RUSSIA' HYPERSONIC SHIELD ZICRON MISSILE PEN GAME CHANGER HI CI

RUSSIA' HYPERSONIC SHIELD ZICRON MISSILE PEN GAME CHANGER HI CI

July 18, 2017: Russia missile thak penpen aw sanga manglang zaw "supersonic" kicite sanga zong manlang zaw lai hypersonic Zircon missile kici April 2017 in sitna (tests) kinei khin pen leitunga galdona teembaw khempeuh kapsiatna dinga kibawl ahih ban ah leitunga air defense systems hoihpen ten zong kapkhia thei lo dinga kibawl ahi hi. [Hypersonic i cihte hatna pen second khat bekin tai (miles) 1,715–3,430 ml or 6,174–12,348 km kikal leng zote genna leh a hatna pen Mach 5-10 kikal a thahat a leng theite genna hi].

Reports tuamtuam in a genna ah Zircon pen India leh Russia kibawlkhawm in P-800 Onyx missile pansan in a bawl BrahMos supersonic anti-ship cruise missile kiphuapha kik (modified version) ahih manin a range pen 400 kilometers kiim nuam takin kapkha ban hi.

Russian news network Zvezda in Washington Times in a genna ah Zircon missile kibawlkhiat pen nuclear suamna (attack) panin kihumbitna dingin kal lianpi suanna (quantum leap) hi ci-in suaksak hi ci-in gen hi. Tua ahih manin Zicron missile pen manlang lua ahih manin US missile defense system pen lui lua in a zatna mel om lo, sam ek kaisak (obsolete) suak hi ci-in Zvezda news in gen hi. April 2017 in Zircon missile sitna a kinei pen a sauna 10-meter a sau hi a, a hatna aw/thawm ging (sound) sangin giat vei hatzaw in leng zo ahih manin galte missile defense systems neite pen Zicron missile kapna dingin a kimanna om lo hi ci-in gen beh hi.

Experts ten a genna ah tu nai diakin US in X-51A Waverider hypersonic cruise missile US pales panin sitna a neih a hatna kikim dingin ummawh uh hi. August 2014 test in US ten Alaska ah X-43A sitna na nei uh a, a sangna lam naikal khatin top speed tawh 6,500 kilometers (4,038 miles an hour) leng to napi leitung a tuam huih leh meii, van awngthawl sung huih
lak (atmosphere) ah a lengkhiat zawh minute sagih in puakkham a, lawhsam hi. Russia in April 2017 ma-in 2016 in zong Zircon 3M22 sitna na nei ngei a, lawhsam ngei lo hi ci-in galvan lamsang siamte (experts) ten ci uh hi.

"Tua ahih main mailam hun ah Zirkon missile pen Russian Navy-te adingin US tawh buaina khat om vat kha leh US carrier battle groups kici vanleng puakna teembawte tungah gualzo suak ding hi," ci-in Russian military expert Oleg Bozhov in Zvezda news sunga a laipaih (article) gelhna ah tuangsak hi .

Zircon missile pen Russia Kalibr curise missile leh teembaw kapsiatna anti-ship missile Onik lotkhiatnate (launchers) panin kilawnkhia thei a, Russia in galvan dingin 2018-2020 kikal panin zang ta ding hi ci-in Oleg Bozhov in ci hi. Tua loin Zircon missile system pen heavy nuclear-powered missile battlecruisers Pyotr Veliky leh Admiral Nakhimov teembawte ah zong kizang ding a, tua khit ciangin fifth-generation multirole nuclear submarines ah zong kizang ding hi ci hi. Gamdang ten Zicron missile manlang takin del ding hanciam in, a nak dem mahmah hangun hong tung ding kum 12-15 kikal sungin Zircon missile dal zo ding leh dem zo ding galvan om lo ding hi ci-in a laipaih khum hi.

Source: Sputnik: Wikipedia
@Thang Khan Lian