TEENNA DING INN NEI LO NU HARVARD UNIVERSITY TUNG ZO

TEENNA DING INN NEI LO NU HARVARD UNIVERSITY TUNG ZO

Elizabeth Liz Murray pen September 23, 1980 in Brox, New York khuapi ah suak hi. A nu leh pa pen a zawn' mahmah banah khamtheih zongsang tuak uh ahih manin a nih un HIV ngah uh hi.

Kum 15 bek a phakin a nu AIDS natna hangin 1996 kumin si a, a pa pen inn nei lote kikepna ah kikoih manin Liz Murray leh a sanggamnu, Lisa zong teenna ding inn nei lo suak hi.

Teenna ding a neih loh banah omna ding kician leh a kem ding gina a om loh manin high school kah hak mahmah hi. Liz Murray in Chelsea, Manhattan khuapi ah Humanities Preparatory Academy kicihna ah sang hong kah a, kum nih sungin graduation hong zo hi. A sangkah kawmin a sanggamnu (a u nu) sangkahna ding sum lawh lai hi. Mi gentheite adinga kibawlsak huhna - New York Times scholarship kici hong ngah a, leitung bup a university hoih pen pawl a kigen, research bawlna dingin a hoih pen thumna a kiciamteh undergraduate leh post graduate zong sin theihna Harvard University, Cambridge, Massachusetts, United States ah hong kah hi. 2000 kum tuuk hun lai (fall semester) in matriculation hong zo khia hi.

2003 in a pa hong gim sia mahmah ahih manin a pa kem dingin Harvard nusiatsan hi. A pa' omna tawh kinaih thei pen ding ngaihsutna tawh Columbia University ah a laisim hong zom kik leuleu hi. A pa'n 2006 kum in AIDS natna hangin sihsan leuleu hi. 2006 bei kuanin Harvard University hong zom kik a, August 2009 in clinical psychology ngahna ding leh counselor sep ding a lunggulhna hangin Harvard Summer School graduate courses la hi. 2010 in Psychology graduation hong zo hi. A sanggamnu Lisa in zong Purchase College, New York State panin graduation a man khit ciangin mi dang kua hiam cih a khentel thei lo, lungsim veng lote (autism) kikepna sanginn ah sangsia sem hi.

2003 kum in ama nuntakna tangthu "Homeless to Harvard: The Liz Murray Story" kici movie in kibawl hi. September 2010 in ama tangthu laibu in "Breaking Night" kici New York Times (US) leh Sunday Times (UK) kipawlin bawl uh a, bestselling memoir ci'n kiciamteh hi.

Liz Murray in 'Manifest Living and a motivational speaker' kici phuankhia a, a director zong len pah hi. May 19, 2013 in honorary doctorate of public service kici Ph.D degree Merrimack College, North Andover, Massachusetts in pia hi. Tu-in Liz Murray pen Washington Speakers Bureau ten professional speaker dingin zang uh hi. Hatsatna leh cihmawhna tawpkhong tuakte tungah thugenna nei kawikawi a, a thugenna panin mi tampi nuntakna kilamdangsak hi.

A pianpih min: Elizabeth Murray
A pian ni: September 23, 1980
Bronx, New York City, NY
Min dang a kisap : Liz Murray
Sangkahna : Harvard University
Nek zonna : Inspirational speaker
A pasal' min: James Scanlon
A tate : Liam, Maya Jean
A nu leh pa' min: Jean Murray, Peter Finnerty

SIA Rev. Dr. H.S. HATZAW TANGTHU TOM KIM


Rev. Dr. H. S. Hatzaw (Hau Jhaw Suan, kum73) pen Pu Go Za Lian Hatzaw leh Pi Niang Dim Guite tapa hi a, Tonglawn (P), Manipur ah 1943 in suak hi. January 24, 1975 in Lia Cing Ngaih Niang Naulak tawh kiteng a, Pasian thupha tapa nih leh tanu nih nei hi. June 6, 1960 in tuiphumna ngah a, February 6, 1976 in Pastor Ordination ngah hi. CBA sungah hunbitin kum 35 a sep zawh kum 2008 in pension hi.

