TOMAHAWK CRUISE MISSILE

TOMAHAWK CRUISE MISSILE

Tomahawk pen long-range (a gamla kapna), subsonic/supersonic (aw sangin a manlang zaw) leh khawhun siatna leh khuahun hoihna mun a kizang thei cruise missile ahi hi. (Subsonic pen 550 mph ai keh 890 km/h hi). Tomahawk min pen Red Indians (Native American zong a kici)-te' temta min panin a kila ahi hi. 1970 in McDonnell Douglas in na bawlkhia hi. Tua khitin medium range panin long-range in kipuahpha a, tua khitin mun niam kap theihna ding missile in kibawlpha kik hi. Raytheon in puahpha kik leuleu a, tu-in General Dynamics (tun Boeing Defense, Space & Security a kici) ten zong bawl ta uh hi. US in Gulf War 1991 khit nungin nak zat mahmah a, galvan pound 1,000 gik pua zo hi. US in a galdona teembaw Navy Destroyer kicite a panin tai (maile) 1,000 tan a gamla kapna dingin zang uh hi. Tomahawk pen 1983 panin kizang ta a, US Navy leh Royal Navy ten nak zat mahmah uh hi. A kibawl cilin General Dynamics in bawl a, tua khit Raytheon leh McDonnell Douglas company in bawl hi. Tomahawk Block IV namte pen khat bek $ 1.94 tak man hi (FY 2015 in, tu-in tam man zaw lai ding hi cihna hi).   

BGM-109 Tomahawk tuamtuamte:

1. BGM-109A Tomahawk pen Land Attack Missile – Nuclear (TLAM-A) hi a, W80 thermonuclear galvan pua in kizang hi. 2010-2013 a kipanin kibawl nawn lo hi.
2.RGM/UGM-109B Tomahawk pen long kapna [Anti Ship Missile (TASM)] in kizang a, radar tawh kithuah hi. 1990 a kipanin kizang nawn lo hi.
3: BGM-109C Tomahawk pen lei a om (Land Attack Missile) kapna missile hi a, Bullpup warhead kici kithuah hi.
4. BGM-109D Tomahawk zong lei a om kapna missile (Land Attack Missile) in kizang a, Dispenser (TLAM-D) kici kithuah in tampi vei puak thei hi.
5. RGM/UGM-109E Tomahawk zong lei a om galte kapna (Land Attack Missile) mah in kizang a, TLAM Block IV zong kici hi (TLAM-C kipuahpha).
6. BGM-109G pen Ground Launched Cruise Missile (GLCM) hi a, W84 nuclear warhead kici tawh kithuah hi. 1991 panin kizang nawn lo hi.
7.AGM-109H/L pen Medium Range tung lam panin lei a omte kapna (Air to Surface Missile) [MRASM] hi a, a dangte sangin hat lo zaw deuh a, turbojet powered ASM kici tawh kithuah a, tampi vei puak thei hi. Ahih hangin kizang ngei nai lo hi. $569,000 tak man hi.

United States Navy ten Tomahawk a zatnate uh:

1.1991 Gulf War (US in Iraq a do masakna) ah Tomahawks 288 kizang hi. Tuinuai teembaw (Submarines) panin 12 kikap a, kidona teembaw panin 276 kikapkhia hi. Amasa pen dingin January 17, 1991 in US teembawpi USS San Jacinto panin kikapkhia hi. Tua khitin tuinuai teembaw USS Pittsburgh leh USS Louisville panin kikapkhia kik hi.
2.June 26, 1993 in Tomahawks 23 tawh Iraqte' Intelligence Service command leh control center kikap hi.
3. September 10, 1995, "Operation Deliberate Force" kici ten USS Normandy teembaw panin Tomahawk 13 central Adriatic tuipi panin Bosnia a Serbiate gam a radio tausang (tower) kapsak uh hi.
4. September 3, 1996 in Tomahawk cruise missile 13 zangin Iraq sim lam a Iraqte air forcete phual kikap hi.
5. Al-Qeada ten USte' embassy Afghanistan leh Sudan ah bomb a puahsak khit un August 20,1998 Tomahawk missiles 75 tawh kap uh hi.
6. Iraq galkapte pan mun Dec. 16, 1998 in 'Operation Desert Fox' kici ah zong Tomahawk missile kikap kik hi.
7. 1999 in 'Operation Allied Force' kici ten US teembaw leh Britishte submarines panin Tomahawk missiles 218 tawh Serbia leh Montenegro kap uh hi.
8. Operation Enduring Freedom kici October 2001 in Tomahawk missiles 50 kiim tawh Afghanistan kikap hi.
9. 2003 (Gulf War II) in Iraq ah Tomahawk missiles 802 kikapkhia hi.
10. Yemen a Abyan governoratate sunga al-Ma'jalah kianga om al-Maffad a Al-Quedate training camp December 17, 2009 in Tomahawk missiles 2 tawh kikap hi. Amnesty International in mi 55 si a, tuate lakah nautang 41 (naupang 21, numei 14 leh pasal 6) kihel hi cin gen hi. US leh Yemen in hih Tomahawk ko kap hi zong ci loin, ko kap hilo hi zong ci ut lo hi. Ahih hangin diplomatic thu pholak ten US Navyte' teembaw panin kikap hi ci-in gen khia hi.
11. March 19, 2011 in US leh British ten Tomahawk missiles 124 (US ten 112, British ten 12 ) Libyan khuapi - Tripoli leh Misrata mun 20 kap uh hi.
12. March 22, 2011 tanin US leh UKte' teembaw panin UGM-109 te 159 Libya ah kikap hi.
13. September 23, 2014 in USte' teembaw - USS Arleigh Burke leh USS Phillipine Sea teembaw panin Tomahawk missiles 47 tawh San Tuipi leh Persia Tuipi a kipanin Syria a ISISte omna - Ar-Raqqah, Deir ez-Zor, Al-Hasakah, Al-Bukamal leh Khorosan group kicite omna Aleppo (Syria tum lam) US ten kap uh hi.

