Politics I Cih Bang Hi Hiam??? (Ciamnuih thutak)

Politics I Cih Bang Hi Hiam??? (Ciamnuih thutak)

Ni khat pasal naupangno khat a pa kiangah va tai belbel a, "Pa aw, politics kicici bang a cihna hiam?" ci-in va dong hi. A pa in, "Pha hi ka ta aw, hih bangin kong gen ding hi," ci-in politics kici bang a cihna hiam cih gentehna pia-in a hilhcianna hong gen hi:

"Kei pen i innkuan adingin nek leh tak leh dawn ding khempeuh a kaikhawm pa (breadwinner) ka hih manin kei pen "Capitalism" i ci ding hi. Na nu pen sum leh paai zeekna vai lamsang ah a vaihawm (administrator of the money) ahih manin amah "Government" i ci ding hi. Kei leh na nu in note kisapna khempeuh hong sikin hong guan ka hih manun note (tate) pen a mipite "People" i ci ding hi. Naudon dingin i guaih nasemnu (nanny) pen nasem mite "Working Class" i ci ding hi. Na sanggampa pen i mailam hun ding maban (future) i ci ding hi. Tu-in politics kici a khiatna lim takin ngaihsun lecin na telsiam ding hi," ci hi.

Naupangno zong a lupna dei ah pai-in a pa' thugente a khiatna bang hi ding hiam ci-in lim takin lungngai dide hi. Tua leh zankim lai takin a naungak uh hong kap zakzak ahih manin a naungek uh bangci hiam ci-in va veel khiankhian leh a zun leh ek dalna dingin a tawdapna (diaper) a zun leh ek tawh na kawt dekdak hi. A nu leh pa' lupna dei sungah tailut hangin a nu bek lupna tungah na thallup beba a, vokpi ihmu bangin na naksia damdam hi. A ihmu hithiat a nu phawng nuam lo ahih manin naungek don dinga kiguai nasemnu' lupna dei lam a va delh taitai hangin tawh (key) tawh na kisungkilh bekbak sawnsawn lai hi.

Naupangno in zong cihna ding thei lo ahih manin naudonnu' kong kikalhna tawhtang hawm/vang (keyhole) panin a sim et khiankhian leh naudon nu' tungah a pa na tuang veuvau mawk hi. A naungek kap uh kimangngilhbawl in ama lupna dei sungah lut kik in, a lupna tungah lum kik hi. Tua leh a zing ciangin khua hong vaak khit nungin naupangno in a pa kiangah, "Pa aw, tu in bel politics kici a khiatna telcian taktak dikdek ta ing ei...," va ci hi. A pa in, "Hoih hi, ka tapa aw. Nangma saanzia tawh kituak bangin politics kici a khiatna hong gen sin aw..." ci-in dawng hi.

Tua leh naupangno in, "Hmmm, politics kici ah Capitalism in Working class mite tungah haksatna leh vangik guan hi; ahih kei leh susia dikdek (completely screwed) a, Government in a mawhpuakna tavuan thudon loin ihmu in vokpi bangin naksia damdam in, a mipite (People) lunghimawhna leh haksatna kithudon lo a, maban (future) ding bing mahmah ahih manin uih mahmah (deep poo) hi," ci-in dawng hi.

Politics kicici pen a koi mun khempeuh ah hih dan pian vive hi a, ruling party in na hoih sem pen hi ung ci-in kigen ciat uh a, mi' uptheih ding thu (propaganda) vive mutmut in, a nasepna lopi nangawn uh kipumphatphat lel uh hi. Opposition parties lamte in ruling party thuman lohna leh citlahna teng kankuat in phollakkhia den uh ahih manin ruling party tung panin opposition parties tung panin government' thuman lohna leh citlahna thusim leh thuman kithei zaw den hi. Ruling party leh politician kicite lauhthawng lianpen a thuneihna tokhom uh khahsuah loh ding leh amau mimal hamphatna laihkhiat theih teng laihkhiat mengmeng ding cih ahih manin va pum gup teta pong pen i meetpihna ding tam het lo hi. Politics uk i kicih leh thuman leh thutang bang hi a, gam makaite ahihna uh leh sepkhiatna uh bang hiam cih kantel masak huai phot hi.

