REPUBLICANISM MAW AHIH KEI LEH TRUMPISM CULT HI ZAW MAW?
Trumpism cult i cih a tam lo hih bang hi zen hi. Trump' Republican kici Lincoln' Republican original hi nawn loin a duplicate ahi RepubliCULT or RepubliKLAN suak ta hi. Ni dang lai hun-a Republican party policies a kideih lo hi loin tu hun in Trumpism cult ideologies a kithukimpih lo mi tampi a om hi zaw bek hi. Bang hang hiam cih leh RepubliCULT or RepubliKLAN or Trumpism cult pen Christianity thu bullet, a manphat, gamtat khuahei kilawm (principles, values and ethics) panin gamlapi pial khin zo-in kigamla semsem sak a, sila a kineihna (slavery), racism, politics bek hi loin Khristian sungah kikhenna a piangsak divisive policies a bullet leh meilet party suak khin zo ahih manin a tam zawte evangelical heretics vive suak khin zo uh hi.
Republicanism kimlai Trumpism cult hong suah mawk tak ciangin Trump' zuaugenna (Washington Post in a fact checking bawlna ah president kum thum a let a cin'na ni January 20, 2020 in zuau gen 16,241 vei pha ta a, a president let ni 1226 a cin'na ni June 1 in 19,127 vei zuaugen ta hi ci-in ciamteh in records nei hi), a nekgukna seel nopna hiam a siah piakna tax returns kici president hi leng ka lak ding hi ci-in 2016 campaign lai-in kamciam napi-in tu dong lak ngam nai lo a, a beisa hun panin tax frauds ngawhna tampi a tuahte, president a let ma-in criminal court cases 3,500 val nei-in president a let khit nung a executive order leh policies tampi American Constitution tawh kituak loin Court cases tampi a neih behte (a awk lai leh a guallelh khitsa cases tampi om ta), mi 42 buan hi cih ngawhna a tuahte, serial adulter + sexual predator leh angkawm in a minthan'na, a mi vauna, a mi hazatna, amah leh a lobbyist teng bek khualna in cronyism a lim zat mahmahna, a phengtatna, a mi muhdahna, a media gal pulak khumna, fake Khristian a kineihna, mi khempeuh amah bia ngam in a mot zuih ngsm mi lo peuhmah a vau leh dona cihte hong pibawl mahmawh mawk uh hi.
LST tungah a khut nga in a kiciam a Trump' administration officials tampi criminal offence nei lopi-in a ban tawpsakna, immigrants mite bek hi loin international students visa ngahte nangawn puakkik (deport) dingin a vauna (immigrants naupangte tul tampi 1997 Flores Court Agreement order hunciam palsat in hehpihna nei loin cage sungah ganhing bangin a nu le pate uh tawh khen in a khumcipna), immigrants mite ANIMALS (ganhing) hi ci-in Trump in zahko in, third world gamte SHIT HOLE COUNTRIES ci-in a simmawhna kammal peuh Trumpism cult members ten na thukim mahmah in pum gup ngam hel mawk uh hi.
Trump in Trump Organisation ah Chairman a let lai bangin dictorship style in America gam bek hi loin leitung bup kipawlna (tampite lakah WHO, UNESCO, UN Migrant leh Refugee Pact cihte nangawn siit loin) ama deihna bang bek leh a thuthu in kaih leh pei sawm thapai a, international organizations leh treaties teng ban lehdo in a min deihna bek tawh kaihtaal sawm in US a ban dawhkhiatna, dictator bangin ama deihna bang bekin a vaihawm theihna dingin a policies khempeuh sepkhiatna dingin zuau leh vauna political threatening tactics zangin Khristian biakna meetbawlna in 'dirty politics' ah a zat nilohna, zuau gen in a kutkutna pen Trumpism cult LST suak ta a, Lincoln' Republican party in Khristian LST thudon nuam om loin anti-Christian policies vive a nungzuite in pum gup in, kampi bek tawh Khristian kineih diak se ngam lai zen uh hi.
Tua bek hi loin Trump' makaih Trumpism cult memberte pen gam leh minam it diak kineih napi-un a haksa hi het lo napi Americans 134,862+ bang Covid-19 hangin a sih khit hangin phawmawhsakna nei vet nai lo uh a, nuntakna sangin sum bek hauhna ding leh economic ratings minhoih ngah ding ngimna economy hon kik dingin kitomtom uh hi. Jesuh in, 'Nang na ki-it bangin na mi dangte a it in,' a cih sepkhiatna tawh lahna dingin a awlsam pen kong pua lamah masks bulh, social distancing measures leh stay-at-home order zuih ding pen meidawina leh kilausakna leh kikhemna Democrats' HOAX hi ci-in amau nuntakna pumpi ading bek khual masa zaw tentan zaw in, ut bangbangin government orders palsat masa in pang zawsop uh a, thau tawi in anti-lockdown lungphona nei-in kongzing leh beach ah vak zau in, thau tawi in Michigan state capitol nangawn va buluh in a state Governor numei ahih man leh Democrat ahih man lel in Gretchen Whitmer peuh thah dingin va vaulau (intimidated) ta zen uh hi.
