SUM TAMPI A ZANG ZIAHZIAH NGAM MI US PAWL TEN DONE $ 200 MAN KAPKHIATNA DINGIN $3 M MAN PATRIOT ZANG

SUM TAMPI A ZANG ZIAHZIAH NGAM MI US PAWL TEN DONE $ 200 MAN KAPKHIATNA DINGIN $3 M MAN PATRIOT ZANG

March 21, 2017: Zuak dinga kibawl, sumbuk khawnga kingah thei ziauziau tuithe vanlengte "Commercial drones" kicite pen Nitumna gamte galkapte adingin nawngkaihuai tham cing mahmah hi. Bang hang hiam cih leh hih banga thei tuithe vanleng tawm mante kapkhiatna dingin leh dalna dingin defense system i cihte pen kicing zo lo hi. Hih bang tuithe tawm mante kapkhiatna dingin NATO ten vanleng kapkhiatna galvan "anti-aircraft weapons" kicite a zat uh kul hi.

Mi khat bekin a liangko tung panin a puak zawh FIM-92 Stinger man-portable infrared homing surface-to-air missile kicite pen gal vanlengte, mi puakna dinga kizang passenger vanlengte (civilian airliners) leh heleicopter nam tuamtuamte kapkhiatna dingin kizang thei a, a hatna (firing range) pen 5 miles (8 km) dong ahi hi.

Sputnik news in a beisa in a suaksak ngei bangin hih commercial-grade drones i cih tuithe vanleng tawm mante pen galte pan mun etsimna dingin kizang thei a, gam tampi in a neih ban-ah IS (Daesh) ten zong Middle East gamte ah nak zat mahmah uh a, galkapte lutang tungah grenades khiatna ding nangawn in zang uh hi. A nawngkaihuaina pen hih banga tawm man commercial drone i cihte pen a tangpi-in $200 bek man hi Hih dan tuithe vanlengte "Quadcopter" zong kici a, Amazon.com panin zong kilei thei ziahziah lel hi. Ahih hangin NATO ten a kapkhiatna dingin missile tang khat a zat loh uh phamawh hi.

$200 bek a man Quadcopter kapkhiatna dingin tu lai-in khut tawh a kilen zo ziau $40,000 man "hand-held Stinger AA missile" zang uh hi. Stinger AA missile pen cold war hun lai-in US in Soviet (Russia)-te helicopter million dollars tampi man kapkhiatna dinga a bawl uh ahi hi. US tawh kipawl gam min gen loh pawl khat ten $200 man tuithe vanleng kapkhiatna dingin Stinger AA missile zat bek hun loin sum zang ziahziah ngam uh a, $200 man tuithe vanleng kapkhiatna dingin $3 million tak a man Patriot missile zang ngam liang uh hi. Hih bangin $3 million Patriot missile a zatna thu uh pen US Army General David Perkins in tu nipi kal ni masa lam in Alabama ah Association of the United States Army's Global Force symposium ah gen khia kha hi.

"Amazon.com panin $200 tawh a kingah thei Quadcopter tuithe vanleng in Patriot missile nang zo lo hi. Patriot missile in nasem a, tu-in (gal ten) thei ta uh hi. Ok, Patriot missile ithuai mahmah hi," ci-in General Perkins in a kisialpihna thu gen dep hi. Patriot missile leh Quadcopter a kinawktuah ciangin Patriot missile in a zawhna thu pen a lamdang hilo hi. Bang hang hiam cih leh Patriot missile pen vanleng nam tuamtuamte kapkhiatna dinga kibawl ahi hi. General Perkins in, "Tu lianin sum khekna economic exchange ratio pen hoih lo hi cih ka thei hi. Ahih hangin a man takin ci leng, kei ngaihsutna ah galte hi leng ka cihna hi. Hey, eBay ah va pai-in Quadcopters tampi ka va lei dinga, Patriot missile khempeuh tawh ka kapkhia ding hi," cih beh lai hi.

Source:Sputnik
A tei: Thang Khan Lian @ Zomi United News
From : "Big Spender! US Ally Launched a $3 Mln Patriot Missile to Take Down a $200 Drone" - Sputnik
https://sputniknews.com/…/201703181051710822-drone-patriot…/

US AIR FORCE-TE DRONE RANGE HATSAKNA DINGIN GENERAL ATOMIC IN CONTRACT NGAH

US AIR FORCE-TE DRONE RANGE HATSAKNA DINGIN GENERAL ATOMIC IN CONTRACT NGAH

March 21, 2017: US Air Force ten a tuithe vanleng zat uh 10 MQ-9 Reaper drones hatna (range) behlapna dingin General Atomics Aeronautical Systems $12 million val contracts ngah hi ci-in US Department of Defense in pulak hi.

