VANLENG GOL, TUMDANG LEH PIANDANG KALININ K-7 AIRCRAFT

VANLENG GOL, TUMDANG LEH PIANDANG KALININ K-7 AIRCRAFT

Oct. 2, 2018: Soviet Union ten heavy experimental aircraft Kalinin K-7 kici 1930s in na bawl in na test uh hi. Kalinin K-7 pen a design World War I leh civil war pilot Konstantin Kalinin in ama makaihna tawh Kharkiv ah a bawl ahi hi. Kalinin K-7 wingspan pen tu lai-in USte bombers gol Boeing B-52 Stratofortress tawh kibang pian a, ahih hangin a kha kiim (wing area) gol zaw hi. Jet aircraft age kipat hun ma adingin K-7 aircraft pen vanleng kibawlte lakah a golpen pawl hi. A kha "wing leading edge" ah tractor engines guk leh a mai lam-a a pusher configuration dingin single engine kizang hi.

K-7 original design ten a kha (wing leading edge) ah engine guk thuah dingin na ngen uh a, ahih hangin a kha a gik luat manin engine nih kithuah beh hi (central passenger pod trailing edges of the wing ziat leh vei lam ah khat tuak). Ahih hangin Nemecek in a laibu gelhna ah pusher engine khat bek kithuah beh a, engine sagih kizang hi ci-in gen hi.

Civil transport configuration ding hi leh passengers 120 tuang thei in, laikhak (mail) 7,000 kg (15,000 lb) thawl ding hi. Galkap puakna (troop transport) dingin kizang hi leh galvan tawh kithuam paratroopers 112 tuang thei ding a, bomber configuration hi leh thau 8 x 20mm autocannons, 8 x 7.62mm machine guns leh bombs 9,600 kg (21,200 lb) kithuah thei hi.

1931 panin a bawl kipan a, Kharkiv ah kum nih sungin K-7 kizo hi. K-7 masa pen 11 August 1933 kilengsak a, a engine frequency a air-frame in nasep ding bangin lim takin sem thei lo ahih manin nasia takin kilok;kising (vibrate) hi. Hih bangin a kilok gawp buaina hamsa ven' sakna dingin kitomsak in a mei kisausak ahih manin a kilok gawpna kikhiamsuk thei hi. K-7 vanleng test flights in sagih vei a kilengsak khit nungin a vanleng mei lam-a pumpi leh a mel puak zia lawhsapna (structural failure) hangin 21 November 1933 in kia hi.

K-7 aircraft kibawl lam leh sagih vei test flights in a kilengsak lam tu nai diakin "political lamsang ah poimawhna lianpi nei hi" ci-in USSR ah steel import loin a bawl Pravda in pulakkhia pan hi. K-7 aircraft tuahsiatna hangin a sunga tuang mi 14 leh lei-a om mi khat in sihna tuak hi. A vanleng tuahsiatna pen kumpi vante siatsakna ahih kei leh kumpi dona (sabotage) hang hi dingin ki-ummawh ahih manin a tuahsiatna thukanna nei dingin investigating committee kiphuankhia a, tua ah state security organization, Joint State Political Directorate (OGPU) kihel hi.

K-7 aircraft test flights in sagih vei a kilengsak khit nungin a kiatna hang pen Russian aviation press in politics leh Russia long-range vanleng gol Andrei Tupolov design office kikal a kumpi vante suksiatna ahih kei leh kumpi dona (sabotage) hang hi ci uh hi. K-7 aircraft tawh kibang (prototypes) nih bawl behna dingin 1933 in order a kibawl hangin a project a kizawh ma 1935 in kikhawlsan hi.