14.  Syria kumpi in Idlid province ah chemical galvan zang hi ci-in ngawh a (mi 82 si, 200 kiim liam), April 6, 2017 zingsang nai 4:40 am Local Time in US in Mediterranean Tuipi a US galdona teembaw US Navy Destroyers, USS Ross leh USS Porter teembaw panin Homs province sunga om Syrian military airfield, Shayrat (Ash Sha’irat zong a kici) airfield Tomahawk cruise missiles 59 tawh a kapna hangin mi 6 in sihna tuak hi ci-in Al Jazeera breaking news ah kisuaksak hi. Ash Sha’irat pen Homs province sunga om hi a, Homs khuapi panin 40 kilometers (25 miles) kigamla hi. Homs Governor Talal Barazi in bel Ash Sha'irat airfield kikapna hangin mi nga si a, mi sagih in liamna tuak hi ci-in gen hi. UK-based Independent newspaper in bel mi 7 si hi ci a, US-based Wall Street Journal in bel mi 16 si hi ci hi.      

United States Navy ten Tomahawk cruise missile nam tuamtuam 3,500 kiim nei dingin ki-ummawh a, a sumin tuat leng US $2.6 billion man ding hi.
US Navy ten 2015 a kipanin Tomahawk bawl khawlsan sawm uh a, ahih hangin kum 10 khit ciangin a hoih zaw bawl kik sawm uh hi.

Type : Long-range, all-weather, subsonic cruise missile
Place of origin:United States
Service history: In service 1983–present
Used by:United States Navy, Royal Navy
Production history:
Manufacturer General Dynamics (initially)
Raytheon/McDonnell Douglas
Unit cost:US$1.59m(FY2014)
Specifications:
Weight-2,900 lb (1,300 kg), 3,500 lb (1,600 kg) with booster
Length-Without booster: 18 ft 3 in (5.56 m)

With booster: 20 ft 6 in (6.25 m)
Diameter:20.4 in (0.52 m)
Warhead Nuclear: W80 warhead (retired)
Conventional: 1,000 pounds (450 kg) High explosive or Submunitions dispenser with BLU-97/B Combined Effects Bomb or PBXN
Detonation mechanism: FMU-148 since TLAM Block III, others for special applications
Engine:Williams International F107-WR-402 turbofan using TH-dimer fuel and a solid-fuel rocket booster
Wingspan:8 ft 9 in (2.67 m)
Operational range:Block II TLAM-A – 1,350 nmi (1,550 mi; 2,500 km) Block III TLAM-C, Block IV TLAM-E – 900 nmi (1,000 mi; 1,700 km), Block III TLAM-D – 700 nmi (810 mi; 1,300 km)
Speed:Subsonic; about 550 mph (890 km/h)
Guidance system:GPS, INS, TERCOM, DSMAC, active radar homing (RGM/UGM-109B)
Launch platform:Vertical Launch System (VLS) and horizontal submarine torpedo tubes (known as TTL (torpedo tube launch))

-Wikipedia

HOLLYWOOD AA A KHASIAT HUAI TANGTHU

HOLLYWOOD AA A KHASIAT HUAI TANGTHU

Aug. 28, 2015: Hih tangthu pen Hollywood tangthu a kigente lak panin a khasiat huai pente lakah khat hi kha ding hi. Ama min pen Sylvestar Stallone ahi hi. Tu-in Hollywood action piahte lak panin a minthang pente lakah khat ahi hi.

Stallone pen limcingte lakah nuntakna hamsa pen pawl hi kha ding hi. Zawng lua ahih manin a zi' suai gu in na zuaksak ngei hi. A zi a gaai lai in bank ah $ 106 bek nei hi. A inn saap ding nangawn pia zo loin a inn panin kihawl khia a, New York khuapi bus station ah zong zan thum na giak ngei hi. ROCKY film a bawlma-in a inn luah man ding leh a ui it mahmah "Butkus" an ding lei nang sum nei lo ahih manin Butkus ngawngah $ 100 cih suangin zu zuakna kongah sawtpi tut pih hi. Little Jimmy kici pan $25 bek tawh leisak a, khitui luangsa in ciah kik hi.