Soviet Union makai Nikita Khrushchev in, "Mun khempeuh ah politiciante kibang khin uh hi. Lui (leh guam) om lohna nangawn ah lei (bridge) ka bawl ding hi ci-in hong kamciam uh hi," a cih leh English novelist, essayist, journalist leh critic minthang George Orwell in, "Political kampau pen thuman bangin a kilang dinga zuaugenna leh a zahtakhuaite thahna dinga kibawl hi a, a kampaute uh huih lakah thuman banga kilang dinga kibawl hi," a cih uh na man mahmah hi.

@ Thang Khan Lian #ZUNs

US GAM-A ABORTION LEH SAME-SEX MARRIAGE VAI TAWH KISAI

BUSH HUN PANIN TRUMP HUN SUNGIN SUPREME JUDGES DINGIN CONSERVATIVE JUDGES NGA TAK KIGUANG; ABORTION LEH SAME-SEX MARRIAGE THUBUAI VAI REPUBLICANS TEN A PHIAT LEH VEN'SAK DING UH AMAU TAVUAN HI

Jan. 21, Pithai: George W. Bush in ama presidency term nih hun sungin Supreme Court Judges dingin conservative judges nih na guang hi. Chief Justice William Rehnquist sih khit ni nih zawh in Bush in Sept. 5, 2004 in John Roberts na nominated a, Senate in 17th Chief Justice of the United States dingin Sept. 29, 2005 in confirmed hi. October 3 in Bush in O' Connor' zalaih dingin White House Counsel Harriet Miers a nominated hangin Miers in amah deih lohna hanga langpang a hat luat manin Oct. 25 in a nomination ngah withdraw hi. Tua khit October 31 in Bush in O'Connor' zalaih dingin Samuel Alito nominated kik leuleu a, Senate in Jan. 31, 2016 in 110th Justice of the Supreme Court dingin Alito confirmed hi. Bush in Judges nih a guangte tu dong sem lai uh hi.

Obama in zong ama presidency term nih hun sungin liberal judges nih Supreme Court Judges dingin na guang hi. June 1, 2009 in Obama in David Souter' zalaih dingin New York mi Sonia Sotomayor na nominated a, Senate in Aug. 6 in 68–31 votes tawh confirmed hi. Obama in John Paul Stephens zalaih dingin Massachusetts mi Elega Kagan May 10, 2010 na nominated a, Aug. 5, 2010 in Senate in 63–37 votes tawh kipsak hi. A nih un numei hi uh a, tu dong len lai uh hi.

Trump in ama presidency term khat sung bekin Supreme Courts Judges dingin conservative judges nih na guang hi. Antonin Scalia' zalaih dingin Colorado mi Neil Goruch February 1, 2017 in na nominated a, Senate in April 7, 2017 in votes 54–45 votes tawh kipsak hi. July 10, 2018 in Anthony Kennedy zalaih dingin Maryland mi Brett Kavanaugh na nominated a, sexual molestation ngawhna a tuahte hangin langpan'na a khauh mahmah a piang hangin October 6, 2018 in Senate in 50–48 tawh kipsak hi. Liberal Justice Ruth Bader Ginsburg sih a kivui ni a zing ciang Sept. 26, 2020 in Trump in a thumna ding conservative judge dingin Amy Coney Barrett nanominated pah biangbuang a, Oct. 26 in Senate in kipsak (confirmed) a, Oct. 27, 2020 in kiciamna (judicial oath) nei-in sem pah hi. A nomination process ni 35 bek hearing kicing om lopi-in Trump in 2020 presidential election vote zonna dingin zang napi-in a election results lamet bang tuan lo hi.

