US 45th President Donald Trump kici pa pen a pa Frederick Christ Trump hi a, Bronx khua-ah October 11, 1905 in German Lutheran immigrants Frederick leh Elizabeth Christ Trump' i tapa ta nihna (sanggam numei thum dang nei) hi. Donald Trump' nu Mary Anne Trump hi a, Scotland gam-a Outer Hebrides ah May 10, 1912 in piang hi. Donald Trump' pa Frederick Trump hi a, US gam a tun kum pen 1891 hi bek a, American War of Independence zong a do kha lo immigrant mi bek hi. Immigrants panin American citizens ngah midangte sangin American hi zaw in a kisialhpihna ding uh a innkuan un nei tuam lo uh hi.
Donald Trump pen huih mutmutna lam-a kiniil tuipaan tawh a a kibang mi a, political party affiliations guk vei tak laih in a tai themthum mipa hi a, thankik a bang den mi khat hi. Republican (1987–1999, 2009–2011, 2012–present); other political affiliations: Democratic (until 1987, 2001–2009); Reform (1999–2001); Independent (2011–2012) cih bangin na tawi kawikawi ahih manin political din'na (standpoint) kician a nei lo leh mi citak hilo hi cih kimu thei a, a hamphatna ngah theihna ding lam a delh kawikawi mi hi.
Trump iumei dang tawh sexual relationships a neih manin a kikhenpih a zi masa Ivana Zelníčková (m. 1977; div. 1992) pen Czechoslovakia immigrant tawh kikhen a, a zi nihna Marla Maples (m. 1993; div. 1999) bel American hi a, a zi thumna Melania Knauss (m. 2005) zong illegal visa (extraordinary ability neite bek ngah zawh Einstein Visa tawh zuau thu tawh guaktang a maan kizaih model hi napi visa zuau zang) tawh US lut Slovenian immigration mah hi. Donald Trump' mo leh makte zong immigrants vive mah ahi uh hi. Trump Jr.' zi Venessa' nu Danish origin, a stepfather Jewish mi hi. Eric' Trump' zi Lara Lea Trump lah a origin uh Britain or Ireland hi. A tanu Ivanka Trump' pasal Jered Kushner zong Jewish immigration mi mah ahi hi.
A family history uh suut leng immigrants hi napi anti-immigrants suuksia mahmah in immigrants mite a mudah ngiat, a pawlpi lui ah biakinn a kikhop lam a pastor pa in a muh ngei loh Christian kineih tawm a politics leh biakna secular gam ah a hamphatna ngahna dingin a gawp pa hi a, anti-immigration leh Christian religion paulap a zanga US president cing hi bek hi. Donald Trump in president na len kha pah leh a pum gup no teng US tung kha het lo mah ding hi ve uh cin maw?
Christian kineih pah mahmah diak napi zuau bulomtang gen zongsang in phamawh a sa vet lo, citak loin political affiliations a laih themthum, a zi thumna in nau a paai leh a tapa thumna Barron nawi a piak lai nangawn porn star Stormy Daniels leh ex-Playboy model Karen McDougal tawh sexual relationships nei-in, tua numeite gel kamhukna dingin campaign finance laws palsat in hush-money na pia a, sexual harassments hong bawl hi ci-in public in a ngawh numei 29 pha hi. Meima lo ah tho bawh ngei lo hi.
Trump in president a let ma-in president a tuh dingin lawsuits 3,500 a tuak khin mi ahih manin zuaugen mi, hazatna leh duhhopna tawh kidim leh mi thuman lo, a Trump Towers bawlte nasem dingin illegal immigrants mi guai in, nitha ngeina pia loin, a contractors hunkhop sum pia lo mi hi a, financial fraud mangpa, a business bawlna ah mafia tawh connection nei, Trump' Tower a staff tawh 1980s hun lai-in zawlta a nei, majoritarian politics, white supremacist ultungsak politician hi. US gam-a super minority Zomi ten na pum gup hangun ama political policy no hamphatna ding mahmah om lo hi.
Christian biakna laamto ci-in na pum phat hangun May 4, 2019 in America gam-ah Satanic Pawlpi official recognition a piak bek hunsa loin siah a maapsak SATANIC makai muanhuai mahmah hi a, ngia tuuvun silh SEXUAL PREDATOR suuksia mahmah khat hi bek hi. Thu lim takin kantel vo guai. Sialvom leh sialvom bel a kingaih a lamdang hilo ahih manin a gumte pen a tungtham bek thupi a sa fake Christian, false prophet, heretic leh Charlatan evangelicals vive ahi uh hi (a White House spiritual adviser Paula White zong pastor nih tawh kikhen khinsa, tu in a teenpih a pasal thumna hi a, tax pia loin investigation tuak ngei napi investigation bawlte a kithuahpih nuam lo, heretic, Charlatan, Trinity a nialna thu a gen ngei, 2012 in Charlatan televangelist Benny Hinn tawh sexual relationship nei hi ci-in ngawhna tuak-a a minthang vangvang khat hi).
American presidents lak panin Christian ettehhuaite etteh nuam takpi na hih uh leh kum 92 a phak khitin a tukna hangin a nungguh a tahtan khit nipi kal nih khit zawh in naikal li sung Sunday School hilh dinga ciangkhut khun in a kuan tangtang Democratic president Jimmy Carter cih khawng na etteh un la, biakna a hahkat zia na kantel masa un. A vaak khempeuh kham/ngun hilo hi. Dawite nangawn in Pasian um in lau in ling deldel uh a, Dawi mangpa in Jesuh thum vei a ze-etna lai-in zong LST mah bulphuh teekteek in na ze-et hi. Singkung pen a gah in kithei hi. Donald Trump pen hakai pahtak lung vei tawh kibang bek hi. Thuman leh Christianity values taktak gum kuamah Trump a pum gup ngam om ngei lo ding hi.
