CIA AGENT IN SIH DING NGAKIN A LUPNA TUNGAH, "WTC 7 KO PUAHKHAPSAK HI," CI-IN KIPHOLAKKHIA

CIA AGENT IN SIH DING NGAKIN A LUPNA TUNGAH, "WTC 7 KO PUAHKHAPSAK HI," CI-IN KIPHOLAKKHIA

Jan. 2, 2018: Kum 79 mi CIA agent pension (retired) Malcom Howard in sih ding ngakin a lupna tung New Jersey hospital ah Laithai ni (Friday) in ka nuntak hun ding kal tam lo sung bek om hi kipholakkhiatna a neihna ah, "9/11 World Trade Center (WTO) dawl thumna WTC7 suksiatna "control demotion" ah ka kigolh hi," ci-in gen hi. Howard pen CIA operative (agent) in kum 36 na sem a, engineering background ka neih man leh demolition business ka sep ngei manin senior CIA agents ten "WTC 7 control demotion" dingin hong zang/guai uh hi ci hi.

Howard pen civil engineer training zo hi a, na puahkhapsak siammi (explosives expert) ahih manin 1980s lai-in CIA cigarette lighters leh inn dawl 80 a sang puakkhamsak dingin na nak zat mahmah uh hi. Kum 79 mi Howard pen New Jersey khuami hi a, May 1997 panin September 2001 kikal CIA operation ah a sep sungin “New Century” na kici liang a, ka tunga sem CIAte thupiakna bangin WTC 7 lawhcing takin suksiatna dingin "cell of 4 operatives" kici mi li kipawlte lakah ka kihel hi ci hi.

Howard in World Trade Center 7 operation pen na ka suksiatna (demolition) lak panin tuam pian ngiat a, na ka suksiatte lakah a susia lo bang ka kineih uh hi ci hi. Tua banga suksiatna dingin khemna tawh gamtat ding buaina ka nei a, gam itna lahkhiatna (patroit) ahih peuh leh CIA ahih kei leh White House deihna dot kisam nawn se lo hi ci hi. Na lian khat sepkhiatna dingin a hang lian zaw ah kipiakkhiat kisam a, tua bang semkhia dingin misiam, kei banga mi citak kisam a, thu gina lote gente kampau ka zak ciangin ka lungsim kitamkham sak hi ci hi. WTC 7 suksiatna hangin na hoih bangmah piangkhia lo a, hih pen America thu saupi muhna (envisioned) hilo hi ci hi.

WTC building siatna thu Howard in a genna ah, "A puakthei bomb (explosive) controlled demolition dingin 'super-fine military grade nanothermite composite materials' kici ka zang uh a, nanothermite, fuses leh ignition mechanisms pounds tul tampi a building suksiatna dingin awlmawhna tam om se loin ka zang uh hi. Building 7 a zum om khempeuh CIA, Secret Service ahih kei leh galkap ten ka sap (rented) manun a suksiat ding baihlam hi," ci hi.

WTC 7 khe tawh kikim; khemai (footprint) ciang dongah Sept. 11, 2001 nai 5:20 pm in tuk/ciimsuk a, WTC 1 leh WTC 2 tuk khit naikal 7 khitin "freefall speed" in kiciim a, a dal bangmah om se lo (zero resistance) hi. Howard leh a lawm ten a nasep ding bangun lawhcingin semkhia uh hi. "A building a tuk sukin manlang mahmah a, na khempeuh geelna bang maam takin piang hi. WTC 7 siatna hangin a liam kuamah om lo a, a kisiatna replay en in whiskey dawnin, cigar (zatep golte) tepin ka en kikkik uh a, pawi ka kham uh hi. Control demolition bangin ukna zanga siatsak bang hi. Mi ten a siatna thu dotna nei ding uh a, tua pen haina hi ka ci uh hi. Tua khitin kongzing lampi ah mi ten bomb puak ka za uh hi ci uh a, BBC in tangthu bawltawmin leitung bup zak dingin ka suksiat ma uh minute 20 in kiciim hi," ci-in pulak hi.

WTC kisuamna thukanna nei official 9/11 report in a genna ah WTC 7 pen vanleng taihsiat WTC 1 leh 2 panin a leng "meikang kham zawh lohte" hanga kiciim hi ci hi.Official 9/11 report a man leh WTC 7 building pen leitung adingin "meikuang kham zawh loh" hanga tuk/ciim masa hi ding hi. Bang hang hiam cih leh zum a meikang hangin steel a kibawl inn sawng sangpi (steel skyscraper) cihte bek kiciim thei hi. Howard leh a lawm ten official report mipi ten um in thuman a lah ding uh a lauhna hangun thusim imcip uh hi.