Trump' president hun January 9, 2020 in United States Senate in Trump' nominated conservative judges 187 tak Article III judges tak confirmed a, tuate lakah Associate Justices of the Supreme Court of the United States 2, United States Courts of Appeals ah 50 judges, United States District Courts 133 judges, United States Court of International Trade ah judges 2 kihel hi. Trump in conservative judges ding mi 18 nominations Article III courts ah a bawlte Senate in action a lak ding kingak lai a, tuate lakah Courts of Appeals ah 1, District Courts ah 1 leh Court of International Trade ah 1 om hi. Tu lai takin U.S. Courts of Appeals ah judge 1, U.S. District Courts ah 70, U.S. Court of International Trade ah 2, leh federal judicial ah vacancies 10 tak Trump' term masa a bei ma sungin awng lai hi. (Courts of Appeals ah 1 leh District Courts 9 vacancies awngte kihubit masa ding hi). Trump in federal courts adingin recess appointments khat beek pulak nai lo hi.

Article I courts ah January 9, 2020 in Trump in a nomitated judges 15 Senate in a confirmed lak panin United States Court of Federal Claims ah 5, United States Tax Court ah 4, United States Court of Appeals for Veterans Claims ah 4, United States Court of Appeals for the Armed Forces ah 1, United States Court of Military Commission Review ah 1 cih bang hi. Tu lianin Article I courts ah 8 nominations omte Senate in action a kak ding kingak a, tuate lakah United States Court of Federal Claims ah 3, Tax Court ah 3, United States Court of Appeals for Veterans Claims ah 2 om hi. Tu lianin mun awng U.S. Court of Federal Claims ah 6 om a, U.S. Tax Court ah 4, U.S. Court of Appeals for Veterans Claims ah 4, U.S. Court of Appeals for the Armed Services ah 0, U.S. Court of Military Commission Review ah 0 cih bang hi. Trump designated Susan G. Braden leh Margaret M. Sweeney in chief judges of the Court of Federal Claims judges in kiguang hi. Article IV territorial courts ah January 3, 2020 ciangin Trump in chief judge in kuamah laptohna dingin appointments bangmah bawl nai lo hi. Article IV court ah Senate action lak ding 1 om hi.

US gam-ah 1973 in Republican president Richard Nixon' hun in Supreme Court in Roe vs Wade case vai Supreme Court in a thukhenna ah US states 50 ah nauphiatna (abortion) phalna na pia hi. Hih Supureme Court thukhenna vai tawh kisai Nixon in, "Abortion a kisap hun na om hi," ci hi. Ahi zongin Republican Presidents Gerald Ford, Ronald Reagan, George W. Bush leh President George H.W. Bush ten abortion na langpang uh a, Supreme Court thukhensatna hi napi-in abortion vai vote zon'na dingin politics kimawlna dingin hong zang uh hi. Trump' presidency hun in zong amah bek hi loin Supreme Court Judge dingin a guan Kavanaugh in thuneihna a ngahna dingun abortion phiat ding hong tangkopih leuleu uh a, abortion bek hi loin Obama' presidency hun June 26, 2015 in Supreme Court in 5–4 votes tawh Obergefell v. Hodges case a thukhenna uh-ah neih kibang kiten'na (same-same marriage) state 50 ah phalna a piakna phiat ding kamciam in, vote ngahna ding leh mipite khemna dingin hong nak zat mahmah uh hi.

US gam-a abortion leh same-sex marriage pen political party leh politicians tuate deihna tawh phalna kipia hi ci-in Republican politicians leh conservatives tampi in vote leh supporters ngahna leh zon'na dingin mi khemna in lim zat mahmah uh ahih manin ei Zomi sunga Khristian a kineih diak se hi napi zuaugen phamawhsakna nei vet lote in gay marriage legalization vai bang Obama leh Democratic party pum ngawh uh a, social media nangawn ah sia nengnengte in zuau bulomtang vive thukhah kidem henhan liang bang keei uh hi. Trump in federal judges dingin conservatives tampi a guan'na thu kisialhpih laulau den ahih manin manlang takin a phiatmang ding ama liangko tungah mawhpuakna kinga hi. Mi dangte mawhsakna zon'na leh vote zon'na dingin zangin mimal hamphatna dingin hih vai a tangkopihna tawh phiat zo lo ding hi.

