US AH MUSLIMTE RELIGIOUS GROUP LAK PANIN A TAMPEN NIHNA SUAK DING

US AH MUSLIMTE RELIGIOUS GROUP LAK PANIN A TAMPEN NIHNA SUAK DING

Jan. 9, 2018: US gam ah Muslimte Christian khit 2040 ciangin US gam ah biiakna kipawlna lak panin a tampen nihna hi ding uh hi ci-in Pew Research Center in a study bawl thakna ah mukhia hi. 2017 in US gam ah Muslimte 3.46 pha uh a, US gambup milip 100% lak panin 1.1% pha uh hi ci-in Pew Research Center in mukhia hi.

Tu lianin US ah Muslimte sangin Judah minamte tam zaw uh a, ahih hangin Judahte milip 1.8% a khang pen 2050 ciangin 1.4% in kiamsuk ding uh a, Muslimte 1.0% panin 2.1% in khang ding uh a, Hindute 0.7% panin 1.2% in khang ding uh hi. 2050 ciangin Muslimte 8.1 million pha ding uh ahih manin US milip 2.1% pha zo ding uh cihna hi ci-in Pew Research in genkhol hi.

US gam ah Islam biakna zuite khan'na kum simin (growth rate) 100,000 hi a, gambeelte tam a lut man uh leh Muslim Americans minamte a ciphat (higher fertility rates) man uh hi ci-in demographic leh survey research a bawlna panin Pew Center in mukhia hi. "Ka tuat masakna uh (2007) panin Muslim Americans milip khang a, tua khit nung nakpi takin khang hi," ci-in Pew Center in ci hi.

US ah biakna pawlte lakah Christian a kici leh Christian ci-a kiciamtehte tampen uh a, US gam milip 71% pha uh hi.

#Bottom line: Pew Center in a tuatna pen US gam ah Muslim American om khinsate suan leh khak a pung ding zia a genkholhna uh hi a, gambeelte lut beh manin a khangtuam ding cihna hilo hi. Trump in Muslim gamte tungah travel ban policy a zat hangin dahpa lo kho policy zang mah bang ding cihna hi. Trump' populist policy pen US upadi ah Bill of Rights palsat hi ci-in Circuits Courts ten a dal khitin Supreme Court kiden'na a, Supreme Court in travel van a kim hilo in pawlkhat bek "partial ban" bawl hi. US administration hong kilaih hen la, populist policy zui lo administraion hong cin' a, travel ban a kiphiat leh Muslimte gambeel lut beh peelmawh ding uh cihna ahih manin Pew research' genkholhna sangin Muslim milip tam zaw kha ding cihna hi. Trump' travelling ban pen "sial tat nunga sial dai kai pa' policy" suak cihna hi lel a, mi pawlkhat khemna policy hi bek hi.

Source: Al Jazeera
@Thang Khan Lian #ZUNs