US SUPREME COURT JOUDGE THAK DING SEXUAL HARASSMENT NGAWHNA TUAK KAVANAUGH SENATE IN CONDIRMATION BAWL TA

Oct. 7: US Timing Saturday in Trump' US Supreme Court judge nominee ahi leh numei tunga kilawm lo-a gamtang hi ci-in ngawhna tuak (sexual assualts allegations) Brett Kavanaugh kipsakna dingin Senate ah full vote kikhatna ah vote 50-48 tawh sansakna leh kipsakna (confirmation) kinei hi. Supreme Court judge thak dingin Judge Brett Kavanaugh kiteelcing ahih manin US Supreme Court ah judge 9 om lak panin conservative judges 5 pha ta ahih manin far-right wing lam ah Supreme Court kisawn (pushing) hi.

Kavanaugght confirmation ding vai vote khiat theihna dingin a tungah "sexual assault" ngawhna hangin party nih kikal angaihsutna kibat lohna hangin kikhenna lianpi piangsak khin a, US politics ah hih kikhenna hangin liamna veng baih lo kha ding a, a liamma pawn mawk daih pah lo ding hi.

Supreme Court judge thak dinga guanna (nomination) vote khiatna Kavanaugh deih a vote khia senator hih bang ahi hi:

#Republicans_Senators_leh_A_Senator_letna_munte_uh
Lamar Alexander - Tennessee
John Barrasso - Wyoming
Roy Blunt - Missouri
John Boozman - Arkansas
Richard M Burr - North Carolina
Shelley Moore Capito - West Virginia
Bill Cassidy - Louisiana
Susan Collins - Maine
Bob Corker - Tennessee
John Cornyn - Texas
Tom Cotton - Arkansas
Michael D Crapo - Idaho
Ted Cruz - Texas
Michael B Enzi - Wyoming
Joni Ernst - Iowa
Deb Fischer - Nebraska
Jeff Flake - Arizona
Cory Gardner - Colorado
Lindsey Graham - South Carolina
Charles E Grassley - Iowa
Orrin G Hatch - Utah
Dean Heller - Nevada
John Hoeven - North Dakota
Cindy Hyde-Smith - Mississippi
James M Inhofe - Oklahoma
Johnny Isakson - Georgia
Ron Johnson - Wisconsin
John Kennedy - Louisiana
Jon Kyl - Arizona
James Lankford - Oklahoma
Mike Lee - Utah
Mitch McConnell - Kentucky
Jerry Moran - Kansas
Rand Paul - Kentucky
David Perdue - Georgia
Rob Portman - Ohio
Jim Risch - Idaho
Pat Roberts - Kansas
Michael Rounds - South Dakota
Marco Rubio - Florida
Ben Sasse - Nebraska
Tim Scott - South Carolina
Richard C Shelby - Alabama
Dan Sullivan - Alaska
John Thune - South Dakota
Thom Tillis - North Carolina
Patrick J Toomey - Pennsylvania
Roger Wicker - Mississippi
Todd Young - Indiana

+Democrats
Joe Manchin III - West Virginia

Supreme Court judge thak dinga guanna (nomination) vote khiatna Kavanaugh deih lo a vote khia senator hih bang ahi hi:

#Democrats_Senators_leh_A_Senator_letna_munte_uh

Tammy Baldwin - Wisconsin
Michael Bennet - Colorado
Richard Blumenthal - Connecticut
Cory Booker - New Jersey
Sherrod Brown - Ohio
Maria Cantwell - Washington
Benjamin L Cardin - Maryland
Thomas R Carper - Delaware
Bob Casey - Pennsylvania
Chris Coons - Delaware
Catherine Cortez Masto - Nevada
Joe Donnelly - Indiana
Tammy Duckworth - Illinois
Richard J Durbin - Illinois
Dianne Feinstein - California
Kirsten Gillibrand - New York
Kamala Harris - California
Maggie Hassan - New Hampshire
Martin Heinrich - New Mexico
Heidi Heitkamp - North Dakota
Mazie K Hirono - Hawaii
Doug Jones - Alabama
Tim Kaine - Virginia
Angus King - Maine
Amy Klobuchar - Minnesota
Patrick J Leahy - Vermont
Edward J Markey - Massachusetts
Claire McCaskill - Missouri
Robert Menendez - New Jersey
Jeff Merkley - Oregon
Christopher S Murphy - Connecticut
Patty Murray - Washington
Bill Nelson - Florida
Gary Peters - Michigan
Jack Reed - Rhode Island
Bernie Sanders - Vermont
Brian Schatz - Hawaii
Chuck Schumer - New York
Jeanne Shaheen - New Hampshire
Tina Smith - Minnesota
Debbie Stabenow - Michigan
Jon Tester - Montana
Tom Udall - New Mexico
Chris Van Hollen - Maryland
Mark Warner - Virginia
Elizabeth Warren - Massachusetts
Sheldon Whitehouse - Rhode Island
Ron Wyden - Oregon

