LEITUNGAH AH KHIALHNA NAM SAWMTE

LEITUNGAH AH KHIALHNA NAM SAWMTE :-

1. Na sepna om lo pi-a Hauhna.
2. Kisuan theihna om lo Nopsakna.
3. Gamtat hoih lo om lo Pilna.
4. Diktatna leh thumanna om lo Sumbawlna.
5. Mihing vai lo Khuakpilna.
6. Kipakkhiatna om lo Biakpiakna.
7. Dinpih thugil om lo Gamvai (politics).
8. Sepkhiatna om lo Upna.
9. Gimna om lo pi-a meetna.
10. Zuih zoh loh teng taangkopihna .

CITCIAT

CITCIAT !!

1. Melhoihna Topa thupha hi napi -
Melhoihna tawh mi tampi puk citciat.

2. Hauhna Topa thupha hi napi -
A hau pawl khatin Pasian mangngilh lawh citciat hi.

3. Pilna Topa thupha hi napi -
A pil pente in Pasian om lo ci citciat uh hi.

4. Zaliatna Topa thupha hi napi -
A zalian pawl khat in Pasian nialsan citciat hi.

5. Cidamna Topa thupha hi napi -
I cidam hun sungin Pasian thupha ahih lam kiphawk lo citciat hi.

6. Daupaina Topa thupha hi napi -
A daupai peuh in kei ka kampha ci kha citciat hi.

- Rev. Job Thawngno.

PUTIN IN US IN HUNGARY AH BALLISTIC MISSILE SHIELD A KOIH NEUTRALISED NADING KINGAIHSUN DING HI CI

PUTIN IN US IN HUNGARY AH BALLISTIC MISSILE SHIELD A KOIH NEUTRALISED NADING KINGAIHSUN DING HI CI

May 14, 2016: Soviet gam 1991 in gam tuamtuamin a kikhen ma- in (Romania gam Communist Bloc ah a om lai in) Russia in Romania gam-a a galphual dinga a zatna munah US in ballistic missile dalna 'ballistic missile defense shield' kici $ 800 million bei liangin a koih manin Europe ah galvan lamsang kidemna nakpi takin khangsak ahih manin Russia in USte ballistic missile shield zat theih loh in a om theihna dingin sum zat ding dan geelna (budget) kiphuahpha in, kikhangsak ding hi ci'n Russian President Vladimir Putin in zan in kamciamna nei hi.

US in Romania ah ballistic missile shield kikoih pen Iran leh gam citak lo/thukham palsat gamte (rogue state) missile dalna dingin kikoih hi ci-in paulap a zon' hangin Putin (Pu Cin) in Russiate' top defense leh galvan bawl (military industry) uliante kiangah US ten Russiate' nuclear galvante (nuclear arsenal) ngimna ding leh kapna dingin a koih ahih manin Russia zong ut lo pipi in a gamtatna dingin hong nawh ta hi ci-in gen hi. US in Mediterranean ah Aegis missile pua in a teembaw a taisak banah Poland gamah missile shield a koih beh tawh lungkim zo loin tu-in Romania ah missile sheild koih beh kik leuleu a, USte gamtatna hangin leitungah bitna leh muanna linglawngsak in, galvan bawl kidemna khangsak semsem ahih manin hih kidemna dalna ding Russia zong kidemna ah kihel ta ding hi ci-in gen beh hi.

US Deputy Defense Secretary Robert Work in zan hal in hih missile shield pen Russia ten missile hoih nono a neihte dalna dingin kizang lo ding hi ci hi. Deputy U.S. assistant secretary of state for arms control, Frank Rose in Irante missile in Europe gam pawlkhat (Romania kihel in) kap kha ban ding ahih manin kidalna ding ngaihsut hun ta hi ci-in gen hi.

Putin in Iran ten nuclear galvan a bawl ding uh dalna in US, Russia, China, France, UK+Germany (P+5) in Iran tawh Nuclear Deal kici thukimna suai kikaikhin ta ahih manin US in Europe gamte ah missile shield a koih nop manin Irante missile a paulap niloh ding uh hi nawn lo hi ci-in gen hi.

