IS TEN 'SEXUAL JIHAD' UT LO NUMEI 250 THAT

IS TEN 'SEXUAL JIHAD' UT LO NUMEI 250 THAT

April 21, 2016: IS ten June 2014 in Iraq gam-a khuapi lian pen nihna Mosul la uh hi. Hih khuapi panin numei luppih ding leh tawm vei sung kiteenpih ding - 'sexual jihad' ahih kei leh 'jihad al-nikah' kici dingin numei tampi zang uh hi. Shariah thukham sungah numeite pen pasal ten a ut bangin zangin luppih thei uh a, a nialte gawtna lianpi piak theih ding kiphal hi.

IS ten Mosul khuapi a lak khit nung uh Mosul bekah jihad al-nikah ding a nial numei 250 that ta uh hi. IS ten Mosul a lak khit nungun Shariah thukham khauh mahmah tawh uk khum uh a, numei tawm vei sung teenpih dingin la-in a ut lote a thah ban uh-ah a numeite innkuanpihte nangawn zong that uh hi ci'n Mosul khua-a Kurdistan Democratic Party ulian Said Mamuzini in gen hi. Mosul a PUK ulian Ghayas Surchi in IS ten a ukna munte ah human rights tampi palsat uh a, numeite pen vanzat bangin zang uh hi. Mosul khuapi sungah numei bek vak khiat ding a phal loh ban uah pasal leh numei kimuh ding phal lo uh ahih manin koppih zon' ding hamsa mahmah ahih manin pawlkhatin numei leh pasal kimuh theihna ding vaihawmsak in, sum tampipi la in sum bawl uh hi ci'n gen hi.

A BEISA NAIKAL 24 SUNGIN ANBAR PROVINCE SUNGAH IS-TE TUITHE VANLENG NIH KIKAP KHIATSAK

Anbar Operations Commandte commander General Ismail al-Mahalawi in press statement a neihna ah Iraqi galkap ten ISte UAV (Unmanned Aerial Vehicle) medium and light weapons kici galvan tawh Fallujah panin km 23 gamla a om al-Ameriyat khua-ah ISte UAV a nihna kap khiatsak uh hi ci'n gen hi. Ama gen ma-in Iraqi volunteer forces ten ISte UAV al-Jarayeshi kiim ah kikap khiatsak hi ci'n gen uh hi.

-Your News Wire

LAIGELH MINTHANG HON KHATIN ERDOGAN IN NATO SIK LEH TANGIN IS MAKAIH HI CI

LAIGELH MINTHANG HON KHATIN ERDOGAN IN NATO SIK LEH TANGIN IS MAKAIH HI CI 

April 21, 2016: Turkey president Erdogan in NATOte sik leh tangin ISte makaih hi ci'n laigelhsiam minthang ten (group of authors kici ten) gen uh a, hih thu pen a lim tawh lahna ding (evidence) tampi kinei hi ci uh hi. Hih laigelsiam ten IS pen US makaihna tawh NATO in a pian khiatsak hi a, IS hong pian'khiat khit ciangin NATO ten ISte galkap lamsang (militarily) ah Turkey in a makaihna dingin a piak khiat hi cih lim tawh lahna ding tampi kinei hi ci uh hi. NATO in IS pen Middle East ah buaina pian'na dingin a bawl hi a, Middle East buaina ah nitumna gamte a kigolh theihna dingin buaina a pian'sak hi ci'n gen uh hi. 

Investigative journalist Wayne Madsen in IS pen US in Iraq a sim khitin a uk khum manin hong piangkhia a, tua khitin IS ten Libya leh Syria ah gam lianpi hong la uh a, US leh nitumna gam (Western countries) ten  Middle East sungah datsi, gas leh leitang (oil, gas, and land) a deih uh a ngahna dingin ISte pen Saudi Arabia leh Turkey in sum tawh huhna na pia hi ci'n gen hi. 

Amazon laibu in a genna (book description) ah US in Russiate dona ding Gladio cih a phuat khiat bangin al-Queda laih dinga IS kibawl hi a, IS phuankhia al-Zarqawi leh al-Baghdadi pen al-Qaeda ah a pan lai pekin US ten vanzat in a neih uh hi ci'n gen hi. ISte ngian pen khen ding leh do a lak ding - “Divide and Conquer” cih hi a, Middle East pen biakna tawh vaihawm a, minam khen a, Muslim sunga Sunni leh Shia upna leh biakna zuite khen a, gam lak ding cih ahi hi. Britain in zong a beisa kum 200 hun lai-in Saudi-Wahhabi kumpi ukna (monarchy) na bawlsak hi (Wahhabi kici pen Sunni Muslimte pat hi a, Wahhabi upna hangin IS hong piang khia hi). Saudi gam pen Sunni tamna ahih manin ISte sum tawh na huh den hi. Erdogan pen Israel tawh kipawl thei mahmah a, NATO sik leh tangin Erdogan in IS makaih ahih manin mi tampi in IS piangsakte lakah Israel zong kihel hi ci uh hi.

Libya president Gaddafi ukna laih dingin US makaihna tawh NATO in Turkey panin Libya ah ISte sawl a, Qaddafi kithat hi. Tu dong Libya buai lai hi. US leh nitumna gamte ngian Iraq leh Libya ah lawhcing mahmah a, tu-in Syria ah nakpi takin hanciam uh hi. Nung kalin zong Syria ah kiteelna UN vaihawmna tawh kinei a, tua ah President Assad' partyte cing kik leuleu ahih manin US in tu-in Assad laikhiatna dingin kumpi lehdote (rebels) sum, training leh galvan a piak bek hun sa loin tank kapsiatna (anti-tanks missiles) piaksawm ta hi ci'n pulak . US leh a kipawlpih ten ISte do a kicih hangun a sim thamin (covert) in Europe leh Middle East ah IS huhna pia den a, a do khem kineih uh hi. A do taktak dingin Russia bek nusiat uh hi ci'n hih group of authors kici ten gen uh hi. IS ten Paris (France), San Bernardino (US) leh Brussels (Belguim) hong sim ciangun US ten Russiate do na dinga a ngian bawl uh  Gladio false flag operations hong lawhsam dimdem a, tu-in a gul khawi in amau mah leh tuk ta hi ci'n gen beh uh hi. Syrian rebelste zong huhna piapia na ve un bang cik ciangin amau a leh kap tam maw? 

-Your News Wire