Nimit 30, March kha 2016, nitak nai 11 kiim in NEIGRIHMS zato Shillong, India panin Sian anglai hong ciah san hi.

Siapa Leitung Nuntaklai Tangthu:

• Lai Siangtho Sinna: Bangalore pan C.Th. 1973, Lamka pan B.Th. 1996, Chennai pan M.Min. 1997 leh Hyderabad pan kum 2002 in D.D. ngah hi.

• Pawlpi sung sepna:

1966 : CBYF President;
1967 - 69 : CBYF Rec. Secretary;
1987 - 91 : CBYF Youth Secretary;
1978 - 80 : MBWU President;
1975 - 83; 1985 : CBWS Secretary;
1982 – 88, 1999 – 2000 : CBRD Chairman;
2004 - 08 : CBLB Secretary;
1973 - 80: Finance Secretary;
1983 – 85,
1998 – 2000,
2004 - 06 : Executive Secretary;
1992 - 07 : CBEM Secretary;
1987 – 94,
1999 - 2000,
2007 :CBPC Secretary
1993 - 94 : CBA Gambup Pastor;
1992 - 95 :Singngat Khawk Sia;
2001 - 03 : Central Church Pastor;
1983 – 85,
1998 - 2000 leh
2004 – 06 Lungdamna Aw Editor.
-
• Pahtawina:
KBC Youth Fellowship,
Vandaitui Literature Ministry,
MBC National Golden Jubilee, Churachandpur Baptist Fellowship, Manipur Baptist Women Union, Southern Manipur Gospel Centenary, Chin Baptist Golden Jubilee, Chin Baptist Literature Board.
Life Member: Bible Society of India, All India Radio Bangalore.

• CBA Pawlpi pualam ah:
1983 - 93 :Member BSI CCPur Branch.
1983 - 86 :Member CBCNEI Fin. & Edn. Committee.
1983 :Secretary, Kuki Chin Consultation.
1985 - 86 : Vice-President, MBC, 1985 - 91 Member CASA Dist & State.
1985 - 86 :President, CBF.
1986 - 88 :President, MBC.
2004 - 06 :President, CBF,
1988 - 1989 :Chairman, MBC Secretaries’ Conference.
1989 – 91 :Member Property Committee CBCNEI,
1990 - 91 :Vice-President, MBC,
1992 - 93 :Asst. Recording Secretary CBCNEI,
1994 - 95 :President CTMA,
1995 - 98 :Member CGA,
1999 - 08 :Goodwill Council,
2005 - 06 :Vice-President MBC,
2006 - 10 :Inf. Secy. SMGC,
1988 :Member NLM till date.

• National leh International Khawmpi Hawhna leh Training painate:
Youth Leadership Conference, Jorhat, 1967,
2nd CBCNEI Youth Conference, Dimapur,1969,
1st CBCNEI Youth Conference, Gauhati,1968,
Youth For Christ Inter Leaders Training, Gauhati,1974,
NEICC Literature Workshop, Gauhati,1976,
Asian Baptist Congress, Hyderabad, 1979,
2nd Baptist Union Conference Dimapur,1984,
Rev. Za Huat Golden Jubilee, Cikha, Burma, 1986,
Burma Baptist Youth Conference Tedim, Burma, 1986,
ZBC Khawmpi Tongzang, Burma, Proclaiming Peace and Hope for the New Millennium, Amsterdam, 1986,
Asian Baptist Youth Fellowship, Calcutta, 1991,
CBCNEI 150th Cin Pawi, Dimapur,1986, Pasian Mualsuang hong, Behiangzang, 1992,
CBCNEI National Golden Jubilee, Guwahati, 2000,
ZBCM – MC Khawmpi, Tamu, Myanmar, 2002,
MBC National Golden Jubilee, Imphal, 2005,
MBC Mission tour to Mizoram, 2007,
Kansau Baptist Centenary, Myanmar leh
Judson Bicentenary Celebration, Yangon, Myanmar, 2013.
-
• Laibu Bawlte:
Amaute Si Ngam Uh Hi,
Kha Siangtho Khanlawhna,
Tunglam Pan Huhna,
Satan leh Khris Kidona,
Thupha Ngahna Mun,
Kumpi Dinga Hong Suak,
Mikhempeuh Lawm,
Vanglian Honpa,
Sadhu Sundar Singh,
Sawmah Khat Pasian aa,
Pawlpi Makai Zattangzang leh
Christianity in Manipur.