Nipi kal nih khitin Mohammed Ali leh Chuck Wepner boxing kitupna va mu hi. Hihte kitupna a muhkhit nungin a minthang mahmah ROCKY movie tangthu gelh ding a lungsim ah hong om hi. Nai kal 20 sung gelhin zo ziau hi. A tangthu gelh zuak ding leh amah mahmah kihel a piah ding cih ngaihsut hi. Ahih hangin studio khatin amah kihel loin a tangthu bek $125,000 in lei sak nuam hi. Stallone in ROCKY film sungah a tangval (main actor) ding ut sawnsawn ahih manin a lei nuam studio nei ten limcing minthangsa bek deih uh ahih manin, "Nang pen na meel limlim nuihzak huai a, na pau zia limlim zong nuihzak huai hi," cih sanin nusia uh hi. Nipi kal sawt loin hih studio ten a tangthu bek $250,000 tawh lei dingin dawp leuleu uh hi. Ahih hangin amah kihel lo ding ahih manin na phal lo hi. Tua khit nungin a studio nei ten nang ong deih lo hi ung, na tangthu gelh bek deih hi ung ci'n a tangthu bek $ 350,000 piak ding ciamin va dawp kik leuleu uh hi. Aman kei zong tua khui-ah ka pan bek tham loin a tangval in pang nuam ing ci'n na nial kik hi. Sawtpi  a kinial khit nungun a studio nei ten a tangthu $35,000 piak ding leh Stallone pen ROCKY piah sak dingin phasa uh hi.

ROCKY film a bawlna uh-ah million 1.1 bei a, ni 28 sungin zo uh hi. November 21,1976 in kikhah khia hi. Box office ah $ 225 million ngah zo hi. ROCKY film a sum kingah lak panin 10% bek Stallone tungah kipia hi. ROCKY film in Oscar Award ah Best Picture, Best Directing leh Best Film Editing a ngah banah Stallone in BEST ACTOR nomination ngah sawnsawn hi. Tua banah American National Film Registry ah 'one of the greatest movies ever' ci'n kiciam lai sawnsawn hi.

ROCKY tangthu a zuakna panin a sumngah tawh a masa penin a it mah a ui zuaksa lei kik dingin kithawi pah hi. A zuakna mun, tua zu zuakna kongah ni thum sung va ngak hi. A ni thum ni in a zuaknapa tawh kimu kik nawn hi. A sum giautau luat man leh a inn saap ding a piak zawh loh banah, a ui nangawn an a vak zawh loh manin a zuakna thu lim takin gen hi. Tua banah a tate ton pihin, a ta ten a ui uh a itna gen ngaungau kawmin, "Nang nipi kal bang zah hiam bek kem pan hi lel teh...hehpihna tawh ong leisak kik ta peuh in," ci'n thum ngaungau hi. Ahih hangin a ui zuakna pan na vuak sawmin, phal lo hi. $100 ong pia ning a cih leh ut lo a, $500 ong pia ning a cih hangin ut tuan lo hi. $1000 a piak sawm hangin ut tuan lo beek lo lai ahih manin a tawpna ah $ 25 bek tawh a zuak a ui pen $ 15000 pia in a ui tawh ciah kik uh hi.

Giahna ding nei loin New York bus station ah zan thum giak in, a ui nangawn a vak zo loin a zuakpa tu-in leitung a limcingsiamte lakah minthang pen khat suak a, a neihsa $ 400 million pha hi cin kiciamteh ta hi.

Zawn' pen poi hi. Poi mahmah hi...na mahmah lai hi. Zawng kisa lua in lamet bei tawp dong na tuak ngei hiam? Zawng kisa lua, thanem kisa lua in ka lungsim tamkhamin, zan gawp hi...lametna nei zo nawn keng na ci ngei hiam?

Nuntakna pen hamsa hi, hamsatna tawh kidim hi. Kamphatna in ong paisan den kha thei hi. Mi'n nang hong nial in, na hih theihna bek ong sang ding uh hi. Hau lo, minthang lo na hih manin ong kinuaisiah niloh ding hi. Lametna kong hong kikhaksan lai phial ding hi. Mi'n na thahatna, na sepsate bek ong zatsak nuamin, a haksa pen na nasem ding hi. Nek ding nei loin khua sungah zong na giak kha phial ding hi. Tua bangin na tungah hong tung kha thei mah hi.

