JIMMY CARTER A ETTEHHUAINA LEH A TANGTHU TOMNO
American politics ah a president lente uh biakna mi mahmah ding hi cih a kalh nuamte adingin a khangno hun panin tu dong a gamtatna tawh a Khristian hihna a lakkhia Democratic president Jimmy Carter' nuntakna a ettehhuai mahmah khat hi dingin ka ngaihsun hi.
Jimmy Carter pen 39th US president hi. October 21, 2019 in a tukna ah a kawngbom leh nungzang guh kituahna guh (pelvis) kitat kha-in hek a, a veilam mit kiang zong tat kha-in kikhui hi. Zato inn ah kipuak khit nipi kal nih cing nai loin zato panin a tuahkhiat zawh 2019 kum in kum 95 in upa Carter in a lampaina dingin a huh walker zangin biakinn mah zuan tangtang pah a, huhna tawh motorized lift chair a tutna panin biakinn mai gual ah a zi Rosalyn tawh tu khawm a, a khongno hun (teenager 13-19 kikal) panin ahih ngeina Maranatha Baptist Church, southwest Georgia town of Plains ah Nov. 3, 2019 ni-in 45 minutes sung Job laibu sung Sunday School class hilh zom veve lai hi. November 29 panin Nipini sial in Sunday School class hilh zom hi.
James Earl Carter Jr. pen a khuak ah cancer om ahih manin November 2019 in zong brain surgery dingin zato ah tawlkhat na lum ngei hi. Carter pen October 2, 1942 in Plains, Georgia ah na piang a, American politician leh mi dangte huh in a phattuamna dingun na hoih sem mi (philanthropist) hi. US president a sep hun pen January 20, 1977 – January 20, 1981 hi. 1980 Elections ah Ronald Reagan a lelh khitin Plains ah ciahkik in kiniamkhiatna mah tawh nungta a, a peanut leh cotton farmland (tu-in 40 percent poverty rate dektak a tung) mah sem hi. US presidents sem khinsate bangin White House summuhna ding (capitalize financially) dingin zang nuam lo a, summuhna dingin join corporate boards bangmah a zop loh banah thugenna panin sum tampi ngah (give speeches for big money) cihte ciing lo hi.
Carter in 1982 kum in The Carter Center kici nongovernmental (ama meetna ding ahi lo kipawlna not-for-profit organization) phuankhia hi Carter Center' tip leh ngimna pen human rights laptohna ding, Mihingte gimthuakna panin laptoh ding (advance human rights and alleviate human suffering), cihte lakah gam 80 valte ah mite nuntakna manphatna leh hoihna laptohna dingin huh ding (helping improve the quality of life for people in more than 80 countries) cihte hi.
A lawmhoih mahmah US Republican president Gerald Ford pen president a khawl khit nungin summuhna dingin a thugenna panin president a let ngei manin hamphatna ngah (fully take advantage of those high-paid post-presidential opportunities) hi a, US presidents sem khinsa tua dan tampi mah a om hangin Carter in a presidential hihna ama aituam hamphatna leh meetna ngahna dingin zang lo hi, ci-in presidential historian Michael Beschloss in gen hi.
Jimmy Carter in a tangvalno pan kipanin hunlang Sunday School sia a septoh hi a, US President a sep sungin zong khawl tuan peuhmah loin Maranatha Baptist Church ah hunlang Sunday School sia se veve in tu dong kum 96 a upat khit nangawnin a sep theih zah in sem suak lai hi. Amah in, "Hih ka sepna in ka upna khosak hi," ci-in gen hi. Jimmy Carter i tapa James Earl Carter (1950 kum-a piang) i nasep ngei-in lopa vat ahi hi. A pa US President a suah ciangin a nasep ngei lopa mah vat mah a pa in semsak suak lel a, White House ahih kei leh US government nuai-ah panmun khatpeuh nepotism zangin guan miau lo hi.
Jimmy Carter mah bangin president a sep sungun a tate uh White House ah hamphatpih theih ding om teng suukkhia in amau aituam hamphatna dingin a zang lo pawl khat omte lakah: 38th US President (Republican) Gerald Ford (1913-2016) i tanu Susan Ford (1957 kum-a piang) in nasep ngei-in naucin' (nanny) ahi hi. A pa US President a suah ciangin zong a naucin' nasep mah semsak suak uh a, a naucin'na ah President leh a innkuanpihte a cing Secret Agents ten zui kawikawi uh hi.