K-7 General characteristics

Crew: A tawm pen 11
Capacity: 120 passengers (civilian configuration ah)
Length: 28 m (91 ft 10 in)
Wingspan: 53 m (173 ft 11 in)
Height: 12.4m (estimated to top of engine shell)
Wing area: 454 m² (4,886.8 ft²)
Empty weight: 24,400 kg (53,793 lb)
Loaded weight: 38,000 kg (83,776 lb)
Powerplant: 7 × Mikulin AM-34F V-12 piston engines, 560 kW (750 hp) each

Performance:
Maximum speed: 225 km/h (121 knots, 140 mph)
Service ceiling: 4,000 m (13,123 ft)
Wing loading: 84 kg/m² (17 lb/ft²)
Power/mass: 103 W/kg (0.06 hp/lb)
Role Heavy bomber/Civilian transport
National origin: Soviet Union
Status: Destroyed in crash
Number built: 1

Source: Wikipedia
@Thang Khan Lian #ZUNs

RUSSIAN FOREIGN MINISTER IN SYRIAN REGIME S-300s PIAK KIPAN HI HI CI-IN GEN

RUSSIAN FOREIGN MINISTER IN SYRIAN REGIME S-300s PIAK KIPAN HI HI CI-IN GEN

Oct. 1, 2018: Russian Foreign Minister Sergei Lavrov in Russia in Syrian galkapte tungah Russian S-300 surface-to-air missile systems piak kipan ta hi ung ci-in tu ni-in gen hi. Lavrov in United Nations (UN) ah Friday in news conference a bawlna ah, "Syrian missile in galte panmun etsimna dinga kizang Russian Il-20 reconnaissance a kapkhiat khit in S-300s system Syrian forces tungah piak dingin thukhensatna kila hi," ci-in na gen hi.

Russia in Syria gam-a rebels leh terrorists groups tuamtuamte hatna omsun Idlib province dinmun etcikna nei dingin a sawl Russian Il-20 reconnaissance aircraft a leng lai takin Israel in F-16 fighter jets li tawh Syria gam-a Latakia province ah Syria galkapte panmun kap hi. Israel gal vanleng lite leh Syrian air defense forces kikaptuahna kal-ah Russian Il-20 a om laitakin kamsiatna kikapkhiatsak hi.

Russian Il-20 a tuang Russia galkap 15 sihna vai-ah Russia in Israel mawhna hi a, Latakia a kap ding lam uh a kap ma uh minute khat in hong hilh pan uh a, Israeli F-14s jets li ten Russian Il-20 a kidalna lum (shield) dingin a zat manun lawmta kal kikaptuahna (friendly fire) hangin Il-20 tuahsiatna piang hi ci hi. Ahih hangin Israeli military ten Syrian air defence fire ten a missile uh a phengkap manun tuahsiatna piang hi ci-in pang uh hi.

"Russian President [Vladimir] Putin in Sept. 17 ni-in Il-20 tuahsiatna thupiang a om khit nungin Russia galkapte security bitna ding leh 100% bitna dingin pan kila ding hi ci hi," ci-in Lavrov in gen hi. Russia in Syrian forces tungah S-300s piak ding US leh Israel in a langpanna thu a gen khit nungin Russia in S-300s a piakkhiatna thu Lavrov in pulak hi. Syrian army zat dingin S-300s piak ding vai thukimna a neihna uh sawt pian ta a, Israel in a piak lohna dingin ngetna (request) a bawlna bangin Russia in a piak ding 2013 in na khawlsan hi.

US National Security Advisor John Bolton in Russia in S-300s piak dingin a thukhensatna pen "khialna lian" (major mistake) hi ci-in na gen a, "Syrian government' khut sungah S-300s piak ding pen Russia in buaina kibehlapna ding a bawlna hi ci-in kingaihsun hi. Piak dingin a khensatna report a man leh a khensatna uh ngaihsun phat kik ding uh kilamen hi," ci-in nung kal Monday in na ci hi.

Israeli Prime Minister Benjamin Netanyahu in telephone call in Putin' kiangah, "Galvan suakthak (advanced weapons system) awlmawhna leh tavuan la lo khut sungah manin Middle East kiim (region) ah lauhuaina (dangers) khangsak ding hi," ci-in gen ci-in Israeli prime minister' office in ci hi.

