AMERICA GAM-A ABORTION VAI TAWH KISAI THU TAM LO: ABORTION DEIH-IN A CIING ZAW NON-CHRISTIAN A KICITE HI TAKPI HIAM?

Nauphiatna (abortion) vai bel leitung mun khempeuh ah a hoih hi a ci leh a deih masa kuamah om lo a, ahi zongin conservative sungah (a diakin US ah) political "dirty game" dingin nak zat mahmah sese uh hi. Tualthatna namkhat hi mah a, Paikhiatna 20:13 ah, "Mi na that kei ding uh hi," a cih Thupiak Sawmte lak-a khat tawh kituak lo mah hi. US ah Republicans president Richard Nixon hun in Supreme Court in Roe v. Wade, 410 U.S. 113 (1973) vai tawh kisai a thukhenna ah numei naupaaite suahtakna (pregnant women's liberty) gupna dingin "Due Process Clause of the Fourteenth Amendment to the U.S. Constitution" sungah naupaaite in nau a phiat (abortion) nop leh nop loh uh amau "right to privacy" hi ci-in January 22, 1973 in votes 7-2 tawh a thukhensatna uh-ah US states 50 sungah abortion legalization a na piak uh ahi hi.

Abortion legalization pen Democratic party i legalized hi loin Republicans party thuneih lai-in Supreme Court i legalized hi zaw hi. Tua mah bangin gay marriage or same-sex marriage zong 2015 kum in Democratic president Obama in thuneihna a let lai-in "Due Process Clause and the Equal Protection Clause of the Fourteenth Amendment to the United States Constitution" in kiten'na pen fundamental rights hi ci-in same-sex kiten'na US gam bup states 50 ah Supreme Court in Obergefell v. Hodges, 576 U.S. ___ (2015) case tawh kisai June 26, 2015 in votes 5-4 tawh phalna a piak hi zaw bek a, Obama leh Democratic party in phalna a piak hi peuhmah lo hi. Same-sex marriage pen 1967 landmark civil rights case Loving v. Virginia case kici pekin neih kibang kiten'na kham/dal (ban) pen "Equal Protection and Due Process Clauses of the Fourteenth Amendment to the U.S. Constitution" thukham palsatna hi ci-in Supreme Court in 9-0 votes tawh June 12, 1967 in phalna a piak khinsa tona (challenge) om ahih manin 2015 in Supreme Court in a thukimpih kik leh a kipsak hi zaw bek hi. 1967 kum in thuneihna len Democratic president leh US President a 36na Lyndon B. Johnson hi napi-in amah leh Democrats i phalna hi loin Supreme Court i thukhenna hi zaw bek hi.

Roe vs Wade case in thukhenna a bawl ma-in Republican President Richard Nixon in, "Abortion a kisap hun om hi," ci-in abortion legalize ding a gupna thu na gen hi. Roe vs Wade case thukhen khit nung US ah abortion hangin 60 million naungek bang kiphiat ta kici hi.

Nauphiatna pen tual thahna hi ci-in i zakdah a, i mawhpaih leh America gam a kiphuankhiatna dingin a tung masa leh a gam sat masa tualsuak mi Native Americans 100 million minam siansuahna dingin thah cimitna (genocide) dingin a thahna uh human history adingin GENOCIDE nasia pen hi napi-in kisikna leh maisakna kam keek kuamah a om nai loh ban uh-ah tu dong kisiamtan in IN GOD WE TRUST cici pong ding maw? US government in Galpi Nih khit nungin "regime change" leh "foreign intervention" policies hong lim zat mahmah a, American national interest hi ci pongin mihing 20-30 million sihna a piansak uh bang tan vei siamtan ngam lai ding maw? Naungek phiatna deih lote in haksatna tampi tuakin a khang cing khinsate bang tan vei lomthah thah lai ding? Naungek piang nai lote it kineih mahmah napi-in immigrants children naupang meimawlte ganhing bangin bawlin bang tan vei CAGE sungah khumcip in kisiamtan ding maw?

