US NAVY TEN GLOBAL WATERS AH 2018 CIANGIN GALVIL DINGIN TEEMBAW TAISAK DING HAU LO UH AHIH MANIN LUNGHIMAWH TA UH
March 24, 2017: US Navy ten teembaw neu leh teembaw lui a kipuahpha mel nawn lote (smaller and under-maintained carrier fleet) puahphat ding hi ci-in a tangkpih hangun tua dingin budget kicing ngah lo uh ahih manin leitung bup tuipi kitan'nate ah 2018 ciangin galvilna (patrolling) dingin teembaw taisak ding kicing nei lo uh ahih manin US Navyte lunghimawh (worried) mahmah ta uh hi. "Teembaw neute leh teembaw luite puahphatna dingin sum kicing ding budget kingah lo ahih manin tua hanga thupiang ding US Congress kiangah thusim lai pomawh (classified document) dam in kipia ding hi," ci-in US Navy deputy chief of operators Vice Admiral Joe Mulloy in Congress-te kiangah gen hi.
Joe Mulloy bek in hih thu lunghimawh lo a, a seppih a lawm Vice Chief of naval operations Bill Moran in zong, "Tu lian a defence budget panin teembaw neu leh luite phuahphatna dingin budget a kilak khiatna leh budget tawmsak ding a kisutzom leh [current budget sequestration and continuing resolution (CR)] galkap lamsang ah sum zatna nakpi takin khiam suk kul ding ahih manin siatna lianpi hong tun' ding hi," ci-in February kha-in US Senate ah na gen ngei hi.
Bill Moran in budget khan'sakna dingin American khangnote US gam-a navy sanginn hoih diakte a kah ut theihna dingun elite academic institutions-te pen khangnote ut theihtheihna dingin kibawl hen la, khangnote kahna sanginnte ah a kah man (tuition) a mawkna kihisak hen la, khangnote a kah man om loin service academies-te ah kikahsak hen la, service academies-te ah a lut theihna dingun sum kipia hen ci-in gen hi. Tua bang a piang theihna dingin kei mahmah Naval Academy-te ah va pai-in naval aviation (navy vanleng hawlte) dinga kiteel khiate ka va muak ding a, budget khiam zom tohtohna ding continuing resolution (CR) kum khat sung ki-omsak lai ding ahih manin vanleng hawl dingin training hong kipia thei nai lo ding hi cih gen ding ka ut kei hi ci hi.
Sputnik in zong a beisa in USte teembaw leh vanlengte lui thei lua-in puahphat ding kisam mahmah a, a kipuahphat meng kei leh tu kum sungin a kim khat val bang zat theih loh ding hi ci-in defense experts ten a genna thu uh kong post ngei hi. Tua loin Sputnik in a beisa US Navy ten nine "amphibious assault" carriers ban-ah nine carrier wings bek zat ding nei uh a, a sawmna ding "tenth carrier wing"- ''USS Ford'' kici pen tu kum nipi hun tun ma (spring) ciangin zat sawm uh hi cih suaksak ngei hi.
Bill Moran in defence budget khan'sak ding dalna a om tohtoh lai lei US leitang adingin zong lauhuaina piangsak thei ding a, Navy air wings nih lui lua ta ahih manin a kikhawlsak (decommissioned) ban-ah adang nih zong sum kicing om lo ahih manin a guh guak (bare-bones operating capacity) bek-a zat theih dingin thahatna nei ding hi ci hi. Joe Mulloy in a teci pan'na (testimony) neihna ah zong air wings nih pen guh guak bek tawh thahatna nei-in om ding hi na ci a, tua ban-ah teembaw 14 thakte a kisap hunin kingah thei lo ding hi ci-in na gen beh hi.
April kha bei kuan ciangin Congress in FY2017 defense appropriations bill in budget khiam sakna CR kici pen tu lianin US in military lamah a sum zatna a kicing theihna dingin om sak lai ding hiam cih thupiakna nei ding hi ci-in DoDBuzz in suaksak hi. Mulloy in defense i budget zat ding zah lian i gencian theih loh in i neih den manin navy ten dollar tampi tax phengzat in hai zat gawp uh hi ci hi. Mulloy in Navy ten Department of the Navy panin sum billions tampi tawmsak/tankhiat (trim) theihna ding nipi kal thum bek nei uh a, Navyte mah in operation bawl theihna dingin man sa-in a om theihna dingun $2billion kiim bek kinei ahih manin nipi kal thum sungin sum zat ding khiam ding pen Navy forces senior admirals-te a dingin teel ding thu hamsapi suak hi ci hi.
Source: Sputnik
Thang Khan Lian @ Zomi United News @ ZUNs
Thang Khan Lian @ Zomi United News @ ZUNs