*Voted 'present'
Alaska Republican Senator Lisa Murkowski - Alaska in Brett Kavanaugh nomination bawlna ding a langpang hangin vote khiatna hun-a kihel thei lo Montana Senator Daines sik leh tang dingin Kavanaugh adingin a vote khiatsak hi.

*Not "present':
Montana Republican Senator Steve Daines pen a tanu mopawi bawlna a kihel dingin a pai manin vote khiatna hun ah kihel thei lo a, Kavanaugh gum in vote khiat sawm ahih manin ama tang dingin Kavanaugh deih lo Alaska Republican Senator Lisa Murkowski in vote khiatsak hi. Supreme Court judge thak Brett Kavanaugh confirmation theihna pianna dingin Trump administration hun adingin Republican Senators-te a masa penna kipumkhatna lian pen hang tawh hong piang zo pan hi a, Trump administration adingin gualzawhna lianpite lak-a khat hi ci leng kikhial lo ding kha ding hi. Ahih hangin bill bawlna ding leh budget bawlna ding vai pen Senators majority gupna kisam den hi.

Kavanaugh deih lo-a lungphona lahna nei mihonpi ten Capitol Hill ah vote khiat ma-in lungphona nei-in "November mid-terms election hun hong tung ding hita hi. Na vote uh tawh paikhia un," cih placard tawi-in awng ngeingai uh a, pawl khat ten Sanate chambers sunbga vote khiatna nawngkaisak uh hi. Kavanaugh gum mi tam loin in zong a gupna lahna dingin Capitol Hill kiim ah kikaikhawm uh hi.

Kavanaugh gum in vote khia dinga kilamen lo Arizona Republican Senator Jeff Flake leh Maine Republican Senator Susan Collins in zong Kavanaugh adingin a vote khia uh a, Democrats party sung panin West Virginia Democratic Senator Joe Manchin bekin Kavanaugh adingin vote khia hi. Manchin in Republican hatna state West Virgina kiteelna tuhkik sawm hi.

November kal masa ciangin mid-terms elections hong mansiang leh Senate leh House of Representatives ah tutna kua in a tam pen (majority) hong ngah ding a, ruling party (Republicans) leh opposition party (Democrats) kua pen American politics ah hatzaw in thunei zaw uh hiam cih hong kitelcian taktak thei pan bek ding hi. Brett Kavanaugh pen conservative hi a kicih hangin sitna ka sep hun sung (career) in party leh mimal gup tuam ka nei kei hi ci-in pang a, tu-in a gial taktak hong kilangkhia pan ding hi.

Source: Al Jazeera
@Thang Khan Lian #ZUNs

US IN ISRAEL ADINGIN F-35 STEALTH FIGHTER PIAK BEH DING

US IN ISRAEL ADINGIN F-35 STEALTH FIGHTER PIAK BEH DING

Oct. 6: President Trump' thupiakna bangin Russia in Syria' tungah S-300 air defense batteries a piak thukkikna dingin US in F-35 stealth planes hong supply beh ding hi ci-in Israeli news website Debka in suaksak hi. Tua loin Middle East gam-a US kipawlpih Saudi Arabia leh United Arab Emirates (UAE) ten US F-35 squadron masa pen UEA khuapi Abu Dhabi leitaw lam 30km a om Al Dhafra Air base ah sawt loin kikoih ding hi ci-in US in pulak hi.

Debka in Israel ah F-35 kipiakna ding pen Syria gam ah S-300 kikoih manin Russian-Syrian air defense a khauhsak beh hangin US leh Israelin Syria gam-a Israeli Air Force ten a military operations khawlsan lo ding hi cih a lahna uh hi ci-in military sources in gen hi ci-in suaksak hi. Reports pawl khatin Israel in US tung panin F-35s fighter 50 order hi ci hi.