Christian Bible sunga Thuciam Lui leh Thak bu 66 sung koimah ah abortion thu lian a kigenkhakna na om lo hi. RC pawlpi sungah Canon 1398 in a thupiakna sungah "a person who procures a successful abortion incurs an automatic (latae sententiae) excommunication" from the Church, which can only be removed when that individual seeks penance and obtains absolution...ci-in na mawhpaih uh na pulak uh a, nauphiatte pawlpi sung panin hawlkhiat ding hi na ci uh hi. Protestant sungah abortion langpang hong kipat leh kinialna (debates) leh kikhenna (division) hong kipat taktak leh a nasiat hun pen 20th century hi pan bek hi. Protestant sungah ngaihsutna leh muhnate (views) a kibat loh hangin nauphiatna deih loh leh nauphiat nuamte right to privacy a gum - "anti-abortion" leh "abortion-rights" camps in hong kikhen hi. Conservative Protestants lamte anti-abortion suuksia diak se uh a, "mainline" Protestants lamte in abortion-rights stance lamah dingin amau sia leh pha khen theihna tawh numeite teel ding hi cih ngaihsutna nei uh hi. African-American Protestants lamte pen white Protestants sangin a anti-abortion ah a din'na (stance) uh khauhpai zaw lai hi.

America ah nauphiat numei thum lak panin nih Christian hi cih 2011 in Guttmacher Institute report in gen a, tua lakah 37% Protestants, 28% Catholic hi (a kigawmin nauphiat numei 100% lakah 57% tak Christian numeite cihna suak hi). Nauphiatna deih lohna tawh politics a kinak gawm mahmah America gam-a nauphiat 57% tak Christian mite na hi zawsop uh hi. Nauphiat a limzat leh a nak ciing pente American Christians teng na hi zaw leltak zawsop thong uh hi. Abortion lim zat mahmah anti-abortion tangkopih in, vote zon'na pen tualthat leh guta khatin tualthahna leh guktatna a deih lohna thu a tangkopih tawh kibang a, mihoih kineihkhem ngia tuuvun silh vai lua hong bang hi.

1996 study in US ah nauphiat numei nga lak panin khat a piangthak khinsa numeite (born again Christian women) hi zen lai uh hi. Nauphiatna a deih leh zangte Christian a kici pha diak tata leh a piangthak khinsa mah na suuksia zaw uh cih kimu thei pah hi. Republicans party, adiakin Donald Trump hun in nasep leh policies hoih manifesto ding nei lo ahih manun abortion thu tawh vote leh political support zon hong hahkat uh hi leltak hi.

Donald Trump in thuneihna a let khit nung Supreme Court Judge dingin nauphiatna deih lo conservative judges nih - Brett Kavanaugh (Maryland) leh Niel Gorsuch (Colorado) leh Oct. 26 2020 in a nominatted Amy Coney Barrett kici cnservative judges thumna dingin Supreme Court ah a guan' beh manin conservative judges majority hi khinsa a behlap banah federal courts ah record high in conservative judges lom guang napi a term khatna bei dek ta napi-in abortion phiatna ding leh Republican President Richard Nixon hun in Supreme Court in 1973 in Roe vs Wade verdict overturned (thukhenna lehkhup in laihkik) sawmna dingin Supreme Court ah litigation khat vei beek bawl lo nai lo zen uh hi. Bang hang? Abortion rights leh same-sex marriage rights kiphiatmang leh Republicans party in a vote ngahna ding a mi khemna ding uh nei nawn lo ding uh hi ven anti-immigration leh pro-war leh gun rights cih loh buang vote zon'na dingin a tangkopih ding uh bei ding a, vote tampi taanlawh ding uh hi cih thei uh a, "dirty political game ding bekin zang nuam uh hi cih kilang hi.

2011 in Guttmacher Institute report in a genna ah US ah nauphiat numei thum lak panin nih Christian hi a, tua lak panin Protestants biakna zui numei 37% in nauphiat uh a, Catholic biakna zui numei 28% in nauphiat uh hi ci hi. 2000 hun in US Catholic numei nauphiat pen US average general population tawh kikim ahih manin Catholic numei 29% in nauphiat uh ahih manin Protestant numei nauphiat zah sangin a milim a nauphiat zah tam zaw uh hi. 1996 study in a muhna panin US ah nauphiat nga lakah seh khat pen Christian numei a piangthak khinsate (born-again) hi cih kimukhia hi. 2008 survey in tua bang mahin nauphiat numei nga lak panin seh khat pen a piangthak khinsa numeite mah hi ci kimu a, tua lak panin a piangthak khinsa ahih kei leh evangelical a kici kum 18 pan a tunglam nauphiat 13% tung zo lai zen hi.

