MI TANGZANG PU PAU KAM

MI TANGZANG PU PAU KAM

MI TANGZANG PU PAU KAM 

Tanglai-in Khamtung Zomi I pu I pate sung panin a lamdang mi thahat tuamtuam a piang thei zel hi. Tua bangin mi thahatte sung panin, thatang, pumpi tangzang a, tai a hat, tangthu kigen khatin Pu Pau Kam ahi hi.

Pu Pau Kam pen Pu Khan Thuam' tapa thumna hi a, Tedim khua Ukpi Pu Kam Hau nau ahi hi. Amah hun lai-in gal leh sa mat kidem hun, mihing takpi kithah kimat hun lai ahih mah bangin Pu Pau Kam pen galvai, savai-ah, a muan a suan khat uh ahi hi.

Pu Pau Kam hatna thu a thei a mute tung tawnin tuni dongin nupi papite in a mangngilh theih loh thu uh gen belin a neih khat uh ahi hi. Pu Pau Kam hatzia a genna uah mah pen tai lamsangah tangzangin hat a, manlang mahmah hi ci uh hi. Deih tak-a a tai ngial ciangin a nunga a lum puak ding deng hi. Buisai a sikkhak nangawn pilh lo hih tuak hi. Sial-ek a hing a sik khakte zong dep lo hi kici hi.

Pu Pau Kam a khan lai-in a tenna Mualbeem khua panin a khua gal khat-a teng, Vangteh khuate, a khuamial  a lo kuan vai ciah a gal muh pen a khua uh a tun ma-in Mualbeem panin delh leng phak ngap ing ci hi. A lawmte in um lo ahih manin kham uh hi. Pau Kam zong Mualbeem panin Zangzawl ah a khuataw lui-uah tuak sukin tua panin kah leuleu a, tai cih takin a tai leh Vangteh lokuante tawl nga lo a paipai a khua uh a tun ma-in pha takpi hi ci uh hi.

Tanglai Zomite sung panin Pu Pau Kam pen a pumpi tangzangin manlang a, tai hat mahmah in, mi lamdang khat ahih manin tulai leitung minam tuamtuamte sung panin taihat pen a kicite zong Pu Pau Kam hatna zah a ban zo tuan kei ding uh hi.

Source: -Nang Za Mung @Tedim BEHS NO.1 Sangpi, GOLDEN JUBILEE MAGAZINE, 1998

US IN MEXICO DRUG LORD GUZMAN MATNA DING THUPIATE TUNGAH $ 5 MILLION PIAK DING CIAM

US IN MEXICO DRUG LORD GUZMAN MATNA DING THUPIATE TUNGAH $ 5 MILLION PIAK DING CIAM

Aug. 7, 2015: US government in Mexico khamtheih zuak mangpa Joaquin "Shorty" Guzman mat theihna dingin information kician a piate tungah lungdam man $5 million (£3.2m) piak dingin ciam uh hi.

Guzman July 22 in Mexican maximum-security jail (thonginn) panin taikhia hi. Sinola cater te' makaipi in pang a, US ah cocaine, heroine (No.4) leh 
methamphetamines pua lutin US khuapi tuamtuamah zuak uh hi. Guzman pen leitungah "most wanted drug lords" lakah kihel hi.

US Drug Enforcement Administration (DEA) makaipi pan Guzman Mexico gam sungah om dingin um mawh hi.DEA acting director Chuck Rosenberg in news reporterte kiangah a genna tin Guzman a tenna north-west Mexico a om Sinolao state sungah kibu dingin a up mawh thu gen hi.
.
Mexico in zong Guzman mat theihna ding thu a puak theite tungah $ 3.8 million piak ding ciam hi. Chuck Rosenberg in Mexica leh US makaite Guzman matna dingin pang khawm uh hi cin pulak hi.

Guzman pen a tun tom mi ahih manin mi tom pa (Shorty) zong kici, El Chapa zong kici hi. Mexico City tum lam a om Altiplano thonginn panin lei kua 1.5 metres (tai khat) a sau khuakin, atua kua hawm sungah bike neu dan khat zangin, tai khia hi. Thonginn panin nih vei a tai khiatna hi ta hi. A masa in Puente Grande thong panin 2001 in thong cingte sum guai-in puan sawpna leng (cart) ah tuangin tai khia a, February 2014 in kiman kik hi.

