US IN EROPE AH MISSILE DEFENSE A KOIH NASEMSAK THEI DINGIN KOIH TA

US IN EROPE AH MISSILE DEFENSE A KOIH NASEMSAK THEI DINGIN KOIH TA

Sept. 26, 2016: US in Russia in Europe nisuahna lamah a gam keek ding dalna ci-in paulap in Russia ngimna ding in $800 million dollar missile defense system Europe ah a koih zat theih dingin mansa in koih (activate) ta ahih main Galpi Thumpi piangsakna dingin thau kep hi kici liang hi. US in hih defense system pen Romania gam-ah koih hi a, gam tatsia leh gam gilote (rogue states) khut sung pan in Europe leh US humbitna ding ci-in paulap nei in a koih ahi hi. Ahih hangin President Putin in tua ding hilo a, Russiate nuclear galvante ngimna ding leh Russia kap theihna dingin a koih uh hi zaw hi ci-in ngawh cinten hi.

Israelnationalnews.com reports in, "Putin in hih pen defense system hilo a, hih pen US in Europe ah nuclear galvan a koih beh nop manin a ngian uh hi a, leitung ah daihna beisakna ding kipatna leh galvan kitaitehna pianna ding hi zaw hi ci hi," ci-in gen hi. Kremlin in zong USte gamtatna hangin galvan kitaihtehna pian'sak ding a kideih loh hangin hih galvan a koih uh a lai-ah din'sakna/zat theih loh (neutralised) suaksakna dingin Russia in kihanciam ding a, kimawk om lo ding hi ci hi.

Hih defense system/missile shield system pen Europe khuapi tuamtuamte rocket tawh kikap leh na kap khia thei ding a, Greenland leh Azores kiim ah 2018 bei ma-in kikoih ding hi.
Israelte' Iron Dome bangin Romania gam-a missile shield pen rocket kikap khiate a ma theihkholh theihna dingin radars kici ah kinga a, rocket kikap hi cih radar in a mat/muh ciangin a kap khiatna ding interceptor missile kikap ding a, van lai-ah missile kikapte kapsiatsak thei hi. A interceptor missiles pen lei leh teembaw tung panin kikap khia thei hi.

State Duma defense committee Chairman Admiral Vladimir Komoyedov in hih missile defense kikoihna hangin Russia lauhuaisak hi ci hi. Russia panin tai nai cik ah hong kikoih ahih manin Russia pen 1000% ngimna hi ci liang hi. Russia in bangci thuk kik ding hiam cih a kitel nai loh hangin a kapna ding missile tampi Kalingrad khuapi ah koih pah ta ding in ki-ummawh hi.

United States leh NATO in bel hih missile shield pen Russia ngimna ding hi loin Middle East sunga gam pawl khat ngimna ding hi ci-in pang kenkan uh hi.

-Your News Wire

INDIA IN TUNI-IN SPACE AH SATELLITE 8 KAPTO LEULEU

INDIA IN TUNI-IN SPACE AH SATELLITE 8 KAPTO LEULEU

Sept. 26, 2016: Indian Space and Research Organisationte’ (ISRO) rocket PSLV (Polar Satellite Launch Vehicle) in tu zingsang nai 9:12am in Sriharikota panin Algeria, US, Canada leh India gamte satellite 8 mun awng (space) ah kap to uh hi ci-in Indian Space Research Organization (ISRO) in pulak hi.

ISRO ten a genna ah PSLV rocket a kaptohsakte pen Algeriate' ALSAT-1B, ALSAT-2B leh ALSAT-1N, Canadate' NLS-19, USte' Pathfinder-1 leh Indiate satellite thum ahi hi. Polar Satellite Launch Vehicle in a 37na dingin PSLV-C35, 371 kg a gik khuahun gen kholh theihna ding SCATSAT-1 khat leh satellite sagih polar Sun Synchronous Orbit (SSO) ah leng dingin kapto hi ci-in ISRO in gen hi. Hih PSLV-C35 mission pen First Launch Pad of Satish Dhawan Space Centre, Sriharikota tuikulh panin kikapkhiato hi ci-in ISRO in pulak hi.