US in 'defensive umbrella ballistic missile shield' kici Poland gamah bawl a, 2018 ciangin zo siang ding hi. Tua zo siang leh Greenland panin Azores ciang dongah keek beh to lai ding uh hi. Hih 'defensive umbrella ballistic missile shield' kici pen radar nasepna ah kinga a, tua radar in space (mun-awng) ah ballistic missile a kikoih/kikap ciangin na thei thei ding a, a sensor kici in rocket len'na teh in, i teenna leitung kiim-a nuntakna a om theihna sung teng (earth's atmosphere) a lut mai-in tua rocket na kapsia thei ding hi. Tua rocket dalna/kapsiatna (interceptors) pen teembaw tung leh lei panin kikap thei hi.

Russia in ballistic missiles a kakap ciangin a thei khol thei ding helicopter Mi-8AMTSh “Terminator” armored assault helicopters kici 2009 in bawl khin ta hi. Hih Mi-8AMTSh “Terminator” helicopter pen radio-electronic warfare technology tawh kithuah ahih main gal ten missile tawh a kap hangun kidal man/thei ding hi. Mi-8AMTSh “Terminator” helicopterte sungah Vitebsk (electronic jammer) kithuah ahih manin optical leh radio-electronic tha pia khia thei a, tua in missile panin a kidal theihna ding leh a theih kholhna ding a piak bek hi loin radar nangawn in man thei lo (helicopter len' lam radar in thei thei lo) ding hi. Hih Mi-8 'Terminator' Helicopterte pen Russiate vanleng phual Baikal Tuikulh nisuahna lam-ah kikoih a, kum kik ciangin helicopter tuamtuamte ah zong missile leh radar panin kidal theihna dingin Vitebsk jammers kithuah dinga, Easter Military District sunga helicopter kikoih teng-ah Vitebsk jammers kithuah kim ta ding hi ci-in Russian defense ministry spokesman Major-General Igor Konashenkov in gen hi. Russia ten missile system tuamtuam specialistte sinsakna ding leh missile a kikap khiat ciangin a ging zak theihna dingin van poimawh 'simulator complexes' kici 2020 kum bei ma-in Strategic Missile Forces (SMF) te tungah 'simulator complexes' 1,000 kipia khia ding hi ci-inn Russian Defense Ministry spokesman in January 4,2014 in pulak hi. SMF ten 'simulator complexes' kici kisam uh ahih manin 2016 sungin 'simulator complexes' thak liklek 100 SMFte tungah kipia khia ding a, 2020 bei ma-in advanced missile systems lamsang a siam missile system specialist kicite training nadingin 1,000 kipia khia ding hi ci -in n Dmitry Andreev in gen hi.Russia in a galkapte galvan zat tuamtuam 2020 ma-in 70% puahpha dinga, tua dingin sum zat ding sazian 20 trillion rubles ($274 billion at current exchange rates) bikhiah khin zo ta uh hi. Russia in ballistic missiles shield dalna ding a neih nai loh hangin a kapsiatna ding nei khin zo hi.

-Reuters and Sputnik

MAKAI SEMTE THEIH DING THU PAWL KHAT

MAKAI SEMTE THEIH DING THU PAWL KHAT

1. GAM MAKAI SEMTE THEIH DING

(a) PASIAN zahtakin kal suan ding.
(b) Pilna neih hamtang ding.
(c) Citak hamtang ding.
(d) Thukhual ding.
(c) Lungsim nem ding/lungduai ding.
(e) Sum thu pai thu tawh buai lo ding.
(f) Mipite tawh kilawmta thei ding.
(g) Nesia lo ding/gam sum leh mipi sum duhgawh lo ding.
(h) Kiniam khiat den ding.
(i) Si ngam in nasem ngam ding.