Ahih hangin haksatna, nuaisiahna leh simmawhna na thuakte hangin na lametna beisak kha pah kei in. Bangbang a piang zongin lametna leh ngimna kician neih in la, kha suah ngei kei in. Thumanna leh cihtakna na ngawngah awk in, na lungtang tungah gelh in la, na paina peuhah keng in. Khahsuah dingin pammaih lua hi. Na hih zawhna pen kuaman hong theihpih lo a, nang bekin na theih ahi hi. Do dingin galte tam kha ding hi. Do loh phamawh hi. Do lohin gualzawhna piang ngei lo hi. Na tuk hangin tho kik veve in. Mi'n na neihsa, na mel et pan leh na hih theihna zah panin hong simmawh ding hi. Lungkia loin hanciam in do in. Nuntakna pen a hamsat hangin khatvei i do zawh leh a zom zop zawh nuam hi. Thukhual in la, citak in. Thuman in migi in la, hanciamna khahsuah ngei kei in. Tua in daupaina leh lawhcinna thuguk hi. I nuntak hun sung tom lua ahih manin lungkia in, thanem in, lametna beisak a hun mawk beisak ding pen pammaih lua hi.

Zing khuamial penpen a muak dingin zing khuavakin na ngak hi cih mangngilh kha kei in. Na sih dongin hanciam in la, na lametna khahsuah ngei kei in. Nang leh nang na kimuanna na khah suah kei peuh leh zawh loh ding om lo hi. Topa' tha muang in la, citak in hanciam den in. Tua hi leh na daupai in na ma na tun zo ding hi. Gualzawhna in ong ngak den hi cih phawk tawntung in!!!

-Snopes.com/Wikipedia/Nammatv Channel

INDIA IN COMMUNICATION SATELLITE SITNA NEI KIK

INDIA IN COMMUNICATION SATELLITE SITNA NEI KIK

Aug.28, 2015: Zanin Indian Space Research Organisation (ISRO) ten India bawl cryogenic upper stage kici zangin three-stage heavy weight rocket GeoSynchronous Satellite Launch Vehicle (GSLV) D-6 communication satellite a tunna ding orbit GSAT-6 ah kapkhia kik uh hi.

India in cryogenic upper stage zangin GSLV D-6 nih a kapkhiatna uh hita ISRO in GSLV D-5 kum 2010 in na kapkhiatsawm uh a lawhcing loin January 5, 2014 in lawhcingtakin kapkhia uh hi.

Hih GSLV D-5 pen zan nitak nai 4:52 in Satish Dawan Space Centre panin a kapkhiat uh ahi hi. GSLV D-5 pen metre 49.1 in sang a, ton 416 in gik hi. A tunna ding GSAT-6 lawhcingtakin tung hi. Hih satellite geostationary orbit ah (83 degree East longitude) ah khawl ding a, GSAT-6 in S-band communication services tung panin India gambuk a kithuzaktuah theihna pia ding hi.

GSAT-6 communication satellite pen ISROte bawl lak panin a gol pen hi lai a, 2,117 kg in gik hi. Hih GSAT-6 cuboid-shaped satellite in kum 9 sung nasem ding hi. A antenna 6 metre (diameter) in gol hi. ISRO in GSLV rocket zangin satellite 9 a kapkhiatna hi ta hi.

"Another day & another phenomenal accomplishment by our scientists. Congratulations @isro for the successful launch of GSAT-6".
-India PM Narendra Modi, 5:38 PM - 27 Aug 2015

-The Hindu

Keep Up the Fight. Keep your dreams and hope alive. Go great .

This is one of the SADDEST stories ever told in Hollywood. His name is Sylvestar Stallone. One of the BIGGEST and Most famous American Movie superstars. Back in the day, Stallone was a
struggling actor in every definition. At some point, he got so broke that he stole his wife's jewellery and sold it. Things got so bad that he even ended up homeless. Yes, he slept at the New York bus station for 3 days. Unable to pay rent or afford food. His lowest point came when he tried to sell his dog at the liquor store to any
stranger. He didn't have money to feed the dog anymore. He sold it at $25 only. He says he walked away crying.

Two weeks later,he saw a boxing match between Mohammed Ali and Chuck Wepner and that match gave him the inspiration to write the script for the famous movie,ROCKY. He wrote the script for 20 hours! He tried to sell it and got an offer for $125,000 for the script. But he had just ONE REQUEST. He wanted to STAR in
the movie. He wanted to be the MAIN ACTOR. Rocky himself. But the studio said NO. They wanted a REAL STAR.

They said he "Looked funny and talked funny". He left with his script. A few weeks later,the studio offered him $250,000 for the script. He refused. They even offered $350,000. He still refused. They wanted his movie. But NOT him. He said NO. He had to be
IN THAT MOVIE.

After a while,the studio agreed,gave him $35,000 for the script and let him star in it! The rest is history! The movie won Best Picture, Best Directing and Best Film Editing at the prestigious
Oscar Awards. He was even nominated for BEST ACTOR! The Movie ROCKY was even inducted into the American National Film Registry as one of the greatest movies ever!

