KOPPIH (ZI LEH PASAL) BANGCI ZON' DING?
Na it masakpen na zi/pasal ding ahi khol kei ding hi. Na ngaih mahmah "Hibang val-a ka it ding leitung-ah om nawn peuhmah ken teh," na ci zongin nang ading ahi kha khol kei ding hi. Nakpi tak-a na buaipihte, tha leh sum na beisak tamna pente zong na koppih ding hi kha lo zaw thei lai hi. Nang buaipih lua liang zongin phatuam lo ahih manin ahih ding dan khat om hi:
A. DAIH DIDE DING:
1. Adam a ihmut hithiat leh Isaak inn-ah a pa nasem in a om hithiat (Pian.2:21;24) pen a zi zon'dan leh muhdan uh ahih mah bangin Topa' tungah khol a, daih dide pen koppih zon'na hoih pen khat ahi hi. Auca-te gama missionary Jim Eliot in, "Topa deihna mun-a ihmut, "khawl" a cih bangin Topa ah khawl in, dai dide in.
2. TOPA MUANG IN:
Topa tungah lungdam in, thum in la, Amah muang lecin Amah in "na lungtang deihlam (zi & pasal) a hong pia ding hi" (Sam 37:4).
B. TOPA NGAK IN:
"Kinawh hehu a kitengte a kisik baih uh hi," cih paunak thei kawm a, Topa ngak hoih hi. Pasian in a muanhuaina a kilatsak theihna dingin a tate a kingaksak hi. Thuakzo/thei kawm in Topa ngak in. Pasian na ngak zawhlohna hangin Pasian in nang adinga a hoihphapen a koih na taan loh hoih hi. "Ngak hun pen hun mawk mansakna hi lo hi," cih paunak thei gige in.
TOPA BANGCI NGAK DING?
1. Thumna tawh ngak ding.
2. Upna tawh ngak ding.
3. Thuakzo tak a ngak ding.
1. Thumna tawh ngak ding.
2. Upna tawh ngak ding.
3. Thuakzo tak a ngak ding.
C. PASIAN' MITE PAWL BAWL IN, KIKHOLHPIH:
Koppih hoih Pasian, deih bang na muh theihna dingin, Pasian' mite pawl bawl in la, kikholhpih in. Bang hang hiam cih leh Pasian mite tawh kipolh khawmna ah mi hoih, Pasian' deih dan leh lungkimna zong mite a om uh a, tuate mi hoihte ahi uh hi.
1. Kikhawm gige in: Khristian mite kikhop khawmna ah zi leh pasal ding hoih a om hi. Koppih hoih deihna hang bek tawh a kikhawm hilo in Pasian na itna hanga na kikhop ding hizaw hi.
2. Koppih na deihdan: Na muh theihna dinga thumpih ding leh hong panpih theihna dingun Pasian' mite na theihsak ding ahi hi. Lunglutna na neih leh tua mi pen tangtak a na dot mai zong sia lo hi.
(Rev. Dr. Pum Za Thang Tombing' laigelh "KOPPIH (zi & pasal) BANGCI ZON' DING? cih panin kong teisawn ahi hi).
