NA NEIH NA LAM, NA SUM HAUH NA KISIALHPIH KHA NGEI HIAM?*

NA NEIH NA LAM, NA SUM HAUH NA KISIALHPIH KHA NGEI HIAM?

💸 Na sum leh paaite tawh inn leh lo na lei thei a, inn hoih nono, inn golpipi na lei theih hangin innkuan nuam sum tawh na lei thei kei a, na lei zo kei hi.

💸 Na sum na paaite tawh lupna hoih leh lupna nuam mahmah a thuah a thuah in na lei theih liapluap hangin na sum leh na paai tawh lungnuam takin na ihmut theihna ding na lei thei kei a, na lei zo tuan kei hi.

💸 Na sum na paai tawh khut a bulh ding nai leh baang a kikhai naipi (wrist watch and wall clock) tampi na lei theih tei sam hangin na sum na paai tawh hun na lei thei kei a, na lei zo kei hi.

💸Na sum na paai tawh a henhen a tahtah in laibusaal (library) dim liang ding laibu na lei theih hangin na sum leh paai tawh pilna siamna leh thutheihna (education and wisdom) na lei thei a, na lei zo tuan kei hi.

💸 Na sum na paai tawh an lim nono leh meh lim nono leh dawn ding a lim leh al nono na gaih zawh loh ding na lei ziahziah zawh hangin na sum leh paai tawh ankam limna (appetite) na lei thei kei a na lei zo kei hi.

💸 Na sum na paai hauh manin na kholpih ding lawm leh gual sim zawh loh na ngah zawh tei sam hangin na sum na paai tawh itna man na lei thei kei a, na lei zo ngei kei hi.

💸 Na sum na paai tawh puan hoih nono silh zawh loh ding na lei zawh hangin na puan hoih silh manin cidamna na lei thei kei a, na lei zo tuan kei hi. Puan hoih nono tawh na kizep hangin tua ten na melhoihna tuamna ding hong guan zo tuan lo hi.

Tua ahih manin na neih na lam leh na sum leh paai hauh manin kam beembeem in ham in, midangte neumuh leh simmawh in na kisialhpih pong hangin bang phattuamna ding ngah na hi hiam? A mawknapi ahi hi.

✍️ Thang Khan Lian

S