2008 UNION OF MYANMAR CONSTITUTIONAL AMENDMENT LEH CM APPOINTMENT VAI TAWH KISAI KUPNA

2008 UNION OF MYANMAR CONSTITUTIONAL AMENDMENT LEH CM APPOINTMENT VAI TAWH KISAI KUPNA

Union of Myanmar 2008 Constitution Article 261 "Chapter V Executive The Union Government" ah Chief Minister of the Region or State guanna (appointment) ding zia tawh kisai thukham Article 261 ah....

(a) Chief Minister of the Region or State len thei dingte hih a nuai-a citna (qualifications teng a neih kisam hi:
(i) kum 35 mi ahih ding;
(ii) Pyithu Hluttaw representatives
dingin teel theihna dingin Section 120 a kum kisam zah ahih ding; [Section 120 (a) kum 25 mi a phak ding; (b) Myanmar citizenship nei nu leh pa sung pan a piangkhia mi ahih ding (c) Pyithu Hluttaw representative dingin a tuh ma-in Union of Myanmar ah a kizom in gamdang ah va teng loin kum 10 a teng den mi ahih ding;

Proviso: Foreign gam ah a om hun ding (official period of stay) Union of Myanmar government phalna tawh om ahih ding;
(d) Election Law in a gen bang qualifications kim a neih ding;]

(iii) Pyithu Hluttaw representatives a tuh theihna dingin a qualified theihna Section 121 omte provisions ama qualification in a palsat loh ding;
(iv) Union of Myanmar leh a gam mite (citizens) tungah thuman/citak (loyal) ahih ding;
(b) Chief Minister of the Region or State guanna dingin President in:
(i) Region or State Hluttaw representatives a qualifications a neih ding uh cih tuangte citna nei Hluttaw representative muanhuai a teelkhiat masak ding;
(ii) Region or State Hluttaw a kiteelcing Hluttaw representatives-te min list a piak ding;
(c) President in Region or State Hluttaw in Chief Minister of the Region or State dingin a thukim uh a guang ding;
(d) President in Chief Minister dingin a nominated pa/nu Region or State in Chief Minister of the Region or State dingin qualifications kisamte nei lo ahih kei buang leh nial sakin dal thei lo ding hi;
(e) President in Region or State Hluttaw Chief Minister dingin a guang pa/nu in qualifications kisamte a neih kei a, Region or State Hluttaw Chief Minister dingin a kithumpih kei leh Chief Minister dingin min dang piak theihna ding thuneihna nei hi
hi cih tuang hi.

Article Article 261 tawh president in a power zangin Chief Minister a guan theihna laih ding cih i gengen pen ei hamphatna ding upmawh thu mot genna leh presidential power neusakna ding upmawh thu hi lai hi.

#Bang_hangin?

2008 Constitution ah Chapter XII
AMENDMENT OF THE CONSTITUTION section a
Chapter XII AMENDMENT OF THE CONSTITUTION section en leng *Article 433 ah Constitution a provision khatpeuh a kipuahphatna dingin a nuai-a teng a kizuih khit ciangin kipuahpha thei pan ding hi:
(a) Constitution puahphatna ding sawmna (proposal) pen Bill in piaklut (submit) masak ding;
(b) Constitution puahphatna ding Bill ah proposals dang a kihel loh ding;

*Article 434: Constitution puahphatna ding Bill Pyidaungsu Hluttaw ah piaklut ding
*Article 435: Constitution puahphatna ding Bill Pyidaungsu Hluttaw palai (representatives or MPs) 20 ten a piaklut uh leh a Bill puaklut uh Pyidaungsu Hluttaw in ngaihsutsak (consider) pan ding hi.

