KHUAPI ZUSA LEH KHUA TA ZUSA’ TANGTHU TOM
Ni bang lai-in khuapi sungah zusa khat leh khua ta neuno khat a om zusa na kilawmta uh hi. Hih zusate gel ni khat hong kimukhawm uh in holimna hong nei uh a, khua ta a om zusa in a inn ah an ne dingin khuapi-a om zusa cial hi. A cialna bangin lawmpa’n thukim pah hi. Tua leh ni khat tua khuapi-a zusa an ne dingin khua ta lam-ah zong phellek suk a, a lawmpa inn hong tung pah hi.
Khua ta a om zusa zong lungdam lua-in a lawmpa na muak a, na kawi in an lim nono a neih bangbang nekpih dingin hong kithawipih biangbuang pah hi. Khua ta zusa in a neih lak panin a lim penpen mangbuhham (wheat) leh vaimim (corn) tawh a lawmpa hong hong vak hi. A lawmpa’n limsa mel loin in ne thualthual a, a an nek lai un, “Lawm aw, nang mangbuhham leh vaimim bek ne-in bangci nungtak zawh mawk na hi hiam? Hih bang peuh na neknek leh na tha hat lo ding a, sawt na nungta zo kei ding hi,” hong ci bak mawk hi. Hih bangin a lawmpa’n hong gen ciangin a neih lak panin a limci penpen leh a nek ngam lo a siit khinkhian teng tawh a vak ahih manin khua ta zusa maizum lua-in dawnna ding thei kam khat beek thei lo hi.
Khaupi-a teng zusa in a inn ah an ne dingin a lawmpa cial a, a cialna bangin khua ta zusa in zong a lawmpa inn ah an ne dingin thukim hi. A zing ciangin khua ta zusa zong cik mahin a hawh ngei lohna a lawmpa teenna khuapi sungah hong lut a, sawtpi a zon khit ciangin a lawmpa inn a tawpna ah hong mu ngawngaw ta hi. Khuapi zusa in a lawmpa a muh ciangin lungdam lua-in na nosiat a, a inn sungah lutpih samsam pah hi.
Khaupi-a teng zusa in a inn ah an ne dingin a lawmpa cial a, a cialna bangin khua ta zusa in zong a lawmpa inn ah an ne dingin thukim hi. A zing ciangin khua ta zusa zong cik mahin a hawh ngei lohna a lawmpa teenna khuapi sungah hong lut a, sawtpi a zon khit ciangin a lawmpa inn a tawpna ah hong mu ngawngaw ta hi. Khuapi zusa in a lawmpa a muh ciangin lungdam lua-in na nosiat a, a inn sungah lutpih samsam pah hi.
Khuapi zusa in nek ding dawn ding nam tuamtuam – moh/anlum (bread), bawngnawi khal/a pandiak panin a kibawl moh (cheese), thei nam tuamtuam leh dawn ding nam tuamtuam sabuai (dohkan; table) tungah hong lui ziaizuai hi. Khua ta zusa in limci sa lua-in koi pen nek masak ding hiam cih zong thei loin a nek masak ding hong vel sim khiankhian lai takin, “MEOW! MEOW” ci-in aw ging ngaih mahmah khat in hong ngik lala ta hi.
Khua ta zusa in, “Lawm aw, tua ham bang hi mawk ahi hiam? Hong balzan nuam in, hong ne nuam I gal lianpen zawhngeu in hong balzan nuam kisa lua in hong ngik lala hilo hiam?” ci-in dong hi. Khuapi zusa in, “Hi mah hi, hih inn a zawhngeu om thei zel khat hi a, an lim ka neih ciangin hong pai thei zel hi. Lunghimawhna ding om lo hi. Ne in, dawn in i gilvan kiekeu dong ne in, dawn in kham takin ne lel ni,” ci-in dawng hi. An ne dingin hong kitawisan laitak un tua zawhngeu in thakhat thu-in a nih un hong bawh vat pah mawk hi. Khatvei thu-in a zawngeu in matkhawm sawm ahih manin kamphatna zawhngeu kam sung panin suakta thei bilbel uh hi.
Khua ta zusa in, “Lawm aw, tua ham bang hi mawk ahi hiam? Hong balzan nuam in, hong ne nuam I gal lianpen zawhngeu in hong balzan nuam kisa lua in hong ngik lala hilo hiam?” ci-in dong hi. Khuapi zusa in, “Hi mah hi, hih inn a zawhngeu om thei zel khat hi a, an lim ka neih ciangin hong pai thei zel hi. Lunghimawhna ding om lo hi. Ne in, dawn in i gilvan kiekeu dong ne in, dawn in kham takin ne lel ni,” ci-in dawng hi. An ne dingin hong kitawisan laitak un tua zawhngeu in thakhat thu-in a nih un hong bawh vat pah mawk hi. Khatvei thu-in a zawngeu in matkhawm sawm ahih manin kamphatna zawhngeu kam sung panin suakta thei bilbel uh hi.
Khua ta zusa in, “Lawm aw, mangpha man ni, kei na ciah pah tingteng ning maw…. Khua ta ah bukno neu khialkhial sungah om in, an lim nono kicing takin nek ding ka neih loh hangin ka neih bangbang lungkim tak leh gilvah takin lungmuang hithiat kawmin ka nekna pen inn hoih lo hoih khuapi sunga inn sungah an lim nono lau kawm leh ling kawm a nekna sangin manpha zaw pek hi,” ci-in manlang takin paisan pah hi.
Na lawmte khat in a bukno sungah a neih bangbang phal tak leh lungnuam takin hong nekpih lai takin neu ngaihsun sak kha ngei kei in. Tua bangin na lawm zawng mahmah khatin a neih bangbang teng khat zong siit loin phal takin hong vakte lungnuam takin nekna pen na hauh mahmah hangin kitawng, kisel kawm in dipkua sa leh lauthawng kawm in an lim nono na nekpihna sangin nakpi takin manpha zaw hi cih mangngilh ngei kei in. Kitawng kawm-a an lim nono nekna sangin ki-it leh kituak diamdiam in lungnuam takin an teh meh nekna hoihzaw pek hi. A thupi lua-in I ngaihsut masakte na thupi masa lo zaw thei a, i thusim mel loh i neumuh mahmah khat na thupi zaw thei zawsop hi.
🖋️Thang Khan Lian
