NAUPANG PILPA LEH MI HOIH PASTORPA' TANGTHU
Nipini nitak khuamui kuan khatin Siavuan khat, Thukhen/sitni khat, Pastor khat leh naupangno khat private vanleng neu khat ah hong tuang uh hi. Thakhat thu-in tua vanleng engine in a nasep ding bangin na hong sem thei nawn lo hi.
Vanleng hawl pa'n a siamna teng siit loin ahih theih zah in vanleng a bawh theihna ding leh a sunga tuang teng a suahtak theihna ding a hanciam hangin tua vanleng kiat ding kithawi in, hong niam len' tektek hi. Vanleng hawlpa zong beidong kisa lua ahih manin a tawpna ah, "Na nuntakna theihna dingun vanleng tung panin tuahkhiatna dinga kizang tuipuan (parachute) la un la, tawm khia un," ci-in hong awng baba hi. Vanleng hawl pa'n zong parachute khat man buat a, a dangte nuntakna ding khual man nawn loin vanleng tung pain hong kitawmkhia samsam pah hi.
A sunga tuang mi 4 ahih hangin kamsiatna tawh vanleng sungah parachute thum bek om lai ahih manin khat ading parachute kisam hi. Tua ahih leh bang lawh ding?? Kua pen si dinga kipumpiak ngam ding???
Tua bangin mi lite beidong leh cimawh in a om lai takun Siavuan pa'n parachute khat man buat a, "Kei pen Siavuan hi'ng, cinate kem in, khoi in, mite' nuntakna hunkhia thei ka hih manin ka suaktak loh phamawh hi," ci-in vanleng tung panin tuak khia hi.
Thukhenpa in zong, "Kei pen buaina tuamtuam tuakte kilemna ding a bawlsak thei, mipil leh mi poimawh mahmah khat ka hih manin ka suahtak loh phamawh hi," ci-in parachute khat man in, vanleng panin tuak khia leuleu hi.
Pastor pa'n naupangno kiangah, "Ka tano ah patau kei in, kei pen khangham khin zo in, sawt vei nungta khin zo ta hi'ng... Nang pen a khangmoi mahmah lai na hih manin na nuntakna khempeuh leh na mai lam hun ding limci mahmah a, tua ten nang hong ngak dimdiam uh ahih manin nang zong na nuntak theihna dingin manlang takin tuak khia in," ci-in kamdam in nuihmai hieuhiau kawmin hanthawn a, parachute khat bek a om pen pia hi.
Ahih hangin tua naupangno in, "Pasian' thau nilhpa aw, kilungnuamsak in. Kua peuh in hong neu muh mahmah hangin kei pen leitung-a pil pen leh pilvang pen, thungaihsunkholpa ka hi hi. Kei vanlengah kong tuan' dingin tuahsiatna tuak kha vat in, parachute zang man kei leng cihna tawh ka tawm khiatna dingin 'back pack' khat ka nungah ka pua hi. Tua tawh ka nuntakna ka humbit thei ding hi," ci-in dawng hi.
Tua naupangpa pilna leh thukhualna theihna thupi mahmah a, ahih hangin pastorpa' thusiamna thupi zaw kan lai hi. Pilna leh thukhualsiamna hong kigawmkhawm ciangin naupangno leh pastorpa zong parachute khat bek a om lai hangin suakta uh hi. I neu muh mahmah, i thulim sim mel lohte pen thu mu zawte na hi thei zawsop uh hi.
"Na nasepna (job) in na hihna hong pulak den lo a, ahih hangin na migitna, midangte na khualna, awlmawhna, na hoihna in na hihna tangkopih zaw hi". Na pilna, theihna, hauhna, siamna pen cimawhna tuah hun ciangin nang adingin bek-a man theih ahih khak ding kidawm in.
Nipini nitak khuamui kuan khatin Siavuan khat, Thukhen/sitni khat, Pastor khat leh naupangno khat private vanleng neu khat ah hong tuang uh hi. Thakhat thu-in tua vanleng engine in a nasep ding bangin na hong sem thei nawn lo hi.
Vanleng hawl pa'n a siamna teng siit loin ahih theih zah in vanleng a bawh theihna ding leh a sunga tuang teng a suahtak theihna ding a hanciam hangin tua vanleng kiat ding kithawi in, hong niam len' tektek hi. Vanleng hawlpa zong beidong kisa lua ahih manin a tawpna ah, "Na nuntakna theihna dingun vanleng tung panin tuahkhiatna dinga kizang tuipuan (parachute) la un la, tawm khia un," ci-in hong awng baba hi. Vanleng hawl pa'n zong parachute khat man buat a, a dangte nuntakna ding khual man nawn loin vanleng tung pain hong kitawmkhia samsam pah hi.
A sunga tuang mi 4 ahih hangin kamsiatna tawh vanleng sungah parachute thum bek om lai ahih manin khat ading parachute kisam hi. Tua ahih leh bang lawh ding?? Kua pen si dinga kipumpiak ngam ding???
Tua bangin mi lite beidong leh cimawh in a om lai takun Siavuan pa'n parachute khat man buat a, "Kei pen Siavuan hi'ng, cinate kem in, khoi in, mite' nuntakna hunkhia thei ka hih manin ka suaktak loh phamawh hi," ci-in vanleng tung panin tuak khia hi.
Thukhenpa in zong, "Kei pen buaina tuamtuam tuakte kilemna ding a bawlsak thei, mipil leh mi poimawh mahmah khat ka hih manin ka suahtak loh phamawh hi," ci-in parachute khat man in, vanleng panin tuak khia leuleu hi.
Pastor pa'n naupangno kiangah, "Ka tano ah patau kei in, kei pen khangham khin zo in, sawt vei nungta khin zo ta hi'ng... Nang pen a khangmoi mahmah lai na hih manin na nuntakna khempeuh leh na mai lam hun ding limci mahmah a, tua ten nang hong ngak dimdiam uh ahih manin nang zong na nuntak theihna dingin manlang takin tuak khia in," ci-in kamdam in nuihmai hieuhiau kawmin hanthawn a, parachute khat bek a om pen pia hi.
Ahih hangin tua naupangno in, "Pasian' thau nilhpa aw, kilungnuamsak in. Kua peuh in hong neu muh mahmah hangin kei pen leitung-a pil pen leh pilvang pen, thungaihsunkholpa ka hi hi. Kei vanlengah kong tuan' dingin tuahsiatna tuak kha vat in, parachute zang man kei leng cihna tawh ka tawm khiatna dingin 'back pack' khat ka nungah ka pua hi. Tua tawh ka nuntakna ka humbit thei ding hi," ci-in dawng hi.
Tua naupangpa pilna leh thukhualna theihna thupi mahmah a, ahih hangin pastorpa' thusiamna thupi zaw kan lai hi. Pilna leh thukhualsiamna hong kigawmkhawm ciangin naupangno leh pastorpa zong parachute khat bek a om lai hangin suakta uh hi. I neu muh mahmah, i thulim sim mel lohte pen thu mu zawte na hi thei zawsop uh hi.
"Na nasepna (job) in na hihna hong pulak den lo a, ahih hangin na migitna, midangte na khualna, awlmawhna, na hoihna in na hihna tangkopih zaw hi". Na pilna, theihna, hauhna, siamna pen cimawhna tuah hun ciangin nang adingin bek-a man theih ahih khak ding kidawm in.