And do You know the first thing he bought with the $35,000? THE DOG HE SOLD. Yes,Stallone LOVED HIS DOG SO MUCH that he stood at the liquor store for 3 days waiting for the man he sold
his dog to. And on the 3rd day,he saw the man coming with the dog. Stallone explained why he sold the dog and begged for the dog back. The man refused. Stallone offered him $100. The
man refused. He offered him $500. And the guy refused. Yes,he refused even $1000. And,Believe it or Not,Stallone had to pay $15,000 for the same,same dog he sold at $25 only! And he
finally got his dog back!

And today,the same Stallone who slept in the streets and sold his dog JUST BECAUSE he couldn't even feed it anymore,is one of the GREATEST Movie Stars who ever walked the Earth!

Being broke is BAD. Really BAD. Have You ever had a dream? A wonderful dream? But You are too broke to implement it? Too tiny to do it? Too small to accomplish it? Damn! I've been there too many times!

Life is tough. Opportunities will pass you by,just because you are a
NOBODY. People will want your products but NOT YOU. Its a tough
world. If you ain't already famous, or rich or "connected", You will find it rough.

Doors will be shut on You. People will steal your glory and crash your hopes. You will push and push. And yet NOTHING WILL HAPPEN.

And then your hopes will be crashed. You will be broke. Damn broke. You will do odd jobs for survival. You will be unable to feed yourself. And Yes, you may end up sleeping in the streets.
It happens. Yes, it does.

BUT NEVER LET THEM CRUSH THAT DREAM. Whatever happens to
You, Keep Dreaming. Even when they crush your hopes, Keep Dreaming. Even when they turn you away, Keep Dreaming.
Even when they shut you down, Keep Dreaming.

NO ONE KNOWS WHAT YOU ARE CAPABLE OF EXCEPT YOURSELF! People will judge You by HOW you look. And by WHAT You have.
But please, Fight on! Fight for Your place in history. Fight for your glory. NEVER EVER GIVE UP!

Even if it means selling all your clothes and sleeping with the dogs, ITS OKAY! But AS LONG AS YOU ARE STILL ALIVE, Your STORY IS NOT OVER. TRUST ME.

Keep Up the Fight. Keep your dreams and hope alive. Go great .

What weapons does North Korean have?

http://edition.cnn.com/videos/world/2015/08/26/north-korea-military-explainer-lah-orig-jong-un.cnn/video/playlists/most-popular-domestic/

MURDER.......MYSTERY.... INDRANI MUKHERJEE IN A TANU THAT

MURDER.......MYSTERY....

INDRANI MUKHERJEE IN A TANU THAT

Aug. 27, 2015: INX media CEO Indrani Mukherjee in Star India CEO lui Peter Mukherjea tawh a kiteen ma un a tanu Sheena Bora pen a nau hi cin gen hi. April 24, 2012 in Indrani Mukherjee in a mawtaw hawlpa leh midang nih guai in Sheena Bora thatsak a, a luang April 25 in Raigad ah petrol buakin a hal khit cianun gam mang lakah pai uh hi. Indrani Mukherjee in Sheena pen US ah laisim in om hi cin gen a, a sih lam kum thum val seel cip hi. Hih kithahna thu a kan dingin Mumbai Police chief Rakesh Maria kiseh hi.

Zan halin police ten Indrani man uh a, laptop nih leh iPhone khat tawh man khawm uh hi. A thusitna uah Indrani in Sheena Bora pen a nau hi loin a tanu mah hi cin gen khia ta hi. Indrani' pasal Peter Mukherjea pen a pasal thumna hi a, Sheena Boro pen a pasal nihna lui tawh a neih dingin ki-ummawh hi. Indrani' pasal lui Sanjeev Khanna zong zanin Kolkotta ah kiman hi.

Indrani Mukherjee in Peter Mukherjae a kiteenpih ma-in ta nih-Sheena Bora leh Michail Bora nei hi. Peter Mukherjea tawh a kiteen khit nungin Sheena Bora om pih hi. Sheena te unau in zong a sangkahna ding uh sum nei loin a nu leh a pa thak vaak ding a ut uh a, tua banah a nu' minsiat ding deih loin mi lakah a nu pen a sanggamnu hi cih ding na thukim uh hi.

Indrani' mataw hawlpa Shyamvar Pinturam Rai (kum 43) Aug. 21 in 7.63 pistol tawh police ten man uh hi. Police ten a thusitna uah Pinturam Rai in April 24, 2012 in amah leh Sanjeev Khanna tawh Mumbai ah car sungah Sheena a gol ah a meek lup uh hi cin kipulak khia hi. A thah khit un Peter Mukherjae car buk ah zan khat Sheena luang koih uh a, a zing ciangin Sheena' luang petrol buakin a hal khit uh ciangin Raigad gammang ah a paih uh hi cin gen beh hi. Police ten Sheena' luang dinga up mawh May 23, 2012 in mukhia uh hi. Indrani in Shenna mang hi cin 'missing case' zong file lo uh hi. Sheena luang kimuhna sunga police, Pen Police Station ten zong Sheena’ DNA a kep loh ban uah autopsy nangawn na bawl lo uh ahih manin a siluang pen Sheena mah hiam cih a kikan tel ding hamsa kha ding hi.