2. PASIAN NASEM/PAWLPI MAKAITE THEIH DING

(a) Pasian zahtak den ding.
(b) Gupkhiatna thu tawh kalsuan ding.
(c) A tuute an kham sak den ding. A gil kial leh an pia ding, a dang taak leh tui suah ding.
(d) Mission leh vision kician neih hamtang ding.
(e) Pawlpi mite deihna tawh kal suan ding.
(f) Pawlpi sum tawh buai lo ding.
(g) Cina, dam lo leh zawngkhal mite tha pia den ding.
(h) Gamvai (Politics) tawh buai lo ding.
(i) Zu, beer cih sim dawn lo ding, za sim tep lo ding.
(j) Lungduai ding. Mi khempeuh tawh kikhawl thei ding.
(k) Kiniamkhiat den ding.
(l) Khamangthangte man ding.

3. INNKUAN SUNG MITE' THEIH DING

(a) Pasian um taktak innkuan hi ding.
(B) A innkuan bup un pawlpi khat hi ding.
(c) Mo nu'n innpite zahtak den ding.
(d) Innpi Nu/Pa in guptuam paihtuam neih lo ding.
(e) Thusia thupha kidong dimdiam ding.
(f) Pasian tungah (10/1) sawm-a-khat pia den ding.
(g) Nasep kuhkal den ding.
(h) A etteh huai innkuan hi ding.
(i) Innpite a sih mateng mo ten inn sungah thu nei lo ding.

-Billy Mang Huoi

MAKAI SEMTE THEIH DING THU PAWL KHAT

1. GAM MAKAI SEMTE THEIH DING

(a) PASIAN zahtakin kal suan ding.
(b) Pilna neih hamtang ding.
(c) Citak hamtang ding.
(d) Thukhual ding.
(c) Lungsim nem ding/lungduai ding.
(e) Sum thu pai thu tawh buai lo ding.
(f) Mipite tawh kilawmta thei ding.
(g) Nesia lo ding/gam sum leh mipi sum duhgawh lo ding.
(h) Kiniam khiat den ding.
(i) Si ngam in nasem ngam ding.

2. PASIAN NASEM/PAWLPI MAKAITE THEIH DING

(a) Pasian zahtak den ding.
(b) Gupkhiatna thu tawh kalsuan ding.
(c) A tuute an kham sak den ding. A gil kial leh an pia ding, a dang taak leh tui suah ding.
(d) Mission leh vision kician neih hamtang ding.
(e) Pawlpi mite deihna tawh kal suan ding.
(f) Pawlpi sum tawh buai lo ding.
(g) Cina, dam lo leh zawngkhal mite tha pia den ding.
(h) Gamvai (Politics) tawh buai lo ding.
(i) Zu, beer cih sim dawn lo ding, za sim tep lo ding.
(j) Lungduai ding. Mi khempeuh tawh kikhawl thei ding.
(k) Kiniamkhiat den ding.
(l) Khamangthangte man ding.

3. INNKUAN SUNG MITE' THEIH DING

(a) Pasian um taktak innkuan hi ding.
(B) A innkuan bup un pawlpi khat hi ding.
(c) Mo nu'n innpite zahtak den ding.
(d) Innpi Nu/Pa in guptuam paihtuam neih lo ding.
(e) Thusia thupha kidong dimdiam ding.
(f) Pasian tungah (10/1) sawm-a-khat pia den ding.
(g) Nasep kuhkal den ding.
(h) A etteh huai innkuan hi ding.
(i) Innpite a sih mateng mo ten inn sungah thu nei lo ding.

