SINGKUNG CIDAM LEH CIDAM LO; A GAH LEH A GAH LO A PIANZIA PANIN KITHEI
Manipur ah assembly election ding hong naih semsem leh MLA ten sep ding bawl ding geelna hau semsem uh hi. Term khat or kum nga sung piikpeek kum li sung bangmah sem mel loin om melmal uh a, a term uh a bei kuan election hong naih leh sep ding tampi om lai, ci-in term nih hun a kipiakna dingin khutdawh bangin vak kawik ta uh hi.
Tua bang kawmkawm ah gam leh minam itna lahkhiatna ding leh gam leh minam adingin a sepkhiatna uh lianpen election simin vote guk ding election rigged army pawl tuamtuamte A-Z ten koi danin EVM kimaituam thei ding a, koi polling stations teng "soft targets" in kinei thei ding hiam cih ngim kawikawi leuleu ta uh hi.
Election kuan ciang bekin gam leh minam it leh gam leh minam a veite kuamah kihing khemsak nawn kei ni. I kikhemsak kik leh kum nga sung a thuak ding mipite hi. Kawlgam ah junta coup d'ètat bangin democratically elected representatives or government cikmah in a beisa kum 74 kilawm khia ngei lo ahih manin kum nga sung lim takin gam leh minam it leh veina tawh tangpi tangpi kuamah deidantuam nei loin nasem nuam tampi om ahih manin tuate mah teelcing huai ta hi.
A gah lo, a cidam lo, gam leh minam adingin phattuamna mel a sem khia thei lo gam makai hi cih thei napi-in phungvuh teitei mipite pen a gah lo leh a cidam lo makai thapia teng ihi hi. A gah lo, a cidam lo makaite mawhna hi loin thapia-in a laamto mipite mawhna hi.
Election ciang bekin gam leh minam it in a vei; voters leina dingin sum a hawm ziahziah; votes na hong piak uh leh tua bang tua bang ka hong hih/bawlsak ding hi ci-in a ciamte; polling booth captured in vote gukna dingin thau tawi-in votes a gugu nilohte pen gam leh minam makai leh nasemte hi loin democracratic institution a suam, susia leh guta latate hi zaw uh hi. Gam leh minam ading leh khantohna ding a dal a lianpente hi zaw uh hi.
A cidam lo a gah thei lo singkung i phungvuh niloh den hangin nik i tengsak zongin gah hong suang tuan lo ding hi. Lingvom kung panin leenggah kilo ngei lo a, sialtalling kung panin theigah kilo ngei lo hi. singkung cidamte in gah limci gah a, singkung ginalote in gah ginalo gah uh hi. Singkung cidamte in gah gina lo gah ngei lo a, singkung gina lote in gah limci gah ngei lo hi. Gah limci a gah lo singkungte kiphukin meikhuk sungah kikhul hi.
Democratic gamte ah singkung cidam leh cidam lo, a gah leh a gah lo makaite leh minam adingin a sem taktak kuate hiam cih zong a gamtatna uh tawh amau’ pianzia na thei ding uh hi. Meikhuk sungah khul dinga hoih bek singkung tui va buahbuah leh a phung va vuhvuh pha tuam lo hi. A gah a suang ding singkung cidamte bek tui buakin phungvuh hun ta hi. (ref. Matthai 7:16:20)
Thang Khan Lian #ZUNs reports
Photos: Ka gen nop a deihna na tel zawh kei leh hih maan li teng en in la, lim takin ngaihsun pha lecin na telcian ding hi.
Tua bang kawmkawm ah gam leh minam itna lahkhiatna ding leh gam leh minam adingin a sepkhiatna uh lianpen election simin vote guk ding election rigged army pawl tuamtuamte A-Z ten koi danin EVM kimaituam thei ding a, koi polling stations teng "soft targets" in kinei thei ding hiam cih ngim kawikawi leuleu ta uh hi.
Election kuan ciang bekin gam leh minam it leh gam leh minam a veite kuamah kihing khemsak nawn kei ni. I kikhemsak kik leh kum nga sung a thuak ding mipite hi. Kawlgam ah junta coup d'ètat bangin democratically elected representatives or government cikmah in a beisa kum 74 kilawm khia ngei lo ahih manin kum nga sung lim takin gam leh minam it leh veina tawh tangpi tangpi kuamah deidantuam nei loin nasem nuam tampi om ahih manin tuate mah teelcing huai ta hi.
A gah lo, a cidam lo, gam leh minam adingin phattuamna mel a sem khia thei lo gam makai hi cih thei napi-in phungvuh teitei mipite pen a gah lo leh a cidam lo makai thapia teng ihi hi. A gah lo, a cidam lo makaite mawhna hi loin thapia-in a laamto mipite mawhna hi.
Election ciang bekin gam leh minam it in a vei; voters leina dingin sum a hawm ziahziah; votes na hong piak uh leh tua bang tua bang ka hong hih/bawlsak ding hi ci-in a ciamte; polling booth captured in vote gukna dingin thau tawi-in votes a gugu nilohte pen gam leh minam makai leh nasemte hi loin democracratic institution a suam, susia leh guta latate hi zaw uh hi. Gam leh minam ading leh khantohna ding a dal a lianpente hi zaw uh hi.
A cidam lo a gah thei lo singkung i phungvuh niloh den hangin nik i tengsak zongin gah hong suang tuan lo ding hi. Lingvom kung panin leenggah kilo ngei lo a, sialtalling kung panin theigah kilo ngei lo hi. singkung cidamte in gah limci gah a, singkung ginalote in gah ginalo gah uh hi. Singkung cidamte in gah gina lo gah ngei lo a, singkung gina lote in gah limci gah ngei lo hi. Gah limci a gah lo singkungte kiphukin meikhuk sungah kikhul hi.
Democratic gamte ah singkung cidam leh cidam lo, a gah leh a gah lo makaite leh minam adingin a sem taktak kuate hiam cih zong a gamtatna uh tawh amau’ pianzia na thei ding uh hi. Meikhuk sungah khul dinga hoih bek singkung tui va buahbuah leh a phung va vuhvuh pha tuam lo hi. A gah a suang ding singkung cidamte bek tui buakin phungvuh hun ta hi. (ref. Matthai 7:16:20)
Thang Khan Lian #ZUNs reportsPhotos: Ka gen nop a deihna na tel zawh kei leh hih maan li teng en in la, lim takin ngaihsun pha lecin na telcian ding hi.