*Article 436 ah (a) 2008 Constitution a provisions sunga Chapter I a Sections 1 - 48 kikal, Chapter II sunga Sections 49 leh 56, Chapter III a Sections 59 leh 60, Chapter IV a Sections 74 - 109, 141 leh 161, Chapter V a Sections 200, 201, 248 leh 276, Chapter VI a Sections 293, 294, 305, 314 leh 320, Chapter IX a Sections 410 - 432 leh Chapter XII a Sections 436 puahphuat ding kisam a om leh Pyidaungsu Hluttaw representatives 75% val (more than seventy-five percent) ten a thukimpih masak uh kisam hi. Tua khit ciangin gam bup a vote nei khempeuh in vote khiatna (nation-wide referendum) nei-in tua ah mipi a kimkhat val in puahphat dingin a thukim uh leh puahphatna kibawl pan bek ding ci hi.

A tunga Article 436 sunga provision ah 75 percent votes kisam hi ci ahih manin Hluttaw ah permanent seats 25% nei galkap
(Tatmadaw) ten veto power zangin upadi puahphuatna dal thei lai uh hi. Galkap ten a dal kei zongun gambup vote khiatna ah a kimkhat val ten Constitution puahphat ding a thukimpih loh uh phamawh lai ahih manin 2008 Constitution puahphatna i gen zalzal bangin a piang zo ding ahi zongin a piang vat ding hi nai lo a, hun sawtpi hong kidiah lai ding cihna hi.

Aung San Suu Kyi (ASSK) leh ruling party National League for Democracy (NLD) ten a laih nop uh pen 2008 Constitution a Chapter III a clauses 59(d) leh 59(f) hi ci-in NLD sources in pulak khin zo hi. Chapter III of the 2008 Constitution clause 59(d) in, "President in Union of Myanmar' political, administrative, economic leh military a mawhpuakna teng a theihpih (acquainted) ding hi cih tuang hi. Clause 59(f) in, "President dingin a nu leh pate (parents), a zi/pasal (spouse) khat zawzaw leh thukham leh a ngeina bang tawh kituakin a tate leh a pasal/zi in gamdangte thumang dingin kiciammna a neih loh ding (legitimate children or their spouses not owe allegiance to a foreign power) hi,” cih tuang hi. Hih clauses zangin galkap ten constitutional provision zangin ASSK in British professor Micheal Aris pasal in nei-in ta nih a neih manin president a let theihna ding khaktansak (blocked) hi.

ASSK leh NLD ngimna bulpi pen Tatmadaw ten veto Article 436 zangin Constitution puahphatna dalna ding a veto neih uh, ASSK in president a let theih lohna ding dalna Articles clauses 59(d) leh 59(f) provisions leh galkap ten security affairs poimawh mahmah thum: border, defense leh home ministries guan theihna ding thuneihna a neih uh beisakna dingin military-drafted 2008 Constitution puahphatna ding ngimna nei uh a, hih thu NLD source in zong gen khin zo hi.

Zolai gelh theih ta ci-a ut teng ban gelh a, upmawh thu a mot gengente gen na bang khin lo a, AASK in 2015 in general assembly elections ah gualzawhna lianpi a ngah hangin Hluttaw ah permanent seats 25% nei galkapte tawh thuneihna kitang (power sharing) in a ut bangin economy, defence, security leh development ah thuneihna kicing a neih zawh loh cimtakin 2020 khit ciangin thuneihna kician a neih theihna dingin ngimna tawh Article 436, Chapter III a clauses 59(d) leh 59(f) laih ding ngimna nei hi bek hi.

President power neusakna ding ngimna tawh constitutional amendment bawl dingin parliamentary committee kibawl khia hilo a, Tatmadaw (Military) veto power Article 436 khiamna ding leh Article 59(d) leh 59(f) manlang thei pen in liah a, AASK in president let theihna ding dalna phiat ding ngimna hi masa zaw hi. Constitution sim lopi upmawh teng deihkaih a ut teng gente hak gega in kikhemkhem sak a phattuamna ding om lo a, lung hong am sak lel ding hi. Humpinelkai kam sung sawksak leng baihlam zaw kha kai ding hi.

