THUMAN LEH ZUAUTHU' KIMUHNA TANGTHU

THUMAN LEH ZUAUTHU' KIMUHNA TANGTHU

Kum zalom 19 hun lai-in tangthu kiphuaktawm khat ah, ni khat Thuman leh Thuzuau (Truth and the Lie) in kimukhawmna na nei uh hi. Thuzuau in Thuman kiangah: "Tu ni lamdang in nuam si e maw!" ci hi. Thuman in vantung lam ento in, "Hmm... tu ni kilawm takpi mah hi," ci-in dawng hi.

Hun sawtpi hong khawlkhop khit nungun a tawpna ah tuikhuk (well) kiang khat hong tung uh hi. Tua leh Thuzuau in Thuman kiangah: "Tuikulh sunga tui siangtho sinsen in, dum dieidiai ahih manin i nih in kisilkhawm ni!" ci-in zol hi. Thuman in Thuzuau' genna umlah pian ahih manin tuikulh sunga tui lim takin etcikna (test) a neih khit ciangin tui siangtho hi cih a telcian khit ciangin kisilkhawm ding hong thukim ta hi.

A nih un a puante uh hong siahkhia (undress) samsam in hong kisilkhawm ta uh hi. Thakhat thu-in, tui sung panin Thuzuau taikhia buambuam pah a, Thuman' puante lak sakin silh sakin taimang hi. Thuman zong thapai mahmah kawmin lui sung panin hong diangto a, Thuzuak' tung panin a puante a ngahkik theihna dingin koi lai-a om hiam ci-in mun teng gam teng leitang zon hi.

Leitung in guaktang in Thuman om a muh ciangin simmawhna leh thangpaihna tawh a lehlam ngatsat hi. Cimawh beidong in a om, a lainathuai Thuman in Thuzuau mu zo loin leitung in a lehngatsan lam a muh ciangin cihna ding thei loin tuikhuk ah guaktang mah in ciahkik a, a maizumna seelna dingin tuikhuk sungah tu dong bumang den hi.

Tua khit nungsang leitung mun tuamtuamte pheklek in Thuman' puan silh in Thuzuau pai kawikawi in zin kawikawi a, leitung in Thuman' bukna ding mun muanhuai piak ding na don lo ahih manin kipawlna, pawlsung, minam khat sung (society) sungah Thuzuau va kibual in nuamsa mahmah hi.

Photo: Hih tangthu tawh kituak dingin milim kisuai minthang mahmah "The Truth coming out of the well" kici Jean-Léon Gérôme in 1896 in a limsuaih hi.

Compiled by: Thang Khan Lian #ZUNs