-Billy Mang Huoi

TEHPIH OM LO TUNNU' ITNA

~ TEHPIH OM LO TUNNU' ITNA ~

I Nu ten hong itna uh leitung mihingte ki-itna lak pan a lianpen itna ahi hi. Hong it luat man-a thuaknate lungngai lecin:

> Nang hong paai a kipanin ama duh zong ne ngam loin nang hong khualna in a duhloh, lim a sakloh, nang i duh teng ne hi. Amah phun sese lo!
> Nang hong paai lai takin lung-ap, luaksuahna leh thazawmnate thuak lawh ngiingeei hi.
Amah phun sese lo!
> Gol tektekin kha tam na phak tektek ciangin a gilvunte kikang semsem in lian tektek a, a ut bangin gamtaang zo nawn lo hi. Amah phun sese lo!
> Na suah ciangin a kigakcip a guh a tangte kitamkham in sisan naisan luanga, khua-ul kai in, khitui hong luan' lawh hi.
Amah phun sese lo!
> Nong suahkhiat khit ciangin tha nei lopi, dam nai lopi, liamma tawh kidimpi mah in a nawi hong teepsak a, a angah hong ihmu sak hi.
Amah phun sese lo!
> Na gilkial, na dangtak, nuam na sak loh ciangin zankim, zan khang, milak, milak lo cih khual se loin na kap a, ama'n hong khem in a nawi hong teep sak-a, a angah hong tawi in, a nungzangah hong pua a, hong awi ihmu hi.
Amah phun sese lo!
> Mite tawh kiliangko kimin pilna siamna na neih theihna dingin pilna sangah hong kha in sum leh pai, nek leh dawn ding hong vaihawm sak hi.
Amah phun sese lo!
> Tuni ciang dong hong itna tawh thu hong nget sak den a, nang na phawk kei zongin ama'n hong phawk gige ahih manin nang hong itna kiam ngei lo hi. Na phawkkhak loh hangin,
Amah phun sese lo a, Nang ading thu hong ngetsak den hi!
Tehpih ding om lo tunnu itna!

~ Tehpih Ding Om lo Tunnu Hong Khualna ~
Leitungah hong khualpen ci-a i ngaihsut mite hong khualna leh i Nute hong khualna tehkak zawh ding hilo hi. Nute hong khual zia:

> A gilsungah i om lai-in ama duh bang ne ngam loin ei duh bangbang ne a, i tha om theihna ding leh i cidamna dingin a lim thei thei, a al thei thei tawh hong vak hi.
> I suah khit ciangin zong i tha omna ding, i gilvahna ding, i ihmut nopna ding hanciam in, ei hangin gilkial lawh, ihmut cim loh lawh in tha bei lawh mahmah hi.
> Mite bangin pil in siamin i om theihna dingin mai tom, mai sau hong sinsak a, mite neumuhna, simmawhna, zahkonate hong thuaklawh hi.

~ Tehpih Ding Omlo Tunnu Hong Deihsakna ~
Nute in a tate ading hong deihsakna uh lian mahmah a, tehpih ding om lo hi.
Ka ta ading ci-in a lim a al a ngah khak sunsunte hong puak vanvan uh hi.
Ka ta ading ci-in Pasian kiangah thu hong ngetsak den hi.
Gupngah in vantung i tun theihna dingin Inn ah Pasian thu hong genpih in, Sunday School ah hong kha hi.
Pilna, siamna kicing nei in gual tawh tanbang kim a, mi lawhcing na suahna dingin lampi hong zonsak in, a hihtheihna zah sanga sangzaw tawh hong panpih hi.

Tehpih ding om lo Tunnu hong deihsakna!
Tehpih ding om lo Tunnu-

+ITNA
+KHUALNA
+DEIHSAKNA

-Dong Mung.