Galkap ten Article 436 zangin constitutional amendment bawl ding ngimna dal theihna ding "effective veto" a neih ban uh-ah constitutional amendment bawlna dingin 75% vote kisam hi lai hi. Upmawh thu gen zawh man leh parliamentary committee ah member khatin kihel khak kiau zawh manin i lametna teng ngah ding banga gengen zawh man khawng tawh 2008 Constitution laih a, khut lumlet bat sak zawh ziau ding hi dek suai lo hi.

2008 Constitution a Article 261 laih theihna dingin a procedures ah Pyidaungsu Hluttaw representatives 20 in laihna ding Bill a puaklut masak uh ciangin
Pyidaungsu Hluttaw in ngaihsutsak tham sa pan bek hi.

Article 261 laih theihna dingin i kipat theihna dingin Pyidaungsu Hluttaw member 20 en nei ta maw? Tua i neih khit a Pyidaungsu Hluttaw in a Bill hong thukimpih leh 25% votes nei galkapte (Tatmadaw) ten veto tawh hong dalsak leh vote bang zah tawh zawh sawm? Tua dingin parties MPs bang zah mobilisation leh lobbying bawl khin ta-in kua teng thuzawh khin ta ahih kei leh thuzawh ngap ihi hiam? Ruling government in President in Chief Minister guan theihna dingin Article 261 tawh power a neih kimlai ama'n bang hamphatna ngah a Article 261 laih ding hong thukimpih in piakhia (compromised and sacrificed) ngam takpi ding maw? Ruling party in a thuneihna uh neusakna dingin 2008 Constitution laih nuam dihdih masa ding maw?

Article 261 laih a, state in Chief Minister guan theihna dingin president thukimpihna kisam sese loin state representatives ten full power a neihna uh gam tam het lo ding a, om dingin zong uphuai lo phial hi. Article 261 laih/puahphat ding bel ruling party leh president power neusak ding ahih msnin galkapte leh USDP in deih ding hi. Ahih hangin
Myanmar general election, November 8, 2015 en leng House of Representatives ah 440 seats (galkapte reservation seats lakhia leng 330) om lakah majority ngahna dingin 221 seats kisam a, House of Nationalities ah seats 224 (galkapte reservation seats lakhia leng 168) om lakah majority ngahna dingin 113 seats kisam hi. Hih kiteelna ah NLD ten 67% tawh gualzawhna ngah in, Assembly of the Union ah seats 86 percent (House of Representatives = 235 seats leh House of Nationalities = 135) ngah uh ahih manin Article 435 ah Pyidaungsu Hluttaw representatives 20% in Constitutional amendment bawlna ding Bill a submit uh kul a, tua ciangin Pyidaungsu Hluttaw in ngaihsutsan thei pan hi ci ahih manin galkapte + USDP vs ruling NLD party ki hong kisiktuah ngekngek uh kul phot ding hi.

I ut ciangin minam ciamtehna nget ding, state nget ding, self-determination, autonomy, federalism leh district nget ding cih khat khit khat gen zelzul in khat beek i ngah ma-in i dikhawlsan hi. Suangtang khat tawh humpinelkai nih mat sawm i bsng thapai den lai hi.

I gam makai kici ten a gen zawh man uh, propaganda a gengente uh a piang ziauziau ding hi leh suahtakna (independence), minam ciamtehna, self-determination, autonomy, territorial council, federalism, district a kingah khit sawt mahmah ta ding a, helicopter tawh zawngtah a kilawhna 1980s lai hita ding hi. I ngah dinga kilawmte, i hamphatpih dinga kilawmte tawh buai masak zawk a, sakhi man lopi ngaltang tup den keei a mawknapi hi. Ei ngah ding leh hamphatpih dinga kilawmte buaipih huai zaw hi. Suangtang khat tawh humpinelkai luang nih i gawh lup sawm lai teng ei leh ei kikhemkhem ihi hi.

✍️ Thang Khan Lian #ZUNs