MINAM VAI MUHNA
1. Midangte hoihna a muhsak ngei lo mi pen, ama hoihna zong kimuhsak ngei lo ding hi.
2. A minam a zahpih mi pen, a minampihte in zahpih ding hi.
3. Lai pen minam adingin nawizu bangin nuntakna hi a, tua mah bangin minam khua a musak meivak zong ahi hi.
4. Minam mangthang cih pen minam bei a, si khin cihna hi loin minam dangte lak-a kiphumna ahi hi.
5. Pawlpi pen a tawntungin leitung politics tawh gawmkhawm loin a tuam khat-a a om den kul hi.
6. Ama minam a zahpih mimal tul khat sangin ama minam a dinpih ngam mimal sawm manpha zaw hi.
7. Pasian bawlsa gam leh mipite adinga nasem (politics) pen, a piangsakpa Pasian adinga nasem ahi uh hi.
8. A tawpna pen a, zawhna in, lungsim takpi tawh nasepna, hanciamna, thuakzawhna, cihtakna leh thuman thutak a din ngam tawntungna ahi hi.
9. Mihing ihih lai tengin omna dingin leitang kisam a, leitang leh mihingte pen a tuam tuak ah om a, a kikhen thei ding hilo hi.
10. Ama minam a it manin minam dangte a langdo mi pen Pasian a langdo hi a, ama pau leh minam a zahpih mi-in a piangsakpa Pasian a zahpih ahi hi.
11. Kei kua ka hiam, bang tavuan nei ka hiam... ci-a a kithei lo mite pen gam leh minam adinga a kisam sep ding thei lote ahi uh hi.
12. A thuman lampi tawh policy zui-in, ei leh ei kimuang ngam in na i sep leh i gam adingin tuahphatna i mu thei ding hi.
13. Minam cidamna pen gamdang mi, minam dangte thu neihna nuai panin taikhia a, suakta tak-a gam leh minam adinga thuneihna sangpen neihna ahi hi.
14. Zawhna a tuamtuam om hi. Thatang tawh zawhna, kammal tawh zawhna leh neihsa tawh zawhna hi. Ahi zongin tuate pen zawhna man hilo hi. Zawhna hoihpen in ei lam hong panpih ding lawm bawl zawhna ahi hi.
15. Minam itna (nationalissm) cih pen minam leh gam adinga phattuamna ding a sangpen a kipiakkhiat zawhna ahi hi.
Credit: Pu No Than Kap