Abortion leh same-sex marriage pen human rights lak-a poimawh mahmah "freedom of choice" leh "equality" humbitna leh zahtakna leh kuamah kideidantuamna a om theih lohna dingin US Supreme Court in human rights humbitna dingin thukhensatna hi bek hi. US gam lo buang gamdang ah political parties ten abortion leh same-sex marriage legalization vai political langte mawhsakna ding, vote ngahna ding leh thukan lo mipite khemna dingin tua ci zat liang ngei lo uh hi. Mawhna lianpi tuak hi a, gun violence hanga kithahna tawh zong mawhna kibang mah hi. Mihoih kineihkhem hangin siamtan'na ngah ding hilo hi.

Leitung pen Pasian in mi khempeuh in ama deihna bangbangin a teel theihna dingin hun hong pia-in hong khahkhong ahih manin tua banga gamtangte tungah thukhen ding Pasian bek hi. Tua lo hileh Hell a bawl kisam lo ding a, Pasian' geelna Hell beisak sawm a buai teng zong Pasian langpang mah ahi uh hi.

Sodom leh Gomorrah khuapi om lai pek panin Pasian in same-sex marriage hangin kaat leh meikuang tawh na haltum napi a bei zo lo ahi hi. Pasian kham zawh lo mihing in kham zo lo ding hi. Sodom leh Gomorram khuapi kisuksiatna vai zong LST lim takin sim leng same-sex marriage mawhna hang bek hilo hi. LST khawng ut bangbanga deihkaih ngam ding hilo hi.

Gun violence ah kithahna phamawhsa loin thudangte bek mawhna a ngaihsutna zong Farisai mite banga mihoih kineihkhemna hi. Abortion leh same-sex marriage gamtangte mawhpaih a thukhen khum nuamye pen Pasian' thuneihna va tuh sawm thapai leh Pasian thuneihna a tuh leh do manin vantung panin a kilawnsuk Lucifer tawh a kilamdan'na uh om lo hi.

America ah abortion leh same-sex marriage phiatmang dinga kamciam leh vote zong Trump leh Brett Kavanaught ahih manin Supreme Court ah tu lai takin liberal judges 4 leh conservatives judges 5 om ahih manin a phiat nuam uh leh phiatzo ding uh hi. Amau kamciamna tangtungsak leh semkhia dingin tu-in mawhpuakna tavuan amau liangko tungah kinga hi. Democratic party leh liberal mite a ngawh thapai uh leh a melsiat uh limlangh ngawh in a awngawng bang bek ding uh hi. Abortion leh same-same marriage vai deih a teel ding hileh a deih kuamah om lo ahih manin Supreme Court thukhensatna zahtaksak nuam loin politics ah kimawkna dinga zangte in a beisak uh hun ta hi.

Trump' president term khatna bei ding hi napi-in tu dong bangmah sawm loin hih vai amah leh a pumgupte in mi khemna dingin a zatzat uh pen cimtakhuai leh khamhuai mahmah khinzo hi. Tua bang mite in a tu a tate uh abortion leh same-same marriage gamtatna ah a awk kha lo ding, numei buan a minthang a suah lohna dingun lim takin a kep uh a, zuaugen ankam limna dingin zat hong khawlsan ta le-uh Pasian maipha tawm bang ngah tuam zaw deuh ding uh hi.

A nuai-a link a maan sunga vei lam-a teng Supreme Court ah liberal judges lite hi a, a ziatlam nga teng conservatives ahi uh hi.

@ Thang Khan Lian #ZUNs

https://www.axios.com/supreme-court-justices-ideology-52ed3cad-fcff-4467-a336-8bec2e6e36d4.html?fbclid=IwAR37C4ZEHuK8CWI216iW_MTqJH7foGfFYhYJ3LNW8Yz9VFjm48lapcUkn3o