Zan diakin zong Israeli Regional Cooperation Minister Tzachi Hanegbi in, "Leitunga gal vanleng hoihpen F-35 steal fighters ka neih na thei uh hi. (A taktakin US gal vanleng F-22 Raptor kicite hoih zaw hi). S-300 batteries in S-35 steal fighters omna man thei; thei thei lo (detect) hi. S-300 batteries in Israel air force gamtat theihna ding nawngkaisak taktak thei lo ding hi. S-300 system in F-35 stealth fighters a kapna panin F-35 kipelh (avoid) thei ding a, lei-a S-300 system omna mun F-35 in kapsia kha thei hi," ci-in gen hi.

Israeli Defense Minister Avigdor Lieberman in Russia in Syria ah S-300 a koih manin Israel government lungkim lohna thugen a, ahih hangin S-300 system a om hangin Syria gam ah Israel air forces ten military operation a bawl zomna ding khaktan lo ding hi ci-in gen hi. Russia in bel gamdangte ngimna ding hi loin Syria gam-a Russia galkapte security bitna ding ngimna tawh a kikoih hi bek hi ci hi.

September 17 in Syria gam-a rebels hatna omsun Idlib a galte panmun enkhia dingin Russian Il-20 reconnaissance aircraft (spy plane) a leng lai-in lei a omte tawh contack kiza thei lo uh a, tua lai takin Israel F-16 jets 4 ten Syria galkapte panmun kap uh a, Syrian air defence-te tawh kikaptuah uh hi. Tua hun lai takin Syrian air defense ten S-200 air defense missile tawh Russian Il-20 reconnaissance plane kapkhia kha uh a, a sunga tuang Russian airmen 15 a sih a dawn' kikna dingin Russian in Tuesday S-300 systems vante (components) 49 koih a, tua vante lakah radars, control vehicles leh launchers li kihel hi.

Russian Ministry of Defense kamsiatna tawh "friendly fire" ah Russian Il-20 reconnaissance plane a kikapkhiatna pen Israel in kizaksakna "hot line" panin hong zasak masa loin Syria galkapte panmun Latakia ah a kap ma uh minute khat bekin hong zasak uh a, Syrian S-200 missile in F-16 jets lite a kapkhiat ding panin kidalna lum (shields) in Russian Il-20 aircraft a zat man uh hi a, Israel mawhna hi ci hi. Tu kum May kha bei kuanin Israel Air Force commander Amikam Norkin in leitung ah US F-35 gal vanleng a masa pen dingin Israel in gal dona ah zang masa pen a, Syria ah a ngimna mun nih kap hi ci-in pulak hi. BBC in US single-seat F-35 fighter jets import masa pen Israel hi ci-in gen hi.

F-35 i cihte pen nung kal in amasa penna dingin US in Afghanistan ah Talibante panmun kapna dingin kizang hi ci-in pulak hi. F-35 vanleng nam thum pha a, a masa pen dingin F-35B kicite 31 July 2015 panin US Marine Corps ten zang masa uh a, F-35A kicite 2 August 2016 panin US Air Force ten zang uh a, F-35C kicite tu kum sungin US Air Force ten zat dingin geelna nei uh hi. F-35A (nam) variants kicite khat $89.2m man a, F-35B variants khat US$115.5m man a, F-35C variants khat US$107.7m tak man ahih manin gal vanleng man tam in kiciamteh hi.

#F-35 gal vanleng a kigen zah in muanhuai takpi mah ding hiam?

23 June 2014 F-35A vanleng Eglin Air Force Base panin training dingin a lengkhia dingin a kithawi lai takin a engine kiim (area) kang a, a hawlpa tuahkhia man hi. Hih tuahsiatna hangin F-35A training 25 June pan 3 July 2014 dong kikhawlsan hi. June 2015 hih thupiang USAF Air Education and Training Command (AETC) ten report pia pan uh a, a engine' fan module a third stage rotor in na a sep theih loh manin kuang hi ci uh hi. Hih F-35A bawlphatna in $50m beisak uh a, ni 25 khit nungin leng kik thei hi kici hi.

