CHINA IN US AIR DEFENCE THUK KIKNA DINGIN DF-41 MUN THUM AH KOIH

CHINA IN US AIR DEFENCE THUK KIKNA DINGIN DF-41 MUN THUM AH KOIH

April 1, 2017: China leh Russia in US kiangah South Korea ah THAAD air defence na koih hangun muanna leh bitna a om sangin kigalneihna khangsak semsem ding hi ci-in a khoh hangun US in South Korea ah nung kha-in THAAD missile defense system koih veve hi. China in THAAD thuk kikna dingin continent khat panin continent dang kap khakna ding nuclear solid-fueled road-mobile intercontinental ballistic missiles (ICBM) Dongfeng-41 (DF-41) thakte thum China sung mun tuamtuam ah koih a, hih pen US in missile defense system Asia-Pacific kiim-ah a koih a thuk kikna hi ci-in political analyst Alexander Perendzhiev in RIA Novosti newste kiangah ci hi.

"US in North Korea ngimna ding ci-in paulam in Japan leh South Korea ah missile defense system a koih hangin USte ngim nop pen North Korea hi zaw loin Russia leh Chinate nuclear galvante hi zaw hi," ci-in Russia University of Economics ah lecture sem Plekhanov in ci hi. Chinese media in a genna ah hih DF-41 ICBMs-te pen Russia-China gamgi a om Heilongjiang province sunga Daqinq khuapi, central Chinese province of Henan sunga om Xinyang khuapi leh Xinjiang Uyghur Autonomous Region leilu-nitumna lamah kikoih hi ci hi. China in hih DF-41 ICBMs thumte pen US, Japan leh South Korea in North Koreate missile kihtakhuaina dalna dingin ni thum sung "naval missile defense war-games" kici galdo kisinna a neih khit un a koih hi kici hi ci-in Alexander Perendzhiev in ci hi.

Defense analyst Vasily Kashin in RIA Novosti newste kiangah Chinate DF-41 maante pen December kha pekin Chinese websites leh military forums-te a maan kipost ta hi ci-in defense experts pawl khat in ummawh uh hi ci hi. DF-41 maante Hong Kong-based media outlets leh Pingguo Ribao newspaper ah kisuaksak a, tua khitin Global Times leh state-run Chinese newspaperte ah a kisuaksak kik hangin tua hunin kuamah in awlmawh nai lo hi. "China in DF-41 IBCMs thak thumte pen koih mah hi ci-in Chinese media leh forums tuamtuam (Hong Kong leh foreign media outlets leh tua khit in Chinese mediate kihel in) kisuak sak a, DF-41 bek hilo in Chinate fifth-generation vanleng thak J-20 fighter maan zong hong kisuak hi," ci-in Alexander Perendzhiev in gen beh hi.

Defense experts Kashin in China gam thunei ten hih bangin galvan thak a neih lam uh lahna nei nuam uh a, US in defence system a koih uh tawh hong kituak hi ci-in gen hi. DF-41 bawlna dingin kum tampi bei a, Trump in China a langpan'na thu mi up theih dingin a thugenna khauhte (belligerent anti-Chinese rhetoric) hangin China in hih bangin political signal poimawh mahmah US a lahna hi ci-in gen beh hi.

DF-41 ICBMs pen stage thum nei solid-fueled intercontinental ballistic missile hi a, a kap khakna (range) pen 15,000 kilometers (9320 miles val) hi a, a manlangna (speed and a top speed) hyper-sonic speed (aw sangin nakpi takin a manlang zaw tham) Mach 25 (19,030 mph) ahi hi. DF-41 ICBMs in khatvei thu-in a ngimna tuamtuam [multiple independently targetable reentry vehicle (MIRVs)] mun sawm kapkha thei a, a lot khiatna dingin kisakkholhna hun minute 3-5 kikal bek la zen hi.

Source: Sputnik
A tei: Thang Khan Lian 

TRUMP IN SYRIA KUMPI LAIH DING NGIM IN NEI LO AHIH MANIN US-TE' KUM 16 GEELNA BEISAK

TRUMP IN SYRIA KUMPI LAIH DING NGIM IN NEI LO AHIH MANIN US-TE' KUM 16 GEELNA BEISAK

April 1, 2017: US President Donald Trump in Syria President Bashar Assad laih dingin ngimna nei lo ci-in thukhensatna nei ahih manin US in kum 16 sung Middle East gam tuamtuam ah kumpi laih (regime change) ding a geelna beisak hi ci-in US Army Major pension Todd Pierce in Sputnik newste kiangah gen hi. Zan in White House spokesperson Sean Spicer in US in Bashar Assad tawh kisai politics diktak (political reality) tawh kisai san'sak in, IS (Daesh)-te beisakna ding ngim in a neih ding kisam hi ci-in gen hi.