“Bomb zangin kisusia hi cih thuman tawh lahna ding (evidence) chemicals tampi kinusia ahih manin WTC 7 pen bomb kipuaksak a kiciim hi cih kitel napi mipi ten media awlmawh loh theih loh dingin kiphinna nei ding leh thukanna neihna dingin funding a bawl ding uh kilamen napi tua bang piang lo hi. Revolution om dingin ka upmawh uh a, tua hun a President len Bush kingim masa in White House panin kikaikhia dingin ka um uh hi. Ahih hangin tua bang piang lo a, kuamah in thodotna nei lo uh hi. A kiang ua kigen thute dotna bawl ngamte media in kap pahpah hi," ci-in Howard in ci hi.

Howard in World Trade Center- North Tower leh South Tower kicipna thu tang takin ka nei kei a, CIA operation pen a kician sinsen (very specific) ahih manin project gol khat-a nasepna ah thuhaksa (puzzle) themcik kithei zo bek hi ci hi. Thukanna neite tungah thukician a theihna dingun hilhna hoih (advice) ka piak nop pen, "America leitang tanthu adingin siatna bawlna a suamna makai kua hiam cih thuhaksa khempeuh a kankhiat ding uh," cih hi ci hi. Tua banga geelna neite na muh ciangun a sum nungzuih un la, 9/11 ma-a sumbawlna (trade) kankhia le uh cin tua ten thei ding uh hi. CIA agents-te tate. kumpi uliante, America a thunei pen Cheney, Rumsfeld cihte mihau vive suak uh hi. Contracts kipiakna bek hilo in construction business, kidona galte leh a sum muhnate uh kankhia un ci hi.

9/11 suamna tawh kisai amau gam ciatin- Britain, France, Germany, Italy, Japan leh Monaco cihte kihelin "insider trading investigations" kici thukanna a neihna uh-ah 9/11 suamna hangin al-Qaeda operatives ten amau terror organisation hangin WTC a suksiatna hangun stock market ah meetna lianpi ngah uh hi cih mukhia uh hi. Tua ahih manin 9/11 suamna pen a sung tawng a sumbawlna "heavy insider trading" hanga ngimna tawh kisusia hi ci uh hi. Italy foreign minister Antonio Martino in, "Terrorist states leh terrorist organization ten international markets a suksiat nop manun WTC a suksiat dingun ka um hi," ci hi. German central bank president Ernst Welteke in , "Ka researchers ten 'insider trading' hanga kisusia hi cih nial zawh loh ding thusim mukhia uh hi," ci hi.

CNN report nangawnin regulators kici ten 9/11 terror attack ma-in "financial markets" meetna dingin amau ut bangin nasem in uk uh hi ci hi. Howard in 9/11 suamna hangin US gam-a mi tawmcik vaihawmna tawh ki-ukna (oligarchy) tawh stock market ukte lungtang balkhiatsak hi ci hi. "Leitung bup ah kipawlna (organization) kizeel khat bek om om hi, kong gen ding hi. Al-Qaeda hilo a, hi ngei lo hi. CIA ahi hi. Thukanna taktak om ngei lo ding hi. Thukanna taktak neihna a liim a liah government (US) hi. Government liim in thukanna liakhum hi," ci-in Howard in ci hi.

Kum 79 a upa Howard pen tu-in a teenna inn ah sih ding ngakin a lupna tung New Jersey ah lum hi. Hih bangin WTC 7 siatna thu ka pholakkhiatna hang pen WTC kisuksiatna leh 9/11 suamna a kigolh khempeuh kuamah peng ding ka deih loh man hi ci hi. "Hih bang thusim ka pholakkhiat manin 9/11 suamna a kigolhna khempeuh kinungzuih ding ahih manin thonginn ah hong kikhum ding lametna ka nei kei hi. Media zangin kei hong suam ding uh hi. Khasum ngah (payroll) vive ahih manun 9/11 thupiang betdaih sawm ding uh hi," ci hi.