• Sepkhiatte:
Tuiphum -336,
Nupakop kitensak -113,
Pastor ordain – 08 leh
Lai Siangtho ZIV honna nei hi.

Tu in New Lamka Go Cin Khup Vengah a innkuan un teng hi.Siapa pen biakna leh lai lamah a uk mahmah khat ahih manin hih hangin hong nusiat vat pen suphuai leh dahhuai mahmah hi.

CHINA TEN LEITUNGBUP KAP KHA DING NUCLEAR GALVAN PLA KHUATAH AP SAWM

CHINA TEN LEITUNGBUP KAP KHA DING NUCLEAR GALVAN PLA KHUATAH AP SAWM

April 1, 2016: Military experts ten a genna ah China ten US gam dong a kap kha ding nuclear galvan pua intercontinental ballistic missiles zat dingin a baihsa in nei ta uh hi ci'n pulak uh hi. Washington DC ah Nuclear Security Summit a kineihna ah Chinese President Xi Jinping in ulian tampi kimuhpih a, tua hunah military experts ten Chinate DF-41 nuclear missiles a lunghimawhna thu gen ngeingai uh hi. International Assessment and Strategy Center ah senior fellow sem Richard Fisher in China ten 2016 sungin DF-41 nuclear missile kici People's Liberation Army (PLA) te' Strategic Rocket Force galphualah a zat dingin koih ta ding hi ci'n gen hi.

Sputniknews.com in a genna ah hih DF-41 nuclear missile kici pen
a range 9,000 miles hi a, China gam panin US gam sung khempeuh kapkha dinga, China ten a neih masak pen uh hi a, a neihsa uh missiles dangte sangin hatzaw in, mobile launcher panin kizang thei ziauziau ding hi ci'n gen hi. China in 2008 in nuclear galvan 20 bek nei a, tu-in 200-400 kiim nei ta hi ci'n Richard Fisher in gen hi. Russia in nuclear missile 1,780-4,700 kiim nei a, US in 1,900-4,500 nei a, France in 290-300 kiim nei a, UK in 150-215 kiim nei a, India in 110-120 kiim nei a, Pakistan in 120-130 kiim nei a, North Korea in 10 nei a, Israel in 60-400 kiim nei dingin kituat hi.

China ten a beisa kum sawt lo a kipanin nuclear galvan bawl ding hahkat mahmah a, DF-21D “carrier-killer” kici in Pacific Tuipi a US Navyte teembaw omte lunghimawhsak mahmah hi. DF-26 model kici a bawl tak pen uh zong nuclear galvan pua thei ding hi. Andrew Erickson in December kha in China Youth Daily newspaper ah a gelhna ah China ten hih a bawl thak uh DF-26 missile pen US ten Chinate a phinna in South China Sea ah a teembaw uh va a taisak niloh manun buaina om vat leh cia zat dingin a puahphat uh hi ci'n gen hi. People’s Liberation Army Air Force (PLA) ten zong fifth-generation J-20 stealth fighter kici kidona vanleng bawl uh a, 2017 ciangin zat theih ta ding hi. PLA Air Forcete pen leitunga Air Forcete lakah fifth-generation stealth fighter zang masa pen nihna suak ding hi ci'n Aerospace Knowledge magazine a deputy editor-in-chief Wang Ya'nan in China Dailyte kiangah gen hi. Fifth-generation stealth fighter pen United States Air Force ten zang masa pen uh hi. Russia in Sukhoi T-50 (PAK FA) 5th Generation Multi-Role Stealth Aircraft 29 January 2010 in na zang uh a, Russian Air Foce in zang hi kici napi Wang Ya'nan in Chinate a zang masa pen nihna hi ci se hi. Russia in hih Sukhoi T-50 (PAK FA) 5th Generation Multi-Role Stealth Aircraftte India tawh kipawl in a hoih zaw dingin a puahphatsan laitak uh ahi hi.

-Sputnik/Your News Wire/Wikipedia