“US policy pen WikiLeaks in a cih bangin kum 2001 in a zat uh, Richard Perle leh Michael Ledeen in Syria ah buaina lianpen (greatest chaos) leh siatna lianpi (catastrophe) tawh mihing tampi sihsakna piansak ding neoconservative fascist modeled plan a neih uh kibang hi," ci-in Todd Pierce in ci hi. US strategy pen al-Qaeda ten US a suam uh September 11, 2001, or 9/11 (mi 3,000 phial si) khit nung Middle East ah kumpi laih ding cih geelna hi a, Bush administration in Middle East gam sagihte ah kumpi laih gawp ding ngimna na nei hi ci-in gen beh hi. US policy a sia lam in lawhcing mahmah a, Syria gam-a dongtuak ten Europe gam cih loh taina ding nei lo uh a, Europe gamah galtai a tam luat manin Europe gamte politics cih mahin ka muh ngei loh siatna lianpi tuak lawh hi ci-in gen beh lai hi.

Todd Pierce in President Donald Trump in Syria tawh kisai US strategy (kumpi laihna ding leh Arab kumpi gamte linglawngsak gawp ding) ngimna a tawpsan pen a letkip zom leh phat ding leh pahtak dingin kisam hi ci hi. US in Assad' ukna pen a haihuai mahmah galkap thahatna tawh ngim dingin geelna (fanatical militaristic scheme) khawlsan in, Syria buaina ven'sak sawm takpi ahih leh leitung bupin a husan uh nuam tuam ding hi ci-in gen beh hi. Ahih hangin hih bangin Syria kumpi laihna ding tangkopihna (campaign) in geelna nei khempeuh Netherlands gam-a International Court of Justice ah thukhenna mai-ah dinsak ding hi ci-in Todd Pierce in kalh hi. Mihing tungah siatna ding geelna neihna a US policy a kigolh khempeuh gal omna mun-a thukham palsat (war criminals) hi ci-in Serbian President lui Slobodan Milosevic dan a kipiak bangin tuate zong dan piak ding kisam lai hi ci-in gen beh hi.

#Behlapna: US in democracy leh human rights agenda tangkopih in WoD galvan nei lopi Iraq kumpi Saddam a sim bek hilo in Syria kumpi zong mipi tamzaw deihna tawh kiteelcing hi napi-in ama deih banga gam-uk (dictatorship) ci [pongin laih ding na hanciam hi. US in hih bangin paulap zangin mi khut a gul matna dingin Syrian rebels tuamtuam galvan, sum leh training pia-in zang hi. US in a ngim bangin Assad ukna tuk dek tak a, tua lai takin Sept. 30, 2016 in Russia in Syria President Assad hong huh ciangin USte geelna hut mut khiat ansi leeng suak ziau hi. Trump in 2016 in US presidential election campaign a bawl cil a kipanin USte ngian leh ngimna khawlsan ding na tangkopih pah a, a tangkopihna banga gamta suak hi.

US Department of State diplomat lui Anthony Salvia in hih bangin Trump in US policy laih in, Syria kumpi laih ding vai a khawlsan pen Democrats leh Republicans-te a lungkim lo hon khat a om hangin Trump in US policy laih ding hi ci-in vote khia ten a vote uh a piakna bangun kilaihna piangsak hi. Assad in Syria tualgal kipat cil pan tu dong kum guk sungin Syria gam-a Christian hum bit hi ci-in gen hi.

Source: Sputnik
A tei: Thang Khan Lian @ Zomi United News (ZUNs)

UK MILITARY THINK TANK TEN RUSSIA IN NITAK LAM KHAT SUNGIN UK HONG SUSIA ZO DING HI CIH THUKIM 

April 1, 2017: UKte' defense lamsang ngaihsutna leh geelna siam nei (think tank) Centre for Historical Analysis and Conflict Research (CHACR) ten "UK in a thahat mahmah gal (belligerent foe) (Russia a cihna) pen dona dingin thahatna kinei lo ahih manin galdona khatpeuh ah NATO tungah i kingak kul hi," ci hi. CHACR kicite pen UK galkapbu pension khinsate leh galkap ulian len laite hi a, ni nih sung meeting a neih khit un a muhna uh suaksak (published) uh hi a, "UK pen 2010 kum lai tawh tehin khutguak (hollow out) tawh kibanga, galdona dingin i thahatna teng (fighting forces) tawh Russia do hi leng Russia in nitak lam/sun bei khit ni tum ma (afternoon) khat in hong nulmang (wipe out) ding hi," ci hi.