Guzman hauhna a sum a tuatin $1 billion pha ding hi kici hi.

-BBC

DRUG LORD JAOQUIN 'EL CHAPO' GUZMAN THONG PAN TAIKHIAKIK

DRUG LORD JAOQUIN 'EL CHAPO' GUZMAN THONG PAN TAIKHIAKIK

July 13,2015

Mexico a khamtheih zuak a sum bawl Joaquin “El Chapo” Guzman 'the world’s most famous drug lord' a kici pa a kikhumna Altiplano thonginn (maximum security prison, Mexico) panin a nih veina dingin taikhia kik a, Mexico police ten zanin mat dingin zon kipan uh hi.

Jaoquin Guzman pen Sinolao cartel (khamtheih zuak) pawlte' makai lian pen hi a, Altiplano thongah kum khat leh a lang kikhum ta hi. Hih thong pen top drug boss te' kikhumna hi a, kua mah luh zawh loh ding liangin kingaihsun hi. Guzman tangthu laibu in kibawl a, best selling book nangawn ngah liang in, la ngawn kiphuah khum hi. Guzman a tun tom mi hi a, feet 5 leh inch 6 in sang ahih manin "Shorty" ci'n kisam hi.

Security a hoih mahmah hangin Guzman ni guk ni (Saturday) in a thonginn sunga kisilna inn dei vang panin tai khia a, mile khat sangin a sau zaw tuilong ah kitholh in vaimiim huan leh bawng khawina huan ah pusuak ziau hi.

Mexican President Enrique Peña Nieto in khamtheih zuak a sum bawl tampi mansak khin a, Mexico leh leitung ah kipakta mahmah hi. Ahih hangin Guzman taikhiat kikna in minsiatna tampi guan hi. Guzman 2001 in thong panin tai khia a, February 2014 in kiman kik zo nawn pan hi.

Joaquín “El Chapo” Guzmán pen leitung ah khamtheih zuakte lakah a minthang pen in kingaihsun a, Mexico leh leitung mun tuamtuam ah 'the most wanted criminal' in kiciamteh hi. US in February, 2014 in US ten Guzman Mexicote kiangah US ah thusitna neih dingin (trial for extradition) ngen uh a, ahih hangin Mexico President Nieto in ko gamah thusitna nei nung ci-in pia khia nuam lo ahih manin US te lungkim lo uh a, US leh Mexico kitanauna nangawn siasak zo hi.

U.S. Attorney General Loretta E. Lynch in zanin a thugenna ah Guzman mat kikna dingin US in huhna kisam khempeuh pia dingin man khin hi ci'n gen hi. Mexico's national security commissioner, Monte Alejandro Rubido, in thuthaksaite kiangah a genna ah Guzman pen zanhal nitak nai 8 in a thong sungah om lai hi ci'n gen hi. Altiplano thonginn kianga tuilawng bawlte ' (pipe-line project construction) huhna tawh tai khia dingin ki-ummawh hi.

Altiplano panin mawtaw minute 45 taina a gamla Toluca airport zong khakcip uh hi. hi. Ahih hangin Guzman mat kik ding pen baih nawn khol lo ding hi. Guzman pawlte 'Sinaloa Cartel' ten a khamtheih zuakna ding un van pua vanlen (cargo aircraft), private aircraft, tuinuai tembaw (submarines) leh van koihna bawm tum thei (submersible and semi-submersible vessels), container ships, supply vessels, go-fast boats, fishing vessels, bus, rail cars, tractor trailers, trucks, automobiles, private leh commercial interstate leh foreign carriers te zang ziahziah uh hi ci'n Mexico Justice Department in tu kum bul in gen hi. Sinaloa ten Mexico ah cocaine, methamphetamine, ganza (marijuana), khamtheih tuamtuam leh methamphetamine bawlna ding chemical gam dang panin Mexico ah pua lut uh a, a bawl khit ciang un San Diego zangin Us leh gam tuamtuamah zuak ziahziah uh hi.

-Washington Post