A nih veina dingin USMC ten a zat uh F-35B khat training a leng kimlai Marine Corps Air Station Beaufort, South Carolina kiangah kia a, F-35 program adingin a kiat masakna hi. A hawlpa bel tuahkhia man hi. F-35B kicite pen a hatna 4.5 g leh 400 knots (740.8km/hr) hi a, a vanleng a galvan kithuah thak software upgrade nam tuamtuam kihel a, a galvante 5.5 g leh Mach 1.2 panin a final target 7 g leh Mach 1.6 kikal ciang manlang in kap thei hi. F-35A Lighting II kicite ah galvan thaupi 25 mm GAU-22/A; 2x AIM-120C; 2x GBU-31 JDAM kithuah a, a hatna (speed) Mach 1.6 (1,200 mph) hi a, a sau leng zawhna ciang (range) 1,200 nm (nautical miles) hi ci-in Military.com in ci hi.

Military Machine in bel F-35 in F-22 Raptor manlangna lam ah a hoihna dem zo lo a, F-35 pen air-to-ground combat design bek adingin kibawl ahih manin a top speed pen 1.60 Mach ciang bekin hat ahih manin F-22 in dogfight scenarios (gal vanleng nih sanga tam zaw kidotuahna munte) ah haksa takin mainawt theihna (maneuverability) siam lo zaw hi ci hi. F-22 bel 2.25 Mach cianga hat in leng zo a, minute khatin 62,000 feet lengto zo hi. Ahih hangin minute khatin F-35 pen 45,000 feet ciang bek lengto zo hi ci hi.

(Mach 1 i cih 332 m/s or 1195 km/hr or 717 miles/hour manlang a hatte genna hi)

#S-300PMU-2 Favorit long-range air defense missile system i cih bang hiam?

S-300 system pen nam tuamtuam om a, S-300V, S-330P leh S-300F nam thumte nuai-ah nam tuamtuam 20 val leh export a zuak ding namdang export version om lai hi. S-330 innkuan lak panin a hoih a kigen S-300VM kicite Maximum target speed, m/s = 4,500 of ballistic targets hi a, USte Patriot PAC-2 in ballistic targets 2,200 a tampen (at most) leh Patriot PAC3 Maximum target speed, m/s = 2,200 a tampen (at most) hi.

S-300 ah missiles nam thum kizang thei hi. (1) S-300 48N6E2 missile: Year = 1992; range = 200 km; altitude = 28 km; length = 7.5 m; diameter = 0.5 m; weight = 1, 800 kg; warhead = 150 kg leh guidance = Track-via-missile hi. 9M96E missile: Year = 1999; range = 40 km; altitude = 20 km; length = 4.75 m; diameter = 0.24 m; weight = 330 kg; warhead = 24 kg leh gudiance = Active radar homing hi. 9M96E2 missile: Year = 1999; range = 120 km; altitude = 35 km; length = 5.65 m; diameter = 0.24; weight= 420 kg; warhead = 24 kg; guidance = Active radar homing hi. Russia in export dingin S-300 variants a bawl pen S-300PMU-2 or Favorit air defense missile kicite hi a, 30N6E1 (Tomb Stone) radar kithuah hi. A radar range 300 km, a radar in a ngimna a mat; theih theih (detect) 100 targets, track leh engage 36 mun kap in thei thei a, missile 72 cing (guide) hi. Khat vei thu-in a ngimna (simultineous targets) mun guk kap thei a, missiles 12 cing (guide) hi.

S-300PMU-2 ah 48N6E2 missile kizang a, range = 200 km, a hatna speed = Mach 6-8 kikal kap thei a, a sangna lam (altitude ranging) = 10 m- 28 km ciang kap thei hi. USte air defense system Arrow 2 anti-ballistic system a ngimna maximum speed Mach 8 ciang kap thei a, Patriot PAC-2 in bel maximum speed Mach 6 a hat in kap thei hi. S-300PMU-2 system ah missile neu zaw 9M96E and 9M96E2 missiles a kizat ciangin a rance 40 leh 120 km ciang a missile in kap ban tuak uh a, a hatna maximum speed Mach 15 in kap thei hi. USte Patriot air defence hoih zaw Patriot PAC-3 missiles in a ngimna maximum speed Mach 4.7 a manlang ciang bek kap thei hi.

