FRANCETE TEEMBAW CHARLES DE GAULLE IN AMASEPEN DINGIN PERSIAN TUIPI PANIN IS-TE PANMUN KAP

FRANCETE TEEMBAW CHARLES DE GAULLE IN AMASEPEN DINGIN PERSIAN TUIPI PANIN IS-TE PANMUN KAP

Dec.22, 2015: ISte do dinga French leh kipawlpih Operation Inherent Resolve ten Mediterranean Tuipi ah ISte kapna dingin zat ding a kikoih Charles de Gaulle teembaw tung panin amasapen dingin Persian Gulf panin ISte panmun kap uh hi ci'n Defense Talk in tangko hi. Hih Francete Charles de Gaulle teembaw pen Commander Task Force (CTF) 50 makaihna tawh French Navy bu Rear Adm. Rene-Jean Crignola in makaih a, Middle East sungah USte galdona ah France mi commander masa pen hi lai hi. CTF 50 ten Middle East ah ISte panmun tung lam panin kap ding uh hi.
.
Charles de Gaulle teembaw in a France gam a a kingakna phual Toulon November 18 in nusia a, a cing dingin French air defense destroyer Chevalier Paul, French anti-submarine frigate La Motte-Picquet, Belgian anti-submarine frigate Leopold Ier, German anti-submarine frigate Augsburg, French command and supply teembaw Marnete kizuisak hi.

Charles de Gaulle teembaw pen Western Europe sunga dingin vanleng puakna dinga kizang (aircraft carrier) gol pen hi ci'n kiciamteh a, a gikna pen 42,500-ton (425,000000 kgs) pha hi. Charles de Gaulle in Rafale fighter jets 18, Dassault-Breguet Super Etendard carrier-born strike fighters 8, Northrop Grumman E-2C Hawkeye early warning aircraft 1 leh helicopter tampi pua beh zo hi. Charles de Gaulle Aircraft Carrier sunga sem (crew) teembaw hawl, vanleng hawl leh mechanics kigawm in mi 1,900 pha uh hi.

Charles de Gaulle pen France ten aircraft carrier a neih sun teembaw hi a, November 13 in Paris khuapi kisuamna hangin mi 130 a sih ban ah mi 360 val in liamna a tuah khit nung in Mediterranean Tuipi ah kisawl hi.
France pen US leh a kipawlpih (gam 65te) ten Islamic State gamnuaimite Syria leh Iraq ah bomb a khiat khumna ah kihel hi.

-Sputnik