17th US President (Democratic) Andrew Johnson (1808-1875) i tanu Mary Johnson Brown (1832-1883) i nasep ngei-in bawngpi' nawisuuk khawi ahi hi. A pa US President a suah ciangin zong a nasep ngei bawngpi nawisuuk khawi mah semsak suak lel hi. 42nd US President Bill Clinton (1946-) in tanu Chelsea Clinton (1980-) bek ta nei hi. A pa in US President a sep sungin amah kum 18 cing ta ahih manin a nu leh a pa kiangah sum ngen ngei lo a, sum thalawhin amah leh amah sangkahna ding sum beite kisik ngiat hi.
45th US president Donald Trump in a president khasum (salary) kuamah president hih ngei loh bangin charity adingin ka pia hi, a ci-in a kisialhpih pen thuman lo hi. US 1st President (Federalist) George Washington, 31st US President (Republican) Herbert Hoover leh a hau mahmah 35th US President (Democratic) John F. Kennedy in zong a presidential salaries uh charity adingin na pia khin uh hi. Obama in zong kum giat president a let sungin a presidential salaries khempeuh charity adingin a piak khiat loh hangin $8 million val children charities adingin na piakhia hi, ci-in Forbes.com in ciamteh hi.
Na hoih sepna leh citpiakna tawh kisai Jesu in a genna ah, "Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak lohna dingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi. Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung leh kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khin ta ahihna thu lim takin na phawk un. Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih lohna dingun pia un la, kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi," ci-in Matthai 6:1-4 ah na gen hi.
Sawltak Paul in, "Pasian a kikhem zo dingin ngaihsun kha kei un. Mi khempeuh in ama vawh nam khaici mah ngahkik ding hi. Mi khatpeuh in ama leitung pumpi deihna khaici a vawh leh sihna ngah ding a, Kha Siangtho deihna khaici a vawh leh Kha Siangtho tung panin nuntak tawntungna ngah ding hi. Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi. Tua ahih ciangin hunhoih i ngah simin mi dangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi," ci-in Galati 6:7-10 sungah na gen hi.
Photo: Jimmy Carter in a singkung suan panin a githa bawl tawh a kizaihna (credit: The Other 98%)
Thang Khan Lian #ZUNs
Jimmy Carter pen 39th US president hi. October 21, 2019 in a tukna ah a kawngbom leh nungzang guh kituahna guh (pelvis) kitat kha-in hek a, a veilam mit kiang zong tat kha-in kikhui hi. Zato inn ah kipuak khit nipi kal nih cing nai loin zato panin a tuahkhiat zawh 2019 kum in kum 95 in upa Carter in a lampaina dingin a huh walker zangin biakinn mah zuan tangtang pah a, huhna tawh motorized lift chair a tutna panin biakinn mai gual ah a zi Rosalyn tawh tu khawm a, a khongno hun (teenager 13-19 kikal) panin ahih ngeina Maranatha Baptist Church, southwest Georgia town of Plains ah Nov. 3, 2019 ni-in 45 minutes sung Job laibu sung Sunday School class hilh zom veve lai hi. November 29 panin Nipini sial in Sunday School class hilh zom hi.
James Earl Carter Jr. pen a khuak ah cancer om ahih manin November 2019 in zong brain surgery dingin zato ah tawlkhat na lum ngei hi. Carter pen October 2, 1942 in Plains, Georgia ah na piang a, American politician leh mi dangte huh in a phattuamna dingun na hoih sem mi (philanthropist) hi. US president a sep hun pen January 20, 1977 – January 20, 1981 hi. 1980 Elections ah Ronald Reagan a lelh khitin Plains ah ciahkik in kiniamkhiatna mah tawh nungta a, a peanut leh cotton farmland (tu-in 40 percent poverty rate dektak a tung) mah sem hi. US presidents sem khinsate bangin White House summuhna ding (capitalize financially) dingin zang nuam lo a, summuhna dingin join corporate boards bangmah a zop loh banah thugenna panin sum tampi ngah (give speeches for big money) cihte ciing lo hi.