America ah nauphiat numeite lak panin religious service ah kal khatin khat vei leh a tam zaw kikhawm leh kihel (biakna lamsang tawh ah kihel leh biakinn kai) numei 15% in nauphiat uh a, religious service ah a kihel ngei lo 41% in nauphiat uh hi. Numei nauphiatte abortion index kici sungah kiciamtehna a, abortion index value 1.0 assigned tawh population's average kikim hi. America ah abortion index metric zangin US Catholic ten nauphiat zah na ciamteh uh a, a ciamtehna uh Guttmacher Institute in 2000s in a nuhna ah abortion 1.00–1.04 kikal tung hi.

Tua mah bangin Protestants ten abortion index a piak uh 0.75–0.84 tung a biakna dangte (other religions) 1.23–1.41 tung a, non-religious women kicite abortion index 1.38–1.59 tung ahih manin Protestants numeite sangin Catholic numeite sungah nauphiat zah tam zaw cihna suak hi. Tua ma-in Roper Center for Public Opinion Research in study a bawlna US Protestants numei sunga abortion index 0.69 tung a, Catholics numeite index 1.01 tung a, Jews numeite index 1.08 tung a, non-Judeo-Christian religions numeite index 0.78 tung hi. "No organized religion" kicite index 4.02 tung hi.

Lai Siangtho sunga Thuciam Lui leh Thak sunga kamsang leh maangmu kuamah in Pasian' maitang ka mu hi a ci om ngei lo (a taang luat manin) napi-in, "White House ah ka sep ma-in vantung ka va kahto a, a tokhom tunga tu Pasian va mu-in, a maitang mahmah ka mit tawh ka va mu hi," a ci Donald Trump' personal leh White House spiritual adviser (pasal thum vei a nei ta) Paula White in January kha kim pawlin Trump in religious organisation khat hi ci-in a ciamtehna dingin May 2019 in official recognition a piak banah siah a maapsakna (tax exemptions) tawh thupha a piak Santanic Temple biakna zuite bek nauphiatin ngawh a, Satanic pregnancies (naupaaina) a tate uh a tolhna (miscarriage) dingin na hamsiat hi.

Paula White' samsiatna leh a man lopi-in a ngawhna thu Satanic Temple in adawn'na uh "Satanist’s Open Letter Reply to Trump’s Spiritual Adviser’s Comments Regarding Satanic Pregnancies" ci-in Pathoes news in January 27, 2020 a suahsakna ah, "America ah nauphiat (abortion) ngen leh nauphiat a kimkhat valte Christian women hi a, 38% nonreligious women (numeite) hi a, nauphiatna bawl leh nauphiatna ding ngetna bawl 8% bek non-Christian religion zui numeite hi," ci-in gen hi. Paula White in a dawn'na ding thei nawn lo hi.

America ah nauphiatna pen conservative leh Christian evangelicals leh Republican party in "dirty game" dingin zangin politics ah biakna vai meetbawlna tawh vote ngahna dingin a mi khemna uh hi bek hi. Biakna hahkat a kici diakte leh Christian a kicite a luzaang tungah ektum tuang leulau napi-in non-religious mite na luzaang tung uh-ah ek bang hi ci-in dawi ci-in a ngawh pong uh na hi leltak hi. Abortion politics pen kikhemna leh zuau thu hi zaw bek a, American Christian numeite leh a piangthak khinsa numeite pen thu um lo numeite sangin nauphiatna deih leh lim zat leh ciing zawte na hi zawsop uh hi. Christian evangelicals ten a mawhpuakna uh zo lo leh amau mit sunga singluang tang awlmawh masa loin midangte mit sunga ninthem tang lakkhiatsak sawmin buai henhan pong uh hi.

Laisim thadah vive leh thuman za nuam mel loin, thuman tawh i sung a kituak mel lo minamte hi lai i hih manin America gam-a abortion thu hih zaw tawh khawlbawl phot ni. "Christianity leh abortion" thu a kitel zaw leh kician zaw in thuman thutang na telcian nop leh a nuai-a link mek in la, na sim in. Conservative white Christian evangelicals, Republicans party leh Zomi sunga sia nengnengte in abortion thu a zuau bolomtang teng a otpih thapai teng uh tawh na kikhemsak nawn kei peuh ve...guta leh tualthat suuksia tengin guta leh tualthat nengnengte mawhna ding a leitang zonna uh leh politics ah biakna vai a meetbawlna uh tawh politics ah kikhemna hi zaw ai ve!