Sheena' sanggampa Mikhail a teenna Guwahahi (Assam) panin news reporter ten a thu dotna uah a genna ah, "Indrani (ka nu') sanggam bangin mi lak ah kipulak mah ung... Indrani in bang hanga Sheena a thahsak hiam cih ka thei a, a gen khiat hun ciangin ka pulak khia ding hi... Sheena tawh 2001 dong ka om khawm uh a, tua khit nungin bang mah kithuzakna ka nei nawn kei uh hi," cin gen beh hi. Tu in Mikhail a pu leh a pi tawh Guwahati ah om uh hi. Mikhai in a sanggamnu' sihna thu mediate genna panin a theih pat ahihna zong gen hi.

Indrani' pasal (Peter Mukerjae) in zong Sheena pen Indrani sanggamnu bangin thei hi. Sanjeev Khanna tawh a kiteen bek uh thei a, Siddhatha Das tawh a kiten lam uh thei lo hi. Peter Mukherjea in a zi masa tawh a tapa Rahul tawh Sheena kingai uh ahih manin Indrani in a kingaih ding uh phal lo hi cin gen hi. Tua banah Sheena min in Indrani in bank ah sum tampi koih sak a, Sheena in pia kik nuam nawn lo ahih manin a thahsak dingin zong ki-um mawh hi.

Sheena leh Mikhail pa pen Siddhatha Das danin a kitheih hangin a pa taktak uh ahih leh hih loh kitel nai lo lai hi. Tua banah Indrani tawh kiteng takpi uh hiam cih zong kitel lo hi. Indrani' pasal lui Kolkatta a kimanpa Sanjeev Khanna police ten a thusitna uah Sanjeev Khanna in Indrani' pasal lui hi mah ing cin kipulak a, ahih hangin a pasal masa maw? a pasal nihna? cih dotna dawng nuam lo hi.

Sheena in Mumbai Metro One Pvt Ltd (MMOPL) ah Assistant Manager June, 2011 in na len hi. A kithah ni (April 24, 2012) in a zum kah lohna ding ngetna lai at in na pia hi. Hih lai zong ama at maw ai keh mi dang at cih kithei lo hi. A hang bel amah April 24 in kithat hi.

Tuni in Indrani thukhenna ah kidingsak ding hi. A pasal lui Sanjeev Khanna a kigolh leh kigolh loh kithei nai lo ahih manin a Kolkatta panin Mumbai ah thusit dingin kipuak ding hi cin a kimattna inn neipa (Sanjeev Khanna' lawmpa), Ajay Rawla in mediate kiangah gen hi. Ajay Rawla in bel Sheena pen Sanjeev Khanna' tanu hilo hi cin gen beh hi.

UPDATES:

Rakesh Maria in a thusitna panin a muhna:
Sheena lawmngaihpa (a pa thak tapa) Rahul in April 24, 2012 Bandra a National College ah Sheena car in va kha hi. Tua khitin Indrani in Sheena phone tawh hopih a, kikup ding thu poimawh om ahih manin nang bek ong pusuak in cin sam khia hi. Shenna a pusuak khitin Indrani mawtaw hawlpa car sungah a tu a muh ciangin lut nuam lo hi. Tua khitin Indrani in Sheena car sungah thagum tawh kai lut hi. Mawtaw sungah Indrani’ pasal lui Sanjeev Khanna in Sheena’ khut leh khe mat sak a, Indrani in meek lum hi. A thum un Pen Station ah gammang lakah pua uh a, a luang a kitheih lohna dingin petrol buakin a hal khit uh ciang Raigad ah pai uh hi.
Tu in police ten Indrani, Sanjeev Khanna, Shyamvar Pinturam Rai leh Rahul panin call detail reports (CDRs) a neih laitak uh ahi hi. News editor leh columnist ngei khat zong Indrani in Sheena a thahma un hopih ahih manin thusit dingin kisam lai ding hi.

Police ten a genna ah Sheena a mang khit nungin Rahul in hopih a, ahih hangin Sheena’ phone ki-switch off hi. Ni nih khit zawh in Rahul in ‘missing case’ Khar police station ah a file sawm leh Khar police ten na thudon lo uh ahih manin Indrani’ teenna Worli police station a missing case file hi. Worli policete Indrani' inn ah va pai uh a, Indrani in Sheena US pai hi na ci ahih manin police ten um uh hi. A zing ciangin Rahul in text message Sheena phone panin tampi ngah hi. Sheena in kikhen ding vai a gen banah US ah pai hing cin a message ah kigelh hi. Tua khitin Rahul in Shenna a hopih sawm hangin a phone ngah zo nawn lo hi.