"General Atomics, Aeronautical Systems [of] Poway, California in 10 MQ-9 Block 5 hatsak behna dingin range installation kits leh MQ-9 Block 5 ah Asymmetric Digital Datalink Computer installation kits a thuahna dingun $12 million val contracts ngah hi," ci-in US Department of Defense in tu ni-in pulak hi.

General Atomics in 10 MQ-9 Beyond Line of Sight installation kits leh tuithe vanleng puahphatna ding van tuamtuamte bawl ding uh hi ci-in Defense Department in gen beh hi.

Source: Sputnik
A tei : Thang Khan Lian @ Zomi United News

NORTH KOREA IN US-TE HONG KAP DING KIKIHTA LO HI CI

NORTH KOREA IN US-TE HONG KAP DING KIKIHTA LO HI CI

March 21, 2017: US Secretary of State Rex Tillerson in South Korea a zinna ah North leh South Korea gamgi kikhenna, galkap ten nasia takin gamgi a cin'na mun a phak khitin US in North Korea tawh kisai strategic policy ah thuahzawhna a neih teng bei ta a, North Korea in nuclear leh missiles a bawl beh ding dalna in a tung uh-ah khalna (sanctions) khauhzaw sem, nawhna (pressure) tamzaw sem leh a kisap leh amau hong kap ding dalna in a kigin' kholh lai takun galkap thahat zat ding "pre-emptive military action" cihte sabuai tungah om dimdiam hi ci.

Hih bangin a kampauna North Korean Foreign Ministry in nakpi takin mawhpaih a, USte kap ding kikihta lo a, vauna khauhzaw sem hong bawl beh hangun nuclear bawl kikhawlsan tuan lo ding hi cihsan hi. North Korea pen nuclear thahatna nei hi a, thumanna pen temsau dingin kizang a, socialist leitang humbitna ding leh gam mite nuntakna humbitna dingin gal nan' zawhna ding thahatna kinei hi ci hi ci-in official Korean Central News Agency (KCNA) in suaksak hi.

Tillerson in nung diakin Japan, South Korea leh China gamte ah va zin a, North Koreate' nuclear programme gen bel in va nei hi. South Korea ah a zin ma-in Tillerson in a beisa kum 20 sungin North Korea tawh kisai US in foreign policy a zatte lawhsam a, President Trump' ukna nuai-ah kidaksak kik ding hi ci-in kamciamna nei hi.

KCNA in a genna North Korean foreign ministry spokesman min gen loh khatin US in North Korea pen nuclear nei dinga kilawm gam khat hi ci-a a pom ding kisam ta a, gal pian' theihna dingin US gamtatna thukkik zawhna ding thahatna nei hi cih a phawk hun ta hi ci hi. Sumbawl panin US gam thunei a suak ten North Korea kihtakna ding piangsak thei dingin kingaihsun uh a, tawl khat sungin a sawmna khempeuh uh guaksuak ziau ding hi ci-in gen beh hi.

#Behlapna: Nung Kiginni in North Korea in lei nuai-ah high-thrust rocket engine kici suakthakte a sitna uh-ah leikhamang Kim Jong-un zong kihel a, hih rocket engine thahat mahmah pen i space programme adingin lawhcin'na a piangsak kilaihgawpna (revolutionary breakthrough) hi ci hi. North Korea in UN Security Council resolutions tampi palsat in galvan thahat tampi sitna na nei hi. A masa pen dingin 2006 in nuclear sitna na nei a, tu dong 5 vei sitna nei ta hi. Nung kum bekin nuclear nih vei leh ballistic missile sitna 24 tak na nei hi. Nipini in Trump in North Korea vai tawh kisai meeting na neihpih a, Kim Jong-un' gamtatna pen siahuai lua mahmah hi ci hi. Zan in China in North Korea' dinmun pen lampi ka bom thak ah dinga - a lipkhathuai leh a nasia mahmah gal leh diplomatic (gam khat leh gam khat kikal) a kihona tawh ven'sak ding muntuah ah ding hi. Kamdam a kihona hunpha a om theih lai liai teng leh lametna a om theih dong kihona hunpha lak ding hi ci-in Chinese Foreign Ministry Wang Yi in ci hi. US in North Korea a philphil pong hangin tawm bek nawk kha leh zong leikhamang ngongtat hong gamtang leh nuclear hong zang peelmawh dinga, South Korea ah US galkap a omte zong China' mit na sip khin lua zo ahih manin Korean peninsula ah US galkap a om beh ding China in dal ding hi. China hong kigolh lai leh leitung khempeuh linglawng zo dinga nuam khin khol lo ding hi.

Source: News agencies
A tei: Thang Khan Lian @ Zomi United News