https://en.m.wikipedia.org/wiki/Christianity_and_abortion

@Thang Khan Lian #ZUNs reports

U.S. GAM BUP LEIBAT (NATIONAL DEBT) A PIANGKHIATZIA

U.S. GAM BUP LEIBAT (NATIONAL DEBT) A PIANGKHIATZIA

March 5: US Presidents Reagan hun 1981 panin US gambup leibat (national debts) khang zah hih a nuai-a link mek lecin na mu ding hi. US history adingin tax cut golpen (biggest) piangsak Reagan in August 1981 in "major tax cuts" law suaksak hi. Tax cuts a lungdampih a tam mahmah hangin US stock market leh US economy tawp cih takin tawp a, US Treasury paper in 1981 act (tax cuts) hangin US kumpi summeet ngah (federal revenue) Reagan administration kum li sungin kum khatin average $118 billion sumh den hi ci hi. Tua thei loin US government in tax a cuts pawl khatte lungdam mahmah peekpak uh hi. US ah tax cut golpen piangsakpa ahih mah bangin US gam bup leibat (national debts) lianpen piangsakpa mah suak a, 1981-1985 kikal national debts $1.8 trillion na khangsak zihziah zo cihna suak hi.

President George W. Bush "tax-cut packages" law a suah theihna dingin 2001 leh 2003 in suai na kai hi. Mimal sum muhna (income tax rates), sumpi meette (capital gains) leh dividents kicite panin siah kila kikhiam hi. President Barack Obama in Bush' tax 2010 in kum nih zuih lai dingin thukimna suai na kai a, 2012 in zuih den dingin "permanent tax cuts" na suaksak hi. Center on Budget and Policy Priorities a consultant Kathy Ruffing in Bush presidencies sunga tax cuts hangin fiscal year 2017 dong US national debts $5 trillions khangsak hi. Ahih hangin Republicans pumgum, thukan lo teng leh Obama pum muhdah tengin George W. Bush "tax-cut packages" law a kizuihtoh hangin $5 trillions national debts piangsak pen Obama hi ci-in pum ngawh ngam dep zawsop uh hi.

US hawkish President leh war monger President George W. Bush "galpi" a kici liang WAR IN TERROR kici hong pan a, Iraq leh Afghanistan gam US in UN Security Council resolution phalna lopi tawh 2001 in a simna hangin 2001-2016 kikal gal dona hangin Iraq ah US fiscal year sum $805 billions bei a, Afghanistan ah $783 billions beisak eueu hi. Tua zong thukan lo tengin Obama bek mah ngawh thapai uh hi. Kum khat leh a lang sung sum hatsatna piangsak Great Recession kici December 2007 in kipan a, hih recession hangin US housing market kiccimsakin tuksak (collapse) hi. Great Recession hangin Bush leh Obama presidencies hun sungin budget deficits (kisam;leibat) nakpi takin khangsak a, 2009-2012 kikal in US deficit $1 trillion val hi. Ahih hangin Bush min gen khakin nei om lo uh a, Obama bekin minsiatna teng khu hi (Republicans based media leh conservative media pen #Fake News suuk pen ahihna kitel a, US ah ui hon ham ngeingai-in kamsiatna lianpi (catastrophe) piang leh Obama ahih kei leh Democratic party ngawh dinga mansa vive mi tam mahmah dep hi. US gammi ka hih loh manin gup tuam ka nei kei a, thuman i theih ding ka deih man bek hi).

Great Recession hunin US economy a tukna panin hong ding kik a, President Barack Obama in Feb. 2009 in American Recovery and Reinvestment Act kici thukimna suaikai hi. Hih Act pen Obama in sepna nei lote phattuamna ding (unemployment benefit) leh khantohna dinga kisam nate (infrastructure projects) bawlna dingin billions dollars zatna dinga a bawl bill hi. Obama in hih bill pen "cidam kikna dinga lampi ciamtehhuai mualsuang golpi" geelna hi ci hi. Ahih hangin Republicans in US government sum mawk beisakna hi ci uh hi (tua mah a tamzaw in um uh hi). Tua bill ah sum zat ding a cil in $787 billion dingin kigeel a, ahih hangin 2015 in Congressional Budget Office in price tag sang zaw $836 billion dingin behlap hi (interest payments tawh piak ding teng tawh kigawmin). Hih bill hangin fiscal year 2016 ah US national debt $1 trillion kibehlap hi ci-in Committee for a Responsible Federal Budget in ci hi.