Syrian Foreign Minister Walid Muallem in Friday in S-300s missile system hangin ka gam uh Israel' gal vanlengte hong lut ding a khakna dingin hong huh ding hi ci-in gen hi. Sept. 17 in Russian reconnaissance plane Il-20 kikapkhiatna pen Syria gam ah Sept. 2015 panin Russia in galdo a pat khit nung Russia leh Syria kikal ah lawmta kikap khakna (friendly fire) lak panin kamsiatna lianpen hi lai hi.

Israel in a beisa kum nih sungin Syria gam vanleng zangin 200 val vei kikap ta hi ci-in Israel military officials ten ci uh hi. Russia in Syria a galdo a pat khit nungin Israel in Syria a kap ciangin mittaw bangin na kiheisan (turned a blind eye) den hi. Syria huih lakah kikaptuah khak ding dalna in Israel leh Russia air forces ten special hotline tawh thukizaksaktuahna nei den uh a, Israeli military officials ten hih special hotline kizatna manppha mahmah hi ci-in a phatna thu a beisa in gen uh hi. Ahih hangin Sept. 17 ni-in hih hotline zangin Israel in Syria a kap ding a zaksak pah loh manin kamsiatna Russian Il-20 in tuak hi.

Israel leh Russia kikal ah kitelsiam lohna leh kitotna a piang leh Israel in amau adingin security lauhuaina piangsakte lak-a golpen hi ci-in Syria gam-a Iranian forces ahih kei leh Iranian-backed Hezbollah fighters ten galphual a bawlna mun ni dang bangin kap thei nawn lo ding uh a, S-300s Syrian army khut sungah a kipiakna Syrian airspace ah suakta takin gamtang thei nawn lo ding hi.

Russian S-300 batteries pen state-run company Almaz-Antei kici in a bawl hi a, S-300 sanga hoihzaw S-400 Russia in a bawlsaan man leh S-500 bawl dingin a kithawi manin 2012 panin S-300 bawl behna dinga sumte S-400 leh S-500 bawlna dingin zat a kipat khit nung S-300 bawl na khawlsan hi.

*Russian S-300PMU-2 missile defence system nasep zia:
S-300 a kizang long-range surveillance radar in range 300km (185 miles) cianga gamla na khat peuhpeuh na thei thei (tracks objects) a, tua a ngimna objects-te a command vehicle a information a banban in kilaihsak, laihtoto, khat tung pan khat tunga ngasawn (relayed) sak theih ahih manin a ngimna mun baihlam takin kap kha thei hi. A ngimnate (targets) a theih khit ciangin S-300 a command vehicle in a rader thupia (orders) in missiles tawh a ngimna mun kap hi.

A launch data pen S-300 battalion' hoihna pen a kapna mawtaw guk tawh kithuahna (battalion's six launch vehicles) ah kisawl a, tua panin surface-to-air missiles nih kilawnkhia hi. A ngimna mun a kap khak theihna dingin a huh 'engagement radar' kici in missiles in a ngimna mun a kap khakna dingin lamhilh a, khat vei thu-in (simultaneously) missiles 12 ciang cing in lamlak (guide) thei a, khat vei thu-in a ngimna mun guk kap thei hi. S-300 vihicle launcher pen tu lianin Belarus gam-a Minsk Wheel Tractor Plant (MZKT) ah a kibawl hangin Russia in a gam uh Bryansk khuapi nitumna lam ah a bawlna tuah ta hi.

*Galvan lamsang siam (experts) ten Russia in Syria' tungah a piak ding pen 1997 modified S-300PMU-2 systems (NATO codename SA-20) hi dingin ummawh uh a, a hoih dan US Patriot Air leh Missile Defense System tawh tehkak theih napi S-300PMU-2 system range 195 km (121 mi) tung lam dong kapban ahih manin Patriot system nam lite - PAC-1: 70 km; PAC-2: 96 km-160 km; PAC-3: 20 km against ballistic missile; PAC-3 MSE: 35 km against ballistic missile kapbante sangin hoihzaw a, a hatna maximum speed of Mach 8 ciang ahih manin USte' Patriot PAC-1: Mach 2.8 leh PAC-2/PAC-3: Mach 4.1 tawh a hat dan teh theih loh hi. (Mach 1 i cih aw i.e. sound sanga khat vei hat zawte genna hi).