Indiate satellite thumte:

1. SCATSAT-1 pen altitude 730 km a gamla polar sun synchronous orbit kicihna kim-ah kum nga sung va leng kawikawi ding a, wind-vector products kici in khuahun genkholh theihna ding leh khuahun theihkholh theihna ding (weather forecasting services) nasem ding hi.

2. 10-kg a gik PRATHAM pen IIT-Bombayte' bawl hi a, 1km x 1km kiim sunga electron om zah va sim ding hi.

3. PISAT pen 5.25 kg. in gik a, PES University, Bengaluru a kibawl hi a, remote sensing applications kici nasem ding hi.

Algeria gamte satellite ALSAT-1B pen 103 kg. in gik a, leitung kim kual in leng ding hi. ALSAT-2B pen kg.117 in gik a, remote-sensing satellite ahi hi. ALSAT-1N pen kg.7 kg. hi a, technology demonstrator ahi hi.

India in a masa pen dingin satellite 1975 in na kapto a, 24 June 2016, ISRO in India in a bawl rocket leh gamdangte bawl rocket 74 zangin satellite 131 na kapkhiato ta hi. October 2015 in ISRO gamdang 23te satellite (Algeria, Canada, Germany, Indonesia, Japan, Singapore leh USte satellite kihel in) kaptohsak dingin na khentat a, 18 June 2016 in rocket khat bek zangin satellite 20 na kapto vau lel hi. Oct. 22 2008 in ISRO in khapi sungah Chandrayaan-1 na kap lut a, Oct. 22, 2008 mah in Mars sunga lut ding Mars Orbiter Mission na kap a, Mars orbit sungah 24 September 2014 in lut ahih manin leitung ading India gam pen a khatvei kapna tawh Mars sunga satellite kaplut masa pen suak hi. Leitung ading India pen Mars sungah satellite kaplut a lina hi a, Asia adingin lawhcing takin a kap lut masa pen suak hi. Satellite gik zaw sem GSLV Mk III kici ISRO in a bawl lai tak hi a, tua ban ah ULV zong bawl lai a, ULV zo leh satellite kapna dingin a zat kik theih (reuseable launch vehicle), human spaceflight, khapi sung vaan ding (lunar exploration), vantunga planet tuamtuam thukan ding (interplanetary probes) leh ni sung kancian ding (solar spacecraft mission) in kizang ding hi. ISRO pen Aug. 15, 1969 kum-a kiphuan khia ahi hi. India in satellite 88 a lawhcing takin a kaptohna leh a neihna hi ta hi.

Kawlgam in kum nga sungin a masa pen satellite kapto ta dup ding hi ci-in Ministry of Communications and Information Technology mun a sem Myanmar Deputy Minister H.E. U Thaung Tin in Dec.10, 2014 in Myanmar Satellite Forum ah pulak khia dum ta hi.

