HAMAS TEN A DRONE CHIEF UH ISRAEL IN HONG THAHSAK HI CI-IN NGAWH, PHUBA LAK DING CIAM

HAMAS TEN A DRONE CHIEF UH ISRAEL IN HONG THAHSAK HI CI-IN NGAWH, PHUBA LAK DING CIAM

Dec. 19, 2016: Nung diakin Tunisia ah khualzin Hamaste' tuithe vanleng bawlna development of unmanned aerial vehicles ah aviation engineer leh Hamaste ten "commander" a cih uh Mohammed al-Zawari kici Tunis panin km 270 gamla a om Sfax kiangah a Volkswagen car sungah Thursday in kikaplum hi. Zawari thahna dingin a kizang car li kikawmte leh handgun nih kimu hi ci-in Tunisian interior ministry in pulak a, Sfax judicial spokesman Mourad Tourki in Tunisian radio Shems FMte kiangah Zawari kithahna hangin a kigolh dinga upmawh Tunisia gammi hihna nei mi giat kiman ta hi ci hi. Ahih hangin Hamas ten kum 49 mi Zawari pen Israelte thah hi ci-in ngawh in phuba kila ding hi ci-in kamciamna nei uh hi.

A kimante lakah Hungary pansan Tunisian journalist leh a cameraman leh midang nihte lakah khat Belgium gammi (Morrocco mi) kihel hi ci-in Tourki in ci hi. Tunisia ulian ten bel a kimante tawh kisai thu kician pulak khia nai lo uh hi.

Gaza Strip sunga gamtang Hamas ten Zawari pen Hamas member in a kihelna kum 10 hi ta a, tuithe vanleng bawlna ding vai drone programme kici a makaih hi ci uh a, Zawari' nasepna hangin 2014 in Gaza ah kidona ah Israelte kizo hi ci uh hi. Hamas ten Zawari pen Israel ten a thukansimte "network of spies" kici zangin a thah uh hi ci-in ngawh uh hi. Hamas ten, "Tunisia leitang ah commander Zawari a kithah theih pen Arab leh Muslim gamte ah Zionist galte leh a agentte uh Arab leh Muslim gamte ah suakta takin vak thei uh hi cih hong phawksat a, tua banga dawilok a ngian zatna khut sattan hun ta hi ci-in Hamaste' Qassam Brigades in a Twitter statement ah Zawari leh tuithe vanleng maan tuangin suaksak uh hi.

Hamas ten, "Hih bangin Hamaste tungah gamtatna pen Hamaste hong kisimna bangin kingaihsun a, commander lian Zawari' sisan mawk luan' lo ding hi cih Zionist gal ten na thei ta hen," ci uh hi.
 Prime Minister Benjamin Netanyahu' muan mahmah Israel Minister Tzachi Hanegbi in bel Israel gam-a Channel One newste kiangah hih buaina hangin ko min a kilawh ding ka lamen kei hi. A kimante khat beek Israel tawh kizopna nei lo uh hi ci-in gen hi. Tunisia gam-a Islamist Ennahdha movement ten Zawari kithahna thu lim takin a kikanna ding kunh uh a, Tunisia ah bitna nawngkaisak thei ding hi ci uh hi.

Israel galkap ten 1988 in senior Palestinian commander Abu Jihad (a min taktak bel Khalil al-Wazir hi) Tunisia gam-a a teenna Tunis khuapi ah na that ngei uh hi. Tua hun in Khalil al-Wazir pen PLOte leh Palestinian chief Yasser Arafat' deputy-chief len ahi hi. 2010 in zong Dubai hotel ah top Hamas commander Mahmud al-Mabhuh kithat a, Israel secret agent Mossadte thah dingin ki-ummawh hi.

Source : Al Jazeera
http://www.aljazeera.com/…/hamas-blames-israel-assassinatio…

NGAIHSUT PIAKNA

NGAIHSUT PIAKNA:

Nung kumin social media ah i koih loh ding pawl khat kong gelh kha hi. Kuamah mawhsakna hi loin i zatsiam ding deihna tawh tam lo kong gelh kik hi.
1. Cialpi: Tu ni dong kammal i lawm khamul sau nei ten "crusade" cih deih het lo uh hi. Hih kammal a zak simun hehna leh phuba lak nopna tawh kidim lai uh hi. Khristian galkap ten Jerusalem leh Gam Siangtho a luhkhiat un amaute tampi that uh a, sisan hawktui luanin luang kici hi. Tua mitkha leh tangthu mangngilh lo ahih manun i zat ding kidawm hamtang leng cih kong gen phapha nuam hi.
2. Voksa leh Bawngsa: Ahih theih leh voksa gil i bawl lai leh gansa a luanga kisial lai khawng ei adingin a thupi mahmah ahih hangin midang ten hong telkhial thei hi. Chinese ten sa gil a duh mahmah hangun "social media" khawng ah koih vet lo uh hi. Sial i goh ma-in photo i zaih nop leh zaih ding hi a, ahi zongin sa bawl lai, sa sung bawl lai khawng i koih pen minam khangto ten na zang nawn lo uh hi. Hehpihna tawh Jubilee i bawl ahi zongin an nekna photo i koih leh phamawh lo a, sagawh lai, sa bawl lai photo-te ei kep dingin koih in midang hong nekpih het lo dingte kiangah khak kei leng hoih ding hi.
3. Kikephuai: Photo i koihte en i deih loh ciangin phiat "delete" i kisak hangin i tangthu hong theinuam ten en kik thei uh hi. Tua ahih manin company hoih deuh khawngah a sem dingte tua company in amau tangthu facebook, twitter, etc ah na en ding uh hi. Tua ciangin social media ah pian ni i koih kha zongin pian kum tawh a maan lian (exact date and year) koih huai lo hi. Na bank account ahi zongin na social security ahi zongin tuate panin na zong thei uh hi.
Lungdam Bawl, Pasian eite tawh hong om khawm ci thei dingin ama thupha note tungah hong om hen.

- Rev. Dr. JM Paupu