LAIBU HOIH NONOTE NA SIM ZEL VIH VE
1. Na leitung et dan hong kidang ding hi.
2. Na khuamuhna hong tangzai zaw ding hi.
3. Na ngaihsutna hong kicing zaw ding hi.
4. Na thukhensatnate hong picing sak zaw ding hi.
5. Na kimuanna hong khangtuam sak ding hi.
6. Na khuak hong tathiam sak ding hi.
7. Na nuntakna hong nuamsak zaw ding hi.
8. Na na ciamteh theihna (memory) hong khangsak ding hi.
9. Na ngaihsut ding thu hoih hong lui den ding hi.
10. Hai paupauna leh mawk ciakciaknate hong bei hiaihiai ding hi.
11. Pil khin, thei khin kisaknate hong kiam hiaihiai ding hi.
12. Haina guam panin pilna lampi ah hong kha ding hi.
Bucing in bel suah pah ken cin ahi zongin mi picing khatin bel hong suah peelmawh ding hi.
-Thu Hoih La Hoih
---------------------------------------------------------------------------------------------
*Mipil tungtuang khat i pilna thusim na theih nop leh a laibu simte min dong in. -Ralph Waldo Emerson
* Lai lam a kin lo gam/minam pen a kiamsuk lam manawh hi cihna hi. - Goethe
*Lai thei napi a laibu hoih a sim ngei lote pen lai thei lote sangin a hamphat zawkna om tuan lo hi. -Mark Twain
*Laibu om lohna innsung pen tawlet a nei lo inn tawh kibang hi.
