ANTI-NUCLEAR GROUP ICAN IN NOBEL PEACE PRIZE NGAH
Dec. 11, 2017: Geneva-based anti-nuclear International Campaign Abolish Nuclear Weapons (ICAN) ten zan in Oslo khuapi-ah 2017 Nobel Peace Prize ngah uh hi. ICAN pen nuclear galvan zat ding kham dingin gam 50 kipawlna United Nations Treaty on the Prohibition of Nuclear Weapons ah nawhna neite lak-a hanciam makaipi hi ahi hi. United Nations Treaty on the Prohibition of Nuclear Weapons treaty a suaikai gam 50te lak panin Brazil, South Africa leh Vietnam cihte zong kihelkha hi.
Nobel committee in ICAN ten nuclear zatna hangin mihingte nuntakna dingin siatna lianpi piansak ding hi ci-in a hanciamna hangun Oslo ah Nobel Peace Prize pahtawina piak dingin October 6 a min uh na pulakkhia uh hi. ICAN Executive Director Beatrice Fihn in news reporters-te kiangah, "Leitung paizia tawh en leng patauhna lianpi piangsak ahih manin nuclear zat ding kham ding nawhna nasia zaw sem in neih ding kisam hi. United Nations Treaty on the Prohibition of Nuclear Weapons pen nuclear galvan zat ding kisiamtanna ding haksa semsem a, tu lian dinmun tawh kituakin hih bang a kihtakhuai galvan kham dingin nawhna nasia bawl loh phamawh hi," ci hi.
Nuclear ban nadingin a ciamtehtham dingin Oct. 2016 in First Committee of the UN General Assembly ah nuclear khamna dingin gam 123 in thukimna vote na khia uh hi. July kha-in UN conference in Treaty on the Prohibition of Nuclear Weapons phuankhia a, kum 20 khit ciangin thukham bullet in nuclear galvan suksiatna (nuclear disarmament) dingin kituak takin thukimna a neih masakna pen uh ahi hi. Hih bang thukimna suai kaihna dingin kum sim UN General Assembly khawmpi nung kha-in a neihna ah suaikai nuamte adingin hun na hong uh hi. Sept. 20 in hih treaty ah gam 50 in thukimna letkip dingin thukimna suai na kai uh a, nuclear galvan zat kham ding, a bawl, a test leh nuclear galvan kep ding kham bikbek dingin thukimna suaikai uh hi.
Ahih hangin top nuclear gam US, Russia leh China kihel in gam pawlkhat ten tu dong thukimna suaikai nai lo uh hi. US President Trump in nuclear galvan nei nai lo gam leh nuclear galvan bawl hi ci-in a ngawh thapai den leh nuclear galvan bawl khawlsanna ding P5+1 gamte 2015 nuclear agreement suai na kai Iran in Treaty on the Prohibition of Nuclear Weapons thukimna suaikai khinzo hi.
ICAN i cih kuate hiam?
Nobel committee ten hih bang pahtawina ICAN tungah piak dingin a min uh a pulakkhiat ma-in a kipawlna min uh kiza tam mel lo hi. Geneva, Switzerland pansan ICAN kipawlna pen Australia ah 2007 in kiphuankhia a, tu-in 488 NGO tawh global coalition nei ta uh a, gam 100 ah a global coalition uh kizeel ta hi. ICAN tawh kipawlte lak-ah international peace organisations, humanitarian group leh environmental group, South Africa gam-a The Ceasefire Campaign in South Africa, Kenya gam-a Africa Peace Forum, Bangladesh gam-a Physicians for Social Responsibility, Arab Network for Research on Landmines and Explosive Remnants of War cihte zong kihel hi.
2006 in 1985 Nobel Peace Prize ngah International Physicians in ICAN pen Helsinki, Finland ah world congress khawmpi ah ngimna lianpen hi ci-in na thukim uh hi. 2007 in Australia ah ICAN hong kiphuankhia a, Vienna, Austra ah ICAN ten amau' international campaign official in hong pan uh hi. Beatrice Fihn in ICAN phuankhia ten 1997 kum-a Nobel Peace Prize ngah International Campaign to Ban Landmines-te lawhcinna in tha hong guan hi ci hi. ICAN in nuclear prohibition treaty patna dingin 2012 "Don't Bank on the Bomb" campaign hong pan uh a, nuclear galvan bawlna dinga sum nak banks, pension funds leh insurance companies za tampi in huhna a piak lohna dingun nasep hong pan uh a, tua khitin a nasep uh a banban in hong hanciam toto uh hi.
Source: Al Jazeera
@Thang Khan Lian #ZUNs
@Thang Khan Lian #ZUNs
Photo 1: ICAN Executive Director Beatrice Fihn
Photo 2na ah top nuclear gamte nuclear tests zah na muh nop leh na en in.
Photo 2na ah top nuclear gamte nuclear tests zah na muh nop leh na en in.
