BANG HANGA AL-AQSA MOSQUE/TEMPLE OF MOUNT VAI BUAI DEN HIAM??

BANG HANGA AL-AQSA MOSQUE/TEMPLE OF MOUNT VAI BUAI DEN HIAM???

Oct. 19, 2016: Palestine mite' makai ten United Nations cultural agency UNESCO in East Jerusalem ah Israel in a uk khumna sunga om al-Asa Mosque compound (huangsung) tawh kisai Israelte gamtatna a mawhpaihna thu muak (welcomed) uh hi. Israel ten bel UNESCO resolution hangin Judahte leh hih mun siangtho ka kizopna uh UNESCO in hong nolhsak in, hong kitheihmawh bawl hi ci uh hi. Paris pansan UNESCO spokesman in zan in UNESCO in Israel tawh kisai thukimna (resolution) kila pen nung kalin Israel in al-Aqsa Mosque vai-ah UNESCO tawh kizopna bangmah kinei nawn lo ding hi cih tangkona a neih manin UNESCO in hih resolution lakna dingin mee (vote) khiatna thak kinei tuan se lo hi ci-in gen hi.

UNESCO resolution thak sungah hih Old Jerusalem City sunga om al-Aqsa Mosque pen ni dangin Judah leh Palestine ten kipawl in al-Aqsa mosque compound phatak in a kepna (management) tavuan na len khawm uh a, ahih hangin tu-in Muslim min bek : al-Aqsa leh al-Haram al-Sharif ci-in UNESCO in ciamtehsak hi.

Al-Aqsa Mosque compound pen Islamte adingin mun siangtho pen thumna hi a, Judahte adingin in zong mun siangtho hi a, Temple Mount kici hi. Al-Aqsa Mosque pen 705 BC kiim in kibawl a, Temple Mount pen 4 BC kiim in mi na teng ta a, 1850 BC kiim in Samaria mite na teng uh a, 2 BC kiim in Zion Mual i cihna leitaw lam kulhbang na ki-um ta hi. Judah teh hih mual pen Abraham in a tapa tangkhat neihsun Isaac tawh Pasian biak piakna a piakna mun hi ci-in ngaihsun uh a, Kumpi David in Israel milim phazah a simna hangin Pasian hehna tung in, Pasian in Israelte pulnatna tawh vat lup lai-in Pasian lungkimna dingin David in biak piakna dinga a lei, Pasian' Kha Siangtho in a sikna mun Jebus mi Araunah' ancilna ngun (silver) shekel 50 tawh a leina ahi hi. Kumpi David in hih munah kha siangtho kiangah kei mawhna hi, kei leh ka innkuanpihte tungah hih mawhna hong tungsak in la, Israelte vat nawn kei in a cih manin hih mun a tun lianin Kha Siangtho in a mi vatlup khawlsan hi. Kumpi David in hih munah biakbuk (tabernacle) lam a, Jerusalem khuami ten biakna mun dingin na zang uh hi.

UNESCO ah Palestine deputy ambassador len Mounir Anastas in UNESCO resolution in East Jerusalem pen Israel ten hong ukkhum ahihna kilangsak a, Israel ten hih huang sung panin van luite toh khiatna (archaeological excavation) leh thukham a palsatna khempeuh uh a tawpsan hun ta hi ci hi. UNESCO resolution in hih huang sungah Muslimte lut ding dal in Israel police leh galkapte thatang zatna thu mawhsak a, tua banah Israel leh a thatang tawh ukkhum hi ci-in mawhsak hi. (Nung kum in Palestine mi ten kiphinna nei in, suang tawh Israel galkap leh policete a den'na hangun al-Aqsa Mosque October kha kiim in panin police ten hih huang sungah Muslimte lutsak nawn lo uh hi).

UNESCO resolution pian' theihna dingin resolution pen Algeria, Egypt, Lebanon, Morocco, Oman, Qatar leh Sudan ten lai khia a, vote 24 in thukimpih in, vote 6 in langpang a, vote 26 kikhia lo hi. Israel PM Benjamin Netanyahu in UNESCO in hih bangin resolution a bawl pen UNESCO in thukham tawh kituak-a a gamtatna leh leh a hih ding banga a gamtatna ding mansuah hi ci-in a thupulakna ah gen hi. April 2016 pek in UNESCO in resolution a bawlna ah Israel in hih huang sungah Muslimte a lutsak loh pen suakta tak-a biakna ding dalna hi ci-in a mawhpaihna thu na gen ta a, Judah min zong zang nawn loin al-Aqsa Mosque min bek na zang ta hi.