Israel ten S-300 batteries omna kikapsiatsak kha thei ding hi a cih hangin S-300 battaries van tuamtuamte (components) pen mun khat ah kikoih lo a, utna munpeuh hei kawikawi leh a omna kilaih koikoi thei (mobile or automated) hi. 54K6E2 leh 55K6 system a kizang command post hi a, a nih in automated ahih banah 22T6E2 missile loader leh 5T58E missile transporter in support hi. Match 15 cianga missile hat kilawnkhia thei leh radar in 180–360 km (110–220 mi) ciang a gamla a detect thei S-300 batteries unit koihna mun a top speed 1.60 Mach bek-a hat US F-35 stealth fighter in a vanleng a kithuah galvan hatna Mach 1.2 - Mach 1.6 a hat tawh kapsiat ding bel gen bangin thubaih pak ziauziau lo kha ding hi cih kitel hi.

S-300PMU-2 system pen Russia in Azerbaijan, China, Iran gamte tungah export (zuakkhia) ta a, Algeria ah zong export dingin ki-ummawh a, Tuesday in Syria ah kikoih hi. Israel in Iran kap nuam mahmah napi-in Iran leitang a kap ngei loin, Syria gam-a Syrian government galdona huh a om Iran military commanders omte leh a kipawl uh Hezbollah groups kicite panmun a kap theih zel pen Iran in a airspace cing dingin S-300MU-2 system a neih man na hih tuak lel hi. Syria gam a kap ngam teitei ding uh hiam, Syria galkapte S-300MU-2 system in na a septheih zah (capabilities) bangin a zang thei uh hiam cih dam in hun hong tung ding hun bekin hong hilh thei ding hi.

Source: Sputnik; Military.com; Military Machine; Military Today
@Thang Khan Lian #ZUNs

Photo: F-35 Stealth Fighter vs S-300 Air Defense System

PALESTINIAN INDEPENDENCE PANIN ZOMI/KUKI TEN SIN DING

PALESTINIAN INDEPENDENCE PANIN ZOMI/KUKI TEN SIN DING

#Suahtakna_kuakua_in_i_ngah_tam?

*Zomi/Kuki leh Naga ten India panin suahtakna (independence) deihin a tuam in a om ut tekin Indian Govt. i lehdo uh hi. Assam state ah ULFA ten suahtakna deihin lehdo uh a, Punjab ah Khalistan ten suahtakna ding deih in lehdo uh a, J&K state ah Muslim pawl khat in suahtakna deih in Pakistan tawh kipawl in lehdo uh a, pawl khat ten lah Pakistan belh sawm zel uh hi. Ahih hangin hih suahtakna deih a Indian Govt. lehhdo ten Indian Govt. khut sung panin Independence ngah baih lo hing hi cih thei uh a, a haksat ding dan a thei ciat uh hi.

*Sri Lanka ah kum 30 val Tamil gamnuaimi (LTTE) ten Independence deih in Sri Lanka Govt. lehdo uh a, galvan hoih nono leh galkap hoih nei a kisak mahmah hangun kinuaimang, suk cimit in om uh hi. Tu-in LTTE-te thu a beisa tangthu bangin kigen ta hi.

*Tu lai-in Spain gam panin Catalan ten Independence deih in a tuam a om sawm in theih tawp suah in a kiphin keei uh hangin ngah pak tuak lo het uh hi. Leitunga gam a tamzaw in Independent a kipulakkhiat hangun Spain Govt. mai-etna in pompih lo uh hi. Tua banah Russia gam-ah Chechen ten Chehnya region Muslim gam ci-in Independence do uh a, galkap hatna zangin nuai cimit in om uh a, Autnomous Region ciang bek ngah zo hi. Grozny khuapi bomb tawh kisuksiatsak lawh hi. Turkey ah Kurds nam ten suahtakna do-in theih tawp suah in, Sunni Arab gamte leh US leh Nitumna gam tampite huhna a ngah hangun Turkey Govt. mai-etna in leitung ah a ngetna uh a pompih om lo hi.

*UK a kipanin Scotland in a tuam a om ding a hanciam hangin lawhcing lo uh hi. Tua zong British Govt. mai-etna hang hi kik leuleu hi. Tua banah Northern Ireland in zong a tuam a om ding theih tawp a suah keei hangun tu dong lawhsam veve uh hi. Ukraine gam-a Eastern region a om Donetsk leh Lugansk region ten Russia kampau zang hi ung ci-in Independence deih in Ukraine a lehdo in Rublic in a kipulak hangun Russia cih loh leitung ah kuamah huhna ngah zo tuan beek lo uh hi. Independence ngah i cih a gen hiauhiau bel na nuam mahmah a, baihlam mahmah hi.