May 25 in Minneapolis police custody ah kum 46 mi mivom George Floyd a kithah khit nungin police ngongtatna a beina ding leh racial equality deih pawlin lungphona neih hong kipan uh hi. Lungphona a pat cil in mipite thangpaihna (mob anger) khauhpai lua ahih manin kham zawh hilo ahih manin sumbuk buluhna leh van gukna, public property suksiatna leh halna piang mah hi. Kam hat leh nial zawh hat thu tawh nial zawh ding hilo hi. Ahih hangin tua banga gantangte lungphona neite leh mivomte bek hi loin mikangte tam zaw hi. Tuate kuama peuh in a mawhpaih khit ciangin lungphona neite hiamgamna leh ngongtatna nusiatsan in peaceful protests a neih hangun conservative sokbong car drivers ten a car uh tawh mi 16 vei bang phu/taihsak in, mi khat taihlum khin zo uh a, lungphona neite a kaplup uh leh a kapliam uh zong pawl khat om khin zo hi. Lungphona kipat cil lai-in ngongtatna piansak a civil war kipatsak ding geelna nei-in thau leh bomb zat sawm in matna tuak pawl khatte white supremacist a kici conservative vive hi zawsop uh hi.
Republican party in amau ideologies bulpi taktak zui in tua ah ciahkik uh hen la, Orange Clown Messiah 🤡 aka Donald Trump IDOL bangin ngaihsun kei uh hen la, Lincoln' Republican party original mah ah hong ciahkik le-uh Republican party original mah hi a, duplicate suak khin hi cih ngamhuai lo pan bek leh kilawm ahih manin a dahhuai mahmah thu ahi hi. A party ideologies panin pial in a gammang, zuau leh muhdahna (hatred), racism leh sanctions threat vauna tawh kalsuan party hong suak ta uh a, LST ut bangin a taalkaih leh deihkaih (amau aituam bek meetna dingin) in hong zat zawzen liang uh a, England gam-a Church of England bawlsiatna tuak a tam zaw Puritans a kici galtaite in biakna leh politics khen ding cidamhuai zaw ci-in secular democractic gam a suahsak uh America gam tu-in a nusiatsan uh ni dangin Church of England pawlpi ultungsak England kumpite bangin theocratic state in laih a, a vote ngahna ding uh leh a blind supporters teng uh khemna dingin politics ah kimawlna in Christianity biakna hong zat liang zawzen sam ciangun a patauhhuai hi ta hi.
Kum 2000 val Khristian mite in haksatna leh bawlsiatna tampi a kithuak hangin (Sawltakte, thu um masate, missionary ten a thuah khitsa vive uh) leitungah Khristian pung semsem in, biakna lak panin a tam pen kisuak zo veve napi-in Trump lo tawh Khristian mite bit leh suakta zo ding hi ci-in Christianity leh pawlpi lutang Jesuh hong neumuh lua kei le-uh Republican party bel a sia hi het lo mah hi. Trumpism cult hong suah liang ciangin a kilipkhap pian hi zaw bek a, a kimudah kihi lo hi. Ngia hi napi-in tuuvun a silh KHRISTIAN kineih diak lanlante hong suah tak ciangun Republican leh conservative American cih kammal pen white supremacist leh racism suak ta ahih manin muinam zo nawn mahmah sam lo hi.
Jesuh nungzui masa Khristian a kicite in a Sawltakte hun in socialism na lim zuih mahmah uh hi cih Sawltak a masa lam sim le'ng a nuntak zia uh kimu thei hi (tu dong a neihsate uh neikhawm, nekhawm in a nuntakna uh-ah socialism na lim zuih mahmah uh cih na theih nai kei leh LST sim ngei vet lo ahih kei leh simsim napi-in a telsiam zo vet na hi kha ding hi). Ahi zongin Republican party pum gumte in a pupi uh Farisai mite conservative lungsim ngawngkhauhna teng bek leh mi hoih diak a kineihkhemna teng uh na lim zuih diak sese uh ahih manun Jesuh leitung ah hong vak kik leh a nial masa pen leh a lehhek masa ding bangin a om LST ultungsak in a kineih conservative pupi Farisai mite a bang khin zo mi tam mahmah uh a, Jesuh in mawh neite it in singlamteh tungah a hong sihna hangin hong gupna kingah zo bek napi-in conservatives kicite Pasian' za tuh in midangte tungah thukhen in a pang masa nuam leh mawhneite suang tawh a denglum masa nuam kituh bang henhan ta uh hi.