-Satellite Today/Sputnik/The Hindu/Wikipedia

THU POST UUK LEH LAI LAMSANG A UUKTE ADINGIN A THEIH HUAI THU TOMNO

THU POST UUK LEH LAI LAMSANG A UUKTE ADINGIN A THEIH HUAI THU TOMNO

Lai lamsang bek hilo in web pages, laibu, la, television shows, email messages, interviews, articles, artworks (lim suai nasepna), mi' thugen leh a tuamtuamte mi' bawlsa, gensa, khui bawl/khumsa, saksa, gelhsa pen amau a bawlte min, laibu min, a sate leh a kum leh gente phalna la masa lo leh tuangsak loin en i ut bangbangin hawm khiat sawn theih lo hi. Hih bangin phalna la lopi in i gamtat khak leh a gutapa/gutanu kisuak a, mi' sepna leh gimna khempeuh a thahsak kisuak hi. Hih pen mikang ten "Plagriarism" na ci uh a, hih banga gamtate pen gutapa/gutanu (plagiarist) kici hi.
Plagiarism pen mi khat ngaihsutna ei’ ngaihsutna banga gelhna, laibu kibawlsa (publication), gen khiatsa a kibanga gen kikna, sak kikna, khui-a bawl kikna ahi zongin mi’ laigelh leh kaihkhawmte phalna la se loin lakna, lai atpa’ ngaihsutna ama’ phalna ngen lopi a laksakna cihte kihel hi. Tua banah mi’ laigelh khat ama min tuangsak lo (credit pia lo/souce tuangsak lo) pi-in lai-atpa kammal zat tawh kibang lianin kammal (word) 50 tung lam na laksak leh “Plagiarism” in kiciamteh pah lian a, nang pen “plagiarist” (lai kigelhte leh mi’ ngaihsutna gupa) a suak ziau na hi hi. “Plagiarism pen mi nehsa guksakna, copy rights palsatna, thukham palsatna, hi a, hih pen nial theih loh thuman ahi hi (Plagiarism is a crime – that is a fact” na kici ngiat hi. 

LAI LAMSANG AH PLAGIARISM:

Lai ki-atsa kiguksakna tom gen leng mi khat ii gimpi sepsa guksakna, nasepcopy paste bawl ziauna hi a, thukham palsatna ahi hi. Gam tuamtuam leh federal laws in zong phal lo hi. Lai kiguksakna hangin a nasia lua lote a tawm pen $ 100 panin $ 50,000 liau theihna hi a, tua banah kum khat sungah thong kiat theihna ahi hi. Mi' laibu bawl/kaihkhop khat phalna la loin sum $ 2,500 ciang ngah na ngah zawh leh $ 250,000 na liau banah kum 10 sung thong kiat theihna ahi hi. "Consequences of plagiarism" (Baylor School) in a genna sang/college/university kah ten mi’ lai a guksak ciangun mat (mark) beem (0) ngah uh a, sangnaupangte ni 2 pan ni thum kihawl khia, a nasiat leh Honor Council in thukhenna daan khauhzaw pia lai uh a, sangkhuan (vacation) khat sung zong kihawl khia thei lai hi. A palsat uh a nasiat leh sang/university panin kihawl khia thei lai hi ci hi. College leh universyte bangah a kihawl khiat banah buaih (degree) kipia lo lai hi. University leh Scientific research lamsang ah sepna neite bangin a sepna uh taan lawh thei lai uh hi.

BANG CI LEH KIPELH THEI DING?

Lai kiguksak pen mi nasepna a mawkna suaksakna hi a, thukham tawh a kituak loh banah kilawm lo a, zumkong mangkong ah tun theihna, liau theihna leh sepna nangawn taan theihna ahih manin mi' thu gelhsa thu leh la na suaksak ding ciangin amau phalna la masa hamtang in. Lai-atte tawh kizaksak theihna ding na neih kei leh amau min, a laibu min, a laibu laimai leh laibu kibawl kum/kha tuangsak hamtang in. Research bawl na hih leh end notes (thu tawpna ciamtehna) leh foot notes (laimai nuai-a thuciamtehna) ah na lakna mun laimai, a atpa min leh a laibu min tuangsak teitei in. Na tuangsak leh plagiarism tawh na kipelh thei ding hi. Mi' khut sung panin gul matsak sawm kha peuhmah ken. A kicing zaw in na theih nop leh a nuai-a linkte ah sim theih ding hi.

*iThenticate - http://www.ithenticate.com/…/bid/52974/Plagiarism-Punishment
*6 Consequences of plagiarism (htpp://ithenicate.com/resources/6-consequences-of plagiarism)
*http://www.lib.usm.edu/legacy/plag/acceptuse1.php
*http://www.writing.utoronto.ca/…/www.wikih…/Avoid-Plagiarism
*Plagiarisms://mail.baylorschool.org/~jstover/plagiarism/consequences.htm6 *Chttps://mail.baylorschool.org/~jstover/plagiarism/consequences.htmonsequences o
*https://en.wikipedia.org/wiki/Plagiarism