#Russian S-300PMU system specification:
S-300 launcher vehicle ah missile containers li (two missiles per target) kithuah a, a full battalion ah bel launcher vehicles guk kithuah ahih manin 24 missiles banah command-and-control leh long-range radar detection vehicles kithuah beh lai cihna suak hi.

*Special feature: S-300 in seconds thum hal in missiles nih a phei lam (vertically) lawhkhia ziahziah theih ahih manin manlang, naal tak leh a ngimna mun lianlian (versatile and accurate) kap kha theih sak hi.

*A nasep silbawl theihna (capability): Russian 48N6E kicite pen S-300PMU launchers panin kilawnkhia standard missiles hi a, a gamlatna range of 5-150km (3-93 miles) panin detection range 600 km (1 sqm to 430 km) ciang a target speed 8000 km / h, 4791 miles, Mach 6.35. (at a maximum altitude of 27-30km or 17-19 miles) panin maximum target speed Mach 8 dong a hat in leng zo a, a sangna lam 10 m panin 27 km kikal gal vanleng leh ballistic missile nam tuamtuamte kapkhia thei hi.

*Response time: S-300 vehicle stopping to missile firing is five minutes.

S-300PMU system pen US, Israel leh a pawl ten a nak zat mahmah uh US defense air system hoih pente uh - US Patriot, Air Missile Defense System leh THAAD system cihte sangin hoihzaw ahih manin Syria in zang leh kimawlna kilaihna (game changer) piangsak ding ahih manin Syrian armed forces ten zang leh Syrian airspace ah US leh a pawlte suakta takin gamtang thei nawn lo ding uh ahih manin zadah uh hi.

Source: Military.com; BBC; Al Jazeera and News Agencies
@Thang Khan Lian #ZUNs

NA DINMUN NA KITHUPISAKPIH LUA PAH KHA HIAM?

NA DINMUN NA KITHUPISAKPIH LUA PAH KHA HIAM?

Kongkhak pen inn tawh teh in nakpi takin neu zaw hi.
Tawhbu (lock) pen kong sangin nakpi takin neu zaw tham hi.
Hih teng lak panin tawhtang (key) pen a neupen hi napi kongkhak honna ding leh inn sung lutna dingin amah bek kizang thei sese hi.

A neu mahmah, ngaihsut siamna leh thukhual siamna tawh na hamsa vensakna (thoughtful solution) in buaina lianpi vengsak thei hi. Ngaihsutna hoih a neu mahmah in nuntakna bup leh leitung bup nangawn hunkhia zo thei hi.

Maban ah makai ding a hanciam a lunggulhna nei leh state, territorial council, self-determination etc, etc.. nget ding dong a tangko khia pawl khat ten, "Kuamah hong thulak loh ding thugen pen gimhuai lel hi," ci-in mipite ngaihsutna leh thugenna thusim vet lo om se uh hi. Minam adingin i deih leh hamphatna ding i ngetna ah i ngah theihna ding leh i minam mainawtna (movement) khatpeuh ah i kalsuanna ah i muibut theihna dingin mipite loin makaite bek hanciamna a mawknapi hi. Mipi a nungthuap ding nei lo makai pen a mawkna hi a, mipite ngaihsutna a neumuh makai khat vaang sawt kimang lo hi. Politics ah thahatna bul kipatna pen mipite hi zawsop hi.

Tui a khan ciangin tui in lei tuum ahih manin miksite pen ngasa ten ne-in a an dingin zang uh hi. Ahih hangin tui a kiam ciangin lei ah awkcip in lui sunga kipeek suk man lo ngasate miksi ten ne-in a an dingin nei uh hi.

