ISREAL TEN BALLASTIC MISSILES KAPKHIA THEI DING GALVAN SITNA NEI
Dec.12, 2015: Iran in nuclear galvan pua thei ding rocket sitna nei ding hi ung cih a pulak khit zawh uh ni khat nung in Israel in missile kapkhiat theihna ding galvan (ballistic missile interceptor) Arrow 3 interceptor kici sitna (test) nei uh hi. Nung kum in zong Isreal in Arrow 3 sitna na nei ngei a, lawhcing lo uh hi. Tu in lawhcing ta ahih manin a hoih zaw Additional Arrow-3 interceptor kici sitna kineih beh lai ding hi ci'n Israel defence ministry in pulak hi.
Hih Arrow missile system pen US president Ronald Reagan in president za a let lai in Star Wars programme kici na pankhia a, tua sunga kihel Arrow project kici 1988 in kipan khia hi. Ahih hangin hih Arrow project pen 1993 in US leh Russia in galvante khiamsak (disarmament) ding cih thukimna a neih khit nung un US in khawlsan a, Russia in zong nuclear galvan a neihsa tampi susia hi.
Arrow 3 pen Isrealte adingin 'uppermost missile interception system' kici adingin US leh Israel kipawl a kipankhia hi a, US in Arrow 3 bawlna dingin sum sum tampi tawh huh in Israeli Aerospace Industries leh Boeing company kipawl-a a bawl uh ahi hi. Nung kha in Iran in UN Security Council a Veto power nei 5 ten (US, Russia, China, France, UK) leh Germany (P5+1 kici) in Iran tawh Nuclear Deal thukimna a bawlna leh UN resolution palsat in ballastic missile sitna nei uh a, Isrealte thangpai mahmah uh ahih manin US in Irante gamtatna limtak ki-enpha kik ding hi ci'n pulak hi. Hih Nuclear Deal thukimna ah Iran in missile leh nuclear sitna a neih theih lohna dingin UN in gakcip hi.
-Mail Online
