NGAIHSUN IN LA, NGAIHSUN PHA KIK IN
💞💞Numei hoih leh numei gina lo tampi i sim khin a, pasal gina leh gina lo zong a theihhuai khat mah ahi hi. Zi zon' khialh sangin pasal neih khialh pen baih lo zaw dingin ka um hi.
Bang hang cih leh zi cih pen i lak hi a, pasal pen nu leh pa beh leh phung nusia-a a kizuan a kibeel ahi hi.
💞💞 Vasate nangawn in huihnun simin a kituang a kitan thei singkung gina lo tungah bu tom nuam lo in, cii zong khah nuam lo uh hi.
Pasal gina lo cih ciangin ah zudawn, mivel, na gu cihte tuamkoih phot in. Tuate pen gengen kul lo-a a kilang khia ginat lohna ahi hi.
💞💞Tampi lak ah tawm gen pak leng..
** Sex zatpih ding zawn, kiho sim tua bang thute genpih den pasal pawl khat om hi. Tua bang pasalte pen amau leh mau kideek kidaamna a zo lote leh gualnopna ding bek a hong ngai ahih manin tua dan pasalte pelh huai hi.
Amau leh mau ki-uk (control) zo kei leh bangci bangin innkuan khat uk zo ding, innkuan nuam lam zo ding hiam???
💘Ngaihsun in pasalte pen numeite a neumuh baih ka ngahsa hi ci-a mi lak-a a kiphatsakpih nuam pawl khat zong om hi.
** Pasal gina leh hong it taktak pasalte in na mindaina ding panin hong kem ding a, na vang hong kiamsak ngei lo ding hi.
Na lungsim theih sawm ngiat ding hi..
💞💞Pasal pawlkhat amau thu lo thu a sa lo pawl khat om hi. Ama lunggulhna bek tangtun'sak ding ut in, ama kisap leh ama thu bek a thupi bawl Gentehna - Na deihlohna khat ama deih ahih nak leh sem ding a hong sawl tentan, ama angsung bek thei a midang a thudon lo pasalte peel hamtang in. Khantawn ading maingat ngam huai lo hi (thukhualna a nei lo pasal zong ahi hi)
Na khitui hong luang sak den ding te ahi hi.
Banghang hiam cih leh na lungsim sungah na thuaknate hong theihpih ngei lo ding hi.
🌹Khantawn-a na koppih ding ahih manin Thungen in.
Ngaihsun in la, Ngaihsun pha kik kik in.✌✌
Source : Cii Cing (Cii Cing Fb panin kong teisawn ahi hi).