I nuntak hun sungin nuntakna in mi khempeuh hunpha leh kaam (chance and opportunity) hong pia kim ciat hi. Na hunpha hong tun ciangin na hamphatna leh na vangliatna/thuneihna (power) a khengval in zang kha kei in. A neu pen a i ngaihsut tawhtang manphatna neumuh ngam huai pah het lo hi. I kimuan mahmah laitak i thanem pen hun na hi nuam zawsop hi. Ngaihsutna tuamtuam kaikhawm in a hoih teng tawh i kalsuan ciang bekin politics muibun zo pan hi. Ngaihsutna tuamtuam sungkhawm, kikumkhawm in, i kinialsak ciangin ngaihsutna hoih pen hong kitelkhia zo pan bek hi.

"Sepkhawm nuam, puakkhawm zang!"

✍️Thang Khan Lian

DEVELOPMENT PROJECTS LEH NGIMNA KHAT PEUH I NEIH LEH....

DEVELOPMENT PROJECTS LEH NGIMNA KHAT PEUH I NEIH LEH....

Khantohna ding ngimna leh geelna tampi i neih hangin geelna leh sepkhiat ding dan kician om lohna mun ah i ngimna leh sepkhiatna ah matutna kician om lo hi. Tua ahih manin development project or scheme bawlna dingin a kisam mahmah pawl khat:

1. I ngimna (goal) kician nei masa ding. Plan A, B, C ciang beek nei ding. Ngimna laih thumthum in a ngimna kung (goal post) laih thapai den lo ding. Sailungtang khat tawh vasa nih kapkhiat sawm lo ding.

2. I ngimna tunna dingin i sepkhiat zawh hun (mission accomplished) ding geel khol masa ding. Short-term leh long-term ngimna nei ding. A term tawh kituakin sepkhiat zawh teitei ding hanciam ding. Mipite lungneuna ding leh lungbuaina dingin a term hun sot beh toto themthum lo ding.

3. I ngimna i sepkhiatna zawhna dingin i ngimna hong thukimpih, i sepkhoppih theih ding i lungsim kibatpih team members muanhuai seh in, panmun pia ciat ding. Team members teng i ngimna kahlei (ladder) ah kahsak in makaih ding. Development project or schemes khat peuhpeuh mimal (individual) bek tawh sepkhiat zawh ding hi loin nasemkhawm a pankhawm (team work) kisam hi. Tukpeng kimawlna tawh kibang hi. Panmun leh tavuan hawm kisam hi.

4. I nasep ding hilhcian/gencian in geelcian (define your work) ding. Lim tak-a geelna nei lopi a nasepna pen a kung i tun hangin lamet bangin hoih zo ngei lo hi.

5. I ngimna tawh mainawtna a, khantohna ding bawl a sepkhiat ding. A tang lo a mainawt lo ngimna hilo ding (Develop your plan and delegate smartly)

6. Vaihawmna tawh semkhia ngiat ding, encik den ding (Execute and Monitor continuously). Nasepna muanhuai maw, kip leh kho ding tawh cih i sep hun teng encik den ding.

7. I nasepna ah hih khialh bawl khialh i neih leh mawhpuakna, sim theihna leh ciamteh theihna (responsibility leh accountability) la ngam ding, i nasepna seelsim loin a kimupailet thei (transparency) ahih ding. Transparency om lohna ah thumanna tawh nasepna piang zo lo hi.

Development project or schemes leh infrastructure lamsang ngimna nei lo om lo a, a hanciam lo leh a sem lo omna gam om lo hi. A team leader leh a team work a kihel teng hong pankhawm siam ciangun a ngimna leh geelna bangin semkhia zo bek uh hi.

Nambat 6 leh 7 a om lohna mun ah sepkhiatna om napi sep leh bawlna a ki-etcik lohna leh sepkhiatna ah mawhpuakna la ngam a om loh ciangin sepkhiatna om tei sam napi a gina om lo a, nekgukna leh golhgukna omna ding mun om golpi hong om pah ahih manin nasepkhiatna a om tei sam hangin kho loin kip lo a, sawt a kimang om ngei lo hi.

✍️Thang Khan Lian