A PHAWKHUAI LEH A CIAPTEH THAM THU NAM 12 ..

A PHAWKHUAI LEH A CIAPTEH THAM THU NAM 12

1. A beisa hunte kikheel kikin, kilaih kik thei nawn lo hi. Tua ahih manin a beisa hun a i hihkhialh khitsa nate hangin khakunkun in kilunggimsakna pen a mawkna hi. Tui bua khinsa luahkik sawm pen a mawknapi taktak ahi hi.

2. Midangte' hong ngaihsutna leh upmawhna thu tawh hong ki-elna leh hong gensiatnate na tuahte hangin na hihna taktak kilamdang sak tuam zo loin, siasak zo tuam lo hi. Awlmawh luat leh lungimpih tak lo hi.

3. Mi khempeuh i khualzinna (journey) kibang lo hi. Tua ahih manin simmawh leh neumuh tuam ding kuamah om lo hi. A khualzinna nuamsate zah a hampha mi om lo hi.

4. Midangte in a man lopi leh na hihna lopi tawh na tungah thu hong khenkhum hangun nang hihna suaksak zo tuam lo hi. Midangte in na tungah a man lopi-in thu hong khen khum ciangin thupisim sak sese kei in.

5. A val lua-in ngaihsutna (overthinking) in dahna leh lungkhamna ding lo buang hong guan lo hi. Nang leh nang kilunggimsak ahnatawm sakna dingin a bat lak liangin na dahna ding leh lungkhamna ding zongzong se kei in.

6. Lungkimna leh lungnopna pen a pualam leh leitung nate leh hauhna sim leh paaite (materialistic) panin hong pai loin ngah thei ding hilo a, na lungsim tawnga om hi zaw hi.

7. Na ngaihsutnate in na lungsim om zia (mood) suaksak ahih manin kimanna ding mel om lote tam na ngaihsut luat leh na lungsim om zia suaksak ding hi.

8. Nuihmai hiuhiau in nuihmaina pen midangte tungah natna bangin manlang takin kilawhsawm thei (contagious) ahih manin man piak a kul lo nuihna leh nuihmai pua-in hawmkhia zo den lecin hong mute in lungdamna leh lungnopna na ngah ding uh hi.

9. Migitna; citna (kindness) pen a khawnkhong (free) ahih manin hawmkhiat ding ciil bawl kei in. Ciil bawl loin na hawmkhiat ziahziah hangin na supna ding om lo hi.

10. Haksatna, dahna, lunggimna leh lungkhamna na tuahte namgma ut hunhun nusiatsan theih na hih manin tuate paisan theih hi. Sawt na lenkip luat leh khang semsem in kibehlap semsem ding ahih manin lenkip cinten loin nusiatsan in la, mainawt in.

11. Na tunga hong piang khinsa, na pal khak thu leh nate mailam hunah hong piang kik thei ahih manin hamphatna, daupaina ding na khahsuah khak ciangin hong tun; pai kik ding ngak hithiat lel in.

12. Leitung nate (worldly things) pen a hun tawh kituakin hoih semsem thei hi. A siat beh semsem zong om hi. Tua ahih manin a hoih nate a hun tawh kituakin zat dan siam in. Hun na zat siam leh hoih semsem ding hi. Nangma hun zat danin a kinga ahi hi.

Thang Khan Lian #ZUNs