Source: Your News Wire (by Baxter Dmitry)
@Thang Khan Lian #ZUNs

SOUTH KOREA SUICIDE RATE LEITUNG BUP AH A SANGPEN PAWLIN PANG

SOUTH KOREA SUICIDE RATE LEITUNG BUP AH A SANGPEN PAWLIN PANG

Jan. 2, 2018: South Korea ah mihing amah kithah tawmna (suicide rate) kiam lam a manawh hangin leitungah a suicide rate rate sangpen pawlin kiciamteh hi ci-in 2017 in WHO's annual statistics in suaksak hi. A gam neu tawh kituakin kithahna sangna gam Japan ah suicide rate a sang hangin South Korea gamah suicide rate sang lua ahih manin lungkhamhuai mahmah hi ci-in OCED in ci hi.

2015 data etna panin gam 183 ah suicide rate survey kibawlna ah South Korea ah amah kithat tawm mi 100,000 lak panin mi 28.4 pha a, leitung bup ah a lina in kiciamteh a, 2000 in mi 100,000 lak panin mi 14.8 kithat a, suicide rate a zah nih in khang hi. Sum haksatna (financial crisis) kum 2018 in suicide rate 100,000 lak panin 34.1 hi. Sri Lanka ah suicide rate 100,000 lak panin 35.3, Lithuania ah 32.4, Guyana ah 29 khit South Korea ah suicide rate sang pen hi.

WHO in South Korea ah suicide rate hong kiamna pen khaici a lungno leh tho thahna dinga kizang za (agricultural chemicals) lak panin herbicide Paraquat (Gramoxone zong a kici) kumpi in a kham man hi ci hi. Nov. 2011 panin South Korean Ministry of Health and Welfare in sihna dinga kidawn agriculture chemical Paraquat a kikham manin 2012 in suicide rate 18.5% in kiamsuk hi ci hi. 2006 leh 2010 kikal sihna gu toxic chemilcals dawmna hanga kithat sawm lak panin nga pha hi. A beisa kum 25 a kipanin South Korea ah amah leh amah kithat tawm thum vei khang a, kum 40s leh numeite kithat tam pen hi cih study in mukhia hi.

Seoul National University Medical Research Centre a Professor Park Sang-hwa makaih researchers team ten South Korea ah kithahna tawmna thu a kanna uh-ah 2010-2014 kikal in suicide rate 100,000 lak panin 29.6 cases om a, 1985-1989 kikal a suicide case 8.2 sangin 3.6 vei sang zaw hi cih mukhia uh hi. 1980s in amau leh amau kithat kithat tawmte pen kum 20 leh kum 30 kikal mite (50% of suicide cases) na tam pen a, 2010-2014 kikalin 30% in kiamsuk hi. Kum 30s panin 40s tung lamte kikal ah suicide cases pasal 41.6%, numei 32.1% suicide case om hi.

1985 leh 1989 kikal in pasal 29.1%, numei 22.3% suicide case om hi. A beisa kum 25 a panin suicide case 4.1 in khang ahih manin pathauhhuai mahmah hi cih mukhia uh hi. "Suicide cases nasia takin khang ahih manin a dalna dingin numei kum 40s-te adingin 'suicide prevention program for women' cih phuankhiat ding kisam hi," ci uh hi.

Nung kum October Korea Institute for Health and Social Affairs in poll kum 65 tung lamte mi 853 a bawlna ah khanghamte mi sawm lak panin khatin amau leh amau kithah tawm ding 2015 kum in ngaihsutna nei uh hi cih mu hi. The Korean Herald newspaper in a genna ah South Korea ah mi 100,000 lak panin mi 28.7 amau leh amau kithat tawm ahih manin European gamte tawh et in South Korea pen suicide rate ah 2nd rank hi ci-in May 29, 2017 in suaksak hi.

Eurostat survey in 2014 data ah bel suicide rate sangpen nihna South Korea sanga suicide rate sangzaw mi 100,000 lak panin Lithuania ah 32 kithat ahih manin sangpen a, Latvia, Hungary leh Slovenia ah suicide case 19 om a, a thumna in pang uh a,UK ah 7, Greece ah 5 (a niampen) hi a, Europe ah suicide average pen a 11na hi ci hi. Organization for Economic Development and Cooperation kipawlna a kihel gamte lak panin a beisa kum sawm sungin South Korea in suicide rate sangpen khatna na ngah den hi.

Source: The Chosunilbo; www.23degree.org WHO: The Korean Herald
@Thang Khan Lian #ZUNs

Show More Reactions