Zanin police ten Indrani pasal, Peter Mukherjea a thudotna uah a gen-
Sanjeev Khanna tawh Indrani a kiteen lam bek ka thei a, zong kiho zelzel uh hi. Ahih hangin bang thu kikum uh hiam cih ka kan ngei kei hi. A 2013 in mi pawl khatin Sheena pen Indrani’ ta hi cin ong gen hangun thu phuah tawm hi ka cih san a, Indrani in ka nau hi ci ahih manin ama thugen mah ka um hi cin gen hi.

BANG HANGA A THAH HI DING HIAM???

1.Sheena in Peter Mukerjae kiangah Indrani’ sanggam ahih lam gen sawm ngei a, hih hangin Indrani in a thah dingin ki-um mawh hi.
2.Rahul tawh a kingaih hanga a thah dingin zong ki-um mawh hi. Kalate pen 'honour killing' nak ciin mahmah uh hi.
3.Tua loin sum vai zong hi kha thei dingin ki-um mawh hi.

-The Hindu

US IN BUNKER-BUSTER BOMB PUAHPHA

US IN BUNKER-BUSTER BOMB PUAHPHA

Aug. 26, 2015: Nung ni 5 ni (Friday) in Wall Street Journal in a genna ah Iran in Nuclear Deal a palsat khak leh cin US in leinuai kuahawm sung thukpi a vut thei bomb (bunker-buster bomb) lian penpen bawl pha kik uh hi ci hi.

A puahphatte uh a design, guidance systems leh anti-jamming capabilities (a awk lohna ding) kici 'Massive Ordnance Penetrator' hi a, Iran tawh Nuclear Deal kihona a tawp lamin na puahpha uh hi cin gen hi. Hih bunker-buster bomb pen 30,000-pound in gik a, January kha kim pawlin sitna na neih uh hi cin Wall Street Journal in pulak hi.

Hih bomb pen Iran ten mual sang tunga a nuclear bawlna uh 'Fordow nuclear installation centre' kicihna mun vut zo ding hi.

US leh P+5 leh Iran ten Nuclear Deal thukimna a neihna uah Iran in Fordow ah uranium a khansak (enrich) beh lo dingin thukimna na nei hi.

Iran in hih Nuclear Deal a palsat lohna dingin US in Isrealte kiangah bunker-buster bomb a piak ding hi cin Obama' administration a sem lui leh Middle East peace convoy lui Dennis Ross in tunin Washington Post ah na gelh hi.

CIA director leh Iran-Afghanistan a Commander lui, David Petraeus in zong Iran in Fordow ah uranuim enrichment a khansak beh leh thagum kizang ding hi cin Washington Post ah na gen hi.

-Jerusalem Post

Limlak:Irante nuclear bawlna satellite maan leh Bunker-buster bomb

WORLD WAR II LAI A KIDONA VALENG KIA POLAND AH KIMU

WORLD WAR II LAI A KIDONA VALENG KIA POLAND AH KIMU

Aug. 26, 2015: Poland ah khawkheng (drought) hangin tui kiam lam manawh hi. Warsaw Uprising (1944) in Germany ten Soviet Unionte fighter bomber a kap khiatsak uh leh Jewte mualsuang pawl khat Vistula River a om Poniatowski Bridge nuai ah nipini in kimukhia hi.

Jewish foundation 'From The Depth" makaipipa Jonny Daniels in, "Vistula lui in selcip nei lo ahih manin a kiselsim khempeuh kipholak hi," cin zanin gen hi. Hih Jew mualsuang a kimute pen Hebrew pau in kigelh hi.

Khawkheng hangin Vistulu lui zong nakpi takin kiam hi. Vistulu lui pen miles 651 in sau a, Besikdy Mountains panin Baltic Sea dongah luangsuk hi. Kum za lom 18 a kipan tu dongin hih bangin hih lui kiam ngei nai lo hi.

Soviet fighter-bomber a kimuhna mun lian pen Vistulu lui ka hiang Bzuru lui ah kimu hi. Wyszofrod musem ah et phat dingin kipuak hi. Wyszofrod museum makaipipa Zdzislaw Leszczynski in Associated Press te kiangah a genna ah Soviet galkapte' puan, parachute, tuuno puan tual, galkap khedap lang nih, vanleng hawlpa' TT pistol, radio leh galvan tampi kimu hi cin pulak hi. Leszczynski in a genna ah mit a mu ten hih vanleng pen German ten January 1945 in a kap khiat hi a, vuk lak ah kia in Vistulu tui sung deng hi cin gen hi. Soviet Red Army te Poland a lut man un Germante a kihep khiat laitak uh hi cin gen beh hi.

Vistulu lui a Poniatowski lei German ten bomb tawh na suksiatsak uh a, Kidopi Nihna a bei khitin kibawlpha kik hi. I theihsa bangin German ten Poland a siimna hangun Galpi Nihna ong piang hi. German ten Poland tum lam pan siim uh a, Soviet ten Poland suah lam panin siim in Germante leh Soviette kidona hangin mi tampi in sih lawh uh hi. Hih Galpi Nihna ah Polandte mi million 6 val si uh a, tuate lakah Jewte bek million 3 val kihel uh hi. Poland bek ah Germante a dona uah Soviet galkap 600,000 val si hi.

