MAJORITY LAMAH NA OM KHAK MANIN A DIK LEH A MAN PEN NA HI KHIN DEN LO HI
American laigelh leh critic minthang Mark Twain in, "Whenever you find yourself on the side of the majority, it is time to pause and reflect," a cih mah bangin a tam zawte lamah na om khak ciangin ka omna lam man maw man lo, manpha mah maw ahih kei leh suphuai zaw hiam cih lungngai pha-in ei leh ei i kisittel phat hun na hi zaw thei hi. Political society ah a majority lamah din' leh awn zawk khak den keei manin gualzawhna sak den pen khialhna lianpi na hi zawsop kha thei hi.
Bang hang hiam cih leh gam khempeuh (developed countries leh developing countries leh Third world countries) ah a pil sangin a hai na tam zaw den hi cih phawkhuai hi. Jesuh leitungah hong vak lai-in zong nungzui 12 bek na nei a, amah a um leh sang mi sangin a um lo leh a nial mi na tam zaw hi. Humpinelkai in gamsa hon tampi omte a mat zawhna dingin hontat henhan ngei lo hi. Hell khuk sung zuan ding zong vantung gam lut zo ding sangin tam zaw hi. Kong kawcik ah lut a kisap hun leh a manphat zawk hun na om hi.
A tam zawte deihna ahih manin thuman lo leh zuauthu peuh va thukimpih a, i manphatna (value), i lungsim pia zia hoih (morality), sia leh pha i khentel theihna (rational thinking)-te thuman lo leh zuauthu tawh zuak leh laih khak ding hi pammaih lua mahmah hi. Kuamah in thuman leh thutang (justice) a din'pih leh gup ngam loh hun ciang nangawn in nang bek na din' ngamna pen na manphatna a kilahkhiatna leh na ni bangin a taang na hihna hi zaw thei hi. Ni (sun) zong amah bekin tuam om giugeu napi-in a satna leh a taaan'na kiam tuam lo hi.
British critic minthang George Orwell in, "In a time of universal deceit, telling the truth is a revolutionary act," a cih mah bangin zuaugenna, khemna, thuman lohna hoih in man hi ci-in a tam zawte in thukimpih in a letthat hun ciangun thuman gen ngamna pen thakhat thu-in kilaihna, kikhupletsak gawpna pian'sakna dinga gamtatna hi zaw hi. Revolution nasep i cih thauvui leh thautang zatna, sisan naisan suah khiatna bek tawh a piang thei na hi den lo hi.
American laigelh minthang John C. Maxwell in, "Koimah ciang na tun nop kei leh mihonpi, mi tampi nung na zui in," a cih political society ah a tam zawte lamah i om ciangin ngaihsut zel huai mahmah hi.
Thang Khan Lian #ZUNs reports
Bang hang hiam cih leh gam khempeuh (developed countries leh developing countries leh Third world countries) ah a pil sangin a hai na tam zaw den hi cih phawkhuai hi. Jesuh leitungah hong vak lai-in zong nungzui 12 bek na nei a, amah a um leh sang mi sangin a um lo leh a nial mi na tam zaw hi. Humpinelkai in gamsa hon tampi omte a mat zawhna dingin hontat henhan ngei lo hi. Hell khuk sung zuan ding zong vantung gam lut zo ding sangin tam zaw hi. Kong kawcik ah lut a kisap hun leh a manphat zawk hun na om hi.
A tam zawte deihna ahih manin thuman lo leh zuauthu peuh va thukimpih a, i manphatna (value), i lungsim pia zia hoih (morality), sia leh pha i khentel theihna (rational thinking)-te thuman lo leh zuauthu tawh zuak leh laih khak ding hi pammaih lua mahmah hi. Kuamah in thuman leh thutang (justice) a din'pih leh gup ngam loh hun ciang nangawn in nang bek na din' ngamna pen na manphatna a kilahkhiatna leh na ni bangin a taang na hihna hi zaw thei hi. Ni (sun) zong amah bekin tuam om giugeu napi-in a satna leh a taaan'na kiam tuam lo hi.
British critic minthang George Orwell in, "In a time of universal deceit, telling the truth is a revolutionary act," a cih mah bangin zuaugenna, khemna, thuman lohna hoih in man hi ci-in a tam zawte in thukimpih in a letthat hun ciangun thuman gen ngamna pen thakhat thu-in kilaihna, kikhupletsak gawpna pian'sakna dinga gamtatna hi zaw hi. Revolution nasep i cih thauvui leh thautang zatna, sisan naisan suah khiatna bek tawh a piang thei na hi den lo hi.
American laigelh minthang John C. Maxwell in, "Koimah ciang na tun nop kei leh mihonpi, mi tampi nung na zui in," a cih political society ah a tam zawte lamah i om ciangin ngaihsut zel huai mahmah hi.
Thang Khan Lian #ZUNs reports