A diakin gay leh nauphiatte bek mawhna bawlin ngaihsutna nei napi-un Matthai 19:9 ah Jesuh in, "Mi khatpeuh in midang tawh a zi a mawhna lo buang, a zi a mak a, numei dang tawh a ten leh numei tunga mawh ahi hi,” ci-in angkawmna (adultetery) a genna leh angkawm mipa leh minu suang tawh na denglum ding uh hi ci-in Pasian in Moses' tungah Siampi Laibu 20:10 sungah na gen napi-in zi nihte mi dang tawh a mawh Hilo napi-in ama sexual predator hih man lel tawh ma in, zi thum a tenpih khit nung nangawn in porn stars peuh tawh angkawm in (a zi thumna in a naupaai hun lai), 2016 presidential election ma deuh in a kam uh a huksakna dingin campaign donations a ngahte zangin campaign finance law palsat in HUSH MONEY kici golhguk sum a pia ngam lai (numei kum cing lo kum 13 pha lo mi 42 buan hi ci-in ngawhna a tuah lakah kihel) mipa peuh Khristian makai dinga muanhuai pen leh a ettehhuai a suaksak ngam zanzan peuh tam mahmah zawsop uh hi.
Jesuh in leitungah hong vak lai-in a ngek lai-in Egypt gam-ah Faro' thah ding panin a kipelh theihna dingin a nu a pate in galtaipih (tu hun in illegal immigrants i cihte) uh a, a cimawh a zawngte, mi gentheite, cinate it in na vak in na huai zaw hi. RepubliCULT members pawl in bel tu hun ciangin hih bang policies - immigration, mi cimawh leh gam zawngte tungah citpiakna leh huhna zadah mahmah in international organizations khat khit panin Trump in US a dawhkhiatna thupi na sa mahmah zawsop uh hi.
Gam leh minam it dia kici in, Kam beembeem in MAKE AMERICA GREAT, AMERICA FIRST cih otpih lanlan napi-un American mite hamphatna ngahna healthcare leh social benefits leh welfare policies tuamtuam ah sum zang nuam loin socialism, communism hi ci-in dawi a ci tam mahmah napi-un gam dangte simna ding (nautang leh numei naupang thahna ding), galvan bawlna ding, ciampeel in gam dangte buaina ah kigolhna ding leh galkap sawlkhiatna in trillions dollars zat ding phamawhsakna nei vet lo uh hi.
Covid-19 pandemics hun in hih pandemic pen Democrats' HOAX hi cihsan in, Americans 134,862+ nuntakna suplawh khit nangawn phamawh sa vet loin masks zat ding state order zadah in kitom in, masks kizuakna sumbuk buluh in vante a va susia gawp video viral ah Trumptards pawl mi kimu kiaukiau thei ta hi. Covid-19 pandemic pen HOAX hilo hi cih leitung bup-ah a natna ngah mi 12,170,408+ lak panin mi 552,112+ si khin ta a, a nasiatna pen US ah a natna mi 3,158,932+ in ngah khin in, mi 134,862+ in a ngah khit nangawn in kibehlap hanhan veve lai ahih manin FACTS (thuman) hi zaw hi cih khuak nei khempeuh leh bil leh mit nei khempeuh in kitheician mahmah khin zo hi. Make America Great Again leh America First a kicici pen HOAX bang semsem zawsop ta a, a otpih teng bekin tua kammal pua balbal kawikawi bek uh hi.
Thahatna sangin lungduaina hoihzaw a, khuapi khat ukzawhna sangin eimah ki-ukzawhna hoihzaw hi (Paunak 16:32). Mi’ thugen a sang thei nawn lo, teek leh hai a thuah kumpipa sangin zawng napi-in a pil tangval khat hoihzaw hi (Thuhilhna 4:13). Zuauna leh khemna ka zat lohna dingin hong huh in la, a hau lua lo, a zawng lua loin hong bawl in la, ka khamkhop zah lian bek an hong pia in. Hau lua leng nang hong nialin, “Topa i cih kua ahi hiam?” kong ci kha ding a, zawng lua leuleu leng mi’ na guksakin ka Pasian’ min kong daisak kha zel ding hi (Paunak 30:8-9).
Politics ah mipite thatang hat thu leh mut zawh thu tawh a sawn ahih kei leh a kaih hat zawh thu (push and pull factor) zanga mainawtte a hat sung uh hat heha napi un sawt kimang vet lo hi. Mipite tawh a tonkhawmte pen sawt kip in, kho hi. Mi thuman lote in zuau thu leh thuman lopi pum gup in a sihpih ngamna dingun zuau thu leh man (price) piakin kilei zo ziauziau a, mi thumante man (price) piakin kilei zo lo ahih manin golhguk piak leh zuau thawh kilei zo ngei lo hi.
Nang e leh na man (price) bang zah hiam?
✍️ Thang Khan Lian #ZUNs