Obama in American Recovery and Reinvestment Act a bawlna hangin sepna nei lo tampi leh infrastructure (schools, college, universities, lampi etc) khan'tohna lianpi a piangsak banah millions tampi mizawng leh cimawh ten Obamacare hangin phattuampih uh a, mihau ten phattuampih mel lo uh hi. US natonal debts 2016 in $1 trillion behlap ahih manin Republicans ten media zangin Obama in US leibat nakpi takin khangsak hi ci-in Americans thukan lo leh zuau thuleng (rumours) um pahpah a mitdel sialkhau let teng a khemzawh manun Nov. 2016 presidential election ah anti-incumbency (ruling party Democrats party ukna deih lohna) leh Trump anti-immigration leh #Make America Great Again #America First populist movement hong hat luat manin thu lim takin a ngaihsun mi kuamah up loh ding a upmawh thu gengen a, thugensa ni khat ma-a laih themthum leh geelna saupi nei loin action ngam buatbuat Trump pen 45th American #accidental President hong suak thei hi bek hi. Tu hun dong US economy khan'na pen economists a tam zawte in Obama' American Recovery and Reinvestment Act hang hi ci uh hi.

US national debts pen a teekte (aging population) adingin sum tam a kizat manin leibat khan' lam manawh semsem hi. 2018 nipi hun ma (spring) lai-in Congressional Budget Office in a tuatna ah tu lian-a laws kibang a kizuih zom leh — President Donald Trump leh Republican Congress in bangmah ahih kei leh — national debt tangpi tangtate (public) neih pen 2047 ciangin 77% panin 150% in khang ding hi ci hi.

Trump’ latest budget proposal Feb. 12, 2017 a kikhahkhia Congress in a thukim kim khit leh 10 sungin US deficit $7.1 trillion val behlap ding hi ci-in Office of Management and Budget Director Mick Mulvaney in nung kum in ci hi. US gammi thukan lo teng lungdampih mahmah leh US history a tax cut lak panin a golpen giatna hi napi SOTU First Address 2018 ah Trump in US history adingin "biggest tax cuts" ci-in kisialpih laulau in a zuaugen a, December kha-a "major tax cuts" bill a kibawl hangin kum 10 sungin US deficits $1.5 trillions khangsak ding hi. Trump government in US galkap leh gam sung adingin "military and domestic programs" a zat ding nakpi takin khan'sak ding geelna nei a, kum nih sunga zat dingin Republican leh Democrats thukimna (bipartisan agreement) Trump in February kha 2018 in a suaikaihna ah sum zatna military budget ding $300 billion khangsak in $670 billion zang a, 2019 December in khansak beh dingin ngen 2020 fiscal year adingin $712 billion zat sawm hi ci-in CBN news in February 11, 2020 in a report ah gen hi.

Obama in American Recovery and Reinvestment Act bill a bawlna hangin 2016 fiscal year (FY) ah decicit $1 trillion kibehlapsak a, minsiat cih teng ngah hi. Trump in President a let in US national debts $18.96 trillions hi a, Feb. 13 in $20.7 trillions tungto a, kum khat sungin US deficits $1.74 (2 trillions naih) tung napi Trump in minhoihna khempeuh ngah ta zen zawsop hi. Obama in a term sungin US ah nasepna (jobs) hih bangin na khangsak hi. 2010 = 88,000, 2011: 174,000, 2012: 179,000, 2013: 192,000, 2014: 250,000, 2015: 226,000, 2016: 187,000.

Trump in US khangthu adingin kum khat sungin sepna 2 millions ka khangsak hi ci-in 2016 sunga Obama' piangsak teng ama hun-a a piangsak bangin a zuau gen hi. 2017 in jobs 171,000 bek Trump piansak a, 2010 in Obama in Great Recession hangin jobs 88,000 bek a piangsak zah cih loh 2011-2016 kikal a Obama-era a jobs kipiangkhiasak zah Trump in khat beek dem zo lo hi (2018 tan et in). 2019 dongin jobs a kipiangsak zah Obama' era hun sangin 1.5 million in Trump' era ah tawm zaw hi. Trump' hun pen economic growth hun ahih manin nasepna ngah a kubehlap leh economy a khan pen a lamdang hilo a, nung kum last quarter in economic growth 2.2 percent in kiasuk a, coronavirus hangin 2008 khit nung stock exchanges a niam pen tung khinzo ta hi.

