GUTA PONGMAN VS POLITICIAN GUTA
Guta ngeina; a tangpi a guta;guta pongman (Ordinary Thief i.e. OT) leh gam leh minam vai tawh kisai makai guta (Political Thief i.e. PT) kibat lohna bang hiam?
1. Guta pongman (Ordinary Thief) ten na sum na paai, na sum koihna ipno (wallet/purse), khut a na bulh nai (wrist watch), na suai khainiang (gold chain), na neih na lam na go manphate (assets) na theih loh kalin hong guksak hi.
Gam leh minam vai tawh kisai makai guta (Political Thief) ten na muhtangpi mahin hong mut zawhna hang liuliau bek tawh a kamsiam muksiam uh zangin nang phattuamna ding leh hamphatna dingin kamciamna hong bawl kawmkawmpi mahin hak gega in na mailam hun ding na maban (future), nasep silbawl khantohna tawh kisai sep leh bawlzia, nuntak gamtat leh paitoh zel ding dan (career), pilna siamna sinna (education), cidamna (health) leh manlahna, summeet bawlna, sumsin a kipeina (business) siit nei loin nui hiuhiau sa-in hong guksak mang khin siksek uh hi.
2. A nuihzakhuai thu pen guta pongman ten cik hun ciangin hong suam ding hiam cih hun lem zong uh hi. Ahih hangin gam leh minam vai tawh kisai makai gutate in nang hong suam theihna dingin hun lem nang hong lehpiak zawsop hi.
3. Thu omzia leh na lametna tawh kibang lo pen (most ironic) khatin:
Police ten guta pongman pa/nu delhin man a, thong sungah khum uh hi. Ahih hangin policete in gam leh minam vai tawh kisai makai gutate lim takin kem in humbit uh a, tua bek tawh hunsak loin sun leh zan in 24/7 in cing zawsop lai uh hi.
Na cidam peuh leh na ngah kik theih ding, na mansuah hangin na lamkik theih ding na neihsa na sum leh paai leh na gote guta pongman khatin hong guksak ciangin manin thonginn sungah na khia pah hi. Ahih zongin na ngah kik theih loh ding, na zonzon na hanciam theih zah tawh na hanciam hangin na ngah kik theih dinga thubaih lo na mailam hun ding leh na maban (future), nasep silbawl khantohna tawh kisai sep leh bawlzia, nuntak gamtat leh paitoh zel ding dan (career), pilna siamna sinna (education), cidamna (health) leh manlahna, summeet bawlna, sumsin a kipeina (business) hong guksakte pahtawi in, na pumgup a, leikhamang bangin na liangko tungah na puak ngap lai zen hi.
Tua bek tawh hunsa nai loin na leitung pasian dingin zang in, amaute sik leh tangin dingin na sihpih ngam banah leikhate in leikhamang a puak bangin liangko tungah pua in, pahtawina pia in, paakkhi oksak in, thuneihna tokhom tungah sal bangin nang hong uk dingin na koih lai zawsop hi.
Hih a tunga i thugen pen tu lian-a i khua i tui sunga kipawlna (society) ah ciamnuih bawlna pianin mi khat ii om dan ahih kei leh a ciin'zia; a man lopi-in limlahna (travesty) leh thu omzia leh na lametna tawh kibang lo (irony) ahi hi. I muhtangpi mahin i hak gega kawmpipi mahin hong kikhemkhem zo napi mittaw i kici nuam het kei lai zen hi.
✍️Thang Khan Lian #ZUNs
Guta ngeina; a tangpi a guta;guta pongman (Ordinary Thief i.e. OT) leh gam leh minam vai tawh kisai makai guta (Political Thief i.e. PT) kibat lohna bang hiam?
1. Guta pongman (Ordinary Thief) ten na sum na paai, na sum koihna ipno (wallet/purse), khut a na bulh nai (wrist watch), na suai khainiang (gold chain), na neih na lam na go manphate (assets) na theih loh kalin hong guksak hi.
Gam leh minam vai tawh kisai makai guta (Political Thief) ten na muhtangpi mahin hong mut zawhna hang liuliau bek tawh a kamsiam muksiam uh zangin nang phattuamna ding leh hamphatna dingin kamciamna hong bawl kawmkawmpi mahin hak gega in na mailam hun ding na maban (future), nasep silbawl khantohna tawh kisai sep leh bawlzia, nuntak gamtat leh paitoh zel ding dan (career), pilna siamna sinna (education), cidamna (health) leh manlahna, summeet bawlna, sumsin a kipeina (business) siit nei loin nui hiuhiau sa-in hong guksak mang khin siksek uh hi.
2. A nuihzakhuai thu pen guta pongman ten cik hun ciangin hong suam ding hiam cih hun lem zong uh hi. Ahih hangin gam leh minam vai tawh kisai makai gutate in nang hong suam theihna dingin hun lem nang hong lehpiak zawsop hi.
3. Thu omzia leh na lametna tawh kibang lo pen (most ironic) khatin:
Police ten guta pongman pa/nu delhin man a, thong sungah khum uh hi. Ahih hangin policete in gam leh minam vai tawh kisai makai gutate lim takin kem in humbit uh a, tua bek tawh hunsak loin sun leh zan in 24/7 in cing zawsop lai uh hi.
Na cidam peuh leh na ngah kik theih ding, na mansuah hangin na lamkik theih ding na neihsa na sum leh paai leh na gote guta pongman khatin hong guksak ciangin manin thonginn sungah na khia pah hi. Ahih zongin na ngah kik theih loh ding, na zonzon na hanciam theih zah tawh na hanciam hangin na ngah kik theih dinga thubaih lo na mailam hun ding leh na maban (future), nasep silbawl khantohna tawh kisai sep leh bawlzia, nuntak gamtat leh paitoh zel ding dan (career), pilna siamna sinna (education), cidamna (health) leh manlahna, summeet bawlna, sumsin a kipeina (business) hong guksakte pahtawi in, na pumgup a, leikhamang bangin na liangko tungah na puak ngap lai zen hi.
Tua bek tawh hunsa nai loin na leitung pasian dingin zang in, amaute sik leh tangin dingin na sihpih ngam banah leikhate in leikhamang a puak bangin liangko tungah pua in, pahtawina pia in, paakkhi oksak in, thuneihna tokhom tungah sal bangin nang hong uk dingin na koih lai zawsop hi.
Hih a tunga i thugen pen tu lian-a i khua i tui sunga kipawlna (society) ah ciamnuih bawlna pianin mi khat ii om dan ahih kei leh a ciin'zia; a man lopi-in limlahna (travesty) leh thu omzia leh na lametna tawh kibang lo (irony) ahi hi. I muhtangpi mahin i hak gega kawmpipi mahin hong kikhemkhem zo napi mittaw i kici nuam het kei lai zen hi.
✍️Thang Khan Lian #ZUNs
No comments:
Post a Comment