2011 in Palestinian minamte pen UNESCO ah state member in na kikhum a, hih thu hangin US in UNESCO ah a sum piak na khawlsan hi. Al-Aqsa Mosque pen East Jerusalem sunga om hi a, Israel ten 1967 gal in na la uh hi. Hih Mualtung Biakinn (Temple Mount) pen tam veipi na kila a, 925 BC, 721 BC, 597 BC, 587 BC, AD hun in 70, 614, 637, 1099, 1187, 1244, 1917, 1948 na kila hi. Temple of Mount sungah Judahte biakinn (Synagogues), Christiante biakinn (Churches) leh Muslimte biakinn (Mosques) om tek a, Zion Temple, Temple Mount, Western Wall, Dome of the Rock Al-Aqsa Mosque, Church of the Holy Sepulchre, Hebrew University leh Jerusalem Biblical Zoo kicite om ahih manin Judahte, Christiante leh Islamte adingin mun poimawh leh mun siangtho ahih manin kitelsiam lohna lianpi piang thei ding a, kitualvatna nangawn a pian' khak ding leh biakna hanga kilan neihna a pian' ding lauhuai mahmah hi. East Jerulalem sunga Judah tengte leh Zionist organisations ten al-Aqsa Mosque huang sung teng pen Judahte aa hi ci-in uk khum nuam a, Mislim ten Islamte ading mun siangtho pen thumna ci uh ahih manin hih mun adingin a luangkham ngam uh hi.

Source: Wikipedia/Al Jazeera News And News Agencies

INDIA ‘’NUCLEAR TRIAD’’ CLUB SUNGAH KIHEL TA

INDIA "NUCLEAR TRIAD" CLUB SUNGAH KIHEL TA

Oct. 18, 2016: India in amau khut ngiat tawh a bawl nuclear galvan kizat theihna ding tuinuai teembaw INS Arihant a bawl kizang ta ahih manin leitung adingin 'Nuclear triad' club kici sungah kihel ta hi ci-in News X in suaksak hi. “Nuclear triad” club kici sungah kihel theihna dingin nuclear galvan pen tuipi sung, lei leh huih lak pan (sea, land and air-based systems) in nuclear kap theihna ding neite cihna ahi hi. Leitungah ‘’Nuclear triad” club sungah USA, UK, France, Russia, China leh India bek kihel pan a, gam dang ten tui, lei leh huih panin nuclear galvan kap khiat theihna ding nei/bawl thei nai lo hi.

INS Arihant tuinuai teembaw (submarine) pen a gihna 6,000-tonne submarine hi a, India in amau khut suak tawh nuclear submarine a bawl masakna pen hi lai a, tui nuai panin nuclear galvan kap khiatna dingin kizang ding hi. INS Arihant pen galdona ah zat theih ding (ready for operation) ci-in February 2016 in kipulak a, Aug. 2016 in India PM Modi in India Navyte’ zat dingin ap khiatna nei hi. INS Arihant pen Advanced Technology Vessel Project ten Ship Building Centre, Vishakapatnam ah a bawl uh ahi hi. Hih INS Arihant pen lei leh huih lak-a nuclear puate sangin muanhuai zaw, a omna mun theih haksa zaw leh kapsiat haksa zaw ding hi.

India pen nuclear galvan nei ahih hangin “second strike” policy adingin kamciamna nei in, zui ahih manin kuamah kap masa lo ding a, nuclear galvan tawh a kikap a, gal ten a zat masak leh zang pan ding hi. Pakistan gam in bel 'First Strike' policy zui ahih manin India in a kap masak loh in kap thei mawk hi.

INS ARIHANT HISTORY

Name: INS Arihant

Builder: Shipbuilding Centre (SBC), Visakhapatnam, India

Launched: 26 July 2009

Acquired: 13 December 2014

Commissioned: August 2016

Homeport: Visakhapatnam

Status: in service

General characteristics

Class and type: Arihant-class ballistic missile submarine

Displacement: surface: 6,000 tonne (estimated) [3]

Length: 111 m (364 ft)

Beam: 15 m (49 ft)

Draft: 11 m (36 ft)

Installed power: 83 MW (111,305 hp)

Propulsion: PWR using 40% enriched uranium fuel (83 MWe);one turbine (47,000 hp/70 MW); one shaft; one 7-bladed, high-skew propeller (estimated)

Range: unlimited except by food supplies

Test depth: 350 m (1,150 ft) (estimated)

Complement: 95–100 officers and men

Sensors and processing systems: USHUS sonar

Armament:

6 × 533 mm (21 in) torpedo tubes

12 × K-15 Sagarika SLBM

or 4 × K-4

Source-DNA/IBT/Wikipedia