PA IN A TATE' TUNGAH A THUHILHNA

PA IN A TATE' TUNGAH A THUHILHNA

• Na nu khasiatna dingin, gamta, kampau kei in la, na nu simmawh kha kei in.
• Na nu' hong itna na thukkik zo kei zongin, na nu' hong itna a mawkna suaksak ngei kei in.
• Na nu' ading tanu/tapa hoih khat na suah zawhna ding hanciam den in.
• Na zi'/pasal' hangin na nu mudah ngei kei in.
• Nang nu' na it mah bangin na zi/pasal nu it zawh sawm in.
• Na nu' deih loh, na nu' phal loh khat peuhpeuh sem/bawl kha kei in.
• Na nu pen, nute' ni leh ni thupite bekah a pahtawi leh a it hi loin, a tawntungin pahtawi-in, it zawh sawm den in.
• Na nu na lungkim/lungdam sak zahzah ama thupha ngah ding hi teh cih phawk gige in.
• Na nu' na khasiatsak zahzah hamsiatna ngah ding cih phawk in.
• Na nu' tungah Pasian in thupha tampi tak hong koihsak cih phawk den in.
• Midang ten bangbangin na nu hong gensiat sak ta leh nang adingin na nu zah-a a hoih kuama dang om tuan lo cih phawk in.
• Na nu' lametna leh ama lungmuan'na in nang bekmah na hih lamtak phawk in.
• Na nu' adingin na khatpeuhpeuh hih/sep sak ding thasial kha kei in.
• Na nu' tungah itna lak tawntung in la, thupha ngen zelzel ing.
• Na nu pen pilna, siamna a neih loh hangin nang adingin leitungah a zahtakhuai pen ahi hi.
• Na nu' deih khempeuh na pia zo kei zongin na nu' kisap bangbang a pia zo ngiat dingin hanciam den in.
• Na nu in hong dampih lai ahih leh a damsak Pasian' tungah lungdam ko khial kei in la, sawtpi tak mah hong cidam pihin, a khansau theihna ding thungetsak den in.
• Na nu in a kimu thei kipahtawinate sangin a kimu thei lo nangma itna lungtang deih zaw hi cih phawk den in.

# A nu simmawh in,a khasiasak mite in leitung thupha a ngah loh banah khansauna ciam kha lo ding uh a, a nu it in, a lungkim/lungdam sak mite in ahih leh leitung thuphate leh khansaunate ngah ding uh hi.

-David Tuang

I NUTE I NGAIHSUT DAN

I NUTE I NGAIHSUT DAN

Kum 6: Ka nu in na khempeuh thei hi.

Kum 8: Ka nu in theih hau hi.

Kum 12: Ka nu ing bangmapi na thei taktak kei.

Kum 14: Ka nu in bangmah thei kei.

Kum 16: Bang e ka NU?

kum 18: Ka nu pen khanglui vai lua.

Kum 25: Ka nu pen na man kha ding hi.

Kum 35: Ka nu thu dong masa ning.

Kum 45: Ka nu in bang ngaihsutna a nei tam?

Kum 75: Ka thu dot dingin ka nu'n hong dampih lai leh maw? cry emoticon cry emoticon

UI HOIH MAHMAH KHAT TANGTHU

UI HOIH MAHMAH KHAT TANGTHU

Nitak khat sumbuk ngakpa’n a sumbuk a khak dek lianin ui khat a sumbuk-ah thakhat in hong tai lut hi. Tua ui in a kam-ah saphuklai ip gol mahmah khat pet hi. Tua a saphuklai pehna sung ip sungah a van lei dinga kisam kigelh a, a sum bei ding khempeuh zong om hi. Sumbuk ngakpa’n a saphuklai ip la-in a van kisam teng kaikhawm in, a saphuklai ip sungah a van teng guansak in, a sumbei khempeuh la hi.

Sumbuk ngakpa’n a van ding khempeuh a guansak khit phet manlang takin tua ui ciahkik pah vingveng hi. Sumbuk nakpa’n zong lamdang sa lua ahih manin tua ui a nungah sim zuih a, kua ui hi peuhmah ding hiam cih en khia dingin a nungah va sim zuih hi.