-Fox News/ Wikipedia

+3

RUSSIA IN VANGLENG 9,000 kmh A HAT LAHNA NEI DING

RUSSIA IN VANGLENG 9,000 kmh A HAT LAHNA NEI DING

Aug. 25, 2015: Russia ten a vangleng bawl thak uh hypersonic engine nei a kibawl Stealth Supersonic Aircraft PAK-FA Revolutionized Aviation kici Moscow khuapi pua lam a om Zhukovsky ah MAKS-2015 airshow ah lahna nei ding uh hi. Hih vanleng nai kal khatin km 9,000 leng zo ding hi.

PAK-FA Revolutionized Aviation pen Moscow a Central Institute of Aviation Motors (CIAM) te bawl hi a, a design Sukhoi Design Bureaute bawl ahi hi. T-50 zong kici hi. Tua loin vanleng tuamtuam zong lahna nei ding uh hi.

CIAM ten leitunga supersonic combusting ramjets tuamtuam bawl uh a, pawl khat Europe a kibawl Mach 5-7.5 (6,125--9,1,187 kmh) te tawh kinak dem mahmah uh hi.

Role : Stealth multirole/Air superiority fighter
National origin :Russia
Manufacturer : KnAAPO, NAPO
Designer: Sukhoi
First flight: 29 January 2010
Introduction: December 2016
Status: Flight testing/pre-production
Primary users: Russian Air Force, Russian Navy
Produced 2009–present
Number built: 5 prototypes
Program cost: US$8–10 billion (est.)
Unit cost: T-50: US$50+ million[8]
Variants: Sukhoi/HAL FGFA

-Sputnik International/Wikipedia

CHINA TEN MILITARY PARADE A NEIHNA UAH NUCLEAR GALVANTE LAHNA NEIH DING

CHINA TEN MILITARY PARADE A NEIHNA UAH NUCLEAR GALVANTE LAHNA NEIH DING

Aug. 25, 2015: China in nuclear galvan dalna leh leitung bup kapkha zo ding missile (intercontinental ballastic missile) te lahna nilitary parade September 3 ciangin lahna nei ding uh hi.

Hih hunah galkap 12,000 kihel ding a, Kidopi Nihna ah Japante guallelhna kum 70 a cinna phawkna dingin nei ding uh hi. Hih hunah Japanese Prime Minister Shinzo Abe kihel lo ding a, ahih hangin Russia President Vladimir Putin leh Kodopi Nihna a Japante' bawlsiatna nasia taka thuak South Korea panin President Park Geun-hye zong kihel ding hi. Xinhua news in a genna ah strategic missile force leh Second Artillery Forces (SAC) zong kilak ding hi cin gen hi. Tua loin missile nam tuamtuam 7 zong lahna nei ding cin gen a, a minte bel gen lo hi. Hih galvan a lahte uh pen gal ten atom bombb tawh do leh uh a thuk kik theihna (second strike capability) galvan a kizang thei dingte ahi hi. Galvan thu lamsang siam ten a genna ah China in atom bomb tawh dona tuak leh a thuk kik nawnna dingin galvan kicing nei mahmah ta hi cih lahna nei nuam uh hi cin gen uh hi.

China ulian ten a lah dingte uh pulak khia nai lo uh a, ahih hang in US pansan a Sen pau a kisuah khia Duowei News in a genna ah a kilak dingte lak panin DF-31B missile (solid fuelled weapon) in mit la pen ding hi cin gen hi. (DF- Dongfeng cihna hi)

China a bloggers pawl khatin a genna ah DF-31B missile in km.11,200 a gamla kap kha zo ding a (range), US gambup sung mun khempeuh kap pha ding hi cin gen hi. DF-31B missile pen baihsam mahmah a, a kap khiakna lawng sunga thunna dingin minute 5 bek kisam ahih manin US bang kap le uh USte spy setellite in na man man lo ding hi.

Hih military parade neih nang mun pen Tiannanmen Square leh Chang’an Avenue hi ding a, vanleng nam tuamtuam sawmnih 200 van lai-ah khusa in mau hehu den ding hi. China ten military parade a neih teng lak uah thupi pen ding hi. Kum dangin KJ-2000 leh KJ-200 vanlengte na lengsak zel uh hi. Tu kum in a bawl thak uh J-15 carrier borne aircraft zong lak ding un kilamen hi.

Hih hunah vanleng muh nop ding a kilamen Chendu J-10 (a single engine multirole fighter) leh hih sanga hatzaw J-11 te ahi hi. China in Russiate SU-27 jet 1990 in na lei uh a, hih tawh kibang pian in J-11 a bawl phat uh ahi hi. Hihte sangin a hoihzaw leh a hatzaw J-16 (J-11 puakphatna) a bawl laitak uh ahi hi.

-China South Morning Post