MUH THEIH LOH KIDALNA, MUH THEIH LOH GALVAN: HIH SANGA HOIHZAW OM LO
Aug. 31, 2017: Russia in tu nipikal bul in war games kici galdo kisinna a neihna Russia galkapte hih theihna a lahna ah Russian electronic warfare system Krasukha-4 kici zong zang hi. Hih war games neihna ah Russia in Krasuha-4 operators nasep theihna lahna neih a, Krasuha-4 operators in galte vanleng dan a kizang Su-34 fighter-bombers a kizang navigation systems leh a ngimna lianlian a kha thei ding galvante (targeting high-precision weapons) in khua mu thei loin mittaw sak hi. Krasuha-4 operators pen gal ten a ngimna munte "mock-up targets" a mat (detects) theih lohna ding leh gal vanleng suak thakte tawh a kap theih lohna dingin mittaw bangsak thei hi.
May kha-in Russia' Radio-Electronic Technologies Concern (KRET) spokesman Vladimir Mikheev in a sawt loin Krasuha-4 operators bawl 30% in kikhangsak ding hi ci hi. KRET plants in electronic warfare systems galvan thak nam tuamtuam a bawlte lakah defense systems nam tuamtuam - Krasuha-S4, Rtut-BM, Rychag-AV, Vitebsk leh Khibiny-M individual defense systems cihte kihel hi.
Moscow kiim-ah August kha bul in MAKS-2017 air show neihna ah Mikheev in Russian Aerospace Forces ten tu lianin Su-34 fighter-bombers 100 zang uh a, a vek in Khibiny systems kithuah hi ci hi. Khibiny kici pen torpedo neu tawh kibang bawm (container) Su-34 vanleng kha dawn ah kithuah ahih manin a vanleng a kikapkhiat theihna ding panin a nuntak theihna ding (survival rate) 25-30 percent in khangsak a, gal ten air-to-air missile leh ground-to-air missile panin a kap theihna ding hamsa sak a, a vangleng humbit hi ci-in RIA Novosti expert Andrey Kots in ci hi. Khibiny system pen Russia' Su-34 fighter-bombers leh Su-30SM fighter jets-te kithuah a, Syria gam-a ISte tung lam panin kapna dingin kizang ta hi.
Tua loin Russian helicopters-te ah Khibiny system tawh a nasep theih dan kibang pian Vitebsk electronic warfare system kici kithuah a, Ka-52 attack helicopters leh Mi-8MT multi-purpose helicopters cihte ah kithuah kim hi. Andrey Kots
in Tarantul (Tarantula) aircraft electronic countermeasures system kici a kizat manin galdona a kizang Su-34 combat aircraft pen galte radar tampi ten man thei loin humbit hi ci hi. Tarantul (Tarantula) aircraft electronic countermeasures system pen Russia in 2007 panin a bawl hi a, tu-in state tests kinei ta ahih manin mailam hun ah Tarantul pen Russian electronic warfare systems suak ding hi ci-in gen beh hi.
in Tarantul (Tarantula) aircraft electronic countermeasures system kici a kizat manin galdona a kizang Su-34 combat aircraft pen galte radar tampi ten man thei loin humbit hi ci hi. Tarantul (Tarantula) aircraft electronic countermeasures system pen Russia in 2007 panin a bawl hi a, tu-in state tests kinei ta ahih manin mailam hun ah Tarantul pen Russian electronic warfare systems suak ding hi ci-in gen beh hi.
Galte kap theihna panin a tuamtuam dal theihna (Asymmetric Response) dingin Russian electronic warfare system lak ah broadband multifunctional jamming station Krasukha-4 kici pen BAZ-6910-022 four-axle-chassis ah kithuah hi. Hih system pen a range 300 kilometers hi a, gal ten huih lak ah a zatte airborne early warning theihkholhna ding, control systems ding leh huih lak-a radar omte panin kidalna ding hi. Krasukha-4's range in leitung orbit niam a satellites omte nasepna nawngkaisak a, galte radio-electronic vante (device) zat theih loh dingin suksiat sak in, ground-based radars-te ngim in nei a, zat theih loh suaksak thei hi. A sawt loin Krasukha-4 system pen space pua lam leh mun sang mahmahna a galte satellite leh radarte suksiatsakna dingin zat theih dingin kibawl pah ding cih Russia in lamen hi.
Krasukha-4 system in spy satellites tuamtuamte nasem thei lo dingin dal/khawlsak (jammed) thei ahih manin spy satellites a jammed khit ciangin a kiim ah "dead area" kici piangsak ahih manin spy satellites ten "dead area" kiim teng bangmah mu thei lo hi.
Krasukha-4 system in spy satellites tuamtuamte nasem thei lo dingin dal/khawlsak (jammed) thei ahih manin spy satellites a jammed khit ciangin a kiim ah "dead area" kici piangsak ahih manin spy satellites ten "dead area" kiim teng bangmah mu thei lo hi.
Russian military expert Viktor Murakhovsky in Russia in hih bangin galte galvan hoih nonote zat theih lohna ding piangsak thei electronic warfare systems a bawlna hang pen US ten a galvante bawlphat ding hanciamna a neih manun a bawl hi a, Russia' electronic warfare systems-te bangin galvan thak hoih om nai lo hi ci hi. Cold War kipat cil panin US ten Russia sangin huih lak leh navy galvan (aerial and naval weaponry) hoihzaw bawl ding hanciam uh a, US ten sum a hauh zawk manun "aerial and naval weaponry" vante a galte zat dingun vanleng suakthakte, thuthe vanlengte (drones) leh teembaw a kicing in a piak zaw manun kidem zo lo ahih manin a galvante dalna ding leh a suksiatna ding van tuamtuam kibawl hi ci-in Viktor Murakhovsky in ci hi.
"Gentehna dingin Russia lo gamdang kuamah in automated electronic warfare control systems thum nei nai lo a, a kidempih ding zong om nai lo hi. Automated electronic warfare control systems operator in a nasepna a ngimna a bawl theihna dingin computerized panin teel ding tuamtuam zang ahih manin gamdangte panin vauna tuak lo hi," ci-in Viktor Murakhovsky in ci hi.
December 4, 2011 in USte galvan hoih nonote suupy tam pen pawl Lockheed Martin companyte' tuithe vanleng suakthak RQ-170 Sentinel unmanned aerial vehicle (UAV) kici Iran galkap ten Iran gam leilu-nisuahna lam-a Kashmar khuapi kiim ah matsak uh hi. Iran galkap ten hih RQ-170 Sentinel unmanned aerial vehicle (UAV) bangci matsak uh a, kisia loin lei ah bawhsak thei uh hiam cih a kitel lian loh hangin Iran in Russia leh China gamte tung panin modern electronic warfare system a ngahte zangin a matsak hi dingin ki-ummawh hi. April 2014 in US in a galdona teembaw muan mahmah a kigen state-of-the-art destroyer USS Donald Cook kici Black Sea ah a taisak lai-in a tungah Russia in bomb leh galvan bangmah pua lo Su-24 fighter jet lengsak a, a vanleng ah electronic warfare system bek kithuah napi military experts ten Su-24 vanleng a electronic warfare system in USte teembaw a kithuah radar na sem theih lo dingin awkcip (jammed) sak hi ci uh hi. Russia in Su-24 vanleng a lengsak manin Russia tuipi zuan a tai US teembaw a kithuah radar in nasem thei lo ahih manin a taina lampi lehhei a, Romania gam-a teembaw phual zuan in lehtai pah hi.
Source: Sputnik
@Thang Khan Lian
@Thang Khan Lian
