA PULAK KHIA TA

RUSSIA IN A SANG LEN PEN LEH A HAT LEN' PEN HYPERSUPERSONIC MISSILE HATNA PULAK KHIA TA

Dec. 17, 2016: Hypersonic (speed)missiles i cihte pen aw sangin a manglang zaw (supersonic) sangin manlang zaw lai a, a hatna pen second khat in 5 kilometers (Mach 15) tung lam-a hatte genna ahi hi. Russia in hypersupersonic missile a bawl thak pen sitna nei ta a, zanhal in media report in a genna Russia in Russian Far East a om Kamchatka panin zanhal in sitna nei ta a, second khat in a hatna pen (maximum speed) km7 dong leng zo hi ci hi.

Hih hypersonic speed missile kicite pen leitung a tuam huih leh meii/van awngthawl sung huih (atmosphere) dawl tung nung dongah lengto zo a, strategic bomber vanlengte panin a kikap ciangin leitup bup a kha zo intercontinental ballistic missiles sangin hatzaw lai hi ci-in Arsenal of the Motherland editor-in-chief Viktor Murakhovsky in RIA Novosti newte kiangah gen hi.

Russia in hih missile thak sitna a neih pen ICBM booster rocket huhna tawh a kikap hi a, atmosphere dawl tung nung a tun ciangin maximum speed in leng hi. Russia in hih missile pen ICBM booster rocket panin a kap khiat (launch) hi a kicih ahih hangin supersonic strategic bombers vanlengte panin kikap thei lo ding cih kigen tuan lo hi ci-in Murakhovsky in ci a, hih missile pen a kikap khiatna ding panin supersonic strategic bomber in a puak khit ciangin engine pua in hypersonic speeds in leng hi ci-in gen beh hi. Tua banga hat in a len' theihna dingin a kuang theihna dingin a puaksak thei ‘Detonation burn’ kici in huh hi ci-in Viktor Murakhovsky in gen hi.

Source : Sputnik