CHACR pen Sandhurst officer acedamy pansan hi a, laisiamte omna leh kinialna munpi khat ahi hi. CHARC ten ni nih sung kimuhkhawmna a neihna ua a muhna bang uh a gelh (authors) ten Russia kihtakhuai zia a gen hangun Russia pen UK adingin gamdangte lam panin hong sim dingin (direct attack) lauhuai loin a muanmawhhuai pen hilo hi. Russia pen UK sim dingin a muanmawhhuai pen gam ahih loh hangin UK pen NATO member khat hi a, NATO a gup manin Russia in hong sim ngei lo ding hi cihna thu om lo hi ci-in CHACR laigelh ten a paper published uh-ah tuangsak uh hi.

CHARC in a paper ah British Army ten gal tuak vat hi leh galdo zawhna dingin thahatna nei mah uh hiam cih pen dotna lianpi hi a, UK in net manpower leh kinetic force thahat zawhna (capacity) nei mah hiam cih a dawnna pen "Nei lo" cih hi a, British Army-te budget pen ni dang tawh tehin tu lianin a tawmpen hun hi a, a budget uh tam kikhiamsak lua hi ci hi. UK galkapte budget pen May 2010 in David Cameroon in party tuamtuam tawh kipawl in coalition government hong bawl khit nungin British galkapte, galkap phazah leh vanzatte uh puahna dingin budget tampi khiam suk hong kipan hi. Ministry of Defense in a ciamtehna ah UK in full-time galkap 87,000 leh galkap zat dinga kimansa a kikoih (reservists) 100,000 bek nei hi ci hi. UK full-time leh reservist galkap kigawm sangin Russia' full-time galkap (active personnel) tamzaw a, 770,000 pha hi. Tua banah reservists galkap 2,000,000 bang neih beh lai hi. Hih bangin galkap bek tehkak leng zong UK galdona lamsang ah a thanemna hi pah hi ci-in CHARC in ci hi.

Tua loin UK in galdona phual (theater of war) ah galkapte a puakna ding kicing nei lo a, a neihsa mawtaw, vanleng leh teembaw (fleet) teng tawh galkap brigades thum - galkap 5,000 kiim bek puakna ding nei hi. Tua ahih manin UK in chartered or commandeered commercial ships leh aircraft (mi puakna dinga kizang teembaw leh vanleng)-te galkap puakna dingin a zat kul hi. Tua banah UK in nisuahna lam panin a kidalna dingin air defense kicing nei lo a, leitunga military budget tam zang pen ngana in pang a, UK military budget pen US$9 billion bek ahi hi.

Tua bek tham loin Britain' armed forces leh mipi ten gamdang tawh galkap lamsang ah kipawl (military alliances) uh ahih manin amau bekin galdo (unilateral war) sawm ngei lo uh hi ci-in defense consultant Nick Watts in ci hi. "UK pen NATO member sungah a lian pen pawl ahih hangin NATO puahna dinga sum kisam 2% bek kipia hi. France in ei sangin galkap adingin tawm beisak zaw lai hi. Tua ahih manin UK (Westminster) leh France (White Hall) in bang kisam hiam cih ngaihsut kul ta hi. Tua banah zing cianga galdona dingin UK in thahatna kinei lo hi," ci-in Nick Watts in Sputnik newste kiangah ci hi.

Nick Watts in UK in galkap thahatna bek hilo in galkap kicing leh nuclear dalna ding kicing nei vet lo hi. US President in NATO puahna dingin sumbeite NATO member dang ten tawm sik lua in, US in a vangik teng pua den a cih hangin NATO member hih theihna dinga kisam pen NATO' article nga ten hong pia ahih manin Trump thugen pen lunghimawh tham ding hilo hi ci hi. UK a opposition makai Jeremy Corbyn in NATO ah UK' din'na a kicingin gen khin zo a, lunghimawhna ding om nawn lo hi ci hi.

Hih bangin Russiate galkap thahatna tawh kisai senior UK military ulian ten a pulakkhiat masakna uh hilo hi. August 2016 in zong report kipholak khia (leaked report) in Russia in galvan lamsang ah thahatna leh galdona dingin galphual a zat ding galvan hoih nono (high-tech battlefield techniques) hoih neih lua hi ci-in na suaksak hi. Ahih hangin Russia ulian ten bel UK tawh kido ding vai ngaihsut in zong kinei ngei lo hi ci uh hi. January 19 in zong UK in Russia tawh kido khak vat leh ci-in galdona tanks-te Channel Tunnel ah galdo kisinna a neih in taisak uh hi. Hih thu tawh kisai Russia colonel pension khatin hih banga upmawhna pen "man lo" ((spurious) hi ci hi.

Source: Sputnik
UK Military Think Tank Admits Russia Could Destroy Forces 'in an Afternoon'
https://sputniknews.com/…/201701231049920546-uk-military-c…/
A tei: Thang Khan Lian