Trump in Jan. 20, 2017 in US President len pan hi. Ahih hangin Presidents luite nasep hoih khempeuh minhoihna Trump in guksak thapai-in kisialpih mahmah a, US tangthu adingin a thupi leh golpen ("greatest ever in US history") cih tawh thukan lo teng khemzo a, a thugen conservative leh Republicans pumgup media tengin mi khemna dingin zangin mi tam khemzo mahmah dep uh hi. Christian kici lanlan nuam teng zuaugen mangpa in pang zawsop uh hi. Kam in bel gen lah nei lo hi. Thuman gen zawte peuh Republicans pumgup thukan lo tengin #Fake News ci ngam zaw lai uh hi.

US in Cold War hun lai-in Soviet Union tawh Nuclear NPA Treaty leh Intermediate-Range Nuclear Forces (INF) Treaty leh New START (Strategic Arms Reduction Treaty) leh Strategic Arms Limitation Talks (SALT I & II) palsatin Baltic States (Estonia, Latvia leh Lithuania gamte) missile defence a koih banah Poland ah zong koih hi. Hih thukimnate hangin Soviet Union (tu-in Russia i cih) in Europe gam-a a Communist bloc gamte ah missile defence a koihte leh Cuba ah missile defence leh nuclear a koih teng lakkhia khin siang hi. Ahih hangin Russia ngimna dingin Russia gam kiim tengah US makaih NATO in missile defence system koih hi. Russia in US kiangah Cold War era thukimna lenkip dingin kum 15 bang US kiangah na ngen den hi. US in Europe ah a missile defence systems koihte a lakkhia nuam loh ciangin Russia in new modern supersonic nuclear weapons a bawl thakte March 1, 2019 in Putin in Presidential Address ah a thugenna ah video tawh Avanguard intercontinental supersonic missile, SAMRAT misse defence, intercontinental range under-water drone kihelin lakkhiatna nei a, "Hih bang galvan thak kibawl ma-in kuamah in Russia' thugen ngai nuam lo a, tu-in Russia' thugen ngai ta ding uh hi," ci hi.

US in $352 billions nuclear galvan tak bawlna ding zat ding gelna nei hi. Tua loin Trump in Dec. 17, 2016 in nuclear galvan thak (modernized) bawl dingin kamciamna a neih bangin US Congressional Budget Office in Russia tawh thukimna New Strategic Arms Reduction Treaty (New START) palsat masa a, New START pat kikna dingin "new nuclear weapons strategy" a zat dingin $1.2 trillion zat sawm hi. Thumkimna tampi palsat US hi napi US inRussia in galvan thakte lahkhiatna a neih khitin Russia in INF Treaty palsat in ngawh hi.

US in a nuclear modernized nadingin $1.2 trillion zat ding a geelna pen Trump; Nuclear Posture Review policy hang hi. US in hih bang teng tawh sum zang lai leh US presidencies lak panin a kam cidam pen #Make America Great Again ci thapai Trump pen US national debts tam behlap pen leh piangsak pen leh #Make America Poorer Again suak peelmawh pa ding hi cihna hi. Bang hang hiam cih leh prwsident kum thum a let sungin national debts $3.2 trillions tak economic growth hun lai-in behlap in $23.3 trillion tungsak khin pa ahih banah tu kum in US Treasury panin $1 trillion leibat la khinzo hi.

Russia in "modern nuclear weapons" a bawlna hang pen Baltic States thum leh Poland (Russia gam kiim-ah) UN makaih NATO in missile defence a koihna hang hi ci-in Russia in US in Cold War era thukimna palsat hi ci-in ngawh hi. US mawhsakna man na sak leh Google panin Cuban Missile Crisis (Oct. 16-28, 1962) kici Cuba ah Soviet in ni 14 sung bek nuclear missile a koihna hangin US in Russia nuclear tawh kap dingin a vauna leh thua thupiang buaina na sim in. Baltics State leh Poland ah missile system leh nuclear galvan nangawn tawh Russia kiim ah galdo a sin thapai US ngian thuman leh thuzuau na tel ding hi. Thuman mah gen leng thuzuau deihte adingin kha ngapi thuman deihte adingin khum zaw a, ngawhna leh thuzuau pen up dingin tawta vai lua ta hi.

Source: Market Watch; The Wall Street Journal: Huff Post; The Washington Post: Wikipedia

@Thang Khan Lian #ZUNs

https://www.marketwatch.com/story/heres-how-the-us-got-to-20-trillion-in-debt-2017-03-30