*Eimi - Kuki ahih kei leh Zomi ten zong i gen ciangun i nget hamphatna tuamtuamte uh leh independence a ngah pah ding kibang a, i makaite un a gen ciangun baihlam tuak mahmah dep hi. Gamdang tuamtuam a omte leh Myanmar gam khawnga eimi om teng pangkhawm in Independence ngah pah ding zahin i kigenna uh sawt mahmah ta hi. Myanmar gam-ah lah Kachin state leh, Shan minamte, Wa minam cih ten Independence a dona uh sawt mahmah ta hi. Myanmar Govt. in zong a do lah ding khop zah in a galvan leh galkap hau ahi uh hi. Ahih hangin Independence mawk ngah dingun uphuai lo hi. Wa minamte China gamgi-a om ahi uh hi. China ten ka mi ka sate uh a cihte uh ahi uh hi. Gal vanleng kapkhiakna leh galvan namkim, sum leh paai huhna a ngah tei sam hangun Myanmar Govt. in Independence a piak ding baih tuak vet lo hi.

*Israel gam-a Palestiniante Gaza Strip leh West Bank ah amau leh amau ki-ukna tawh kivaihawm deih in a kiphinna uh sawt mahmah ta a, mipil misiam nasem thei a hauh mahmah hangun Palestinian Independence kici leitunga gam bang zah hiam in piak dingin a thukimpihna kampaute na um uh a, tua hi napi thubaih hilo lai hi. UN ah non-permanent member bangin om uh a, US leh gam pawl khat ah Palestinian Embassy hong in nei uh a, Govt. danin a om tei sam hangun Palestinian Independence kisan'sak loin tu dong kipia nai lo hi.

*UN Gen Assembly ah Palestinian Independence vai bang en hi leng member 193te lak ah 140 valin in a Independence uh a thukimpih hangin Independence ngah tuan lo uh hi. Israel leh US mitmei veng a tam luat man lehUS in Israel 100% tawh a pumgup hang zong hi ci leng kikhial lo ding hi. A kigengen Jewish State leh Palestinian State bawlna dingin “Two-State Solution” piang thei tuan lo hi. Israel in thukimna suai a kai diam? Kai lo ding hi theihsa hi a, US in a veto power tawh Palestine Independence dal ding cih muh khit sinsen sa hi.

*Tu ma lam deuh in Liverpool khuapi-a UK’s Labor Party Conference a neihna uh-ah Palestiniante gupna piak dingin tangkopih uh hi. UK Govt. kiangah Israel tungah galvan a zuak nawn lohna dingun ngen uh hi. Labor Party ten Israeli Security Force ten gamgi ah na galvan leisakte uh zang in international law palsat in war crimes gamtatna in Palestinian mi buaina bawl loin "non-violent movement" zanga kiphinte thahna dingin zang hi ci uh hi.

*Labor Party makai lianpen leh tu lianin British Opposition leader len Jeremy Corbyn, MP in “Ka party in Govt. phuankhiat hunhun ciangin Palestinian State- Independence ka pompih ding hi," ci-in pulak hi. EU member tampi ten zong Palestinian Independence pompih khinzo uh hi. UN Security Council member France in zong a neisa kum in na pompih ta hi. Tua loin leitung gam tam zaw ten pom mah le uh US leh Israel in a pompih ding uh lamethuai lo hi. US in UN ah veto power zangin Palestinian Independence a dal hangin UN General Aseembly ah vote kikhia leh member seh thum suah seh nih in a thukimpih leh Palestine mite adingin lametna lianpi om hi.

Palestine mite movement lo buang tu lianin etteh tham ding om lo a, UN ah diplomatic skills siam mahmah kisam hi. Gen hat thu i i political demands deih teng uh i gengen hangun na pai dan na om hi. Demands bel i utpeuh nget theih mah hi. Ahih hangin i nget khempeuh ngah ding leh ngah loh ding na om a, realist ahih kei leh pragmatic vision kician leh utopian vision na om sese hi.

@ellsimte in a gelh kong tei sawn leh behlap zek hi. - Thang Khan Lian #ZUNs

https://www.facebook.com/groups/192003841615849/

@TRIBAL NEWS-Special Report