Carter in 1982 kum in The Carter Center kici nongovernmental (ama meetna ding ahi lo kipawlna not-for-profit organization) phuankhia hi Carter Center' tip leh ngimna pen human rights laptohna ding, Mihingte gimthuakna panin laptoh ding (advance human rights and alleviate human suffering), cihte lakah gam 80 valte ah mite nuntakna manphatna leh hoihna laptohna dingin huh ding (helping improve the quality of life for people in more than 80 countries) cihte hi.
A lawmhoih mahmah US Republican president Gerald Ford pen president a khawl khit nungin summuhna dingin a thugenna panin president a let ngei manin hamphatna ngah (fully take advantage of those high-paid post-presidential opportunities) hi a, US presidents sem khinsa tua dan tampi mah a om hangin Carter in a presidential hihna ama aituam hamphatna leh meetna ngahna dingin zang lo hi, ci-in presidential historian Michael Beschloss in gen hi.
Jimmy Carter in a tangvalno pan kipanin hunlang Sunday School sia a septoh hi a, US President a sep sungin zong khawl tuan peuhmah loin Maranatha Baptist Church ah hunlang Sunday School sia se veve in tu dong kum 96 a upat khit nangawnin a sep theih zah in sem suak lai hi. Amah in, "Hih ka sepna in ka upna khosak hi," ci-in gen hi. Jimmy Carter i tapa James Earl Carter (1950 kum-a piang) i nasep ngei-in lopa vat ahi hi. A pa US President a suah ciangin a nasep ngei lopa mah vat mah a pa in semsak suak lel a, White House ahih kei leh US government nuai-ah panmun khatpeuh nepotism zangin guan miau lo hi.
Jimmy Carter mah bangin president a sep sungun a tate uh White House ah hamphatpih theih ding om teng suukkhia in amau aituam hamphatna dingin a zang lo pawl khat omte lakah: 38th US President (Republican) Gerald Ford (1913-2016) i tanu Susan Ford (1957 kum-a piang) in nasep ngei-in naucin' (nanny) ahi hi. A pa US President a suah ciangin zong a naucin' nasep mah semsak suak uh a, a naucin'na ah President leh a innkuanpihte a cing Secret Agents ten zui kawikawi uh hi.
17th US President (Democratic) Andrew Johnson (1808-1875) i tanu Mary Johnson Brown (1832-1883) i nasep ngei-in bawngpi' nawisuuk khawi ahi hi. A pa US President a suah ciangin zong a nasep ngei bawngpi nawisuuk khawi mah semsak suak lel hi. 42nd US President Bill Clinton (1946-) in tanu Chelsea Clinton (1980-) bek ta nei hi. A pa in US President a sep sungin amah kum 18 cing ta ahih manin a nu leh a pa kiangah sum ngen ngei lo a, sum thalawhin amah leh amah sangkahna ding sum beite kisik ngiat hi.
45th US president Donald Trump in a president khasum (salary) kuamah president hih ngei loh bangin charity adingin ka pia hi, a ci-in a kisialhpih pen thuman lo hi. US 1st President (Federalist) George Washington, 31st US President (Republican) Herbert Hoover leh a hau mahmah 35th US President (Democratic) John F. Kennedy in zong a presidential salaries uh charity adingin na pia khin uh hi. Obama in zong kum giat president a let sungin a presidential salaries khempeuh charity adingin a piak khiat loh hangin $8 million val children charities adingin na piakhia hi, ci-in Forbes.com in ciamteh hi.
Na hoih sepna leh citpiakna tawh kisai Jesu in a genna ah, "Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak lohna dingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi. Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung leh kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khin ta ahihna thu lim takin na phawk un. Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih lohna dingun pia un la, kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi," ci-in Matthai 6:1-4 ah na gen hi.
Sawltak Paul in, "Pasian a kikhem zo dingin ngaihsun kha kei un. Mi khempeuh in ama vawh nam khaici mah ngahkik ding hi. Mi khatpeuh in ama leitung pumpi deihna khaici a vawh leh sihna ngah ding a, Kha Siangtho deihna khaici a vawh leh Kha Siangtho tung panin nuntak tawntungna ngah ding hi. Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi. Tua ahih ciangin hunhoih i ngah simin mi dangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi," ci-in Galati 6:7-10 sungah na gen hi.
Photo: Jimmy Carter in a singkung suan panin a githa bawl tawh a kizaihna (credit: The Other 98%)
Thang Khan Lian #ZUNs
