BANGCI LEH ZOMITE I KHANGTO TAM?
🤶Pastor leh biakna lam vei leh uk diak a kicite in Lungdamna Thu (gospel) a gen bang lianin hong nuntakpih masa limlim phot uh hen la, gam vai leh biakna thu hong khensiam masa phot le uh (tua hi leh nungzuih nuam pah ding);
🕵️Politician kici ten gam vai mah buaipih in gam leh minam hong khualna leh meetna ngahna dingin hanciam in sihpih ngam uh hen la (tua hi leh sihpih ngam in nungzui tama lo ding);
🧑🎓Pilna siamna sin khangnote in lawm leh gual pilna ciang theih leh bat zawhna dingin sin hen la (tua hi leh zuau thu in hong bumhai zo lo ding);
🤵Sum leh paai zongin thuman in sum bawlin thumanna leh cihtakna mah hong bullet le uh (tua hi leh i gam i lei ah khamtheih guihtheih kimu loin van man mot tam lo ding)
👨👩👦👦Nu leh pate in tu leh tate thuman thutang tawh thuman lampi hilh in pattah hen la;
🧔Lokho mite in i nasepna i loma ah hanciam tentan le'ng
Zomite i khang to pan tam?!
Khantohna kicici gen hat thu leh nget hat zawh thu tawh vantung panin manna bangin hong kikhiat suk ziahziah ding hilo a, Bethsaidai bual a kilok lai takin i va kidiah pialpual kha phial zongun a piang ziau ding hilo hi. Hanciam masak loh a kiphamawh hi.
✍️ Thang Khan Lian