Tua ui bus khawlna mun ah tai suak in, bus ngakin ding hi. Tawl khat khit ciangin bus hong pai a, a sungah manlang takin diang to samsam pah hi. Bus sunga sum kaikhawmpa/dongpa (conductor) in sum hong dong in, tua ui kiang hong tun’ ciangin a ui in a ngawng a savun tawh a kingakna khau sum dongpa’ kiangah lak hi. Sum dongpa’n tua savun sunga et leh tua ui’ kumna ding mun ki-atna lai leh sum mu hi. A sum bei zah ding la-in, a ticket ui’ ngawgah koihsak in, a sum val teng zong koih kik sak hi.
A kumna mun a tun ciangin tua ui a kong lam hong manawh phei a, ka kum hun ta hi cih lahna dingin a mei pei velvel hi. Bus a khawl phet in tuak khia pah a, inn lam manawh in tai hi. Sumbuk ngakpa’n zong zui sim lai hi.

Inn a tun ciangin tua ui in a khe tawh kong kiu a, a pupa hong pai in kong hong hon’ hi. A ui a lut khit ciangin a pupa’n a ui a ciang tawh nakpi takin sat gawp hi. Sumbuk ngakpa zong lamdangsakna leh heh mahmahna tawh kidim a, “Bang hangin ui hoih hi bang nei cin-a sat beh lai na hi hiam?’’ a cih leh ui neipan, “Tawh tawi ding mangngilh sese a, ka ihmut lai hong phawngin hong nawngkaisak hi,” ci-in dawng hi.

Na hoih nasep hangin midang ten a hoihzaw sem na sep ding hong lamen thuahtuah den lai ding uh hi. A beisa hunin na hoih tampi na sep sate hong kimangngilhsak pah ding a, hih khialh khat na nei ciangin tua bek nangawn na nuntak sung tawntung hong kiciamteh sak zaw lai ding hi. Hih pen leitung mihingte ngeina leh leitung pai zia ahi hi. Ahih hangin hih thu phawk khial kei in:

“Na thumanna leh cihtakna hangin mi dang ten hong khem ding uh hi.
Na cihtakna leh thumanna khahsuah tuan kei in.
Lungkimna na ngah/muh ciangin midang ten
Hong haza ding uh hi. Lungkim veve ding dan kisin in.
Tu ni in na hoih nasepnate zing ciangin kimangngilh lel ding hi.
Ahih hangin na hoih sep ding cimtak tuan kei in.
Na nuntak sungin na hoih sep ding hanciam in la,
Leitungah na nuntak sungin na hoih sem den in.
Na hoih na septe in bei hun cih nei ngei lo ding hi.
A tawp ni ciangin na hanciamna leh na hoih na senate..
Midangte adingin na bawl hi loin,
Nang leh Pasian adingin nasep ahih lam tak na phawk veve ding hi".

-Mother Teresa

TAI KIDEMNA-A A ETTEH HUAI THUPIANG

TAI KIDEMNA-A A ETTEH HUAI THUPIANG

Ni khat pasal 8 tai kidem dingin kithawi uh a, tai kidem kipatna bul ah gi kiciamtehna munah hong ding tek uh hi.

“Man sa-in om tek un, tai dingin kithawi sa in om un,” ci-in phitmutpa hong kiko khit ciangin thau hong kikap a, “Pheng” a cih lian tak ciangin tai ding hong kipan ngeingai uh hi. Kal 10-15 bang a tai khit nungun khat hong tuk hi.

Tua a tukpa zong na sa-in naungek kah bangin kap zakzak hi. A lawm dang sagih ten a kahna aw a zak ciangun a tai uh din’ khawlin nung et uh hi.

Tua mi sagihte a lawmpa uh (a tukpa) kiangah hong pai in, va hehnem uh hi. A khem dam khit uh ciangun a vekun khut kilen sa-in kidemna zawhna kung ciamtehna lim a kizikna mun a tun dong uh hong tonkhawm diamdiam uh hi.

Tua tai kidemna en a tamzaw ten hih thupiang a muh ciangun nehno in, a mit tui uh luang kim phial hi. Kidemna saite leh ulian ten zong lamdang sa tek uh hi.

Hih tai kidemna pen India gam Maharastra state a om Pune khuapi ah National Institute of Mental Health kici lungsim cinglo kemte saina hi a, tai kidemna a kihel khempeuhte pen LUNGSIM VENG LO vive ahi uh hi.

Lungsim veng lo/lungsim cing lo, mihai leh mipoi ahih zenzen hangun bang zong sinsak uh hiam?

1. Kituak tak-a lungsim kikhat a pankhawm theih (Teamwork) ding.
2. Kimawl khat in lungsim picing neih (Sportman spirit) ding.
3. Itna.
4. Kihuai diamdiam ding.
5. A puk mite nusia loin laptoh ding a kisam hi.
6. Liangko kikim banga mikhempeuh ngaihsut ding.

Hih lungsim cing lote hong sinsakte ei a pil leh tei a kisa ten midangte etteh theih dingin i lahkhiat ding pen haksa kisa tek hi. Bang hang hiam cih leh:
1. Lungsim leh khuak a kicingin i neih tek man ahi hi.
2. Kiliatsakna, ei leh ei thupi kisakna i neih tek man ahi hi.
3. Huaihamna leh angsungkhualna bek i neih man ahi hi.
4. A puk mite phong loin a ding mite sawmpaih i siam man ahi hi.
5. Huh ding kisam hi cih mi muh i siam hangin huh ding kidon lo hi.
6. I pilna leh i hatna pen ei phattuamna ding bekin kizang hi.

GUALZAWHNA THUSIM

GUALZAWHNA THUSIM

*I nuntak hun sungin mi dikte bek kholhpih dingin i zon' ding hilo a,
Mi khempeuh tawh kikholhtheih ding i hanciam zawk ding ahi hi.
*Na kikholhpih khat na kikholhpih cil-in tawmvei na itna sangin, 
A nuntak sung tawntung na itna hong kiciamtehsak zaw ding hi.
*Midang ten hong el in, hong ko in, hong langpangin, 
Na paina ding dalna dingin suang tawh hong den’ ciangin.
Nang pen suangseeksiampa na hih lam kimangngilh kha kei in la,
Tua suang tawh hong kiden’nate lei ding leh kulhpi muanhuai 
bawlna dingin zang ziau in.
*Nuntakna pen phe (cards) kimawl tawh kibang hi. 
Na khut sunga phe lai hat nonote na tawi det leh 
A kimanna om lo a,
A zat ding bangin a hun manin na zat leh na gualzo den ding hi.
*Haksatna na tuah ciangin lungkia in 
A tawp khong tung hing ci-in na kingaihsut khak ciangin,
Kam leh ngun hoih mahmahte a kize-etna dingin 
Meisa mahmah sunga ki-ze-et masa a,
Haksatna pen na picin’na hong ki-ze-etna dingin
Pasian in a zat na hi zaw hi.
*Mihingte muan ding sangin Topa mah belh tak leh 
Muantak zaw hi.
Mihing ten na tungah lametna khat khit khat hong nei den a,
Na mawhna khat a om ciangin ciamteh den uh hi.
Pasian in thupha khat khit khat tatsat loin hong piapia a,
Na mawhna khat khit khat hong maisak den in,
Hong ciamtehsak ngei lo hi cih phawk in. 
*Zingsangin hun man-a na thawh theihna pen 
Na nai-ah patau dak na koih man nasak khak leh
Misi khat kiangah tua patau dak koih le cin 
Zingsang simin na thawh zawh den pen 
Pasian thupha ahih lam tak na phawk ding hi. 
*I nuntakna ah haksatna i tuah zelzel hangin 
Lungkiat pah ding hilo hi. 
Guah tampi a zuk ciangin guah a theuna dingin 
Thungetna nei kei in la, lukhu bitzaw leh gol zaw 
Na neih zawhna dingin thungen zaw in.
*Mi’n hong simmawh in, haksakna tuamtuamna tuah ciangin,
 Na kipelhna dingin thu ngen ken la, 
Na thuakzawhna dingin thungen zaw in.